淡若清風's Profile

今次同朋友去咗康城嘅「牧羊少年咖啡館」，叫咗佢哋嘅「與你分享2人套餐」，好多嘢食。第一道上嚟係參巴鮮茄煮沙白大蜆，湯底酸酸辣辣，加埋啲蜆嘅鮮味，真係開胃到爆！個蜆都好滑溜，食落啖啖有口感，初頭就已經有驚喜。之後就到金沙鹹蛋黃鳳尾蝦義大利粉，呢個真係必食！嗰啲鹹蛋黃同粉好貼，每啖都係濃濃鹹蛋香，完全滿足。蝦炸得啱啱好，外脆內嫩，呢道真係好滿意！到咗慢煮燒烤醬美國豬肋骨伴蕃薯條同普羅旺斯燉菜，呢個豬肋骨係煮到好嫩，一咬就散，加上嗰啲燒烤醬好惹味，幾夠味，蕃薯條甜甜地好夾！飲品就叫咗芒果茉莉茶忌廉芝士奶蓋同冰梨無花果白桃烏龍芝士奶蓋，兩杯都係凍飲，奶蓋厚厚一層，甜度啱啱好，仲有果茶嘅香味，好refreshing。最後仲有Haagen-Dazs雪糕杯，同特濃半熟芝士撻，芝士撻入口即溶，芝味超濃，配雪糕食係perfect ending。呢餐真係每一道都驚喜，好多味道同層次，份量又夠兩個人share，飽到唔捨得走！…Read More

今晚因為工作關係係裕民坊附近，咁岩又肚餓，就試下呢個商場餐廳，行左一輪，我地就揀定呢間西餐。我地諗左一陣，決定叫2人餐，再加1甜品share。餐湯係甘筍忌廉湯味道好濃郁，飲落好香甜！前菜有2款，第1樣係白鯷魚茄子蓉多士。呢碟前菜有兩份多士，首先多士係脆卜卜嘅酸種多士，上面白鯷魚同醬，咬落口層次好豐富，有酸酸甜甜嘅醬令乾身多士變得易入口，仲可以提升魚嘅鮮味，係好開胃嘅前菜。第2樣前菜係意大利風乾火腿拼盤。分別有24個月巴馬火腿、莎樂美腸、寇帕火腿、新鮮水果。主菜我地揀左1）新鮮波士頓龍蝦意粉呢間餐廳主打手工意粉，非常欣賞佢嘅手工意粉韌度適中，加上意粉醬非常夾！而新鮮波士頓龍蝦亦厚肉，好易起啲肉夾意粉一齊進食！另一主菜就揀左2）炭燒安格斯封門柳配燒汁薯條封門柳非常juicy、入味，最欣賞係粗薯條，份量亦好多！而旁邊亦有沙律菜，可以做番一個平衡！甜品揀左我地兩個都愛既提拉米蘇好重咖啡甜酒，cream打得好幼滑，又唔會過甜，入口香濃！餐飲我地揀左-檸檬茶估唔到西餐廳用左偏重錫蘭紅茶做茶底，仲有成四五片檸檬，加埋非常好飲！整體黎講，環境舒服，staff nice,值得下次再黎。…Read More

一直心心念念想食烤鴨，今日終於約曬fd,一行4人去食lu茗茶方面我地叫左玫瑰荔枝，好特別，清香解膩。 菜式方面，我地叫左1）花雕醉雞雞嫩滑唔鞋, 酒味香濃, 花雕香氣同雞好夾,超好味。2）北京烤鴨(半隻)烤鴨油脂平均, 皮薄脆味濃, 麼麼皮煙韌軟糯,再加上8小碟既汁醬配菜, 一D都唔油膩, 值得一試。 3）風味松子魚松子魚炸粉岩岩好, 魚炸得薄脆又鮮嫩,加上酸甜開胃汁醬,令我地食指大動。 4）金腿濃湯津白鮮嫩份量足既娃娃菜吸收曬湯汁,再加上金華火腿鹹香,令人食過不停。5）南翔小籠包小籠包肉餡鮮香而且多汁,粒粒飽滿仲唔易穿 6）瑤柱蛋白炒飯炒飯足料蝦仁大大粒,而且飯粒粒分明鑊氣夠。整體黎講，餐廳環境干淨，職員nice,食物正，又有靚景，值得再訪。…Read More

今日放工返屋企，經過匯景商場， 一出地鐵站右邊嘅美食小巷發現開咗一間新嘅台灣飲品店， 所以就決定買幾杯返屋企。飲品有好多唔同種類， 有奶茶系列，水果茶系列，仲有比較少見嘅希臘乳酪系列。我就揀咗自己平時鍾意飲嘅試，全部都係叫少糖少冰嘅.1000 ml超級水果茶呢個水果茶真係超級超級足料，有足足一公升嘅容量，入面有好多水果， 有西瓜，百香果，蘋果，橙等等。水果茶飲落超級清新，有天然嘅甜味，茶味唔會苦澀 ，好清爽消暑，飲完茶再食水果大滿足芋泥波波鮮椰 呢一杯打卡一流，芋泥嘅紫色非常搶眼，飲落好軟綿， 配埋煙煙韌韌嘅波波，好有口感，呢杯飲品用嘅係椰奶，所以飲落比平時更加順滑芒果椰Q麻糬呢杯係我嘅最愛，飲落就好似一 個濃縮版嘅芒果甜品，入面嘅芒果畀得好多，有絲絲果肉亦都有粒粒果肉，麻薯就係台灣麻薯嗰種，流動性好高，微微煙韌再加埋粒粒QQ晶球，真係好好飲呀呢間飲品店，舖位唔大，但係飲得出用心經營，大家經過不妨試試❤️👍…Read More

今日收工之後約咗男朋友去麗豪酒店食自助餐，難得做緊優惠當然唔可以錯過。酒店今次嘅主題係澳門葡國菜，啱曬我口味😋第一次去麗豪酒店，食自助餐嘅餐廳叫做濠餐廳，裝修簡約，地方好闊落。作為海鮮控嘅我，第一站就去咗冷盤海鮮區，海鮮款式，有凍蝦，蜆，青口同埋螺等等，總括貝類都幾豐富 ，當中個蜆好有驚喜，粒粒飽滿之餘，唔會有沙，食到鮮甜味日式料理區有好多刺身可以畀我揀，每一款師傅都會厚切。有齊三文魚，吞拿魚同埋鯛魚。我最鍾意就係三文魚，油脂豐富好滿足。壽司都有好多唔同種類可以選擇，每款都係水準之上熟食區最令我印象深刻，有自選湯麵， 可以自己揀配料。我揀咗魷魚圈 ，而湯底係藥膳湯底，食完個人暖笠笠，藥材味唔會好重，容易入口由於係葡國主題當然唔少得葡國菜，當中最印象深刻嘅係葡式咖哩，配埋又酥又薄嘅薄餅，點滿咖哩汁，真係好惹味 。菜式仲包括有乳豬，馬介休球等等，餐廳會不停幫手refill，所以唔使擔心試唔到呀去到最後當然唔少得一定要留返個甜品胃食甜品啦，澳門美食一諗就諗到係葡撻喇。呢度嘅葡撻做得好出色，蛋味濃，唔會太甜，酥皮好脆。另外好推介嘅係焦糖燉蛋，上面嘅焦糖脆卜卜，加上滑嫩嘅燉蛋真正係嘅享受 。最後，仲有三款口味嘅movenpick雪糕可以任食，食多幾杯就值回票價啦😍…Read More

平時放工行去搭車番屋企都會經過呢間Cafe，佢外牆全白好靚，所以今日就約左朋友要試下。Cafe地方唔算好大，但係座位之間都幾闊落，裝飾仲有最近好hit嘅奶龍，好cute !我地兩個叫左幾樣野一齊share:德國咸豬手配酸椰菜及薯蓉：豬手份量好大，外皮超級脆，肉都唔會難咬或者韌，連住小小肥肉食，好正！酸椰菜好開胃，解膩一流。薯蓉都抵讚，好軟綿綿同埋好濃薯仔味。黑松露扁意粉配天婦羅軟殼蟹：呢個意粉黑松露汁味道好濃郁creamy，意粉煮到仲有小小咬口，係我鍾意嘅軟硬度。軟殼蟹亦都炸得唔錯，脆卜卜，唔會覺得好油。白酒煮紐西蘭青口青口肉質新鮮，唔會食到有沙，白酒味唔會好濃。鮮奶咖啡 飲落順滑，唔會好苦易入口 生啤-惠比壽生啤好易入口，麥味甘甜。百利甜酒味巴斯克芝士蛋糕芝士蛋糕好軟綿，好重芝士味，食完有酒味做回甘，係水準之上嘅甜品。…Read More

今日同男朋友係將軍澳睇戲，睇完戲去左唐俊街嘅 Chef's Stage Kitchen 食飯。呢間西餐廳係住附近嘅朋友極力推薦，所以一於要試下。餐廳內部地方闊落，坐得舒服，會幫我地點住蠟燭幾有氣氛。我地叫左一個 2人 Dinner set：沙律／餐湯：沙律係紅菜頭青蘋果沙律，酸酸甜甜好開胃，加埋蘋果好脆，口感好好。餐湯係紅菜頭湯，好濃郁，而且帶有小小紅菜頭蓉嘅口感，好creamy易入口 頭盤：香煎北海道帶子及釀煙三文魚酥皮餡餅 擺盤好靚，帶子煎得好香，一咬落去好軟但仲有小小絲絲分明，上面仲有三文魚籽，好鮮味。酥皮餡餅入面有好多煙三文魚，餅好酥脆。主菜：炭燒穀飼澳洲肉眼扒併香草牛油焗波士頓龍蝦尾：肉眼扒煎得剛剛好，一啲都唔會韌，好juicy，仲好重牛味。龍蝦尾食落彈牙，濃濃牛油味，好鮮甜。另外，我地揀左配千層忌廉蓉，薯蓉調味啱啱好，好濃薯味，一層層甘樣好得意好好味明太子軟殼蟹扁意粉：呢個意粉完全係my favorite, 超級多明太子，creamy得嚟唔會膩，意粉煮得剛好，好掛汁，軟殼蟹大隻，炸得夠脆兩杯飲品：Forest: 呢一杯係有芒果，菠蘿。菠蘿味好出好清新，唔會死甜，好解膩Sunflower: 呢一杯就有橙同熱情果，兩個味道都好明顯而且好夾，甜度啱啱好，味道豐富…Read More

夏天最啱就係打邊爐，所以我好鍾意試唔同嘅打邊爐餐廳。打邊爐最重要梗係個湯底啦，今次就揀咗火焰三椰雞鍋。佢同其他火鍋店唔同嘅就係，職員會喺你面前烹調個湯底。首先佢會喺你面前炒香啲雞，再加入椰青水，椰子水，同其他配料。同其他餐廳直接攞個湯底出嚟係好唔同，呢個位好加分。職員仲提我哋記得飲湯先，嘩個雞湯十分清甜，雞又嫩滑,好推薦。我哋仲叫咗打邊爐必備嘅炸魚皮，黑毛豬，蘿蔔同埋牛肉芝心丸。炸魚皮嘅份量非常之多，而且炸得好香脆食落都唔油膩。西班牙黑毛豬，脂肪分佈均勻，肉質鮮嫩，肉味濃。蘿蔔清甜多汁，仲吸收曬雞嘅精華，冇筋，推薦。牛肉芝心丸我最中意，肉質彈牙煙韌再配上爆漿嘅芝士，正。不得不提佢哋嘅食物啦質素非常之高，而且非常之新鮮。而且肉丸類，餃子雲吞類都可以叫半份，咁少人嘅話都唔驚食唔曬。另外值得讚嘅就係環境非常之乾淨，職員十分之禮，所以成餐飯都食得非常之開心。…Read More

今日係老友生日，我地揀咗呢間居酒屋食生日飯。由於好餓嘅關係，我哋兩個人就嗌咗8樣嘢。1）黑門鮪魚酒盜芝士配合鮪魚醃醬既芝士,口感味道都好難去形容，係一道唔錯嘅開胃菜，同埋伴酒小食，值得一試。2）蜜糖芥末火灸安格斯牛肉沙律我同朋友都十分之鍾意呢個沙律。首先蜜糖芥末醬喺沙律精華，酸酸甜甜，十分開胃。而火炙嘅安格斯牛肉係十分之鮮嫩，兩者配合得天衣無縫。3）海膽蟹味噌甲羅燒有海膽蟹籽蟹肉蟹膏混合一齊燒，嗰種香氣未食就已經流曬口水，係幸福嘅味道。4）極尚大漁貝燒燒貝包括有蝦海膽帶子生蠔，未食就聞到陣陣嘅海鮮味，食落去鮮甜爽口，大滿足。5）黑門鰻魚玉子燒玉子燒燒得濕潤鬆軟同鰻魚非常之夾。6）黑門令極黑鮑海鮮太卷就咁聽個名都知道好勁,入面嘅材料包括有三文魚,吞拿魚,玉子,鮑魚,魷魚等等,一次過滿足曬你所有嘅願望。7）西京燒銀鱈魚銀雪魚嘅肉質非常細嫩,油脂豐富而且juicy,配上沙律醬甜鹹甜鹹咁，真係好想要返碗飯去配呢道魚。8）焦糖烤哈密瓜一上枱嘅時候就見到密瓜上面焦糖脆片,食落口嘅時候有兩種甜度口感喺你口里爆發，又軟又脆，正。雖然叫咗咁多，但我哋都有食曬佢㗎。而且全部都好味，下次一於約多啲朋友嚟試埋佢其他食物。店員nice,環境舒適干淨，推薦推薦。…Read More

今日約咗best friend食生日飯， book咗呢一間喺旺角嘅新式fusion越南菜，位置好方便易搵，裝修得好靚好舒服。脆米紙薄餅薄餅嚟到賣相好靚，顏色多多 ，脆米紙上面鋪滿蘿蔔絲，青瓜絲，仲有粒粒臘腸粒。醬汁濃郁有少少似千島醬，咬落勁脆，超好食好開胃😍😍Shake shake雞軟骨雞軟骨嚟到會用紙袋裝住，有調味嘅辣粉，可以撈落袋shake。份量真係好多，雞軟骨肉同骨嘅比例好好，都食到啖啖肉，炸粉好薄身，唔會油膩😍烤蔞葉雞配青蘋果條呢個炸雞，外皮烤到微微脆，肉質好嫩，青蘋果條好爽口，好解膩惹火上身鹹檸豬頸肉呢個豬頸肉就西利啦，有得睇有得食，店員會點著一塊魔術紙，然後會有火出黎，好正好有氣氛，豬頸肉唔會硬，肥瘦適中新化麻辣鴨血金邊粉呢個粉好豐富，有齊鴨血，扎肉，牛腩，牛丸等，唔會好辣，金邊粉份量好多，好掛湯，超正！班蘭龍眼茶 凍上嘅，真係飲到有班蘭味，好清新接骨木花茶青蘋果花茶超香，會飲到有啲果味，唔錯！…Read More

今日同男朋友去k11 行街，見到呢間靚靚cafe ,就決定試下。我地叫左2樣野share。1)Braised Australian Waygu Beef Cheek with Drunken Beef Gravy呢個燉牛頰肉真心好味，入口即化且軟，但一點都唔會鞋口！而且牛頰肉的脂肪低同埋富含膠原蛋白，所有人都好岩食。除左主角出色之外，配角松露薯泥都十分出色，幼滑＆入口即溶，再加上松露香氣，令人一試愛上。2)NZ Sole Fillet Pasta呢個係粗管意粉，意粉質地唔硬煮得火候岩岩好，而且十分掛汁，ginger and spring onion cream sauce 同魚十分夾，令人一啖接一啖咁食。總括而言，餐廳環境舒服，staff 有禮貌，而且食物好食，值得再試…Read More

聽朋友講九龍城有間居酒屋， 所以就經過附近去試一試，居酒屋雖然地方不大，但環境氣氛十分好，店員會經常同顧客交流講解食材，食材的特質，什麼時候當造，煮食方法 如何帶出食材的鮮味， 聽聽埋埋都學咗好多嘢。而且餐廳是會有酒師駐場 介紹唔同酒畀客人亦都話畀我哋知同咩食物係最夾嘅島根県原隻楚蟹配三文魚籽蟹味好香濃， 味道鮮甜，配埋三文魚子，在嘴入面一粒一粒地爆 ，口感好特別， 店員特別指出那隻蟹是雌蟹，所以會有蟹子，所以蟹味就更加突出了。塩燒萬願寺唐辛子 唐辛子椒味濃, 佢有少少辣味 食落十分新鮮。愛媛縣產原條針魚刺身針魚刺身十分鮮甜，刺身晶瑩剔透，好有食慾，而且針魚魚骨偏幼同偏細條, 店員解釋適合拎去炸， 炸完之後十分香趣，細骨都變成脆脆的，一魚兩食不錯不錯。螢光魷魚螢光魷魚原來佢的當造期係得一個月，味道鮮甜軟滑。究極海老味噌拉麵海老同拉麵十分鮮甜彈牙， 去埋味噌湯，味道好濃郁，拉麵底有個熱石熱住，確保拉麵不會好快凍，好細心。 另外我們都食了幾串串燒，有紫菜芝士年糕，芝士年糕外面燒得微微香脆，咬落去係軟糯的芝士年糕，好足滿。 亦有燒鵪鶉蛋，燒豆腐，全部都香味十足。 而且都十分推介 燒白菌， 菇的香味和汁水都燒了出來，味精很不錯。有機會再去試下佢其他唔同時候嘅時令食材。…Read More

今日同朋友入嚟元朗 諗住呼吸下遠離市區嘅新鮮空氣 去到夜晚 諗住搵一間有情調嘅餐廳感受吓假日嘅氣息 就俾我哋搵到呢一間旺中帶靜嘅Chef’s Stage KitchenChef’s stage凱撒沙律呢一道凱撒沙律 用上新鮮嘅蔬菜配搭香嫩濃郁嘅烤雞肉同埋上等煙肉 旁邊仲有火候恰到好處嘅糖心蛋 整道菜色非常醒胃開胃 牛尾洋蔥湯配芝士焗法包呢一碗牛尾洋蔥湯飲落香濃唔油膩 洋蔥同牛肉更加係熬製到非常易入口 香脆嘅芝士焗法包同有微微鹹香嘅牛骨湯亦都非常配合炭燒美國天然極黑厚切豬鞍扒呢一道厚切豬鞍扒食落口啖啖肉 每一啖都有香濃嘅肉汁滲出嚟 雖然厚肉 但每一個位置嘅肉質都保持鮮嫩 受熱均勻 配上伴碟嘅南瓜醬 芥末醬 同埋燒肉醬 每一啖都有唔同驚喜意大利燒烤菇扁意粉配松露忌廉汁燒烤菇嘅鮮味完美融合喺濃郁嘅松露忌廉汁入邊 每一啖意粉都非常掛汁 口感豐富…Read More

今晚同男朋友發現左間新餐廳，於是就試試佢。餐廳環境整潔乾淨，比人一種好舒服感覺。我地2個人叫左2個主食2個小食。1）BBQ baby pork ribs (36 hours slow cook)主角pork ribs 慢煮後肉質軟腍，配上BBQ 汁醬十分惹味。2) CBC ( crispy bacon cheese) burgerburger 係我食過最好食既，牛肉好juicy, 洋蔥有少少辛辣，bacon 爽脆唔膩，cheese 同牛肉溶為一體，口感肉汁十足，令人回味無窮。3) Honey Garlic wings (6 pcs)雞翅非常香脆，配上特有汁醬，好味。4) poutine (with cheese and gravy)呢款小食我都是第一次食，係芝士薯條配上燒汁，又出奇地夾喎，推薦大家試下。…Read More

今日同好朋友一起去試一間bookmark 左好耐既西餐廳，就是銅鑼灣L square 8樓既 the musicbox grill house and bar。我地兩個人各揀左1份brunch set, 再加一份 香蒜牛油煮蜆。每份set 都配有salad/餐湯 同飲品。我地分別揀凱撒沙律同老海灣栗米周打湯。1）煎三文魚配酸辣龍舌蘭忌廉汁 配沙律 同凍檸茶煎三文魚十分香口，皮脆而不失肉汁，魚肉一d 都唔鞋。配菜仲有煎蛋同菜，薯仔，十分有營養。2）黑松露意大利雲吞 配老海灣栗米周打湯 同檸檬茶栗米周打湯入口creamy, 用料都好足，有洋蔥煙肉，栗米等等，飲落好有口感。黑松露雲吞份量都多，細細粒一啖一隻，黑松露汁醬足夠，唔會食到最後會唔夠汁。3）香蒜牛油煮蜆好朋友係為左呢間蜆而黎，果然冇令我地失望。蜆既份量好足又大隻，而且鮮甜美味肉汁多，配上香蒜同牛油，更加帶出佢既鮮。總括而言，餐廳好值得一試。我會為左個蜆再度encore 。…Read More