CMS.KRISTY's Profile

山長水遠入到荃灣 其實都只因為為左食其中呢間係我心水之一所以一到步已經打定主意要留定肚食熱狗鋪頭係小巷內 一共有八款熱狗加一啲小食我揀左一陣最終拍板黎個火炙芝士辣肉醬熱狗不過叫左少芝士 哈哈鋪頭隔離仲有個透明玻璃比客人睇到製作全過程我就當然好興奮又跳又彈啦 因為我好中意食熱狗可能我嘅熱情打動 靚女比左好多辣肉醬我呀😍塊芝士我一咬就直接成塊食左落肚啦 啲辣肉醬嘅辣度剛剛好同埋真係好多 多到食到最後都仲有好味到想encore 但本人食左半個已經飽左😂好彩我地兩個分一半食臨走個陣靚女笑笑口望住我地我不期然地比左個讚佢👍🏼因為唔單止好食 仲要好nice雖無華麗裝潢 但有最spicy同yummy嘅味道…Read More

去旅行前一晚同個朋友聚一聚舊，約尖沙咀等，問我食咩。我諗都冇諗就話去the one個間新開點心鋪食啦，反正我又想食啲中式野，二個人就去左食。個老闆係幾好客嘅，入到去坐低叫左壼玫瑰普洱茶，10蚊一位，不過飲茶冇茶唔知想點咁，照嗌左一壼。我地之後點左5樣野: 頂級蝦餃王，百合羅素齋腸，香炸流沙包，蟲草花雕雞飯，柚香茶凍。其實入黎呢間野，最想係食佢個炸流沙包，可惜嘅係期望太高，食落口就知道完全唔係個回事。啲粉太多，亦唔係呈流沙嘅形態，當中嘅奶黃明顯咸蛋味不足，奶味太重。對一個中意食流沙奶皇包嘅人黎講，係好失望。食左一舊，其餘兩舊塞比我友人食食到最尾點左個睇落好特別嘅甜品。賣相講真我比100分，但都係個句囉，唔好期望咁多。我寧願實實在在食個西柚算數。不過都有好食嘅，個蝦餃係足料嘅，食完好滿足。個飯都好入味好有份量，我地兩個人都食唔晒。賣單$2xx，我覺得除左個蝦餃係值個個價之外，其他完全唔值。個老闆臨走前仲叫我地再幫襯，我唯有笑笑口，好有禮貌咁走啦。…Read More

係銅鑼灣行到攰攰地，一抬頭見到有間HeSheEat, 心郁郁同友人走去試下。銅記呢間好似算係新開張，座位唔多，不過算係安排得好快架啦，碌一陣手機就入得。一坐低睇左本menu就即刻點左呢兩個：Salty Caramel Hot Cake同Strawberry Hot Cake. 等左一陣兩碟好吸引嘅hotcake終於黎到。真係好香，香到隔離枱嘅女仔都話應該嗌一個試下。個雪糕好普通，但食個hotcake會覺得好幸福，成個嘴裡面充滿蛋香嘅味道，好fluffy好好味，食完都吾覺得口乾。不過可能啲士多啤梨吾當做，有啲酸，點啲糖漿一齊會好好多。啲雪糕同hotcake一齊食都好特別架，至少我十分like咁樣食。Salty Caramel Hot Cake個個鹽味焦糖唔建議加上個hot cake到，真心味道有啲odd。為左個hotcake, 我諗我會再去食多次。…Read More

襯住仲未咁多人潮聖，梗係去試試啦。位置唔難搵，一入到去感覺好vintage好relax, 不過如果可以播番啲藍調或者輕快嘅英文歌會更加正。雖然我地book左位，但都要等大約10分鐘，好彩有冷氣，如果唔係我一定燥底。服務員態度好nice好好，不斷講唔好意思要我地等咁耐。本menu好特別，係卡係本書到嘅。我地叫左Oldish All Day Breakfast同Rosated Baby Pork Back Rip wif Thai Sauce，另外加錢轉左特飲Oldish Pink Lemonade同Fresh Lime Soda.兩個lunch都好滿意，附送一碗餐湯添架。All day breakfast好大份好足料，不過啲煙肉煎得太燶。個豬仔骨都好好食同埋啲薯條好多，但建議吾食得辣嘅就吾好點啦，我地兩個都食到有少少噴火嘅感覺。飲品方面，兩杯都係酸酸地開胃嘅野飲，但lime soda真係麻麻地，太酸吾係好多人接受到。新張期間直到7月25都有全單9折，我地賣單$232, 下次早啲去試下佢地嘅早餐。…Read More

其實係大街個邊，雖然間鋪細細，但一過馬路就見到，好方便。So convenient as th shop is nearby the Hennessy Road. 原來想食Coca Banana 朱古力香蕉，但係最後都係揀左上面個隻味。冇揀錯，因為食完即刻透心涼。Grape Fantasy is so great, sour and sweet. Very fantastic to enjoy this yummy ice lolly under this melting weather in HK.…Read More