ehp_hkexplorer's Profile

先上飲品分別叫咗凍焦糖泡沫奶茶同熱意式泡沫咖啡，焦糖有啲酸，唔知係溝埋奶茶嘅味定係啲冰溶咗而變酸，下次會試下揀朱古力口味，咖啡正常。蜜糖雞翼係焗嘅，上枱時好熱，雞翼醃得夠味，蜜糖好足份量！薯皮拼盤係個人好鍾意嘅一款食物，每次都忍唔住叫，分別有吞拿魚，芝士同煙肉3種口味，可以揀要唔要酸忌廉，推薦配埋食會比較解膩，應該有落咗蒜油，今次食冇之前食咁脆，但都係好食嘅。意粉係套餐，揀咗紅酒炆燉牛脷意粉，配蒜茸包同熱檸水。牛脷煮得淋，意粉偏幼，唔會煮到太軟身，紅酒醬唔會太酸，味道唔錯。蒜蓉包好脆，稍嫌唔夠味，如果餐可以配湯就更好。不得不讚下呢個分店嘅員工服務態度好好，友善待客，亦都好主動去幫忙。一開頭想叫青醬意粉，點知冇青醬，買完其他先再返去買，我唔知原來意粉係餐，結果多咗杯餐飲🤣。買完想改成飲品拎走，員工非常主動幫忙，會再返去食～☕️凍焦糖泡沫奶茶$30☕️熱意式泡沫咖啡（大）$32蜜糖雞翼$58薯皮拼盤$102意粉餐$88❌加一服務費…Read More

以下午茶來計，份量算係幾大份，價錢合理，今日第一餐食佢都好夠飽，幾抵食。服務正常，我哋非繁忙時段入坐，可以要求揀卡位。 先上咗迷你雪菜肉絲米粉，細細杯裝到好滿，食嘅時候有少少狼狽，味道唔錯，開頭米粉偏硬，浸一陣就可以，個湯都好味，同行人飲晒個湯？！ 炸雞髀有我隻手咁大，醃得好夠味，食到薑蔥味，雞皮係脆嘅，雞肉雖然唔係爆汁嗰種，但都唔會太乾。 西多士磚比我想像中大份，其實係一份切成四份，炸嘅面積增加咗令我好滿意，亦都好方便同人分享。裡面嘅花生醬有花生粒，好濃花生味，不過個人就覺得比較乾身。配牛油同糖漿另上，可以自行調節用量。熱奶茶茶底夠濃熱齋啡係即磨咖啡 總括而言，價錢合理，食物質素唔錯，係一餐滿足嘅下午茶。試咗兩款下午茶餐，分別係：西多士磚配炸雞髀迷你雪菜肉絲米配炸雞髀 $42☕️餐茶揀咗熱齋啡+熱奶茶 $41❌加一服務費…Read More