樂地的個人專頁

話說今日家姐遲左放工,搞到勁夜先食飯.係屋企附近兜左一陣,決定試下新野.呢度9時半後有20%off,又好似新裝修,無乜人,就上左去啦.開始睇menu既時候,發現勁少選擇.壽司款式少,熟食也少.最後叫左三文魚壽司x4碟,玉子,甜蝦,腐皮壽司,各1碟,加洲手卷&蕃茄沙律.先黎既係蕃茄沙律($25) 係一個大蕃茄切片,加少量椰菜和蟹籽個sauce係芝麻汁,但有少少washibi味.一見到唔係用蕃茄仔,我地就shock左,and食落去,又唔係好食.加洲手卷 ($12)真係唔好食,d飯係熱架!同明將無分別!d飯又散,個手卷又少toppings. 唔抵又唔好食三文魚($8),玉子($8),甜蝦($12),腐皮($8)壽司三文魚勁薄,又唔滑又唔鮮美,玉子都好薄,無甜美無口味甜蝦唔新鮮腐皮好難唔好食,但佢整得好難食,完全無味最重要係所有壽司飯都又散又稔又熱.食完之後,決定將呢度評為'一次過''真係試一次就夠!同樣既錢,我可以去買4個mcdonald餐最後2個人唔夠飽,去m記食多左麥樂雞餐 -- …查看更多

最初，台式茶飲店只有輕鬆飲和happy lemon，但隨著這兩家店大受歡迎，就引起了一窩蜂700ml茶飲店的開設。當然，有更多競爭才會有進步。可惜，不少茶店都是敷衍了事，真的有用心做的卻是少之又少。所在這個暑假中，我就嘗試到不同的茶飲店，發掘出比較好的幾間，介紹給大家。而行程中的第一站的當然是我居住的深水步。以深水步為例，短短地鐵站口的兩條街道就已經有三間茶飲店。新天地是最受歡迎的一家，初開業的時候，我還覺得是不錯的，頗有茶香味珍珠也很ｑ。只是人怕出名豬怕肥，當顧客多了，就開始重質不重量，甜味假而且珍珠軟膩膩的。現在即使減價促銷，我也不會再買。幸而，在這充斥濫竽充數的茶飲店的市場，尚有用心經營的舞茶道。（不是在賣廣告的！）算是半個熟客的我飲過不少類型的茶，以下是我的小小推介：１）抹茶紅豆冰沙($15)如果有飲開starbucks 的greentea frapa. 就一定會喜歡這個。本身抹茶沙冰已經好飲，再配上紅豆和鮮cream，絕對會透心涼。而且相比起starbuck，呢度d冰磨得更碎更滑，價錢也更便宜，是我的必飲之選。２）冰鎮冬瓜茶 （$12)冬瓜茶不像涼茶，但就有回甘的味道，甜味自然。但可能比較寒涼，買杯小size的會好！３）冰鎮冬瓜茶（$12)絕對有綠茶香味，無左平時果種人工的感覺，不過要少甜/少蜂蜜。就如上一篇食評的食家所講，他們之所以能夠保持每一杯飲品的質素, 秘訣就是親自試飲。調茶的人會在最後落杯比客人之前同一個小杯子倒一點先自行小嘗。看似不衛生的舉動（應該在暗角比較好，不要被客人誤會），卻隱藏著最基本對客人對食物的尊重。在經濟學中，大規模生產的初期的確有經濟利益，但一過份生產卻會有弊處。希望舞茶道能在大規模生產的同時，依然能保持質素，不要步上別家失敗的後塵。…查看更多

星期六的早上還要回校做事.. 方便上車速食早餐.. 簡簡單單在坤記買了個紅豆糕食..小小一杯仔盛惠$7, 比以前更貴更少.. 若做得有水準的也值..可惜這間老鋪實在令人失望.. 食物講求色香味俱全..這杯紅豆糕外貌不討好.. 泥紅色的也不有滿滿紅豆粒餡..加上老闊是徒手把鋁杯放進膠袋.. 未食就先扣分..而我是早上7點半左右買的, 紅豆糕可能不是早上新鮮製造的..就似是放了很久很久.. 凍冰冰之餘也沒有紅豆香.. 令人失望至於味道算不上是一流, 最初入口咀嚼時.. 紅豆味不突出.. 而糕身質地太軟.. 不過食到一半果間.. 糕身才有一些紅豆粒..紅豆粒都煮得剛剛好,不會太甜.. 滿以後是先苦後甜.. 可是食到最後.. 卻如沒結局的故事一樣..齒間卻不留一分紅豆的甜美.. 老實說. 自己在深水埗長大. 也見證住歷史的變遷(雖然只是短短的十多年)..食物的不濟.. 價格不斷上升.. 份量卻不斷減少..都可以看得在坤記沒在用心經營.. 這老鋪雖然是我成長回憶的一部份.. 但很快就可能俾其他事從新取代…查看更多

除夕晚食的居然拖到現在才寫.. 真係好懶呀臨睇戲前買左個包充下肚..淨買一個mos burger ($20)..肉扒夠厚肉汁也很juicy.. 不過煎時放太多油..令包裝紙上印有不油.. 另外蕃茄好大塊..酸酸甜甜好開胃.. 至於麵包唔係好熱又太腍(太多油maybe).. 我還是喜較比較硬身的m記包.. 冇甘'腍又多d口感呀嘛..其實俾得起呢個價錢.. 就會expect more than 麥當當..但似乎呢間野唔係好m記好多.. 也唔值得我去專登食…查看更多

牛年前夕自然要食好d過番個肥年啦..今日同家人去左呢度食lunch buffet..首先說環境:可能係舉辦緊family gathering..又可能係舉辦緊公司聚集 人有七成滿但聲有十成嘈樓底頗矮也沒有街景看 加上幾迫既卡位我食得都唔係好舒服其次說服務:基本上收碟同埋refill都幾快手岩岩食完一碟就有waitress/waiter黎執啦不過太快會令我覺得好唔relax呀而d廚師都幾nice由其係整pancake果位我叫佢超多料勁少cream 又要加呢樣加果樣佢依然好好笑容 仲推介我食banana wif cream 添:)最後才說食物吧..總括黎講呢度d食物都幾好雖然唔係名貴材料 但都整得唔錯甜品款式幾多(岩哂我呢d嚐甜怪獸) 而冷盤熱葷就相對失色 但以呢個價錢都算幾抵啦簡單介紹下d野食啦:冷盤: 超大盤厚身三文魚任你食, d三文魚冇咩雪味都幾新鮮軍艦壽司數款, 較特別是有櫻花卷, d櫻花鬆甜甜地幾好食煙三文魚火腿鴨胸薯仔沙津水果沙律生菜玉米紅腰豆加4款sauce任你揀比較好食係煙三文魚, 唔會太咸又keep到d三文魚鮮味熱葷: 鐵板燒有大蝦,雞翼,雞豬扒,餃子,天婦羅.. 大蝦最好食夠咩鮮甜counter仲有即煮粉麵,烘包同埋燻羊腿肉片.. 我冇試到但好多人排仲有炒飯麵,糖醋三寶,白汁焗時蔬,牛油焗薯,咖喱雞,葡汁青口,蜜汁燒三文魚扒,蒜容節瓜冬菇,煎芋頭糕等.. 我不嬲麻麻地鍾意食咸野, 所以全部都食少少試過就算啦但我覺得最好既係蜜汁燒三文魚扒同牛油焗薯.. 兩個夠熱味道又唔會太咸特別係三文魚扒, 好食到我食左成度手板甘大塊..而最難食就係咖喱雞同葡汁青口, 兩個都幾辣下.. 仲要有怪味我真係未試過食一啖就停..甜品: counter 有即製既pancake, 雪糕同埋豆腐花拎.. 我食左件strawberry+雜果+mango+banana cream+ cream+朱古力醬同埋草莓jam極大份量pancake .. 幾好食! cream唔會太膩d水果又夠甜 , 係全場必試.雪糕係薄荷同choco味, 但choco味好正, 一下就幹了兩球.至於甜品區有d賀年糕點(角仔,桂花糕,馬蹄糕,年糕) 馬蹄糕好味到令我連食三件 = =仲有d一杯杯的的滴滴既甜品(奇異果布丁,mango布丁,choco mousse,草莓布丁)choco mousse超好食(再加choco醬) 三兩下就清碟, 味道夠light d cream 又夠smooth仲有不停換款既大蛋糕有carrot, black forest, cream fruit, tiramisu, 虎皮cheese, mango mousse, chcco mousse, choco nuts, chestnut cake, mango cream 等等 , 令我不能自控, 食下食下食下就成8件cake ... 真癲tiramisu同黑森林係最好食, 個朱古力蛋糕底整得好好, 唔會過甜但又有朱古力味最唔好食係虎皮cheese同choco nut , 味道怪怪地 好唔match..另外仲有choco cream puff, fruit tat , banana pastry roll, jelly 同幾種生果..choco cream puff, fruit tat , banana pastry roll都整得出乎意料的好fruit tart食了三個 puff食了兩個 ... jelly 同水果就唔食都罷 .. 唔新鮮又唔甜.. 失敗同場有coffee tea milk and lemon提供 自己沖得好開心-)如果想平平地又食得好飽, 呢度都係個ok既choice…查看更多

平時買開呢度d cookies覺得幾好食, 就專登去買半打cake做下午茶,不過食完一次試過下就算啦,因為呢度d蛋糕認真麻麻1) 棉花糖朱古力mousse cake 外面係用黑古力包住, 黑古力幾smooth唔會太甜, 而裡面幾有層次, 有一層濃d既choco mousse, 一層冇甘濃choco mousse, 一層朱古力蛋糕, 最底仲有cookie餅底, 不過層次太多,搞到我有d吃不消, 太膩之餘也吃不到朱古力mousse軟滑的口感. 值得一讚的是餅面的棉花糖, 因為有d白朱古力包住(好似朱古力噴泉既感覺), 所以有外脆內軟既口感2) 木糠乳酪mousse cake木糠布甸一向係我最愛之一, 沒想到忌廉轉左做乳酪, 味道會相差甘多. 乳酪的口感一向是清新而略酸冇咩甜味, 呢個mousse cake我估係著重輕新纖宜既味道, 所以甜味嚴重不足(我個人嚐甜!), 而且木糠份量也不夠, 令成件cake淡如水, 幸好mousse餡內有水果粒, 提高了甜度, 否則我一定食唔完3)Mango Mousse cake呢個cake面係用一層mango pudding, 仲要係羅xx牌味, 毫無誠意, 而mousse餡內僅有一粒果肉, mango味道可想而知, 不過cookie餅底同海棉蛋糕都唔錯, 所以呢件cake都岩岩合格勉強過關啦4)blueberry cheese cake呢度係baked cheese cake, 所以口感好rich好smooth, cream cheese入口唔會太濃味反而會留有餘香, 幾好食. 可惜原粒blueberry不多, 以果jam為多, 扣掉少許分數5) American Cheese cake其實呢件同blueberry cheese cake分別只在於餅面的一層blueberry jam和餅底的海棉蛋糕, 但相比之下, 我個人比較好呢味, 多左一層蛋糕可以減輕下d罪惡感嘛6)Strawberry chocolate Mousse Cakecake面層pudding都係用羅xx牌味既jelly粉做, 不過strawberry更加fresh, 而且驚喜在於mousse內竟有少量流心既朱古力醬, 仲要有choco蛋糕做底, 除左有生果既鮮甜更加有朱古力既醇香,大大分件cake加分*service : 店員唔帶手套唔用clamp就拎件蛋糕出黎, 雖然有托底, 但衛生真係一般啦…查看更多

呢間日本餐廳裝修好華麗下, 不過餐牌大眾化選擇多, 我同家姐諗左好耐先落到單。我地叫左呢d野食:三文魚壽司 - 好肥美, 又好滑 encore左!腐皮壽司 - 近期最愛, 呢度汁多有水準!玉子壽司 - 新鮮, 夠甜蟹柳壽司 - 爽爽地，幾清甜加州卷 - 卷上d汁夠rich,令人回味蟹子沙律 - 相對失色, 但都唔錯海鮮忌廉餅 - 好好食, 唔油膩但d cheese好rich牛肉石頭窩飯 - 足量,牛夠肥,汁又味,幾好海鮮沙律卷 - 油炸,普普通通,但好欣賞伴碟既sauce野飲 - 唔記得咩名,但好普通呢間餐廳都真係拍得住出面好多好日本料理.不過服務認真要改善下…查看更多

老朋友生日，就和姐姐三人到朗豪坊食生日飯而之前食過呢間西餐廳, 又覺不錯見佢最近翻新咗又去食吓, 三人叫了一個二人餐和一客炸薯條炸薯條: 香口而不油膩，啖啖薯味，簡單點上茄汁便已很好食二人餐主菜是自選的, 我們選了﹕蘿宋湯+青豆湯各一 : 兩者都是普通，青豆湯只是白湯加青豆而已，無青豆味可言，蘿宋湯料少但味道ok蒜蓉包 :很脆口，但蒜香味不夠沙律:份量太少，一小碗而已，但味道不錯白汁海鮮天使面 料好多，三隻青口同一大堆雜食，汁同麵就唔錯，不過食到味會唔夠汁牛油帶子加煎牛扒份量少，但真係好好食，汁既味道好rich，直情可以拎去送飯黑森林蛋糕我自家製的更好食更足料餐飲 - 汽水x2…查看更多

在金鐘辦完事回來，就到了朗豪坊逛逛。不消一會，肚子又開始餓了，買了一個香草朱古力雪糕加草莓加忌廉夾餅($28) 夾餅是即叫即做，熱辣辣的，也還能做到香香軟軟的，美味！雪糕又香又滑，帶一些朱古力片，食到了人生最好吃的香莘蛋糕，肚長胖兩吋也沒關係。忌廉，不膩又不會太甜，是令到成件夾餅錦上添花的配料。最值得讚的是那位年輕sale姐姐，一個人獨力看店，還得顧上所有人的需要，看得上她是有心服務的！28蚊，不貴，相比麻布茶房，這一味更好吃過原裝正版而言。…查看更多

前晚太累，沒食什麼就睡了。隔天起床，餓得要命，就到附近食早餐。叫了火腿通粉+牛油多士+炒蛋套餐和牛奶麥皮+火腿煎蛋+牛油多士套餐。食物是和茶餐廳質素差不多，但也不是味精湯底，而多士就烘得香很熱，吞下數塊也沒問題，不過牛奶麥皮味道太淡，不合我的口味。而餐飲就叫了熱華田和熱奶茶，暖暖的很正。不過份量可能太少了吧，食完之後我也不飽。…查看更多

即使是深水埗原居民，面對十萬人潮，還是要早點起床逼入電腦節。為方便佔據有利位置，星期六９點未到就要落街食早餐。叫了火腿通粉+牛油方包+西煎雙蛋套餐和雪菜肉絲米粉+火腿奄列+牛油方包套餐。食物是中下茶餐廳質素，味精湯底，超油炒蛋，丁點牛油。而餐飲就叫了熱華田，沖得都可以。不過，不知是我大食還是什麼，食完之後也不飽，份量可能太少了吧`…查看更多

臨近聖誕，各大護膚品牌連忙促銷，推出各式套裝，但各花有各香，當所有香味集在一起時，那香味就令我不敢苟同了。口一乾起上來，就當然要吃杯雪糕爽一下。選了芒果和雪呢拿阿達加斯加(好像是)雙球連筒，３３大元，不貴！先說芒果，味道算是清新，但酷似許留山，不過也可以接受。雪呢拿是令人心動的一味兒，Ｇｅｌａｔｏ入口香滑，略帶甜味，雖是簡單，但足以令人心動！不過ｗａｆｆｌｅ　ｃｏｎｅ不脆也不香，我寧願選ｍ記的了。收銀阿姐服務不太好，欠缺臉部表情之餘，動作和聲音也一概冷，更像杯薄荷雪糕般令人心涼。…查看更多

:)前一排係我既生日，但因為同Test Week相撞，所以就延遲左成兩個禮拜先去補食生日飯，本來係想去其他酒店食，但好多都Full Booking，唯有退而求其次去佐敦龍堡食。本身都唔抱太大期望去，但去到食下食下又發覺唔錯啵。除左環境舒適，富悠閒感覺外，食物選擇方面也不錯(當然不能與大酒店相比)。冷盤: 有五款已預先撈好既沙律，全部都好好食又唔肥太Heavy。特別鍾意一款日式醬汁醃漬物，好食到暈！也有日式冷麵同中華沙律，味道較淡！另外有簡單的材料和沙律醬汁俾你自己調製，材料都好新鮮！刺身/壽司: 刺身有三文魚，吞拿魚，魷魚和立魚。Refill 得又快又多，而且全部都好肥美新鮮又唔腥口，幾正！壽司係用膠袋包住，有熟蝦，蟹子蝦子，吞拿魚沙律等軍艦壽司。不過無我心愛既腐皮同玉子壽司，都相對失色啦！麵包: 三款麵包以小型保暖箱裝住，只試了蘑菇Pizza，可惜味道普通。熱盤: 熱盤選擇唔錯，有即做粉麵，雜肉批，咸煎堆，炒菜，臘味飯，焗薯，龍利柳等。雖是一般菜色，但味道都做到水準以上。而湯也有白湯和中湯，但卻帶油膩。甜品: 款式出預期的多，而且全部都幾好食(可能係嗜甜的我什麼都覺好食掛?!)我''淺嚐''了十多款甜品，但都沒有試完全部。除了肚氣不爭氣以外，Refiil時推出的新甜品也令愈飽足十三成的我無法作戰下去。選以數款較特別的來評，第一是綠茶慕絲杯，味道很清新口感也很豐富，和慕絲面上的草莓醬好夾。第二是麵包布甸，安哥了三次，真係好好食。口感Rich得黎又唔會太滯，而且香氣十足。不過一定要熱烘烘的才好食，一但凍左就會變到好油。第三係Tiramisu，酒味和咖啡味嚴重不足，但Mascarpone就打得好滑，好有芝味，加埋個好輕身既海綿蛋糕底，確實唔錯。第四係青蘋果果凍，呢道果凍out-looking好掂，係玫瑰花型架！內裡清新的青蘋果甜味加上果凍爽既口感，十分正！最後係蕃薯糖水，蕃薯好甜好潤，糖水薑味十足又唔會太甜，徐徐流入口出，超幸福！同場加映雀巢杯裝雲呢嗱，朱古力同紅豆雪糕任你食同蘋果汁西柚汁橙汁檸茶咖啡奶茶任你飲！環境: 因為樓底高夠光猛，今日又冇咩人，所以好有假日悠閒既感覺！服務: 呢度侍應好抵讚！快快爽手幫你收碟之餘，見我地係度影相，又會主動問我地使唔使幫忙。D廚師又會係甘行黎行去，係到睇d野食夠唔夠。個個都唔會黑口黑面，態度好過大牌酒店果D多多聲!雖然呢度唔係酒店星級水準，但就有鄰家既感覺。以呢個價錢，會有番食既空間＝〕…查看更多

放學來個下午茶已成為小妹的習慣.. 而天氣轉涼以後更是對熱烘烘的中式糖水有一份眷戀..而有家住深水埗之利的樂地，就最常到綠林甜品嚐甜一番.. 麥米粥材料頗豐富，有淡淡的香氣，口感較新式甜品清新特別，而且甜味不重，值得一試 涼粉帶有一點的涼粉草的味，雖不見特別，但比罐頭涼粉好多了南瓜馬蹄露馬蹄和南瓜味道本甜，但放在一起卻相得益彰，有種說不出的甜美豆腐布甸豆香清新，味道雖不濃，但感覺清新，而且口感特別，值得一試秋季才有的粟子粒露，我還未嘗過呢！還是把它擱在明天下午茶一欄吧！…查看更多

今日放學拎coupon去美心羅兩件西餅..甘我見平時買三件西餅多個盒..就自掏腰包買左件tiramisu tart ($10)..諗住要個餅盒方便d拎啦..我order果陣因為cake前面冇name card..於是就用我唔多掂既形容詞同埋指手劃腳甘俾order點知佢勁囂甘同我講呢件唔係咩一攤攤, 係叫tiramisu呀..而呢件, 呢件就叫黑森林呀....佢個樣真係當我係大陸人唔識野勁串囉咩事我自己平時都整開cake添啦.. 大姐你真係當我傻架咩..之後佢仲好野.. 用兩個膠袋分開裝住d西餅..仲要有一件係倒轉左入袋囉..我登美心老闆同宣傳部門唔抵..年年用甘多錢做promotion去搞好個friendly neighbourly 既形象 .. 就甘就俾一個小小既sale破壞..真係千年道行一朝喪!…查看更多