florachan22's Profile

一入到嚟，安排咗四人座位，其中兩張凳有水，本身以為冷氣機滴水，諗住叫職員換位。結果佢哋同我哋講，係同事唔小心倒咗水落去，唔比我哋換位。到坐低之後，唔多一二分鐘，就有人行過嚟收走我哋餐牌，叫我哋自己睇手機。仲要無端端郁我哋檯面啲碗碟，又郁張檯，成件事勁唔尊重。然之後叫咗少少嘢，已經600幾，咁如果品質靚嘅，呢個價錢又無咩所謂，但！佢嘅品質仲差過爭鮮，我真係無嘢好講！叫咗杯巨峰乳酸汽酒，冇巨峰味，成杯得清酒味，根本飲唔落口。拉麵嘅麵體又硬又冇味，壽司又唔靚，食完成餐600幾埋單，根本唔夠飽。搞到要再搵宵夜食，慘到爆！…Read More

收工嚟諗住買啲嘢食下，一開頭都冇乜嘢，等到一個較高嘅女仔叫飛，我本能諗住伸手去接，結果，佢直接將我嗰袋扔落去枱面！成件事勁唔尊重，我成程一粒聲都冇出過，完全唔明白點解會咁！我明食得快餐服務質素唔會話好到好似西餐廳，但你都唔洗將我啲嘢扔出嚟！佢仲要好似咩事都冇咁，繼續轉身同同事傾計。我唔明白點解唔可以好地地咁比我，要用到去「扔」呢個方式。希望員工可以好好改善下自己嘅態度！唔該！近期內都唔會想再過嚟！…Read More

本身以為會有人帶位啦，結果咩都冇，個職員望咗眼，叫我哋嘟安心出行，之后就冇再埋我哋。搞到我哋要自己搵位，到坐低咗，連餐牌都唔比我哋，局住要自己去拿。到我哋諗好食乜，叫個職員嚟（着藍色衫肥嘅職員），勁黑臉咁走過嚟問我哋食乜。奇怪嘅係，我哋叫海南雞飯、雙拼扒餐同咖哩牛腩飯，得海南雞飯冇嘢飲。仲要本身係有得選擇要咩湯，佢直接話冇白湯，得紅湯，未反應得切，人就走咗。好啦，落完單后，佢好似發脾氣咁，放三杯熱水係枱，啲水倒瀉散！佢直接轉身走，好似咩都冇發生咁。好彩冇整到任何人！最搞笑係，我哋叫咗青檸梳打水，佢比咗我咸檸梳打水，雙拼扒比咗全雞扒！跟住咖哩牛腩飯仲變左蕃茄豬扒飯？！問佢哋拿番茄汁，啱啱倒完，就問仲要唔要…大佬啊，我仲用緊！跟住一路食就一路用勁重消毒係到拖地，拖第二到都算，跟住仲要拖到我地腳底？！成個餐都係消毒味！然之後，我哋食咗二十分鐘左右，食到一半，佢哋已經過嚟緊想收走我哋啲嘢。我哋話未食完，佢又黑曬臉咁，問咁你哋有咩係唔要架？好似我哋阻住佢哋咁，見枱枱客都唔係好妥佢，我先知原來呢間店服務態度係咁！食物質數普通，唔會特別回頭。海南雞冇味，同白切雞冇咩分別。青檸梳打水半杯都係糖漿，甜到嘔！豬扒仲差過一般茶餐廳，真係未試過咁難食。職員態度非常惡劣，黑名單。以后都唔會再嚟食！實在太失望！…Read More

本身同老公經過油麻地，想買盒飯翻屋企慢慢歎，就見到呢間好多人排隊。之后我哋地區就入去叫外賣啦，都企咗有啲耐😅，啲員工行黎行去，仲有個拿住疊單話呢啲要插隊(唔知係咪因為係熟客定點)。咁我哋叫完就啱啱好8點，等外賣既人都係得幾個，反而好多人等堂食。企到去8點21分左右覺得有啲耐，就叫老公去問下。然後啲員工就叫我哋等下，仲有好多單係前面😐結果等到8:30先拿到個海南雞飯。翻到屋企都9點幾😪盒雞飯整體都唔錯，雞都有好多，不過有少少血水。個汁唔係好辣偏酸，反而係個飯有啲鹹😵覺得呢間對我嚟講有少少失望，希望呢啲情況可以改善下…Read More

一間可惜嘅台式食品，依家嘅水準真係不復從前，甚至可以話差，以前都有間中去買，水準都唔錯， 因為疫情關係都好耐冇去，仲記得以前黎買雞卷一份都唔夠要爭住食，其他食物質素都可以唔，今次好耐冇食專程黎買，開始都仲期待，點知未開已經見到雞卷散爛，打開全無「醉」味，反而有雞肉嘅腥味，食落都感覺無調味，滿口雪藏同腥味，真係反胃，真係食唔落肚唯有吐返出黎，不復以前水準。三文治水準亦下降，無論麵包定餡料，麵包過乾冇煎/烘焗感，芋泥太稀無香味，只有肉鬆正常，鹹牛肉尚可。…Read More