一班朋友係九龍城搵食，但係個到其實來來去去都係D泰菜，都食到有少少悶。咁岩有朋友話想飯後去地茂館甜品食中式甜野，於是我地就係個頭附近搵食。行左一輪都無咩心水，見地茂館甜品隔離有間餐廳又係叫地茂館，咪膽粗粗入去試下囉。入到去環境都係普通茶記咁，但係感覺上就光猛D乾淨D。我地都唔使點等位，坐低就問伙記大佬有咩好介紹，佢話叉燒係佢地招牌菜，蜜餞骨都要試下。伙記大佬推介，即管試下囉，除左呢兩味仲有叫左D煲，蒸左條魚，仲有炒蜆同蒸扇貝。其實都係D普通中式菜，但係個叉燒真係不得了！叉燒多汁得來又唔會好肥，最緊要蜜味又唔會太濃郁攪到甜得滯！我同D朋友食完想再安哥，但好可惜已經買晒，個時先8點左右！總括而言，雖然菜式唔算特別，但最緊要係整得好好食，抵食夾大件，完全無欺場！埋單8個人，一人都唔使兩舊水！今次咁都比我地付付碌碌搵到好野，真係不往此行！亦再次證明九龍城呢個地方真係掩住左好多珍珠！…Read More
