tammy_sakuragi's Profile

平時喺新城市廣場食晚飯，之後都會上去滿記食糖水，但滿記碗野越嚟越細，座位又迫，我係肥，搭枱食野經常撞到隔離枱嘅食客；終於忍唔住要轉場，行遠少少過嚟沙田廣場食湯水，而且中式嘅選擇更多！今晚食咗西瓜西米露，大過屋企食飯碗，仲有椰汁蛋白紫米，正常價4/50 攪掂，座位寬闊，張枱又夠大；呢晚差唔多9:00，食客不超過10個人，如果換轉第二間都應該爆場，希望呢啲小店能維持到，附近真係糖水沙漠呀！我會多啲嚟架！…Read More

晚市即炒，夜晚放工夜咗，附近幾間店都唔接單，見佢新開就幫襯下，好大份，好味！抵食就唔算，不過張單留有coupon，早市午晚市，可減$4-$8。睇吓有冇機會七日內再食一次因為coupon有效期七日…Read More

用Openrice預先訂購，去到可以攞唔使等，方便得多，始終佢唔係兩餸飯，全部野食都係即叫即整嘅但今次要扣分嘅係，好彩我多口問句，我加左錢要春卷小食，可唔可以送多D汁，員工才驚覺無俾春卷我，攪到我要等多5分鐘，哭！要讚Openrice，上網訂購竟然跟到店直接訂一樣價錢，全部無收服務平台費，店家亦無將佣金服務費轉嫁到消費者身上，店家多啲生意，客人又覺得Fair，今次WINWIN啦！葵興工業區係沙漠，難得有$60 好味嘅餐廳，越南菜，係獨市。…Read More

豐富嘅餐盒，女仔食就會夠，男仔未必夠了雖然話佢係好味同價錢成正比，但希望可以平啲，始終$80 一餐飯唔平。佢嘅菜脯粒好好味，每次我都係問佢有冇得另外買，佢都話冇，掛住呢啲好味道，唯有多啲幫襯…Read More

放工買快餐返屋企食，呢間韓式炸雞店開咗好耐，但係都未幫襯過，今晚就試吓-飯好硬！小朋友和老人家應該食唔到-豬手好滑好腍好入味！-牛肉飯D牛肉冇汁嘅-漢堡扒略嫌乾身唔夠Juicy-泡菜好味，夠新鮮-收銀姐姐夠靚女又有禮貌後話：見到一位阿豬媽炸完雞後倒落另外一個盆時，跌咗一舊落地下，佢竟然執返起唔係掉落垃圾桶係放喺枱面，期間偷望咗我三次，梗係想吼住我唔為意嘅時候放返落個雞盤度啦！如果呢一幕情景，俾我早見到我就唔會俾錢買嘢食…Read More

好味程度跟價格成正比，但係一個餐要70幾蚊，對於我來講唔可以經常食，（我通常兩至三個月先至食一次）而且飲品又大大杯根本一個lunch就飲唔晒；對於女士嚟講飯和餸份量都少，佢哋可能比較啱，但係對於男士來講應該唔夠食；70幾蚊一個餐，我主要係最鍾意食佢哋嘅粉絲同埋菜圃，問過有冇得賣佢哋話冇，如果有得買，我願意長期購買一樽樽呀！希望可以單買飯盒，價錢平多$10，唔係個個都鍾意飲茶，雖然佢有豆漿選擇，但上次外賣我買豆漿走甜，佢根本就俾咗超甜嘅豆漿我，毫無選擇。…Read More