interment的個人專頁

朋友推介，一間裝修充滿青春氣息嘅車仔麵店。✨牛舌芯，豬大腸，魚肉春卷，辣汁中辣，米粉叫左3款餸，3款配料都好味，第一次見車仔麵店有牛舌，口感爽口彈牙，呢個餸推介，米粉掛湯都OK。呢度好多學生黎食，檯面有評價紙同筆，隨客人喜歡，可以自己畫低/寫低想要表達嘅野，真係高手在民間，好多arts人，基本上成間舖嘅牆都貼滿紙，呢度只係其中一個角落⋯⋯⋯⋯⋯P.S. 何車名字取音自合晒合尺，意思指啱心水，啱心意。…查看更多

好耐無係香港食拉麵啦🍜今日經過見到條隊長到咁，正想放棄之際，聽到職員出黎叫位：有無一位？最令我估唔到嘅係，咁長條隊，係無一位嘅😂，我咪舉手話我係一位🙋，職員話我真係幸運，一黎就即刻有得食，我都唔太敢同排緊隊嘅人對望。坐低，叫左個雞白湯特製拉麵，先試湯底，真係幾濃郁，可以飲曬，可惜面質對我黎講算粗同埋硬。開頭誤會左係另外一間雞白湯拉麵，純粹個人認為，另外一間日本雞Soba座銀，絕對完勝呢間米芝蓮，不論係雞湯底同埋即場火炙嘅牛壽司都好食過呢間。…查看更多

呢間聽就聽得多，今次第一次黎試。本身無咩期待，轉左放題，價錢又咁平，驚伏伏地，叫左最貴個set，點知食完又OK，膠原蛋白鍋真係有唔少瑤柱粒係裡面，湯底味道都係濃，澳洲M6+和牛，美國安格斯封面柳，美國prime牛下肩胛同埋美國安格斯牛三角，呢幾款之中，下肩胛最好食。火鍋配料有曬我中意食嘅牛百葉，牛舌，鵝腸，皇帝菜，連毛肚都有，最屈機係可以自己任倒嘅煉奶炸饅頭，饅頭仲係熱同脆。…查看更多

深水埗一人食咩好系列 譚仔三哥下午茶，簡直係抗通脹，窮人恩物，每日下午1430 到 1700，有下午茶，除左有平時見唔到撈油麵，炸醬午餐肉飯蒜泥白肉撈飯之外，仲有薯粉。 但我最中意都係： 2餸米線(腩肉，雞肉)+土匪雞翼+香草雞翼+熱檸檬水，咁都係$43蚊，另外自己再斟多2杯熱水，如果杯檸水飲曬，就再將熱水倒返落去杯檸水度，變相又可以飲多2杯。 任選兩款小食個度，雖然有蒜泥白肉，不過太油，最抵食梗係選兩款雞翼😂P.S. 呢期優惠用會員app再減多$5…查看更多

又一間牛舌控必試。✨極味厚切牛舌定食(附牛舌咖喱)✨牛肉壽喜鍋御膳✨鹿兒島薩摩赤雞腎✨海鹽燒白鱔又一間牛舌專門店，今次主打仙台牛舌，口感軟嫩有嚼勁，每舊牛舌嘅火候都控制得好平均，外層金黃焦脆，內裡juicy爽口。牛肉鍋雖然賣相一般般，但份量好鬼足，勁多牛肉，睇湯底顏色以為唔夠甜，飲起上來原來好壽喜燒，白鱔串燒都出色，翻兜左兩轉，好少地方會燒白鱔燒得好。呢間比起深水埗個間火候控制得更好，口感更平均。仙台牛舌，推介👍…查看更多

牛氣火鍋放題，三文魚，海鮮，高質和牛任食，仲有一堆熟食，包括關東煮🍢同埋茶碗蒸。之前一直去開TST分店，呢間分店算full，第一次見門口要等位，不過服務員都無太催我地交檯，捧住個肚走，好滿足。又估唔到希慎分店又幾光猛，乾淨同夠寬落。熟食嘅選擇，嘢飲嘅種類都比另外一間分店多，做埋會員仲可以即刻用個優惠，送左碟九州產黑毛和牛，壽喜燒湯底世一，最夾和牛，淥咩都咁好食，如果唔夠甜仲可以叫店員幫你加糖，雖然係邪惡啲，但壽司燒梗係甜甜地先好食。…查看更多

開頭係門口猶豫左一陣入唔入去食好，見連加一$230，驚唔抵食，但一場黎到，咪入去試下。結果送上台個刻，極震撼，有諗過係大條，但未至於咁拿大條😂，鰻魚需要用格外嘅碟來托住，上半身肉厚，下半邊焦香味出啲，同埋脆脆地。掀開條鰻魚，飯面度仲有一大舊厚切玉子托起條鰻魚，跟餐仲有鰻魚肝湯同汽水，呢個價錢反而係超級抵食。本身都係屬於戰鬥力高嘅人，好少會食剩嘢，呢個set一條友真係食唔曬，飽到一個點，小弟唔覺得腥，連骨都食埋。推介👍…查看更多

燒肉時🥩，發出的「滋滋」聲，都幾治癒。台灣人氣單人式燒肉霸主「燒肉 Smile」，今日開業第一日，好彩之前bookmark左，埋單有5 折優惠，剩係限今日。牛肉盛盒套餐：✨無骨牛小排✨Prime板腱牛✨封門柳✨牛肋間條✨牛舌✨蔥花玉子飯✨元祖人蔘雞湯✨黑糖白玉奶酪✨冬瓜檸檬茶肉類幾高質，厚切牛舌爽口彈牙，其他部位都好嫩，有濃郁牛味，燒左之後鎖住左裡面嘅肉汁，雖然係自己燒，同埋網都好似唔會換，一人燒肉來講，半價真係好抵食，但原價比起其他競爭對手就有啲貴了，野菜冷盤度選擇都幾多下，同埋都醃製得幾好味，希望挨得住，我見無老鍋都仲生存到。P.S. 店員大部分都係台灣人…查看更多

帶你進入二次元世界。同朋友係駱克道體育館打完羽毛球，知道附近有間打卡cafe，於是就過來醫肚了，成夜晚9點，仲係全場坐滿人，樓上舖算係咁。開頭以為呢啲打卡cafe通常都真係for打卡用，對食物無咩期待，估唔到呢間嘢嘅食物質素又OK，特別係甜品，出色過熟食。✨京式烤鴨薄餅✨泰式燒鹹豬手✨蜜味沙嗲醬雞肉串燒✨富士芝櫻祭 - 丸久小山園抹茶Tiramisu✨夢 - 森の家✨熱蘋果金寶咁橋坐低見到隔離檯話個pizza唔脆，店員轉頭成個pizza換左比佢地👍，甜品方面一致推介比較少人嗌嘅’Hot Apple Crumble’。…查看更多

帶你進入一千零一夜世界。一間性價比高，有驚喜，味道唔錯，又打卡able嘅餐廳🍴✨脆皮豬手配阿根廷奇米丘里青醬（豬手份量好足，皮脆肉嫩）✨脆炸魷魚鬚（炸粉非常少，魷魚口感彈牙）✨Burial Rites（可以添飲）✨Melonade（似蜜瓜奶）服務員Alice非常service-minded，一千零一夜上台後，等我地ready相機先開始，其次將生日蠟燭轉左做仙女棒，後來隔離台來左一群客人，佢驚我地太有壓迫感同侷促，建議我地調台，之後仲因為調台原因免費提供左兩杯嘢比我地，服務態度好專業👍推介呢間餐廳🍴…查看更多

店舖嘅名字Humain是由Human + Umai組成，一間主打homemade甜品嘅cafe。食物一般般，唔會好突出，正正常常，但店員服務很好。店鋪有好多打卡嘅位置，唔同角度都有唔同效果，佈置用心。深水埗真係越來越多cafe☕️…查看更多

一段時間無來lu，朋友們聚會，最後來呢度，menu upgrade左之餘，質素仲好左，連係外面拎嘅麻辣魚皮同雞腎小食都有驚喜。厚切鵝肝，池魚王薄切，鮑魚，乳鴿，爆鱔球，羊架，蒜蓉扇貝，生蠔，比目魚⋯通通任食，唔洗就住就住，食得好放😋嘢飲方面，清酒，燒酒，啤酒，梅酒又係任飲⋯⋯仲有我好中意嘅熱維他奶飲👍雪糕方面，除左有本地品牌，歐洲品牌，韓國品牌，當然haagen dazs都係任食，但本人不太好甜品，所以無影😂P.S. 所有相片都係原圖直出，無修圖，人均$361。…查看更多

牛舌控必試！小弟真係好中意食牛舌，有牛舌嘅地方我都會去試。呢間經朋友介紹，佢屋企附近新開左間一人燒肉，重點係有牛舌放題！只要食任何一個套餐(我同兩個fd選左最平個2個set，因為要留戰鬥力😤)，再加$98，就可以任食薄切牛舌+厚切牛舌芯，兩條友食左76條牛舌，大滿足😂店員服務好好同專業，全程笑容無黑面，推介👍…查看更多

開張第二日，比想像中等得快，1147排，1223入。✨$12 - 香辣京蔥絲烤三文魚腩✨$12 - 炙燒仿皇帝蟹柳✨$12 - 炙燒鹽味柚子鰈魚裙邊✨$12 - 炙燒焦糖芝士沙律醬扇貝✨$12 - 明太子沙律醬鹽味豬五花✨$17 - 炙燒鹽味檸檬大切三文魚腩✨$17 - 炙燒藍鰭吞拿魚中拖羅✨$17 - 炙燒鰻魚✨$17 - 炙燒赤鯥✨$17 - 大切生三文魚✨$17 - 炙燒鹽味檸檬Wagyu烤牛肉✨$22 - 炙燒特選藍鰭吞拿魚大拖羅✨$22 - 炙燒明太子沙律醬北海道生帆立貝✨$29 - 朱古力芭菲款式都多選擇，係同價錢之下，呢間有啲會比壽司郎多一件，但得一件個啲，壽司郎又會大件啲，不過呢間嘢飲同拉麵選擇多過壽司郎，整體來講，三文魚腩，鰈魚，甜品比較遜色。如果喜歡海膽同抹茶，記得先點左海膽軍艦同抹茶芭菲先，因為1300前呢兩樣嘢已經售罄。P.S. 可能因為新開張，記得睇清楚輸送帶來嘅同你點嘅係咪一樣，試過來左碟唔係我嘅，同埋碟數，點2碟，可能送得1碟，但會寫‘已上菜‘。…查看更多

不限時間，坐到收鋪，質素keep到之餘，仲高質左，新店地方大，乾淨，坐得寬落，每樣海鮮都好大件，好新鮮，無沙，好鮮甜🤤✨小食->刺身->麻辣雞煲->飲湯(老火花膠雞)->打邊爐✨任食花蟹，貴妃蚌，沙白，花甲，鮑魚，珊瑚蚌，生蠔，蟮片，蝦。✨任飲白酒，紅酒，清酒，特飲✨無限時間(預先預約)記得預訂特選湯底(免費)同留埋雪燕燉椰皇($25)。翻兜之選，溫馨提示，戰鬥力高先好來，要有策略地食，同fd吹下水，慢慢食，慢慢歎。😂…查看更多