tszhoyth's Profile

好少寫食評但真係太失望，呢個價錢呢個體驗真係極低性價比我最後先寫食物質素因為味道嘅野比較主觀，但服務質素差就絕對係客觀情況補充少少資料先，我係食$568 個2人餐問題一：侍應expect客知道晒啲野(但其實我連餐牌都冇...侍應知我哋係book咗二人餐之後，就直接問我哋揀咩前菜，但又唔講有咩揀，要我主動問之後問牛扒要咩汁，又唔講有咩汁揀，要我主動問然後問我哋飲咩，又唔講有咩可以飲，要我主動問有menu嘅話就話啫，menu都冇咁係咪應該你話我知有咩揀?問題二：唔夠侍應成間餐廳得一個侍應，要出餐，落單，執枱等等餐具喺枱面，但幾枱都唔夠/冇刀，個個都要問佢/自己拎(因為侍應忙緊執枱大佬你收緊$280/人呀，餐具侍應都唔夠，你估真係茶記咩，茶記就唔好收呢個價啦問題三：侍應唔熟menu問佢前菜有咩揀，點知佢都er er下，淨係噏到蝦多條問佢咩係蝦多條，佢就答 「好呀，多人叫蝦多條」，完全九唔搭八去到最尾我都係問唔到咩叫蝦多條，只可以估係蝦多士啲朋友甜品又係，問係咩甜品，侍應答梳乎里，的確外表係好似梳乎里，但明明係包嚟，類似西多士咁大佬你做侍應可唔可以專業少少...額外資訊：聽到隔嚟枱塊牛扒講咗 唔要 鐵板上，侍應都話OK，結果都係鐵板上...侍應淨係識講唔好意思，同咗廚房講...然後我哋食牛扒想要鹽，侍應話要$20，雖然我知佢好多款鹽，好似好勁，但抵唔抵俾，就見人見智喇講完客觀野，到主觀評價1. 龍蝦唔霉，但唔彈牙，啲肉會散2. 煲仔麵似唔熟，多過似彈牙(可能我唔識食呢啲"高級野"所以分唔到掛2.5 煲仔麵overrated，味道冇特別3. 牛扒叫咗3成熟，但冇肉汁，冇肉味，鐵板嗰邊極柴(我知柴係合理，但餐廳係咪都應該搵方法serve一塊冇咁柴嘅牛扒？3.5 牛扒比ig條片嘅size細頗多，但算啦都唔好食，4. 甜品同蝦多條好食，蝦多條即係條狀嘅蝦多士，夠脆，咬落有油香5. 廁所好乾淨Overall而言非常失望，令我對廚魔極度嘅能力同要求有極大懷疑…Read More

今日喺利奧坊食呢間Sing Cup，除非係想食快餐，否則可免9:00時段入座（有8折），食2.5小時suppose 去到11:30，但10:15已經話last order，話廚房要閂，連凍櫃夾野嘅夾都收起埋，問個職員拎夾佢就行嚟行去但結果都拎唔到入座時/訂座時都冇講過咁早last order，突然就話要入埋最後一張單而且有啲食物9:00一入座時落單落，點知都話賣晒。。。最後有以下嘅野叫咗但冇嚟過，鮑魚仔花膠仔花雕雞肉 紫金QQ球蝦多士等都係有叫冇嚟仲要問先講話廚房冇就出唔到，唔問都唔講份量亦極唔穩定，用傳統紙仔落單，叫4碟牛嚟1碟，叫3碟羊嚟1碟，叫鴨血2，佢第一次嚟2件，第二次叫2就嚟咗一大堆（如圖Last order 10:15時叫咗一堆肉因為食到11:30，結果冇嚟過，雞牛羊都冇仲有其他問題例如餐廳同foodie做合作搞優惠但個同事好似一頭霧水，唔問都唔俾火鍋撈，落單紙又冇俾，甜品匙分別叫咗8份但加埋得1隻等等雖然大部份職員有禮，但絕對冇下次…Read More

如題，好失望，但唔只一樣野失望先講落單，入座時會提供menu，但落單用QR Code，玩咩？快餐店？加一服務費都過百時你叫我QR code落單？😦然後明明間餐廳已經唔多款式嘅食物，都可以冇貨講緊係佢嘅signature神戶牛得1頁3款食物然後有2樣都冇神戶牛西冷冇，神戶牛小排冇，signature 都冇咁認真唔需要嚟食🙄之後到牛脂，食燒肉最怕黐底，但你唔俾牛脂我我明和牛多油，黐底機會唔大，但我會燒菜咖嘛？燒完菜個爐咪冇油咪黐咯講緊係你個職員代燒都黐，即係唔係我問題😟食物質素正常，薄燒牛油感強啲，牛排就咬口勁啲，最貴嘅嗰啲選擇都做唔到入口即溶職員服務正常，但餐廳質素唔值得食貴野呀突然記起，入座時張枱有明顯油漬未抺好啲食物懷疑連牌都唔夠俾，有啲肉有寫係咩有啲又冇份量亦都好少，講緊叫咗咁多，埋單都唔飽肚…Read More

好伏，兩餸飯本身都冇期待，但呢間真係食完翻唔到轉頭，不可一不可再。個湯正如其他食評所講，凍嘅，或者叫比室温暖少少。食物温度正，但味道係災難性生炒骨，顏色正常但完全冇味。白飯，硬到傻，我諗大約5-10%人會接受到咁硬嘅飯。燒肉正常，其實賣相OK。仲有個唔知咩雞槌，唔係咖哩但真係唔太食得出係咩味。就算唔計啲餸，我當你揀到其他好啲嘅餸食，個飯硬到咁同埋個垃圾中式凍湯真係唔敢叫第二次。好彩啲飯都暖嘅，否則真係會倒咗佢。…Read More

平時食野都好少care環境，不過今次約咗個重要嘅人食飯就諗住揾個環境好啲嘅餐廳，問朋友佢就推薦咗呢間Cafe Hachiko一入到餐廳最吸睛就係佢吧枱同裝修，好似去咗啲高級會所咁同重要嘅人食飯絕對唔得失講翻食物，食物嘅擺盤同味道都非常好，小弟唔識影相但真係幾好睇又好食（小弟冇做開foodie唔識點形容食物😂但係係推薦嘅，同埋個環境真係好正），下午茶時間仲有88折就更抵食，下次再有特別嘅聚會會揀翻呢間，但自己一個食就未必食得起🙈…Read More

好少寫食評，但今次真心失望。食物唔平，4個人埋單$1200左右但冇服務首先一開始上錯食物，唔緊要啦好少事啫，同佢講咗聲就處理咗。之後叫蠔餅唔俾刀都唔緊要，問佢攞兩次先俾。杯水飲晒冇人添，問佢加水，又係叫兩次先有人黎加水。埋單，叫完又冇人俾單，又係要叫兩次先有人俾單我地。人均$300，又收加一服務費，咩都要我叫兩次？不如你每樣食物都俾翻兩份我先?食物質素係OK嘅，但服務對唔住呢個價咯。呢個服務，人均$200 就max…Read More

大概9:10pm入座，坐咗一陣就一次叫咗兩碗糖水，咁甜品黎講佢都算稍為偏貴，咁唔緊要啦又有第二間。坐咗大概20分鐘左右，一直都冇野食，可能慢工出細貨啦唔知咁我就繼續等等到9:40時終於出現第一碗楊枝金露意式涼粉，唔特別好食，芒果底唔凍，最入面有個唔係雪糕嘅芒果冰，實淨嘅唔綿，可以降到下温，咁我個朋友就叫咗另一碗荔枝冰露，因為本身行街行到好熱就想食啲冰降温，但其實食咗30分鐘冷氣咩熱都散晒然後佢就一直等，等呀等，等到9:50都未有。大佬我知好多人食糠水係想吹水，但前提係要有糖水食，唔係淨坐你可能話老細想俾個借口大家坐耐啲傾下計，咁你都可以同我地講聲制坐需時，咁我如果唔係想坐太耐嘅可以唔食呢間嘛Anyway咁我真係等唔到咁耐，就同佢講不如Cancel啦，等咁耐咩都冇，佢話等多陣。最尾過幾分鐘就終於serve 到俾我地然後前後我地食咗50分鐘冷氣，個人已經唔再熱，但個荔枝冰露勁冰，如果佢早啲serve我地嘅話係優點黎嘅，但最尾佢食到震晒，因為直係勁凍。味道正常，啲冰都係好實淨，用匙係扒唔開，要用叉，但就真係等到燥…Read More