ivyyeung1403's Profile

知道姑媽呢幾日會嚟香港玩，所以Book咗呢間素食餐廳比佢試吓出乎意料，呢間素食餐廳水準好高！我哋order咗7道餸1個湯羹1. 鮑心翅肚羹 - 雖然咸咗少少，但係用料十足，亦無重芡汁！2. 片皮鴨 - 好有心思！佢用咗猴頭菇做底，面頭係脆脆腐皮，當然一定無真鴨咁香，但係猴頭菇有心思地酥炸過，十分香脆，仲少咗一份太油膩嘅感覺！3. 欖菜肉鬆炒飯 - 呢個炒飯連姑媽都話正我都忍唔住食咗兩碗，佢炒到粒粒分明，煙煙銀銀，十分有咬口，加埋欖菜嘅香，呢個炒飯值得推薦4. 椒鹽豆腐 - 呢個豆腐真係超正！！食過咁多椒鹽豆腐，呢度做到外脆，唔油！仲內軟！5. 咕嚕肉 - 雖然比起其他餸菜，咕嚕肉稍有遜色，但過汁後都仍然保持到水準！6. 素叉燒 - 素叉燒係我食過最好味嘅一間7. 椎山白菜 - 主要平衡番其他菜式的油膩感8. 紅燒豆腐煲 - 有心思地除咗有豆腐，仲有加素魚腐，多咗一個層次9. 芒果布甸 - 可惜今日椰王賣哂！但芒果布甸都好好味總結，十分喜歡餐廳服務，其中一個印度叔叔超級Nice佢仲會默默觀察其他食客嘅需要！好欣賞佢當然唔少得係超群出眾嘅食物水平會再來光顧…Read More

今朝諗住幫屋企人訂外賣早餐，我哋用app訂餐，都慣咗食物一定無堂食咁新鮮，不過你揀得做得外賣送餐生意，咁你點都要確保食物可以最大限度下保持水平送到客人手上，自然好講究包裝方法。點知一嚟到，奶茶又倒瀉，求其一間茶餐廳都識用咖啡杯紙托，無紙托都會搵獨立袋再裝起，確保就算倒瀉都唔影響其他食物，佢又慳埋呢啲成本個窩夫仲好笑，明知係送餐外賣，仲要搵無窿嘅雞皮紙包，個窩夫唔淋都幾難你唔用紙盒，都學下人地雞蛋仔鋪果啲有窿雞皮紙啦好彩係倒瀉奶茶啲奶茶無滲入去啫(可能係老細有預知能力，預咗有奶茶會倒瀉，所以唔用有窿雞皮紙)老闆，你想接埋外賣平台生意，唔該你就搞搞啲包裝…Read More

臨時臨急先order蛋糕，本身打定輸數應該訂唔到點知店主同我講有整多嘅蛋糕即刻諗都無諗比錢訂再外加兩個是日蛋糕1️⃣開心果醬巴斯克蛋糕開心果醬超級濃厚，芝士蛋糕體非常綿滑！朋友們讚不絕口我只係淺嚐一口，已經被呢個配搭深深吸引，下次會再order2️⃣斑斕芋頭蛋卷配椰子Cream本人係香芋控，任何香芋甜品我都會order但唔係間間cake shop都整得好食。呢個香芋係我食過最正，首先唔會勁甜，糖同芋頭比例剛好，而且奶香味濃郁不過斑斕味同椰奶味唔突出，重點放在香芋泥上3️⃣哈密瓜蛋糕切落去超級多哈密瓜粒粒，好甜好香🍈蛋糕體非常鬆軟，絕對唔會甜膩！完全無喧賓奪主搶去哈密瓜風頭，忌廉十分綿滑，絕對食得出係手打嘅貴忌廉，唔係Cheap忌廉…Read More

之前睇到蔡瀾同MM介紹就已經好想去專登入嚟朝聖正宗拿坡里Pizza我同朋友都係素食者，所以先order No.2試吓嘩，啲蕃茄醬非常多，非常新鮮，完全唔似罐頭貨，罐頭貨多數有啲酸味，再加埋上面粒粒圓滾滾嘅蕃茄仔🍅，完全無罪惡感，因為唔會覺得好膩Pizza個麵團好柔軟，有啲咸香味，擺耐咗仲係好軟熟，係我食過最正嘅pizza我哋見唔夠喉，再Order多一個No.8 因為No.8係唯一一款有煙薰水牛芝士同菇菇，好想試吓，不過No.8本身係有火腿，所以先詢問Chef可唔可以做素食(做素食者美德係唔好強求食店，先有禮問吓)結果Chef話Ok！真係好感激不得不說，煙薰水牛芝士同炒過嘅菇味道非常夾，啲菇唔會烘到乾哂，仲係好水潤，食完真係返唔到轉頭😮‍💨再加埋店內有枝辣椒橄欖油🌶🫒因為係天然泡浸，橄欖油吸盡辣椒嘅香味，但唔會嗆辣，一口pizza點少少油，為味道畫龍點睛最後想讚下chef同女店員態度超級好，多謝你哋！繼續努力…Read More

自從生咗仔後，成日去唔同嘅親子餐廳呢間係我去過最無野玩，態度差嘅餐廳入場時，女職員語氣態度已經差入去先發現個場非常細，仲要有兩邊地方係唔開放…但問題係我朋友Book場時職員完全無講有1/3範圍係唔開放，仲要我同朋友嘅小朋友先得1歲，大滑梯根本玩唔到後尾我朋友問職員可唔可以開波波池個職員答：「今日唔夠人手不設開放」但重點係成個場係無客人+無客要招呼我frd再同佢：「咁book果時你又唔同我講咁多地方，仲要個滑梯佢地未夠年齡玩，咁有咩地方玩？」跟住個女職員黑口黑面話安排吓最好笑係，佢果個波波池area好細….仲要特登搵個職員睇住我地玩唔講以為我哋會偷波波🌚啲玩具仲要殘哂，個大滑梯都有3個攀石係甩咗…同埋我都幾懷疑佢係無咩點清潔打理最左邊果到勁多塵，又有啲蚊滋仔係到飛飛下，玩完我皮膚都有啲過敏出餐仲要好耐，起碼20分鐘以上好彩啲野食唔算難食…個溏心蛋，烏冬其實好食嘅不過食得出似即食麵啲味精粉開出嚟嘅湯因為食到最尾啲咸度，勁似平時屋企煮麵，撈唔勻旬個粉啲湯😂仲有杯matcha latte都好飲，價錢都唔平，要價$53可惜無影到相🍵親子餐廳除咗食物，環境設施都係重點，但呢間完全環境係唔得……Read More

我哋一家四口都係食素，睇到有素食Group介紹話好正，趁老公生日臨時臨急一星期前Book位(聽講好Full Booking)前後都叫咗好多嘢食，本身想叫個素冬陰公湯，但真係太飽！最後仲送咗4個甜點每道菜式都好出色！因為我哋係佛教家庭，要走五辛，而泰國好多菜式一定要配蒜，洋蔥，乾蔥，不過都唔會唔夠味！相信廚房同老板都下咗唔小心機去研究！最出色係果個脆脆麵同竹筒素雞，一來出面唔多泰國菜有呢種做法，二來味道炸得好鬆脆！三來調較得啱啱好！呢間係我食過最好食泰菜之一…Read More

諗住趁打風之前買兩件蛋糕番屋企慢慢嘆上到去，一打開門就係一大陣油煙味，好似廚房無開抽氣扇咁😂睇埋個蛋糕櫃，又無牌仔寫係咩口味😓重點係呢到賣千層蛋糕㗎嘛…但憑個樣完全分唔到(蜜瓜味同百香果同檸檬呢3款，加埋蛋糕個Lighting打落去完全係一樣色😂)變咗要逐款問個店員，但個店員阿姨又無咩耐性咁答你，全程都無望過你一眼，剩係好機械問「要咩？」完全feel到佢無耐性拎到番去路程遠，啲Cream都溶溶地，所以蛋糕都斜咗，不過唔緊要，再雪返都ok焙茶個味都唔錯，夠香濃但蜜瓜個味好假，完全係香精果啲味個人覺得真係好一般，好多地方都要改善蛋糕嚟講，香港仲有好多選擇，真係唔會再order😓…Read More

第一次係呢到買早餐，明明order咗B4田園沙律配多士，熱檸水。咁我米坐企等，等左8分鐘左右，有個待應問我「係米外賣米熱檸水」，我站「係」，我再問「係米B4熱檸水」佢話「係阿」，咁好自然拎走個外賣啦。點知番到公司一打開——煙肉，炒蛋，生菜？？！！我打電話去問「我叫左B4，唔係菠蘿青瓜車厘茄？」，條友勁串話「小姐你拎錯阿嘛，緊係錯啦」之後....我拎番落去換，點知個餐牌寫有「菠蘿」但打開無菠蘿，What the...？…Read More

提早同老公過聖誕節，有位素食朋友介紹我哋黎，餐廳係由一位素食者同意大利菜主廚打理。香港少有純素餐廳，多數係蛋奶素，對純素者來講，有多一間既選舉已經係天大喜訊！聽聞餐廳最出名係漢堡包，不過當日去晚市就未見有，我地叫左個dinner set，價錢唔算平，但味道好特別同用料食得出唔係便宜貨，同埋食得出係好有心機，有設計過嘅烹調方式！並非坊間大部分「價錢食環境」嘅餐廳！所以價錢偏高亦不無道理！好適合慶祝節日時比自己「吃好東西」既餐廳！希望餐廳繼續努力…Read More

今日同老公係深水埗行街搵食，睇到好多人介紹呢間餐廳，但到左食飯時間8點都唔見有食客，心諗「死啦！會唔會係伏架？」，但一場嚟到點都試下啦！一入黎就有位女侍應姐姐好有禮貌咁招呼我哋，好詳細咁介紹佢哋嘅米苔粉條係人手造，無添味精，天然健康，因為我同老公都係素食者，佢非常有耐性講返邊種湯底岩我地，邊啲小食我哋可以揀，好耐無遇過有小店嘅員工咁有禮貌！我ordered豆漿，其實係大和豆漿，個樽蓋因為好實，姐姐就即刻話「如果你開唔到，都可以叫我幫你架！」嘩！呢啲服務真係買少見少，仲要唔係貴價餐廳，只係一間小小店，賣幾十蚊一碗粉，真係好appreciate姐姐嘅服務態度！令人窩心！希望呢啲小店唔好比人大肆宣傳，搞到鋪租大幅上漲，同時希望店主繼續努力！煮出好味嘅米苔目粉！…Read More