christinac01223's Profile

明明門口 勁大個poster寫住逢星期五 任何兩款霸王杯 $68結果入去嗌 個男店員收我$88我問佢 唔係有優惠咩？佢先俾返優惠價我 唔好意思都冇一聲。之後男店員B 整完一杯之後同我講 攞得啦。我話下 我兩杯喎咁佢先整埋另一杯本身我自己有帶袋裝 佢話幫我袋然後佢問我有冇俾膠袋錢😂佢講呢句 真係九唔搭八我又下 我自己帶架喎 冇嘢呀？平時我都成日飲 個女店員正常嘅 幾nice嗰兩個後生仔 就真係九唔搭八 唔知瞓醒未😑唔知佢暑期工定咩啦以後唔會再飲…Read More

真係超抵食‼️估唔到而家仲會有$35.1個飯有飯同埋其他麵食可以揀 問過職員 都有四款選擇仲要跟埋湯同嘢飲 湯仲有中西湯可以選擇雖然只可以揀熱飲 有中國茶、檸茶檸水但係呢個價錢嚟講 真係算幾好個份量都好足夠 一般人嚟講絕對夠飽唔知幾點開始供應 🤔我見有時朝早10:30已經開始有 有啲比較晏返工嘅人 真係可以當係brunch真係附近上班族、街坊嘅恩物 👍👍另外 佢嘅沙律都相當唔錯 $30以下嘅價錢有雞扒 沙律菜嘅份量都好足真係值得推介👍…Read More

因為喺附近返工 覺得呢間茶餐廳啲嘢平得來又幾大份 所以間唔中都會食。其實啲嘢食就不過不失 正正常常咁樣 真係貪佢大份 價錢又平。只不過 有一個阿姐啲態度就真係好差 🤷🏻‍♀️次次都好似得罪咗佢咁 叫佢落單又唔應。跟住埋單企喺度等佢好耐 走到埋尼講一句 唔使找，就唔好企喺度啦😡雖然我都明 茶餐廳就唔好要求有咩服務 但係都唔使咁樣掛。我自問一定唔係冇禮貌嗰種 所以都唔明點解會咁下次都係唔好食 費事俾錢買難受。有時都明嘅可能好多客 忙得滯 所以心情唔好。但係你都唔使下下呼呼喝喝啲客呀嘛。…Read More

由中學時期已經開始幫襯 一直都好鐘意食佢地個常餐。以前中學食 啲店員嘅服務態度都冇乜嘢。但最近兩次食 店員態度都好差 又黑面 放低嘢食嗰時又大大力丟喺度。雖然幾十蚊嘢 唔可以要求有咩服務。但都唔洗咁啊 真係令人唔想再食…Read More