hkgkarfu's Profile

這次係第2次去食，但未食已成肚火！等位係預左，但員工態度完全不能接受！第一次食時已見到有一家人都因為按排入座同員工有火藥味，但今次真係上演了。一行8人由5：53pm到場攞位，等到7：30被按排非圓枱，因有家人正日生日所以再等圓枱，當6點首輪，入座計90分鐘，7：30第2輪入座正常。同員工講想等圓枱，員工話未必有呀，點知等到8點話有枱但係比張6人枱再係頭尾加2張椅，我地堅持叫佢加多張2人枱因隔離枱已埋單，完全可以夾埋比我地，員工仲話有好多4人枱客等緊，仲要轉頭話我地白痴。咁既服務真係請我都唔會去食囉！ …Read More

Dinner Set 由湯,頭盤主菜到甜品都非常好！擺盤都好有心思！湯- 磨菇湯夠熱香濃頭盤沙律菜新鮮Tuna美味主菜1-春雞去埋中間大骨，連雞胸都好juicy,仲要係一隻春雞主菜2-比目魚好滑份量好足夠主業2-帶子軟殼蟹意粉正常甜品-焦糖燉奶好滑好食…Read More

沙田既餐廳都食到悶悶地，見到呢間新野就試一試。食物一般，服務一般，但CP值不高。1. 60分鐘（想學壽司郎）2. 定價大部份都高過元氣/板長4. 2人安排張枱太細，叫完第一輪已經無位放野食，要一路叫姐姐來收野3. 未到60分鐘已來問2次齊食物未，因為宜家用安心出行所以一睇就知五十幾分啫，唔使咁趕呀！推介-茶碗蛋，油甘魚，紅蝦午餐2人落樓連加一就接近$300，呢知價位用餐60分鐘，係沙田真係可以有更多更好選擇！…Read More

見U lifestyle2022年1月有篇報導寫杏仁茶就用稀有糖做就尋日同朋友一心想去食，因為朋友有糖尿病所以普通糖水唔食得。去到一問之下只有最貴既燉燕窩係稀有糖去煮，有點失望！最後我同幾個朋友叫左杏仁茶（$49）同杏仁茶燉蛋白（$55），杏仁茶正常但唔夠滑，杏仁茶燉蛋白，蛋白係凍。真心建議店主考慮可以推出稀有糖杏仁茶，可以定價高少少，相信都會好受歡迎！…Read More

尋日一行13人本想去明星食,不過因落雨關係就係屋苑樓下食. 叫左個12人套餐再加$300轉條東星斑. 野食已唔係好得,再加上服務態度超唔掂.佢都有安排左1個同事跟我地張枱.重頭戲係條加$300而又蒸左3次既東星斑度.第一次上左條魚,再淋豉油,連佢自己既同事都叉唔開d 魚肉,跟住佢又攞反去"反蒸",第二次上條魚,再淋豉油.條魚仲有血水,我地同佢講d魚唔熟,叫你部長/經理來,佢又攞反去"三蒸",第三次上條魚,再淋豉油.一條好好地既東星斑比佢個廚師"三蒸+淋3次豉油都仲可以比客人食,亦唔需要同客人交代,d經理就要叫幾次都唔行過來. 最後都有一位部長/經理來左,我地要求佢換過條魚比我地, 佢話無問題不過要比15-20分鐘比佢地,一句唔好意思都無,我都唔知佢地係做customer services. 我唔會再去呢間去食. 套餐 (around $2000 + 10%):-燒味拼盤-明蝦沙律卷-蝦球e面-竹生草菇白菜仔-西芹帶子花枝片-翅-東星斑 (另+$300)-炸雞-炒飯-西瓜-糖水- beers / softdrink…Read More