joyce_li_219's Profile

作為一個九龍人，每次去元朗都好似去旅行咁，總會左一袋右一袋，周圍尋寶，今次終於尋到黎真香。沿著蛋香味，黎到呢條窄巷，買左盒原味蛋卷。佢同恒香，德成號唔同，沒有牛油香，但有好重蛋香，每層都好薄好脆，但唔係蜂巢果隻鬆脆，有不一樣既感覺。原來，蛋卷都有好多款呢。…Read More

新年時路過小王子，可惜摸門釘，今日到奧海城睇戲，散場後時間尚早，同友人甜品癮起，決定慢步到這裡一解綠茶癮!我們點了綠茶心太軟及綠茶紅豆朱古力窩夫。先來綠茶紅豆朱古力窩夫，紅豆很大粒，中間混了些朱古力脆脆，可惜甜了些。窩夫很濃朱古力香味，外脆內軟，有水準。接著是綠茶心太軟，光是伴碟已經好吸引。心太軟最重要是內涵，而這個切下去時綠茶漿湧晒出來，對板。綠茶漿味濃，有著綠茶的回甘，而外層鬆脆，熱蛋糕綠茶漿加凍雪糕，一凍一熱，滿口綠茶味，絕對是水準以上。作為一個綠茶控，我會為了這個心太軟再來。…Read More

來之前已經知道亞來金河是吃創意料理的，看見餐牌，都是很正常的名字，那就點了很大路的巴東牛肉，加多加多同酥油餅。先送來的是巴東牛肉。看了一眼，巴東牛肉甚麼時候變成了炸牛腩?本來叫酥油餅就是為了沾牛肉汁來吃的，現在如意算盤打不響了，因為這個菜是比較乾身的。但味道的確是不錯，牛腩炸後仍有肉汁，也不鞋，只是餸汁少了一點。等了半小時還沒有送來酥油餅，同waiter 追完約10分鐘就送來勒。跟餅送來的還有咖喱汁，薄薄兩片切開了四份，沾些咖喱汁，還是熱的，很酥脆，也沒有油膩感，真的很好吃。最後來的是加多加多，送上枱時我好疑惑，心想這個應該是蝦多士吧……最底的是薯蓉，之後是炸麵包，蛋白，花生碎等等…味道是不錯的，只是本來是想吃些蔬菜，現在是有點出入喇。也叫了個青檸薏米水，看它的杰度便知很足料，半杯的薏米帶有青檸的清新，好喝。總括來說味度不錯，驚喜十足，值得一試。…Read More

一年前到北歐旅行，愛佢地既歷史，文化，更愛美食。可惜香港食北歐菜的餐廳不多，Finds一早已經喺我既wish list ，見到佢地喺Restaurant week 既menu,有我摯愛既meatballs, 就喺星期六黎試下。appetizer揀左三文魚六重奏，喜歡吃三文魚，冇諗過可以一次過試到六種煮法。waitress 介紹左每個煮法，由上而下咁食。最吸引我既係mousse,因為呢個mousse 係要搽落片麵包度食，而呢片麵包同我喺瑞典每日食既係同一個味道，質感架。主菜當然要揀meatballs，朋友揀左silver cod,share 食。肉丸每粒都好有份量，肉味好出，配上酸酸既lingonberries醬更加多左份清新既感覺。雖然有少少鞋，但整體還是不錯。silver cod,應該有一吋厚，初初見到佢既外表以為會好鞋，但原來裡面好滑，亦好有魚香。好有水準。最後係lingonberries cheesecake,可惜面層既lingonberries 味唔太出，比較一般。味道的確會勾起回憶，好開心今餐令我諗番起一啲差啲忘記既事情。…Read More

亞坤初初開鋪時排晒長龍，當熱潮過後，食飯時間都唔使等位，終於可以一試。 呢度需要自己排隊落單，拎左個order 牌後就會有人拎食物過黎。 先來野飲，kopi-o. 熱咖啡加糖。之前喺檳城飲既太甜喇，所以嗌左少糖。果然甜度啱啱好，咖啡亦香濃，不錯。之後送上跟餐既糖心蛋。蛋是凍的，但蛋黃味香濃，加上幾滴醬油，好味。第一個主食係沙甸魚三文治。純粹覺得特別，可惜沙甸魚好咸，加上麵包烘唔夠，只可以話係水準以下。第二個主食係咖椰花生醬吐司。麵包夠薄身而且好脆，可惜花生醬味太搶，蓋過晒咖椰，如果可以減少花生醬同加多啲咖椰，一定會更加好味。最後係咖椰球，送黎時都仲熱，好香雞蛋味，可惜裡面既咖椰唔夠多，食唔出咖椰味，感覺冇咩特別。來之前知道有唔少負評係野食遲黎，但是日大概等左10-15分鐘所有野食已經到齊，同時間亦見隔離枱追左幾次單，所以真係好似買大細咁，睇你好唔好彩喇。…Read More

晚完阿芝個talk show 都差唔多1點幾，今晚唔想飲酒，咁不如食個豐富宵夜喇中環宵夜地方有好多，但朋友好想食waffles ,諗都唔使諗，兩個不約而同向flying pan 方向行。呢個鐘數都唔少人喎，香港人對all day breakfast 既喜好真係幾大。我叫左caramel pancakes ,一份三件,每塊都同我塊面差唔多大，濃濃既caramel，唔需要再加blueberry/ maple sauce已經好好味。朋友嗌左strawberry waffles,strawberry 不多，waffles 不算鬆脆，同唔夠香，搽左牛油同怒落blueberry & maple sauce 就好啲喇。相比下，pancakes贏左成條街喇…Read More

今晚要到演藝睇show, 黎到灣仔都已經7點，時間唔多，去cafe 來個輕食吧。近年灣仔開左好多新食肆，好多都好有實力，而呢條街較新既食店都有幾間，見呢度食物選擇不少，即管入內一試。呢度主要提供沙律，三文治，pasta,crepes...以cafe 黎講，種類真係幾多。先來一杯fresh mint lemonade, 佢係將啲薄荷葉同lemonade 一齊攪拌，所以出來係整杯綠綠地…飲落口有淡淡既薄荷味再加上檸檬既微酸，感覺好清新，不過如果薄荷味再多一啲會更好。今日下晝食得太飽，所以我叫左個guacamole on toast salad with chicken. 比較吸引我既係toast, 個麵包烘到好脆，牛油果醬好香，兩塊好快就被ko. 沙律菜都新鮮，雞肉就冇乜特別，整體係唔錯喇。朋友嗌左egg,emmental,spinach,sauteed mushroom Galettes. 個皮略帶麥味，煎得都薄同脆，裡面藏左好多芝士，總括黎講都幾香口，當然，味度始終不及灣仔既另一家,但以cafe 黎講水準已算好不錯。其實都好想試下佢既waffles,可惜夠鐘開場，唯有留番下次喇。…Read More

是日冬至，但唔係黎呢度做冬，事關我們約左sammi touch mi，應約前緊係要醫下肚先。想食醬缸，你可以黎排隊或親身黎book 位，你冇聽錯，係要親身，因為，佢電話係長時間唔通或唔會有人聽架。。。唔想做?當你見過佢條人龍後，就會明白點解會咁。。。我地book左6點，入到去，都只係得番2張吉枱訂位時已經訂埋醬蟹，今次先試唔辣先。上次喺三木食醬蟹，咸得過份，所以都有啲陰影，但醬蟹係呢度名物，點都要試下。主角登場，侍應將辣椒，洋蔥剪開，再送埋個紫菜飯黎，即刻開動。先拎個蟹蓋，加啲飯同醬汁，撈埋啲蟹膏，嘩，好鮮甜，加上紫菜既香，醬汁既微咸同甜，真係好好味，一試難忘。之後再試下啲蟹肉好甜，細細隻，一人一隻剛好。食完個蟹已經好飽，而再黎既海鮮大醬鍋亦比較平凡 ，味道亦偏淡。海鮮有蝦，蟹，蜆，青口，帶子。。尚算豐富總結，黎呢度一定要試醬蟹，記住早兩日book 定呀…Read More

突如其來既早放，即刻搵朋友食個tea,黎個happy Friday!喺旺角想食啲甜，又想輕食，同朋友決定黎茶木。星期五既4點幾，上到黎依然要等位，幸好等左十分鐘就有位，但限時個半鐘，吃個tea時間還是足夠有餘的。先來個渴的，水果茶及蘋果黑莓茶，前者水果味還算濃郁，隨茶附送蜜糖，吃甜既人升喜歡落幾多都得，後者則茶味太濃，喝不出蘋果或莓味，不好喝。之後我地足足等左7個字都未有野黎，同侍應講完要再等多2個字先黎，由唔餓等到肚餓喇終於，送黎心太軟，加vanilla ice cream ,其實我對心太軟好食定義好簡單，流心，朱古力味濃，不要過甜，同流心要暖，呢度既頭三項都可以，可惜只是涼了，要扣分。最後係椰子奶酥吐司，吐司很脆，好重椰子同牛油味，吐司一塊切開3條，細心在每邊都烘過，很值得加分。食完啱啱好夠鐘交枱，走人。…Read More

同朋友慶生，她想吃韓國菜，有朋友推介chum chum味，仲要唔止一個，當然要黎拜訪一下喇。先講一下地理位置，喺香港，只要有Google map就唔怕搵唔到路，但今次真係考起了，去到麼地道，明明到左37號，但門面係住宅大廈，搵來搵去都見唔到港匯廣場，最後只好打俾店家，原來係要喺大眾銀隔離行入去再左轉先到。鋪內有室內同露天area，可惜今晚有點凍，唔係坐出面都不錯。我地一行5個人叫左6個菜，先來一些前菜。前菜份量似乎定左,兩人又或我地5個人都係一樣。先來泡菜壽司，食落就係泡菜味，沒有太大驚喜。跟住係芝士雞蛋卷，甜蛋中充滿芝士香，很不錯，如果蛋再滑一些會更好。主角登場-部隊鍋，真係好豐富。有腸仔，午餐肉，豆腐……最重要緊係個麵喇，麵吸收晒湯既精華，好好味，但應該只有一個麵餅，唔夠分所以加點多個麵。鴛鴦炸雞，甜酸味出色，炸雞外掛甜酸醬汁，好醒胃。而原味始終不及李家。豬手，忘記左呢個餸既名，佢有大細portion,我地嗌左個細但都有十多片，豬手好入味，加埋生菜，青瓜，蒜片同麵豉醬，一啲都唔膩，好食。呢度既野食有水準，加上今晚聽到好多好消息，很愉快的慶生飯聚。…Read More

看戲前想食點輕食，見到呢度食物，咖啡種類不少，還有空位，即刻入內一試。舖內枱與枱比較貼，但在尖沙咀這些旺區，舖租驚人，是可以理解的。到櫃面落order後，staff 會拎食物過來。先來既係Apple n egg salad,份量不少而菜也新鮮，不錯。跟住送來咖啡，色澤對板，咖啡味濃，喝後咖啡味久久不散，是一杯優質的咖啡。主食接著送來，Mushroom n Egg on Toast，蛋是滑的，菇不是太多。咬下去發現麵包好似冇烘過咁，軟的，而蛋應該冇落鹽，冇乜味道。　友人點了All day breakfast，份量頗大，可惜蛋太老，冇咩味，而其餘都係應有既問道。總括黎講，咖啡比食物好，當然，呢度係coffee shop，最緊要緊係咖啡喇。…Read More

行完山要搵地方醫肚，落車見到上咖啡，見佢個menu都幾多選擇，即管試下。呢度採用半自助形式，首先去bar枱度落order 俾錢，拎住個號碼牌，staff會拎野食俾你。先來一客黑松露炒蛋厚多士，蛋對板，炒得頗滑，配上放在中間的黑松露醬，滿口都是蛋香，松露味。多士外脆內鬆軟，不錯。蜂蜜藍莓茶，似乎係沖劑，只有淡淡的藍莓味，不過不失吧友人點左司華力腸菠蘿芝士飛碟，料都係現有的，係預計到既味道。呢度仲有啲甜品，想要輕食的話可以一試。…Read More

平時主要去流浮山食海鮮，勝在唔使諗，話俾老細聽你預既budget就可以幫你發板，啱晒我呢類懶人。 作為海鮮控，是日海鮮癮起，慫恿左友人揸車拉大隊去三聖食餐勁 一到埗，我地先去關財記買海鮮。5個人，買左3隻瀨尿蝦，3隻龍蝦，一隻花蟹，5隻扇貝同蝴蝶蚌。再拎左啲料整海鮮湯。埋單1270去到南記即刻落單，可能是日人太多，我地等左大半個鐘先有野食。先黎既係蛋白蒸花蟹，蛋白有陣花雕味加陣陣蟹膏味，不過可能蒸過左時間，唔夠滑，但慶幸蟹夠新鮮，還不俗。跟住係椒鹽瀨尿蝦，一貫椒鹽味，好香，瀨尿蝦好大隻，每人半隻已經好夠。等左陣送黎金銀蛋菠菜，正好清一清油膩。抖一陣，再黎-蒜蓉蒸扇貝。扇貝好大隻，淨係個殼都成隻碟咁大。帶子位已起，蒸得剛剛好，既鮮甜又嫩滑，好吃。重頭戲-芝士脆皮龍蝦出場。龍蝦開邊加芝士去焗，上枱時已經聞到好香芝士味。全隻鋪著一層厚厚芝士，面好脆，連埋龍蝦肉放入口，出奇地搭，先來芝士既香，再來龍蝦既鮮，無懈可擊。跟住黎既油鹽水蝴蝶蚌，蝴蝶蚌係第一次食，海鮮舖話要年頭年尾先有架喎。佢既質感比較爽，而味就同花甲差不多，可惜將佢放喺龍蝦之後真係被比下去。最後先到既海鮮湯，料同湯分上，可惜咸左少少連埋酒水，白飯，加工費，800蚊埋單。今餐總共2070，唔算好平，但質量絕對取勝。…Read More

今個月朋友聚會主題仍然是扒，是日黎到Ruth's Chris,要求了望海窗口位，只可惜落左窗簾。Waiter 過來介紹自己會serve我地張枱，take order 後又會問我地係咪會share,同埋提醒下一陣啲野點食。呢度個wine list 好長，咩價位都有，我地都用左頗長時間先決定到。上菜速度都幾快，而首先來既係crab cake 。上菜前已分好碟，waiter亦不忘提醒碟邊好熱。crab cake 係呢度既名物，自不然會將佢同Morton 比較。呢個crab cake真係不得了，全個都係蟹肉，有粗有幼，配上牛油碟底，質地比較濕潤，感覺比Morton 的略勝一籌。蟹餅食到一半時送黎法國麵包，外表很平平無奇，但將佢撕開時已感到包身既鬆軟同幼滑。主角登場-New York Strip,medium rare . 都係用上牛油熱碟。切開仍見紅肉，不會over.肉味亦濃郁。跟Morton不同的是，呢度會用上比較多配料，而Morton 係比較原汁原味，肉味亦再重一些。Side dish 係Onion rings，不過不失。休息一陣後當然要試下甜品，Caramelized Banana Pie。好大既一個，兩個人share 都覺太多。吉士不太甜亦好幼滑，餅底係介乎曲奇同酥皮中間，絕對是水準之作。好滿足既一餐，吃罷又要重新開始減肥大計了。…Read More

同事尋日拎左新餐單返黎，見到早餐多左好多款,今日即刻約埋黎試下先。新餐單極度多元化，連粥，鐵板都有，絕對係一大喜訊。終於唔使再食樓下唯一一間快餐店叫左黑松露炒蛋。薯餅。田園沙律。麥多士。($35)之前好怕食黑松露，覺得好大陣石油氣味，但呢度陣松露味剛剛好，蛋亦滑，配上多士，口感很好。順帶一提，呢度有十幾款外賣自取會平啲，早左返工可以黎買個豐富早餐嘆下…Read More