Nabie's Profile

留意左呢間素食店一排，經常突掙扎就咁食佢隔離間媽咪雞蛋仔食做一餐就算，定係食正餐呢🤣今日終於打倒心魔，入黎食餐正常飯。睇到餐牌覺得真係比較平，以為個份量會相對細啲，點知！係正常份量黎！雖然等左大約3-4 個字，但係出到黎見到一定係即叫即整，熱辣辣🤩叫左個蔬菜煲，同埋燒汁茄子❤️個煲好足料，湯底比較清淡，唔油膩，適合注重健康人士燒汁茄子個燒好味🤣🤣🤣個menu 仲有好多吸引既菜式，下次再黎試下❤️店員服務態度好好，見你有咩需要會主動幫忙！抵讚❤️❤️❤️…Read More

行過見到裝修好靚嘅一間素食餐廳，決定試試佢❤️打開Menu相信最吸引嘅都係見到有兩個煲仔飯嘅選擇😍所以天氣熱辣辣都忍唔住要揀一個黎trytry🤣嚟到真係熱辣辣出晒煙，仲有少少飯焦，免治牛肉都好足料，好正呀！！另外跟住餐嘅前菜都好出色，個麵包好軟熟，桂花蜜紫薯唔會好甜🫶🏻雖然價錢唔算特別抵食，但係勝在有特色餐點，會再encore❤️❤️❤️…Read More

去開銅鑼灣見到呢間十字冰室有素食選擇，入黎試試佢啦！叫左個咖喱生牛堡滑蛋蓋飯，好大碟😮個飯係正常女仔應該食唔曬既份量咖喱汁唔算好辣但幾惹味，不過可以多返少少汁，因為飯多過汁好多😂新牛堡就正常發揮啦，唔會整到太乾仲有少少雜菜伴碟仲加$8叫左杯熱奶茶，又幾好飲喎另外見到佢個餐牌都恆常有走肉之選，附近返工嘅素食者可以試吓，我上次試咗佢哋個焗飯，除咗少咗啲菜之外都幾好食，芝士焗到有少少燶，perfect!呢間冰室可以再訪👍🏻…Read More

在越南，法包是一種非常受歡迎既快餐選擇！呢到既越式法包，真係好特別，個包紅色其實係因為用火龍果做架！出面應該食唔到！入面既肉鬆口感酥脆，帶有淡淡的鹹香味道。同埋扎肉香仲保持到好多汁。入面仲夾左一堆酸蘿蔔，等你食落去既時候唔會覺得太膩，有返啲蔬菜中和返。但係豬肝醬絕對係呢個法包既驚喜，濃郁的肝臟風味同埋滑順的質地，令個包好有層次感，又係出面唔會有，好獨特！試過就一定會愛上呀！下次再黎試下佢地其他湯粉先！…Read More

趁拍拖週年紀念，想試試呢間想食左好耐既素食餐廳。試左幾道招牌菜，包括XO醬新竹米粉、冬陰素蟹肉意大利飯和芝麻柚子醬水晶粉。先上水晶粉，係依家開始熱既天氣，冰涼又微酸既前菜簡直令人食慾大開👍🏻雖然就食唔到柚子味。。。因為唔係好食得辣既關係，店員幫我個XO 醬新竹米粉落左少辣，出黎效果真係微辣，可以接受，同埋米粉炒得條條分明，好好食👍🏻冬陰蟹肉意大利飯，米飯非常煙韌，冬陰味唔重同埋都唔辣，反而有d creamy 既味道，甜甜地咁，都唔錯但係就冬陰愛好者應該唔夠喉。食物份量都唔算少，飯同米粉都好飽肚。餐廳環境都非常舒適，令人感覺非常放鬆。…Read More

有日經過發現有間新素店，決定搵日要試試佢。呢次自己一個人黎，試唔到多款式，就揀左招牌的水餃麵🤩份量真係幾多，有5粒餃子，一整個麵。自問都唔係好細食，都竟然係無食早餐既情況下食唔曬🤪揀左蕃茄湯，其實好啱自己口味，因為好清甜，但係都知如果食麵個湯底其實要濃啲先會個麵有味，所以呢個麵係真係比較淡口，但好就好在真係可以飲下個湯！餃子餡主要係椰菜同木耳，有啲麻油香，皮都好煙韌。因為自己好怕食馬蹄呀沙葛呀嗰類既餃子餡，呢個餃子真係啱曬我🫶🏻下次會再試下佢其他小食，睇落都好吸引！…Read More