Joselie's Profile

同朋友食完晚飯，又行完街，當然要搵個地方食埋甜品啦！行到厚福街，見到一間裝修得好有格調，藍色外牆既西式餐廳。經過門口，門外有員工向我地遞上餐牌介紹，原來呢度都有甜品食wo！見到餐牌上既甜品都好靚好有特式，而且入面唔算太多人，於是就決定係呢度食甜品喇。一坐低，見到枱面墊枱紙上有個好吸晴既SET︰STARRY NIGHT SET個SET唔算太貴，而且賣相吸弔，於是我地決定就試下呢個SET啦！跟SET有2份花茶，可以揀熱/凍，我地都揀咗熱。一人一壺，啱晒食完野一邊傾計一邊慢慢飲。無幾耐，個SET都來了！嘩，真係好靚呀！呢個SET就係用來呃LIKE既呢，唔同角度都影返張先！Starry Night Set，宵夜都可以High Tea，咸點同甜點各有4款！遂樣試下先！煙三文魚卷煙三文魚鹹香甘腴，中間夾住一種蔬菜，味道好特別，同三文魚好夾。芝士菠菜撻唔多覺有芝士味，餡料應該係菠菜蓉同薯蓉，撻皮非常鬆脆。黑毛豬多士西班牙火腿肉質甘香，慢慢咀嚼浸出淡淡鹹味，口感細膩。無花果鮮蝦米餅呢個係成個SET最好味既一款，無花果清甜，鮮蝦爽口彈牙，米餅脆卜卜，配上一種口味獨特的醬汁，加埋真係好Match！抹茶布朗尼好濃的綠茶味，如果好鐘意綠茶味既朋友應該會好鐘意，不過我就麻麻地，面層紅豆唔太甜，好味。閃電泡芙一個普普通通的泡芙，裡面冇忌廉餡，如果入面有忌廉就好喇！馬卡龍食唔出咩味既馬卡龍，餅皮一般，比較硬咗少少，唔夠鬆脆，餡料酸酸甜甜，但唔夠綿滑，質素只屬一般。蜂蜜雜莓梳打呢一小杯係蜂蜜梳打，上面有2粒莓配一塊脆脆既杏仁餅，梳打清甜蜜糖味，蜜糖沉底，飲前要搞混。連埋加一，埋單$295，價錢一般，唔算太貴。總括黎講，呢度環境OK，服務非常好，食物精緻，下次一定要係晚餐時間再來，試下其他主菜~…Read More

難得約朋友出尖沙咀Shopping，當然要搵間靜靜地既餐廳一邊食飯一邊傾吓計啦！朋友就提議去呢間餐廳，話環境好，夠清靜。餐廳位於漆咸道，上一條樓梯，即時好似進入咗另一個世界！裝修佈置非常特別，四周佈滿花草，好似進入咗童話世界入面的森林一樣。每張枱有一定的距離，好適合傾計。由於我地要留肚落下場食甜品，所以只點了2款主菜。點餐後，職員送上麵包，放麵包的容器好特別，好似個皇冠咁。枱面上有一樽橄欖油同黑醋。麵包外脆內軟，口感滿分。Hokkaido Scallop, Cordyceps Flower, Maitake Mushroom Risotto (北海道扇貝, 蟲草花, 舞茸菇意大利飯)Wild mushroom, Crispy parmesan cheese (野菌, 脆皮帕瑪森芝士)意大利飯上面放上芝士脆片及花做裝飾，好靚啊！先說Crispy Parmesan Cheese，呢塊芝士原來唔只用作裝飾咁簡單，Parmesan Cheese係一種硬質地既乾乳酪，有乳酪之王之稱，芝士味非常濃郁，制成脆片後香脆可口，入口即時散發濃濃芝士味。跟住試下個飯，配料充足，扇貝都有6-7隻，意大利飯軟硬適中，雜菌味道濃郁，香氣逼人。New Zealand Lamb Chop 3 ribs (新西蘭羊排)肥嫩的羊排大約六成熟，鮮嫩多汁，只帶點點羊羶味，平時唔太鐘意食羊肉的我都可以完全接受。總括黎講，呢間餐廳環境及服務都非常好，價錢雖然有D貴，但係平時做野咁辛苦，間中食餐好D都係應該既！…Read More

這家米線小店就在家的附近，平時經過也不太留意，早前於雜誌看到米線TOP 10 排行榜，這家小店榜上有名，於是今天就來試試。米線湯底有四款可選，我們選了一個雞湯，一個麻酸辣。雞湯底的米線選了豬潤，雞湯清甜，米線爽滑煙韌，豬潤新鮮。麻酸辣(小小辣)的選了腩肉，淺嚐少少辣，酸辣度適中，小小麻，下次應該可以考慮要中辣的。腩肉不太肥膩，芽菜，九菜等配料充足。小食也有很多款可以選擇。我們點了花雕雞翼，花雕糖心蛋，麻香雙牛。花雕糖心蛋，非常好吃，花雕味濃，糖心蛋煮得剛好，半熟的美味口感，流心嫰滑，濃濃的酒香令這款簡單的小食更有層次。烤燒花雕雞翼，雞翼烤得非常好，建議上枱時盡快食，雞翼外層烤得香脆，花雕味不算濃，雞翼入味。麻香雙牛，是黑柏葉+牛腩，黑柏葉爽口，牛腩軟嫩入味。特別的是這款小食不辣但有麻香，惹味非常。街坊小店，價錢非常大眾化。…Read More

這家餐廳已經不是第一次來了，之前幾次都是點了招牌二人餐，份量非常多，足夠三人分享。我尤其對這裡的酥皮海鮮湯念念不忘，今晚約了家人晚飯，剛好三人，正好再來這裡回味一下。招牌二人套餐，套餐包括︰沙律X2，小食，酥皮湯X2，主菜8款選2款，今次我們選了BBQ燒豬肋骨及招牌芝士熔岩蛋漿飯。沙律有鮮果沙律及雜菜沙律，沙律一般，由於沙律醬偏甜，不太合胃口。酥皮海皇忌廉湯，這個湯是我最期待的，金黃色酥皮，單單是賣相已經滿分了。酥皮焗得鬆脆可口，打開酥皮，內裡更精彩，蝦、蜆、青口，真是落足料呀！忌廉湯入口香滑，味道適中。小食三寶︰有炸雞塊，雞中翼，魷魚圈，味道一般，炸雞塊略嫌粉漿厚了一點。主菜︰原條BBQ燒豬肋骨 (需另加HK$18)份量很大的燒豬肋骨，上面灑滿白芝麻，豬肋骨非常香口，豬肋骨本身已非常入味，無須沾醬料，而且附送的醬料味道偏酸，不沾醬料更好吃。主菜︰招牌芝士熔岩蛋漿飯炒飯用熱熱的鐵板盛載，配料豐富，包括︰火腿，煙肉，泡菜，紫菜等…上桌後，職員會將蛋漿及芝士碎倒進鐵板內混合，即時香味四溢。炒飯非常惹味，芝士味不算太濃，但有拉絲效果，配料充足，口感豐富。這款是另加的小食︰岩漿芝士鐵板肉醬薯條，芝士味濃郁，肉醬份量適中，配上薯條是一個非常完美的組合。三人晚餐，份量太多了，最後吃不完，還要打包帶走，結帳才不過二百多元，真是超值啊！…Read More

一人午餐，走到在家附近的基隆街，發現了一家新開的小店︰蕃茄師兄一向也很喜歡蕃茄，營養價值高，茄紅素更有抗氧化的作用。店內設計新穎，椅子都採用紅橙黃的顏色，非常醒神。餐牌上選擇不算多，清晰簡單，選了一個烏冬及一款小食。滑一滑，就是蕃茄湯底，配上炒滑蛋及牛肉，這個算是經典的配搭。先嘗一口蕃茄湯，蕃茄味濃郁，調味得相當好，不會太酸，沒有蕃茄本身的腥味。牛肉嫰滑不韌，炒滑蛋也做得不錯。70度慢煮麻辣瑞士汁雞中翼，這款雞翼真的很喜歡，入口時略帶點甜味，輕微的麻辣味慢慢帶出，而且雞翼煮得非常入味。最後結帳時看到雪櫃放滿了一樽樽的飲品，就買了一樽帶回公司，味道清甜，精美的飲品樽還可以循環使用呢！雖然是小店，食材品質及味道也毫不遜色，而且價錢更是大眾化，以後一定會再來。…Read More

再來一個唔想煮飯的晚上，一個人係西九龍中心搵食。經過6樓Cafe 360，呢間餐廳已經唔係第一次黎，呢度既職員比我感覺係非常好，每次經過，職員都會行出門口介紹當日既優惠晚餐，入座後會即時遞上MENU，服務貼心。今晚自己一個，就叫咗職員介紹既酥皮湯晚市套餐，套餐包括酥皮湯、肉醬意粉、餐飲。呢度既酥皮湯水準一向唔錯。入面係忌廉蘑菇湯，湯唔算太濃，有蘑菇味及隱約有點奶味。肉醬意粉，味道沒有太大驚喜，肉醬份量非常充足。呢度最值得讚既係職員既服務態度，非常友善親切，無論想落單、埋單、都好快會有職員跟進，食完既碟好快會有職員收走，以連鎖店黎講，呢個服務真係好值得比個讚！…Read More

一個不想煮飯的晚上，獨自一人，經過美孚，美孚地鐵站萬事達廣場出口，樓上有大家樂，前行有海皇粥店，但晚市時段都太多人了，這家牛車水餐廳難得仍然有坐位，就隨隨便便地解決晚餐吧。點了海南雞飯套餐，套餐有海南雞，油飯一碗，例湯，菜，以及餐飲。這個餐份量很充足，對於一向胃口不太大的我來說，也算是太大份了。跟餐的例湯比較油，很明顯看到湯的表面浮著一層油，試了一口，就是一般例湯的味精味。油飯普普通通。海南雞還可以的，本身我很怕煮得不夠的雞，雞骨中有血的更加接受不到，幸好這個雞煮得剛好，肉質保持嫩滑之餘又不會太生。整體來說是不過不失吧！茶餐廳的價錢，茶餐廳的格局，但餐牌上的選擇比一般茶餐廳會比較多。…Read More

身為自僱人仕，最好的好處莫過於可以自由決定午飯時間，避開人多的時段，在忙碌的工作中也不忘好好享用一頓豐富午餐！選擇了葵芳新都會廣場的牛扒先生，之前朋友介紹過，說這裡的半自助午餐非常超值，今天就來試一下。到達時還未開始，門外大約有十幾人在排隊，午餐時段12:00開始，職員立即安排入座，只等待了大約5分鐘左右。半自助午餐餐牌，選擇不算多，打算點個魚柳，可惜職員說今天魚柳及海蝦薄餅都沒有，唯有點了尖通粉及牛扒。自助沙律吧有大約十款沙律，冷盤，餐湯，麵包，醬料等，而甜品吧就在沙律吧旁邊。冷盤也有幾款不同的火腿，擺設整齊得體。選擇了幾款沙律及火腿，當中必定推介南瓜沙律，不知加了甚麼調味料，除了南瓜本身的清甜，入口更傳出淡淡的清香。其他沙律也很新鮮，味道沒太大的驚喜，但仍屬於中上的質素。主菜︰紐西蘭青口龍蝦忌廉汁尖通粉，龍蝦汁味道濃郁，醬汁不會太少，長通粉略嫌有點硬身，整體來說不錯。主菜︰美國薄西冷牛扒．芥茉籽紅酒汁，牛扒配紅酒汁，算是西餐料理中的經典做法吧，味道也是經典的味道。午餐牛扒沒有提供生熟程度的選擇，一律是大約七成熟左右，牛扒不太生，也不太靭，恰到好處。最後當然是甜品了，甜品吧有十多款甜品可供選擇，各款精美糕點切成剛好一小口的尺吋，非常精緻。選了幾款甜品，當中有個一層層朱古力做面的最為吸引，朱古力味濃，甜度適中，忌廉泡芙也非常美味。…Read More

今日同朋友去完銅鑼灣一個活動，突然即興想入赤柱行下，於是就搭小巴入赤柱喇！難得離開市區，入到赤柱，當然要行下啦！雖然天氣有D熱，但係望到呢個無敵大海景，心情真係會靚D！行到咁上下，係時侯醫肚，講到赤柱既餐廳，呢間船屋餐廳應該好多人都聽過，亦係好多人影相既熱門地點之一。叫咗2個SET LUNCH，煙三文魚薄片配炒滑蛋，Grill Salmon Tortilla Wrap煙三文魚薄片配炒滑蛋︰煙三文魚唔算太咸，炒蛋又滑又嫩，配咗黑松露醬，非常好味。Grill Salmon Tortilla Wrap︰醬汁配上三文魚味道好夾，辣辣地幾惹味，配菜有青瓜及紅蘿蔔絲，紅蘿蔔絲切得非常幼細，配合醬汁，平時唔鐘意食紅蘿蔔既我都可以完全接受。配菜炸薯條份量很多，薯條即炸，非常香脆。…Read More

約朋友食飯，由於朋友夜晚要係觀塘上堂，下班時間，觀塘大型商場內的餐廳一般比較多人，需要等位，所以選擇了一家比較隱蔽的小店晚飯。點菜後，店員很快就送上前菜，有三款︰上菜的速度也很快，我們點了以下幾款︰溫泉蛋凱薩沙律，醬料調味還可以，就是煙肉比較靭嫩豆腐湯 (牛肉)，這款湯味道比較辣，愛吃辣的話是非常不錯的選擇，牛肉跟豆腐是不過不失，豆腐一般，說不上嫩滑韓式烤肉 (雞) 配白飯，雞肉醃得非常入味，配菜及醬汁份量適中，有住家菜的感覺韓式拉絲農夫包 (豬肉)，餡料方面做得非常出色，豬肉同樣醃得非常入味，配料份量適中，表面舖滿濃郁芝士，農夫包比較硬，不夠鬆脆…Read More