wonderfulbabi's Profile

成日都經過呢間餐廳，覺得幾特別～有陣時會喺佢個超市買嘢，但係就未入過去用餐～ 原來Indoor &outdoor都有位～Outdoor成個小花園咁～望住海邊黃昏景用餐真係好舒服，估唔到一啲都唔熱～🥩🦐 海陸組合盛宴穀飼澳洲牛扒、烤虎蝦、焗薯仔配阿根廷香草醬牛扒外焦內嫩，配上鮮甜彈牙的虎蝦，海陸交融，層次分明。焗薯仔有浸咸香，超好味～逢星期二仲會有T-Bone 半價優惠～🦞 法式龍蝦湯用龍蝦肉熬製的法式濃湯，淋上調味奶油，濃郁鮮香，入口滑順。仲有粒粒龍蝦肉，奶油的加入令口感更豐潤，帶出法式料理的典雅與層次～🎃 南瓜意大利飯配腰果、鼠尾草和藍芝士香甜南瓜融入米粒，軟硬適中，腰果增添口感層次，鼠尾草帶來草本清香，同藍芝士完美平衡。 真係好耐冇食過咁好食嘅意大利飯啦～🍷 Zephyr Organic Pinot Noir有機黑皮諾紅酒，帶櫻桃香與辛香氣息酒體輕盈，果香突出，櫻桃的甜美與香料的微辣交織～適合搭配牛扒或藍芝士，提升整體味覺層次～🍓 Homegrown Berry Smoothie自家種植漿果製成的果昔，天然無添加，酸甜平衡，口感濃郁，又清新解膩～…Read More

估唔到呢間外賣火鍋咁高質呢個二人set嘅外賣火鍋，包括咗好多嘢，感覺都幾抵食～ 有冷盤，杞醉蝦、杞醉花甲花甲同蝦都好新鮮，然後滲入咗少量嘅杞醉酒～ 擺緊陣打邊爐嘅時候已經忍唔住開始夾嚟食～個湯底好夠清甜入面仲有桂圓同埋杞子～ 另外附有一支杞醉純酒100ml，可以因應個人口味加多少落湯底度，建議落少少就夠啦～杞醉酒雞（半隻） 雞塊都係大大塊唔敷衍～美國安格斯雪花肥牛，打邊爐點少得肥牛呢隻牛仲係靚牛肉質同味道都好好～墨魚滑同蝦滑真係好大粒不開可以變成好多粒～手工芝麻湯圓（4粒）呢個芝麻湯圓都幾值得一提，因為個口感真係好好好軟林林笠囉囉～食到停唔到口餃子也是滿滿的餡料～蔬菜盤另外都仲有醬料嘅～ 有杞辣醬油、爆炸蔥醬油其實個湯底都幾夠味道，唔點醬料有時更加新鮮夠味～…Read More

銅鑼灣呢間半開放式嘅餐廳都幾特別，佔咗半層嘅位置，搭電梯嘅時候就已經見到倒影喺天花板嘅餐廳名好有氣氛～中午時段嚟，仲有lunch set都幾抵食，特上刺身定食嘅刺身都幾豐富同埋好新鮮，跟set 做仲附送蒸蛋、飯、沙律、十分豐富～清酒煮蜆 、薄燒和牛、炸軟殼蟹、燒日本生蠔、明太子免治雞棒煮蜆非常新鮮，帶點清甜～軟殼蟹亦都非常之香脆～原來呢間日本餐廳仲有日本清酒放題！ 有24款選擇，同朋友小酌幾杯都唔使限住限住～Join 清酒放題仲可以享燒物買一送一！ …Read More

好耐冇食韓國嘢啦～出尖沙咀，順便係韓國街行個圈食個飯😋 🇰🇷✨🥘 薯仔豬排骨湯一大鍋熱辣辣，豬排骨煲到稔晒～配埋配菜，多點清新，湯底濃郁，撈飯唔錯～🧀 醬炒牛肉石鍋芝士拌飯芝士好拉絲，配料鋪到好滿～攪勻之後，每粒飯飯粒都被芝士網住咁，有配菜既清新，牛肉既香甜，芝士既濃郁，多重口感滋味，超正！🥟 餃子王&泡菜餃子王超巨型餃子配迷你蒸籠，好可愛～餃子皮煙韌又透，足料餃子，最鍾意原味餃子王！🍶 韓國甜米水甜甜地好順喉，飲到最後仲有啖啖米粒～…Read More

估唔到荃灣西竟然隱藏住一間咁有情調、坐得咁舒服嘅多國菜餐廳。裝潢細緻，每個角落都見心思，柔和燈光配上木系設計，令人一入座就放鬆心情。🍤 大蝦芒果牛油果沙律鮮甜芒果粒與綿滑牛油果完美融合，配上爽口生菜與彈牙大蝦，清新開胃～🥩 新西蘭肉眼扒配Cajun薯條、迷迭香醬及沙律肉眼扒外層煎至微焦，鎖住肉汁，切開時肉質粉嫩多汁，帶有淡淡草飼牛香。薯條十分香口不油膩，迷迭香醬清新提味，沙律清新口感～🌮 墨西哥鐵板燒 配手工玉米餅、牛油果醬、蕃茄莎莎及酸奶油揀左牛肉mix 雞肉，鐵板燒香氣撲鼻，鋪滿整個鐵板，夠份量～牛肉肉質嫩滑！配上自家製玉米餅，三款醬：牛油果醬濃郁滑順，蕃茄莎莎醬酸辣醒胃，酸奶油酸酸地好creamy，正宗墨西哥風味一試難忘。🍰 自製Tiramisu入口即化的Mascarpone忌廉，夾著濃郁咖啡酒香的手指餅，層次分明，甜而不膩，正～…Read More

這間隱藏太子的小店以復古拱門和暖色調裝潢營造出歐式慵懶氛圍，夜晚燈光柔和更顯情調。最近轉了新Menu藍青口煲辣肉腸鹹香，番茄湯微辣鮮甜，青口入味，湯汁濃郁惹味。烤牛骨髓牛骨髓油香濃郁，配焦糖洋蔥的甜和酸種麵包的脆，口感滑膩豐富。烤豬頸肉炭烤香濃，京蔥絲清爽，柚子胡椒微辣，醬油蛋黃鹹香提味。西班牙油炸鬼外脆內軟，玉桂糖香甜，配濃郁朱古力醬和冰涼雲尼拿雪糕，冷熱交融。Chill 又點少得飲番兩杯～Sangria & Summer Vibes 果香清新，清爽解膩…Read More

成個餐廳嘅設計都圍繞住星空主題裝修有深藍色嘅天空🌌&星星🌟，好有心、有氣氛 ～嚟慶祝生日🎂🎁，超級有feel～明爐炭燒鮮龍蝦一整隻龍蝦肉鮮甜彈牙，炭燒的高溫快速鎖住肉汁、炭燒香氣突出，蘸點檸檬汁更提鮮，簡單調味已經夠好食。即炸鮮魷魚配蛋黃醬魷魚鮮味足，炸得外脆內嫩、柔軟帶嚼勁，又唔會厚重油膩，蛋黃醬微酸開胃，送酒一流。Mocktails | Apollo熱情果同芒果味濃，加青檸同雪碧，酸甜清爽，好解渴。Cocktail | Aries荔枝同西柚味為主，伏特加唔會太濃，易入口，有淡淡玫瑰香，女生會鍾意。生日星座蛋糕仔 | 雜莓朱古力慕絲蛋糕朱古力慕絲濃郁但唔會太甜，中間夾雜莓醬酸甜平衡，細細件岩晒慶祝。…Read More

好耐冇同朋友聚一聚相約喺中環打算，打算搵間裝潢靚，坐得舒服既餐廳～呢間餐廳主打傳統意大利與法國菜式，以精緻的用餐環境和創意料理聞名。設計靈感來自都爹利街的歷史煤氣路燈，整體以白色、金色和翠綠色為主調，搭配木質元素，營造出典雅奢華的氛圍。Lobster Bisque濃郁鮮甜，龍蝦殼熬煮出海洋氣息，搭配奶油和白蘭地的醇厚香氣。口感絲滑綿密，湯體豐潤順口，仲加入了雲吞，增添細緻的咀嚼感。 Prawn Garden Green Salad清爽鮮明，蝦與綜合生菜的微苦完美平衡，淋上沙律醬，搭配小番茄、黃瓜片更添酸甜多汁。 Crab Meat Spaghetti蟹肉鮮甜，加入四川花椒則帶有淡淡麻香，義大利麵煮至彈牙，蟹肉絲細膩柔軟，醬汁完美裹附麵條～USDA Ribeye牛肉焦香濃郁，配搭醬汁的微甜辛香，或簡單以海鹽、黑胡椒提味，凸顯肉質原味。 表面微脆，內裡柔嫩多汁～現時Openrice訂枱仲享八折～…Read More

第一次韓式fine dining ~ 一入餐廳已好好feel，好舒服～枱同枱之間位置闊落，裝潢好精緻，仲有滿滿聖誕裝飾～好有節日氣份～ 窗口位更可俯覽維園景～用餐安靜舒適～準備開始9道菜既靚靚晚餐啦☺️Oouli Bu Gak紫蘇油炸及三次風乾的釜山海苔及濟洲海藻口感酥酥脆脆～Jagal -Chi韓國左口魚刺身、72小時醬油大蝦及醬油吞拿魚Deul Kkae - Juk好有特色嘅一份米粥，用左韓國當造特色蔬菜、韓牛、新鮮蜆肉、及自家大米15小時以上烹調熬制～ 十分入味 口感綿綿， 邊上既米餅又香香脆脆～Han - Ip章魚片、韓國橡子果凍 配炸豆腐鱈魚籽三文治用左牛骨清湯浸住果涷及章魚片，果凍係清湯嘅襯托下好似開咗嘅花瓣咁，好精緻Bo Yang - Sig韓式參雞湯燴飯好得意既一道菜，好重人蔘味 ～Jili - Tang海鮮清湯配烤釜山鮑魚超級清甜呀 賣相仲相當唔錯底係海鮮清湯同蘿蔔粒～再打清湯打起泡 放上鮑魚 鮑魚都係鮮甜好味～Jan Chi澳州和牛和牛好惹味，輕輕炙燒過 內裏仲係鮮嫩帶紅～ juicy 彈牙仲特有既紅蘿蔔溶，襯得整道菜更有特色JinSu - Sung Chen釜山自家農田珍珠米飯配48小時鰻魚湯加五種時令特色釜山伴菜軟綿笠糯 好口感好好 配用左48小時煲既鰻魚湯更係一絕，好夠味Hu - Sig糯米年糕窩夫餅配自製雪糕呢個係my favourite甜品！ 糯米年糕窩夫口感煙煙韌韌綿綿長長，外層又有一層超薄嘅脆～ 再配上雪糕🍦，超美味組合～…Read More

星期日節目睇個戲食個飯飲杯嘢😆睇完moana 2，就肚餓鳥～好耐無去過日式居酒屋～汁煮左口魚裙邊幾精巧既一道食物，左口魚裙邊圈起一層層圈，肉質鮮嫩有厚度～面上點綴鋪上顏色鮮明既魚籽，同魚子醬～廣島蠔鍋廣島蠔脹卜卜，鍋湯幾濃郁～蔬菜幾清甜海膽炒飯賣相幾靚，有魚籽、海膽、飯粒炒至金黃色 ，當中仲有魷魚～甜品Runny Cheese Habutae Pitachio 開心果味～ 中間有煙煙韌韌嘅麻糬，整體口味甜甜地最近仲有酒水買一送，同價錢適用 ～噗左杯富士高砂梅酒 & 柚子果實酒梅酒梅味好出～柚子酒好清新～…Read More

實在太豐富啦～呢兩個鐘放題，實在嘴巴很忙～超多款食物選擇，好幾個大嘅雪櫃裝滿嘢飲，諗到嘅飲品都有，甚至仲有啤酒梅酒～一入嚟就梗係巡視一圈先啦！第一站梗係去咗海鮮區先，好多海鮮源源不絕提供不斷refill，有鮑魚蟹蝦螺全部都好生猛～ 最正嘅係夾完海鮮職員仲會幫你洗乾淨唔使自己論論盡盡～之後就到超多食物選擇嘅自助區啦～🤩打邊爐唔少得新鮮蔬菜菇菌、各式丸類 、熟食都有，仲有新鮮生果～ 真係夾得盡興，食得盡興～飽肚之後再去轉甜品區，超多選擇！雪糕雪條一定唔少得！ 仲有乳酪布甸雪米糍豆腐花芋丸都有～連macaroons 都有！仲可以自助落單打邊爐唔少得嘅牛肉，竟然仲有澳洲M5 和牛！ 豬羊薄切片都有～…Read More

都係第一次嚟呢間新商場soho west ，樓下有啲好得意嘅熊貓造型擺設，揀左呢間餐廳都有熊貓系列嘅嘢食嘢飲，仲有落地窗玻璃可以望到出邊嘅海，有Indoor同outdoor嘅座位～啖啖蟹肉千層麵呢個千層麵真係好好食，焗得啱啱好；每一層中間都夾住蕃茄肉醬，面鋪住好多蟹膏，蟹肉同蟹籽，仲有芝士，望落已經非常吸引，食落更是非常之美味～嫩綠蘆筍蟹肉飯卷呢個場景口味比較清淡，包住好嫩綠既蘆筍同雪白蟹肉，飯粒綿綿～黑白熊貓Oreo蛋糕好cute造型既蛋糕仔， 仲有提子粒點綴～青提寒天啫喱奶蓋好豐滿既提子粒點綴同提子蓉鋪底，仲有滿滿既奶蓋～柑橘Expresso Tonic 好喜歡呢杯coffee tonic，靚得黎可以打卡，更係非常好飲， 最底有好香柑橘既皮碎粒，令成杯tonic 都有陣柑橘香味～ 估唔到同coffee tonic 咁match ~…Read More

好耐冇同朋友Meetup食飯今次揀左銅鑼灣呢間食川菜既靚餐廳，香港暫時唯一一間 川菜 fine dining～以古法川菜現代化呈現，為大眾點評黑珍珠一鑽餐廳，米芝蓮一星餐廳 ～好多名人同明星幫襯～集團在四川擁有 8間餐廳 及民宿和酒店的業務，而家仲同香港投資推廣署 合作～餐廳裝潢闊落大方， 氛圍以純白色作主題菜式以花椒為主題，呈現多元化川味，包括香氣味道風味涼菜四宫格胭脂蘿蔔，鮮椒雞樅菌，燈影魚片，醬香鴨舌由左至右食用，味道有淺至深，淡至濃～燈影魚片，參照咗燈影牛肉既做法，薄脆透光，非常特別～醬香鴨舌亦都係非常之入味，齒頰留香～前菜魚子醬甜蝦雞牛湯凍呢個好似啫喱凍嘅前菜造型非常之精緻，再鋪上厚厚嘅四川魚子醬，整道菜鮮味非常～湯蝴蝶花膠湯（山椒精油）好別出心裁嘅蝴蝶造型，仲有我最鍾意嘅花膠～ 可以加幾滴山椒精油令成個湯更出色～主菜宮保蜀南竹胎兒鵝肝大千乾燒關東參甜蜜豆百合土罐貢椒乳鴿青椒汁沸騰韓牛鵝肝煎成一塊塊四方塊，小巧之餘又香口，入口溶化～乾燒關東參非常惹味～豆百合非常清甜，清淡一下味蕾～ 黎品嘗之後既菜式～乳鴿一拎出黎已經香味撲鼻，吃落更係齒頰留香～韓牛以碗呈上，入面仲有好多青椒等配菜，職員以滾熱水即時淋下，發出之之聲，椒香麻辣嘅味道係空氣中四散， 牛鮮嫩，入口帶少少麻既微辣感～主食老鹽菜煨飯飯煨得非常入味，飯粒綿綿～甜品餐後椒茶怪味雪糕糖果（馬卡龍，杏仁薄脆，花椒朱古力）甜品配茶，最適合不過～雪糕味怪得黎又幾正～…Read More

好耐無同港島既朋友食個飯約左食個omakase ~ Openrice 訂枱有六折 又幾抵店鋪好cozy，師傅都好nice，會講解每道菜～前個菜～白貝螺、粟米松葉蟹、柚子啫喱 非常清新開胃～14款壽司日本愛媛縣真鯛依座木 香港稱為雞魚岩手縣石垣貝新鮮清爽靜香縣金目鯛輕輕燒過 原味重墨烏賊🦑面細切片開晒 口感會黏口啲軟綿綿兵庫縣甜蝦頂上係燒過嘅蝦膏 入口好香口 配襯新鮮甜蝦，口感同味道都好多層次右口魚魚缸乾醬 魚邊大分縣深海大池魚片開三份 層層疊層次多 油份重 芝麻 超香口 北海道帆立貝豉油燒過，鹹香味突出咗帆立貝甜味～間白魚魚味重 油味濃 燒過 咸香味中拖羅介乎魚腩同背之間，油脂味較重清心縣三文魚子 彈卜卜，好正 又清新無腥味北海道白海膽甜得黎甘香長崎縣新鮮鯖魚加咗薑蔥蓉係中間，面係醃咗醋嘅蘿蔔去咗油膩感麵豉湯、甜品…Read More

估唔到旺角有個咁嘅地方～既可以參觀梳化展，又可以睇畫展，仲可以舒舒服服坐低嘆杯咖啡～由本地著名咖啡品牌ideaology主理， 仲打破傳統窩夫甜食派的概念，分左甜食派及鹹食派窩夫～6款新鮮即製、外脆內軟的窩夫～7月份仲有全新焦糖爆谷抹茶窩夫及抹茶椰奶咖啡～多款咖啡選擇，手沖啡更係非常出色～風乾火腿芝士無花果窩夫風乾火腿鹹香配上無花果清甜、鹹甜mix ～鹹味窩夫、口感豐富配上合桃碎、芝士粒～正👍全日窩夫好豐富既waffle全日餐！ 有沙律菜、煙肉、蘑菇、半熟蛋、納豆～份量夠之餘啱啱好、菜式清新輕盈得來飽肚～ 髒髒咖啡 （Ice）冰涼走冰 既dirty 咖啡一向係至愛～ 口感香濃，咖啡濃郁～黑白相配咖啡（Hot）極有特色既黑白配，一款black ，一款white. W/ 靚靚拉花 ～手沖咖啡 呢個真係正，味道係清甜無濁既咖啡味～層次豐富，仲有果味既清新～…Read More