Isaac_glitter's Profile

Boon 搬左去新居工廈，地方大左，空間感大左，座位都幾舒適，多埋包廂房，可以坐多D人。見到菜式都多左，真係唔錯呢。選擇左”炙燒左口魚露荀糖心蛋意大利飯” ，來至日本產地的左口魚裙邊，口感肥美，炙燒過的魚，逼出了香氣十足的魚油，滲入露荀意大利飯，伴勻後非常甘香，再加上糖心蛋點聚，非常正! 😊…Read More

平時都唔太追捧台式飲品，經常覺得一係太甜，一係太淡無味道，但今次試呢間都可以喎。難得係旺角運動完，有點渴，經過呢間店，就過左黎幫襯。叫左杯鳳梨珍珠炭焙烏龍茶，烏龍茶底有很濃郁的茶味，鳳梨汁酸酸甜甜的，濃郁鳳梨味，唔太酸，飲到原汁鳳梨的味道，珍珠好Q，好煙韌，俾得唔少，非常解渴。…Read More

呢間餐廳，都食過佢唔少分店，真係平靚正，用一個較低的價錢可以食多較多款式的美食，真係性價比高。呢間分店係麗港城，相對比較多空位，等左一陣就有位。叫左中華海草、肉醬多利亞、香草牛油焗田螺、原味雞翼、蒜汁燒魷魚。中華海草開胃小菜一碟，幾新鮮。肉醬多利亞，料足，肉醬唔少，味道恰可。原味雞翼，價錢可以，肉鮮嫩、甜，個皮整得幾香脆，鐘意雞翼人仕可以叫多幾隻食添。香草牛油焗田螺都幾香牛油味，但量少左一點。蒜汁燒魷魚，幾嫩，唔會「鞋」，熱辣辣，幾正。食物好味，份量充足，食完真係好滿足。服務細心，態度良好，超值之選!…Read More

人氣咖啡店，大圍全新分店，數千呎Size，空間感十足，走簡約路線，白色、簡潔、乾淨、高貴，氣派十足，仲有落地玻璃、吧台。All Day Breakfast Scrambled Eggs豐富十足的早晨全餐，炒蛋、香腸、牛油果、無花果、雜菜、沙律、煙肉、菇，整體味道豐富、食材新鮮，處理得恰到好處，很不錯。抹茶拿鐵首先拉花拉得幾靚，抹茶味濃郁，鮮奶有「奶」味，好喝😊…Read More

尖沙咀火熱店Frozen Yogurt Drool ，裝橫好吸引，整間店簡單清潔，有好多選擇，真係目不暇給，最後揀左藍莓、Granola、蜜糖。Froyo加咗藍莓好fresh，對眼晴很好。再配上穀物脆片，更有咬口，蜜糖的香甜，味覺上加強了，口感層次增加左唔少。試完發覺果然幾好，唔怪得之咁有人氣。…Read More

見旺角開左間湯麵店，今日同朋友經過，就諗住去試下，拌麵同濃蝦湯麵今次都有試到。牛寶寶蝦汁拌麵揀左冷拌麵，撈完蝦汁的拌麵幾好食，跟一小碗蝦湯，撈埋落麵更香更濃，冷麵好有彈性，拌麵入面有牛肩胛肉、牛腩，配料有溏心蛋，紫菜碎，好豐富、好飽足。自家製炸蝦角外層炸得很脆，饀料足，蝦肉粒幾大，很有底氣。海鮮濃蝦湯麵新鮮熬製濃郁湯底，放左足料蝦頭精華，鮮味極致。配料有溏心蛋，帆立貝，份量比想像中多，十分足料，加上彈牙手工麵，十分讚🥰…Read More

朋友推介過黎長沙灣試呢間復古裝修的韓燒店，店內充滿復古氣息，枱、櫃、擺設都有往昔七、八十年代的懷舊感覺。睇完Menu，主要為套餐，價錢實惠。點了會長王牌套餐 ($398)。特級牛肩脊肉，烤完之後，牛肩脊肉香味非常濃郁。 「招牌牛油熟成厚切五層肉」 非常特別，真係第一次見，五花豬肉，被海鹽牛油包裹住，煎的時候牛油的香味慢慢散發出黎，再慢慢把五花肉煎熟，過程非常享受，煎熟後的五花肉，油脂豐富，十分香口。經過店員推介，揀左辣味豬腸($88)，豬腸洗得幾乾淨，口感幾爽幾彈牙，配上調製過的辣醬，味道不俗。…Read More

喜愛貓的人就一定喜歡呢間餐廳。呢度地方十分寬敞，空間感十足，客人可以近距離同貓貓玩，仲要有好多隻唔同品種的貓貓添，可以無限打卡影相，可以好好享受一個優閒的時光。兩人同行，叫左個法式紅酒燴雞飯和煙三文魚班尼迪酸種包伴黑松露忌廉。法式紅酒燴雞飯 – 雞肉幾嫩滑入味，有紅酒味，飯適中，不太軟或硬。煙三文魚班尼迪酸種包伴黑松露忌廉 – 煙三文魚正常，水煮蛋熟度啱啱好，忌廉聞到幾香的松露味，麵包、薯條熱辣辣、脆卜卜，仲有少許沙律伴碟，好豐盛。呢度幾有特色，推薦喜歡貓貓的人仕可以黎試呢~…Read More

每次黎到K11 Musea都唔知食乜好，因為有不少選擇。今次行下行下，見到有間法式餐廳《THE MUSSELS》，呢間餐廳之前有聽聞過，聽講青口係幾好食的。餐廳環境優美，有海景位買置，非常浪漫。經典香草白酒汁煮青口餐廳選用法國活青口，經低溫冷凍方法新鮮空運，比一般急凍的青口差天共地，好食好多。青口連埋香草加白酒煮，鮮甜味道十足。意大利羅勒青醬意粉PESTO暗綠亮麗，味道入口即感受到一點羅勒刺激的氣味，配上車厘茄子和意大利粉，味道融洽得很好，不自覺一口又一口，好快就食完了。自己比較喜歡明太子意粉或卡邦尼意粉，但今次食完都覺得羅勒青醬意粉別有一番風味😋!西班牙傳統油蒜蝦面包軟硬度適中，唔錯!蒜片有好濃郁香味，蝦的熟度剛剛好，入味且爽脆彈牙，菇煮得好軟熟，同蝦一樣好入味，讚😋！今餐體驗非常好，有靚景、食物又有質素，《THE MUSSELS》果然名不虛傳，確實係K11 Musea當中一個唔錯的選擇。…Read More

長沙灣就真係好少黎，咁啱朋友住呢區，佢又唔想出區，所以我就踏進這個陌生的區域，星期六的中午，人流不算太多，餐廳用左非常日本風的裝修，好有味道，好正，最啱打卡。雞皮餃子聽個名幾盞鬼，小食排行榜第一，必叫。呢個小食幾特別，唔用一般餃子皮，用雞皮做外皮，包住餃子，炸到脆卜卜，食落唔肥膩，餡料唔留手，滿滿飽足感😋，的確唔錯。炙燒吞拿魚牛油果意粉牛油果醬質感香滑濃稠，Mix 埋意粉食，好Creamy，非常夾。火炙吞拿魚燒出了魚脂的香味，半熟的肉質軟綿，口感非常特別，比刺身的口感更有層次😋景+食物很不錯呢~ 值得再食~ 🥰…Read More

今日黎到唔太肚餓，主要點左唔同壽司食，過左一陣，好快就壽司就黎齊。深海池魚、油甘魚都好有油香，新鮮肥美。赤海蝦同甜蝦，好大隻，食得出蝦的香甜同新鮮，其中松露甜軍艦更多左一點松露的香氣，十分讚。火炙左口魚裙邊還有一份火燒過的味道，比左口魚裙邊更美味😋其他壽司都中上水準，今餐不錯。…Read More

The One 餐廳選擇好多，朋友想食泰國野，就揀左呢間Cambo。泰式青咖喱軟殼蟹鍋青咖喱鍋同軟殼蟹鍋係分開上，鍋裏有入面有豆角、翠玉瓜、矮瓜，咖喱汁望落去好似好「杰」，唔食落唔算，味道好濃郁，好有椰香味，咖喱亦唔算太辣。炸軟殼蟹同薯仔好脆，點咖喱汁，極之好味😋 再配上長法包，十分飽足。泰式豬手豬脾煲豬手豬脾煮得好軟腍，香料同辣椒好香好正，又唔會太辣，上面仲有酸菜同蛋，連埋啲」汁一齊食，好正! 整體味道比預期好，可以Encore! 👍🏻…Read More

自己比較喜歡食烏冬，今次就黎左呢間試。日式叉燒烏冬烏冬口感好彈牙，好好食，湯好鮮味，好濃郁，好日式，大大舊叉燒，唔柴，肥瘦比例合適，好咬口。牛油雞翼，外皮炸到非常脆，又多肉汁，好香牛油味食物好高質，整餐食得好愉快 🥰…Read More

因為自己住個區同返工個區都唔多新加坡野食，所以平時都唔係成日食新加坡野，但自己就幾鍾意食海南雞，有些去朋友介紹嘅餐廳試唔同嘅海南雞飯。圍方呢間餐廳早前就聽聞過，今日過大圍就去左支持佢芒果菠蘿梳打酸酸甜甜，飲完零舍開胃海南雞飯一黎到見到佢份量都幾多雞油飯，唔太油，幾香雞肉肉質嫩滑，切得好薄身，好易入口，食落又唔太肥膩又有個豆腐湯清清地，中和一下那份油膩感，唔錯👍🏻另外叫左個雞肉串，烤得幾唔錯，肉唔柴，有肉汁，味道正~整體上唔錯，下次會再黎試佢嘅肉骨茶同甜品😙…Read More

呢間餐廳分量夠大，最啱為食人仕，今日一行兩人，每人叫左一個丼，月肝肝鰻魚丼、鹽蔥燒牛脷脷丼，再加上日式炸雞，實行挑戰我地個胃嘅極限!月肝肝鰻魚丼上面放左大塊鵝肝加黑松露醬，鰻魚量非常多，味道好惹味，兩樣加埋真係幾特別，但十分好食! 日式炸雞雞肉嫩滑，食得出係即製，仲好香脆，不過有點油膩鹽蔥燒牛脷脷丼用料十足，咬落去啖啖肉，嘴裡充滿燒烤的牛舌油脂，性價比極高，牛舌多到見唔到飯，十分抵食!抵食、食物質素唔錯，值得Encore!…Read More