話說星期日同daddy慶祝，見良景開左好幾間新食肆，諗住去試一試！不過daddy特別鍾意食港式口味，於是就選左呢間四季冰室。平時行過呢間餐廳都見到好多人等，可能星期日關係，屋村餐廳都需要拎飛等叫number..等左around唔知幾耐，終於到我地啦！入到裡面坐，感覺座位尚算舒適，唔會好迫，裝修亦有氣氛，唔錯。開頭叫左3款野食，而等左差唔多15-20mins就有得食第一個菜，味道唔錯，亦岩daddy口味，但之後...有個羊南煲等左超過40mins都未到....咁daddy就開始搵waiter跟進下，跟住好快就有個著卡其色衫既waiter走過黎，話可以幫我地跟跟，見佢著住那些年件衫(隔離間台式餐廳)，而家先知原來係同一間公司，可能唔夠人手過左黎幫手掛。眼見原來好多其他客人既野食都未齊，係咁追單。而頭先個個男waiter同d客好有禮貌咁講「唔好意思，我地今日外賣比較多，可能廚房未整得切，我會盡力同你跟跟」之後再等多15mins都未有...野都差唔多食曬，都未到....daddy話不如取消佢啦，我都諗住唔食了，話口未完，個煲就到了。岩岩整起，熱到有少少燙口，但味道確實係唔錯既！整體黎講，呢間餐廳除左等耐少少，野食尚算不過不失，希望下次可以改善，唔好要客人等太耐。因為我見到隔幾枱有個客等到唔耐煩，係咁大大聲鬧了。特別值得一讚，卡其色衫個waiter既服務態度，見佢每次放低野飲或者野食都會同客人講「多謝晒」。平時去建生個到食野多，好多都就咁擺低就算，anyway，下次會再黎幫襯！題外話：見呢到好多彈多過讚，特別服務方面，確實我見D waiter/ waitress（ 著黑衫的），態度係一般般，甚至語氣唔係太好。…Read More
The above review is the personal opinion of a user which does not represent OpenRice's point of view.
Like
Recommended Dishes
鮮茄焗豬扒飯
羊腩煲
Date of Visit
2021-12-12
Waiting Time
20 Minutes (Dine In)
Spending Per Head
$80 (Dinner)
