油天油地's Profile

岩岩開個陣係幾好架,侍應姐姐好禮貌,主動有活力,不過近排唔知係唔係換左幾個後生仔,水都唔會比杯你.唔尊重客人,中意將D 杯呀碟呀對你D野,好多時佢手上只有一件CAKE都係照隊黎隊去,冇諗過用另一隻手移動物品或尋求協助.有一次我副超放左係台,第一次上野食個陣粒聲唔出就搵件CAKE對我副超,OK,我認我有疏忽,就咁放左係台面.不過第2次我放左係台邊,差D比位有體味的哥仔用茶杯對左落地,FINE又係我唔好,明知張台細就唔好叫咁多野.....好彩手伸得快接得住. 都唔緊要,最起碼黎一句唔好意思,都唔係要求要你SAY SORRY.唔好意思都唔講.投訴?有用咩?表達番個實況都未到真係投訴就已經起哂螫........唉岩岩開個陣都好多人排隊,有好多人買一件CAKE/一件甜點坐低,宜家多左人食SET,食CAKE/飲杯野的人就被唔禮貌對待.其實佢地咁唔想做散客可以轉半自助/自助,起碼唔洗受氣.以下係分開2日食架~士多啤梨芝士檸檬餅(唔記得全名....SORRY)士多啤梨冇多作後期加工,天然的酸酸甜甜配上CREAM再加芝士餅,大家唔會搶對方的風頭,味道又得到平衡.檸檬餅表面個層酸汁好好好好酸~~~~~~~~中間的 CREAM 又好甜,好似甜CREAM可以中和表面的酸,不過其實好衝突,各走太過極端喇~美心栗子蛋糕美心集團的栗子蛋糕都有一個毛病,就係太乾,蛋糕本身較乾身,栗子茸太厚,中間的CREAM過硬.就算味道好,食身太乾身難以吞嚥,對小朋友/長輩好唔方便.另外,咖啡的水準唔穩定,好似焦糖咖啡,一時太甜,一時D泡勁硬,一時完全係一杯普通咖啡. 要求換,有時可以有時唔得,原因係: 我地D焦糖咖啡係咁架.ICE TEA/TEA會好D,始終工序少D,錯就少D~唉...是但啦.都係行番去PP個邊TEA算......如果唔係一直有朋友未試過呢間我諗我都唔會受咁多次佢地的求其同是但.…Read More

龍蝦他他及魚子脆脆鬆餅(我個件林左)、岩岩去左佢地個WEB SITE睇話有燒龍蝦及黑松露(下?咩黎,我唔知自己有食.....)龍蝦芝士卷(邊有芝士..............)不過好好食~成個TEA最好食呀~~~~~~~~~~~ :)有好多人食過都話失望,不過我食完冇失望仲覺得物有所值,同埋覺得已經係算化算的TEA SET.SCONE食到周圍都係,可見係好SCONE,夠鬆化. clotted Cream好食.不過好孤寒比得一細球,要問佢拎多D....仲有個墨西哥龍蝦包好好味~~西點唔差,不過不失. (其實只食左幾口,有D仲未食.....)其實TEA多數都係食環境食氣氛.如果比一個好GRAND的地方你食,講野有迴音.又或者一D老牌的HIGH TEA,又迫又嘈又冇SERVICE,你D FD幾好玩幾岩傾/D野幾好食都冇用啦~呢度有私人空間感又COZY, 侍應親切唔會見你係小朋友就白鴿眼/唔重視你.如果你想坐耐D佢地唔會趕你走,不過會要移去BAR個邊坐LO~因為我食得太多CREAM以下都打包回府,其實女仔可以3個SHARE一SET都可以YO~…Read More

係思思叔爬入面的STELLA E 幾隱秘又多捧場客.價錢唔係好平,不過有質素,坐的係木椅,店面細又迫,不過客人互相尊重,HEA得舒服.CWB少有地方冇內地遊客.咖啡細細杯,係順口的即磨咖啡.奶係我最愛的愛X牌~~~~~~伴隨的COOKIE或CAKE完全冇漂亮的外表,不過有美味的內心.醜怪的APPLE PIE會令你食完想要叫,又或者心思思特登番黎食,簡單的茄汁芝士腸仔多士,明明係屋企都整到,唔知點解係都要黎STELLA EE度食.見到隔離叫左一條C華力腸,唔知點解又想跟住叫................呀~~究竟中左咩毒...點解咁中意呢位阿E 呢~可愛公公婆婆分別係黃糖,白糖即磨咖啡,順口甘香,一D都唔苦先係正宗XD!因為是日坐BAR台,睇住打磨即出,滿室咖啡香另外點了香蕉奶昔,不過不失,香蕉同凍奶LAW~真係好味,另一款係芝士加紫菜,味道係幼稚D,即係阿媽一定會話呢D係屋企整都得啦~洗鬼出去食!不過我中意!!佢地個餅底係油酥皮,香酥的,不過凍左食就好韌~佢地蘋果粒大粒細好HOME MADE .整體唔會單一追求賣相,簡單又幸福的料理.順便加多句,佢地的杏仁波波好好味架~…Read More

週末午餐好多時都會係呢度解決.週末灣仔的餐廳好少FULL哂偏偏鮪壽司成日都咁多人.如果遲少少黎都冇位.係度食飯會覺得物有所值,雖然唔係特別平,不過新鮮,份量同質素都有保證.因為時間尚早,可能岩岩開門,得我地一台.因為岩岩坐正冷氣位,其實都冇咩所謂,不過哥哥仔好醒咁閂細左同較左個風葉,等我唔洗食到正~今日食海膽吞拿魚飯,佢地個魚生飯例牌大堆頭.唯一不足係吞拿魚蓉好多筋.友人的咖哩炸魚飯.不過不失~都係大堆頭,食唔哂打包要比多2蚊.......(下次都係環保D帶定個私家餐盒)小插曲: 因為今日想食串燒,叫左一份牛舌一份腎,另外要多個炸雞軟骨,因為驚新個位哥仔落錯ORDER,所以強調左幾次係炸雞軟骨面唔係串燒.最後都係黎錯,其實落錯ORDER好平常,只不過哥仔揸住串燒雞軟骨都可以話係炸雞軟骨.真係唔知比咩反應,同佢講左一陣佢突然訓醒驚覺係串燒雞軟骨,一句說話都冇講就走番入廚房....再等左一陣我平時最中意食的肥滋滋的雞軟骨今日好乾.....下次可以試其他,因為牛舌麻麻地~定食包一個沙律/炒什菜,湯同雪米滋.食飽飽個陣全餐廳已經坐滿人喇~…Read More

JANG係同朋友傾下計食下野的好地方因為星期六的中午呢度只有3台客環境服務都唔錯只係食物未成氣候.前菜好豐盛,不過除左麻油菠菜,同魷魚泡菜較好味外,其他比任食韓燒的還要差.如:南瓜餅,冇味;泡菜類,較適合外國人口味.蜆肉豆腐湯蜆肉其實好少,味道只有辣,沒有鮮味,豆腐普通.伴食的生菜好好食,夾住五花腩食好好味.好多餐廳會避開/切走腩上的乳頭,不過JANG就冇咁做,有時見到都幾抗拒放入口.他他BEEF同平時食的唔同,牛肉係切粗條,較有咬口不過牛肉太肥,油脂(章)住個口,感覺唔好.成餐飯都麻麻地(可能比純子寵壞左~~),不過旨在同朋友聚一聚.…Read More

灣仔多間食肆都開始衰退.連靠得住都靠唔住喇~泥鯭粥入面只有幾粒肉,其實由年頭開始已經少左魚肉多左好多生菜今次D魚肉真係數得出.味道冇變,都係甜美的魚粥好味~粉腸,豬潤粉腸X8,豬潤X4份量只有半杯,比以往少了一半.不過粉腸,豬潤的鮮美,點貴都覺得心甘命抵.岩岩睇到2010的外賣紙,原來佢地加價勁過通脹......…Read More

因為中意佢的酸齋,但只係單點又好寡,所以次次都叫拼盆.反宜紮蹄唔係次次都好食,有時冇味道~~~~~有時都會叫下小菜蓮藕粉粉的,齋肥豬肉像真度極高~~~~~~~~~不過今次發生左小插曲,今次仲買左一杯雪梨茶,壞左,轉頭行過叫佢換番,點知佢話要收據,因為我掉左收據,所以拎住一杯壞左的雪梨茶都冇得換............:(…Read More

其實好多時會叫家賀屋的外賣,不過今次真係不吐不快.唔知做咩佢地個形狀好古怪,好似比人夾扁左咁紫菜林哂外賣$288都幾抵食,不過可能相片有小小色差.實物幾吸引生海蝦最甜,次次都食~佐賀牛只有火灸的味,冇牛味,火灸三文魚腩油香OK酒煮榮螺味道特別,一試難忘.軟殼蟹上一篇食評的軟殼蟹好大隻,今次份量只有一半,咁打去問下係唔係宜家外賣份量少D啦,店話軟殼蟹有大有細-------OK一開4係習慣------------即數得3舊佢地竟然話係咁架喇--------咩叫係咁架喇????成40蚊一份,你比得3細舊我叫係咁架喇......最後再用軟殼蟹有大有細應付,想搵個負責人黎傾,竟然冇負責人/高級D.我真係範得好失望.…Read More

因為唔知佢搬左,友人打去問路.點知被老點到LEE GARDEN.....(下柵幾百字)ANYWAY,最後個蛋糕都順利到達.6吋的朱古力香蕉蛋糕讚:朱古力有多屠次,食得出面層的朱古力CREAM較甜,內部則較甘因為有層次,所以唔漏.有時朱古力蛋糕單一朱古力味,好難吸引人整個消滅.蛋糕濕度適當.入口順滑.蛋糕底托實正,近排食左咁多個生日蛋糕,佢的底托最好,最方便都穩陣.彈:香蕉有渣係好大舊渣,如5蚊銀品質監控有待改善.…Read More

士多啤梨TART個生日牌好好味,係黑朱古力.士多啤梨似用糖水浸過/煮過.每一粒個味道一致的甜,少了果香.可能因為要保持質量,除了大間的原粒士多啤梨外其他只用了士多啤梨紅色的部份.雲呢嗱CREAM好味,味道濃郁,突出.TART效鬆化,濕度適中,有啖啖的牛油及蜜糖香~…Read More

生日帶同小犬到南丫島郊遊.是次食左LUNCH先行過去索古灣.揀呢間係因為另一間海鮮只有幾桌外國客,呢間多人D,以為食物會好D/新鮮D.因為有小犬,所以坐埋一邊,自成一國都幾OK架~見到D瀨尿蝦生生猛猛就叫了2隻,口說是25蚊一兩,一隻7兩,最後埋單實際一隻約210蚊.不過見圖就唔覺佢有咁重LAW.不過唔緊要啦,耐唔耐一次都冇所謂.味道一般,走油走得太老一隻有膏.都係死實實~60蚊,其實都唔差.炒什菜LAW~~~乳鴿,可能比其他餐廳的BB鴿寵壞左.覺得好似食緊一塊好油好乾冇味的紮蹄咁~XD!最好食係佢,因為新鮮,白灼都好甜,如果唔係難消代,我會叫多一份~~…Read More

本來去福臨門飲茶,不過起身想食蟹就黎左呢度~一入門口太黑,要習慣左一陣先睇到野~HEHE因為星期日都幾多日,坐左上樓上的房,入面仲有一對COUPLES,佢地已經食好,休息緊.因為今日冇鱈場蟹,所以2個人都係要左一個行政SET,一個UP UP做松葉蟹燒.茶碗蒸冇味,冇蛋,冇蟹肉的鮮,係一D味都冇.得個滑字.枝豆先烚後燒,原來都幾好食,只係冇左香口的感覺.米油的天婦羅可以不食,不香,不鮮,硬係覺得放左好耐,一早整定的感覺.甜甜的,如果連佢都唔好食,我未必會想再黎呢度.我中意未全熟前,JELLY狀的時候消滅佢,個陣係最甜,最鮮的時候.蟹黃多數跟烏冬食,不過有時跟豆腐一齊食都唔錯~~友人的松葉蟹燒,又一放左好耐,一早整定的感覺.加鹽的烏冬不是我杯茶~薑汁雪糕似薑汁撞奶好好味~不過我唔飽~~~~~~可能只有一半飽~~~~~~~~~~~~~~同埋午餐質素麻麻, 都係晚餐好,下次都係唔好黎食LUNCH~可以坐8人的VIP房…Read More

朋友帶我到來食生日飯.因為我地都中意牛脂的香氣所以選了佐賀牛A4厚燒上圖係一個2人的SET除左牛肉有得揀美國,澳洲,日本,想厚燒定薄燒, 仲有: 龍蝦,南非/澳洲鮑魚,鱈魚,日本蠔等價錢其實相差不是很多.前菜係一個白汁牛肉沙律, 白汁似係法式白汁,總係覺得牛肉配白汁,食唔到牛肉的香,油,味.因為對沙津比較失望,所以對之後都沒有寄望.點知~我地的食物開始進場等C FU烹調時,鮑魚同日本蠔鮮味一湧而上,開始肚餓了,眼見食材好新鮮,鮑魚同蜆仲世郁黎郁去,幾刺激食慾架.是夜,最好食係蠔,味道似食緊蠔豉,感覺係生蠔的鮮甜.味道比較複雜,真係要試過先知~~鮑魚比較普通可以不提,不過係烹調鮑魚時對面的客人不停話好得人驚,好殘忍呀,係,我睇到都覺得好殘忍.不過食物始終都要黎食,如果我唔食佢,咁佢的死就白費喇~清酒煮蜆較辣,太多辣椒蓋過鮮味.唔知幾時有一塊油脂分佈平均的佐賀牛係度等緊我,可能我食得太專心喇~完全唔知佢黎左~~~有時肉味,油香真係好難取捨.牛肉太多油花肉味多數較淡.不過你試過一舊牛肉係冇渣,同埋自己溶係你個口入面嗎???佐賀牛的肥膏拎去炒飯,不過個飯好硬,冇味,打包番屋企再炒唔好WASTE~~2人SET入面穿插了一D醃菜,沙律,湯,炒菜等,其實好似冇咩野食,不過大食如我都覺得飽架~~~~~最後的紅豆雪糕及熬檸檬蜜都係一流的水準~朋友聽到對面的客話咖啡好飲,要了咖啡,不過咖啡真係麻麻,太啖冇咖啡味......…Read More

以上2個都唔好食.地瓜太厚粉,味粉唔夠.(由)魚鬚平時飲茶個D好食D,因為(由)魚同炸漿分離,由魚本身冇味.......就係因為呢舊雞,令我一係身唔老黎個陣好想食的野熱辣辣,外脆內軟入面JUICY,滴出黎的係汁唔係油!正~香香雞就係大粒版KFC巴辣雞粒.食到停唔到,有半份同一份揀一份好似好多咁,不過我一定食得哂~~~~…Read More

大堂的昆蟲及園野裝飾,配上WARM WARM的燈光,有D想訓覺的感覺同行友人的蝦鍋飯(我唔記得全名)佢同我投訴佢的飯,同面豉湯D配菜一樣,食黎食去都係個D味........我試左一啖,我覺得係滑蛋蝦仁飯.入面連皮的雞肉肥滋滋有D嘔心蛋過老,平時中意茶碗蒸的我,都要免為其難咁食哂佢想食燒魚就會到大戶屋因為可以添飯,唔洗等好耐,質素有保證今次亦唔例外燒魚的魚油的甘香,表面的香脆,魚肉的鮮甜.配上蘿蔔茸會帶出另一種的甜味.當口中充滿油香時,配上一口飽滿的白飯.就會好似飯同魚油跳緊舞咁~又可吃一口醃瓜,REFRESH一下,醋味又可解膩,又可帶出魚的鮮味.一條燒魚,一個定食已經可以令我浸醉在內,不受外界所影響.…Read More