bb車's Profile

琴晚約左朋友係尖沙咀食飯，朋友揀左pici，就去試下～我地約左8點食，book左枱但去到都仲要等大概15分鐘到先入到去，不過職員都係有禮貌既～我地坐底左就係到諗緊食a la carte定試佢個tasting menu. 我地一行四個人，如果揀tasting menu就可以係starter同pasta果度任揀10個dishes, 可以自由配搭，最後因為佢個tasting menu都只不過係每人$298，我地覺得相當抵玩，就揀左試佢個tasting menu，揀左4個starter同6個pasta🤪Starter果度我地揀左 tuna tartar, meat balls, octopus salad同青口。我想講佢每款starter都好好食,相當岀色，4款入邊tuna tartar同青口最為突岀！tuna tartar佢個調味做得好好，會令人好想追住食！青口就肉質細嫩，蕃茄味亦都好岀同好入味，大讚啊👍🏻👍🏻 到pasta我地就揀左意式辣肉貓耳朵麵，黑松露細扁麵，Lasagna, 海鮮濃汁蕃紅花意式小麵團，慢煮牛面頰寬帶麵同帶子意粉（呢個要額外加多$40）。我想講全部pasta都好好食，最為驚喜既不得不提佢個黑松露細扁麵，呢個真係好香truffle味，食落去咸咸香香咁，勁惹味，下次黎都一定會再食佢呀😋😋😋😋最後原來個tasting menu係包埋每人一個甜品，因為咁我地就叫左兩個panna cotta, tiramisu 同雪糕。甜品黎講就panna cotta比較岀色，雖然奶味唔係好重，但個奶凍口感好嫩滑，的確唔錯，其他就正常發揮，冇話好突岀，但都係好食既。最後食到好飽埋單都只係每人$300，抵到爛！所以大家如果想食下又平又好味既pasta就黎pici啦，大推🙌🏻🙌🏻…Read More

Lunchtime撞正落雨，就唔行咁遠，近近地去basehall食lunch, 去到就試下一直聽朋友講左好耐話好好食既兩姊妹涼皮有限公司～我地兩個人係basehall都算易揾位，一坐底就qr code落單試下佢個招牌兩姊妹涼皮（$38）加雞絲（另加$15），朋友就叫左個暖笠笠豆腐熱皮～一黎到見到賣相唔算話好吸引，但食落又真係有驚喜。首先佢個涼皮好滑，咬落又唔會話好似薯粉咁好煙韌，佢算係易咬果種質地，口感很不錯，我好中意👍🏻 另外就算我叫既係涼皮，但佢都唔會話好冰凍果種，反而佢係屬於室温偏涼少少既温度，食落好舒服。最後調味方面我叫左小辣，佢個辣度我覺得適中又香口，令到成個涼皮更惹味！今個lunch埋單都係$53，屬性價比之選，大推！未食過既你值得一試🙌🏻🙌🏻🙌🏻…Read More

星期五晚夜左收工，就係中環附近揾下邊間收得夜既醫醫肚，就比我揾到呢間滿滿食堂～我地入去餐廳果陣時大約8:30左右，唔洗等位可以直入，入到去見人流都唔算多，都係得四五枱客，所以我地可以揀坐邊都得～坐底無耐我地就叫野食，我地當晚唔算話好肚餓，所以兩個人淨係叫左個棒棒雞豚骨湯拉麵，鐵板燒套餐包括有燒生蠔4隻，燒帶子3粒，燒牛扒（100g)同跟餐有個細細既咖哩飯，最後加多個黑蒜油湯煮青口～佢個鐵板燒套餐係包埋沙律前菜任食，所以我地係主菜黎之前就食下佢d前菜打下底先～佢d前菜包括有泡菜，醃芽菜同青瓜，泡菜同醃芽菜個人覺得都唔錯幾入味，但青瓜就略嫌遜色左d, 味道偏淡，比較一般。食完前菜無耐佢個鐵板燒套餐跟埋個咖哩飯就黎嘞。見佢d生蠔同帶子都幾靚仔，所以我地一開波就燒左生蠔同帶子試試佢先，但因為生蠔同帶子會出水嘅關係，佢個鐵板好快就已經唔夠熱，啲蠔同帶子燒到半熟就已經要換過另一塊新嘅鐵板，都換咗塊新既鐵板之後佢嘅熱力都只係夠燒埋剩低半熟嘅生蠔同帶子，到我哋食牛扒嗰陣時又要換過塊新嘅鐵板，呢個位相當麻煩，加上將啲嘢食咁樣轉來轉去，完全燒唔到我哋想要嘅效果，味道口感當然欠奉，所以下次再嚟都未必再試佢個鐵板燒套餐👎🏼👎🏼除左佢個鐵板燒之外，佢個咖哩飯同拉麵味道都唔錯既，咖哩飯既咖哩係甜咖喱，啱晒我哋口味，拉麵嘅辣度都好適中，整體感覺唔錯，唯一要提既係餐廳冷氣開太大，d野食好快就凍晒🙈🙈 最後就係佢個黑蒜油湯煮青口，呢個有驚喜，首先$38黎講份量算幾多，唔會話得幾隻好快就食完果d,另外就係佢個湯底好重黑蒜油味，我地一致都認為好好食，本身想追加叫多個，點知佢9:30已經last order，咁就唯有下次再食啦😌總括黎講佢食物水平屬一般之上，加上佢價錢真係好平好抵食，兩個人埋單都係$250有找，晚餐黎講性價比極高，值得一試👍🏻…Read More

Lunch見中環好多餐廳都好爆場，就近近地行左去鐵行里入邊揾餐廳，竟然比我揾到間性價比幾高既越南小店就打算試下佢～因為係中環lunch time既關係，所以等位都等左大約20分鐘先入到去。入到去餐廳比較細少，坐得唔算話好舒服果種，但員工都親切友善👍🏻坐低後我就叫左個沙嗲豬頸肉飯，另外見佢個蒜蓉牛油雞翼係店長推介，咁我又散叫多4隻蒜蓉牛油雞翼試試佢。首先黎到既係雞翼，一上枱已經聞到好香，一試真係愛上左，佢炸得好香脆，肉質又細嫩，完全唔「鞋」口，加上佢鋪底既蒜蓉蘿蔔絲好惹味，4隻真係唔多夠喉👍🏻👍🏻👍🏻 再黎就係佢個沙嗲豬頸肉飯，佢個沙嗲聞落好香椰汁味，但食落就冇聞落咁香，略嫌個沙嗲味唔係好岀唔夠惹味，但個豬頸肉就好冧好香口，十分好食，豬頸肉同個飯份量都好足，唔大食既女仔朋友可能兩個人share一碗都仲得，男士們就一定夠飽肚，呢個份量黎講係十分抵食。最後埋單就$100，中環食lunch黎講就差唔多都係呢d價，唔算話好貴，小店黎講算係有驚喜，推薦！…Read More

同女朋友好耐都無食過放題，心思思想揾間平靚正既食下擦番餐勁既，咁啱比我地揾到呢間係銅鑼灣既瀛豐～ 佢位置都好方便，喺銅鑼灣C出口附近，一啲都唔難揾👍🏻佢呢個放題係有分午市同晚市既，午市都再有分12-3pm同4-6pm兩個時段~~ 我地見同樣價錢但12-3pm呢個時段可以食到三個鐘我地就揀咗星期六既午市去食，食中午12點到3點呢個時段，可以慢慢食，食得舒服d，唔洗滾水淥腳咁😌 當日係$229一位，另外我地額外加多$148/位食埋佢個升級任食極品海鮮拼盤，海膽帶子同生啤任飲，所以埋單係人均$420到～ 講番d食物，佢頭盤例如沙律，蒜味螺肉，芝麻八爪魚，甜品同埋野飲都係以自助形式自己係岀面攞既，其他任食既野食就係qr code落單，相當方便～佢呢間放題主要係做日式加泰式食物任食，任食既食物款式唔算好多～而我地因為額外加左錢升級食佢個海鮮拼盤同海膽帶子既關係，所以我地一開波就狂點呢兩樣食🤣🤣 佢個海膽帶子的確係幾好食嘅，十分鮮甜，我地都連續每人食左超過十粒😆 另外佢個海鮮拼盤有我同我女朋友都好鍾意食既蟹腳同醬油鮑魚，仲有牡丹蝦同其他魚類刺身，我哋食咗幾盤都覺得刺身好新鮮，鮑魚亦都好入味，幾好食，但蟹腳我哋就略嫌唔夠鮮甜同埋肉質比較嚡口~值得一提既係佢第一轉黎既海鮮拼盤係會有一人一小盒魚子醬（非任食），雖然味道麻麻，但呢個價位有埋魚子醬都有點小驚喜～另外熱食方一面就比較一般，冇乜話邊樣我地係覺得好好食好有記憶點既🙈 我地叫左佢既泰式炒通菜，泰式生蝦，燒蠔，燒帶子，蝦餅，天婦羅，燒菠蘿，炒蜆，炸年糕，壽司等等，都係屬於一般正常水平，不過不失咁啦～但值得一讚既係佢既服務質素，佢哋嘅員工都好有禮貌，同好主動跟單，上菜速度算合理，冇話拖單既，漏單情況都唔算嚴重，如果有發現漏單員工都好即時跟進，跟進後好快都已經黎番d食物，呢個位好多放題餐廳都未必做到，所以呢個位呢間餐廳係幾抵讚👍🏻👍🏻總括黎講我覺得食物質素一般，人均四百幾唔算話好抵食，但服務質素的確唔錯，令食客食得幾舒服既～…Read More

之前同另一半係社交平台見到係皇家太平洋酒店既堤岸推岀左個$358/位既半自助晚餐，包salad bar同desert任食同一個main dish, 如果想free flow飲下佢d house wine就可以加多$138/位，我地見價幾抵就膽粗粗試下佢～入到去餐廳環境都好decent整潔，員工服務態度都ok既。salad bar既款式就唔算話好多，但每款味道都幾唔錯，特別係佢個海鮮萵筍沙律，蟹籽蟹柳青瓜沙律同鴨胸，我地接連都攞左幾轉，因為都真係幾好食🤣 除左沙律之外，佢都有個海鮮忌廉湯，但呢個就好麻麻，冇乜海鮮料，味道亦冇話好濃郁，我地飲左一半都放棄左了～到main course, 我地一個一叫左牛扒一個叫左羊架。個羊架煮得好岀色，真係煮到5成熟，符合我既要求，肉質細嫩多汁，唯一美中不足係我覺得唔夠羊臊味😌 但另外件牛扒就認真麻麻，我地同樣叫5成熟，但佢就煮到7-8成，有d位直情韌到𡁻唔到，加上佢件牛本身調料調得重左，勁咸，我地真係完全食唔到，所以無奈地退貨叫佢煮過過，點知第二次黎都一樣係同樣質素，我地食左半塊就又放棄左。特別一提係呢件牛扒係要額外加多$60，想試既朋友可以慳番呢$60嘞🙈最後甜品方面，佢有haagen dazs雪糕任食，仲有我最愛既cookies and cream味，呢個位加分👍🏻👍🏻 佢仲有幾款小cake既，但味道就不過不失啦，特別一提係佢個麵包布甸，整得好軟糯，又唔會話好甜，呢個我都岀去攞左兩次🤣最後就係佢個楊枝甘露，本人就覺得佢落得太重椰奶，搶左個芒果味，有點失色🙈最後我地兩個人埋單$776， 人均大約$390，係酒店食semi-buffet黎講都算平，值得一試…Read More

同女朋友係開尖沙咀行街，行到咁上下比呢間海陸空既門面吸引左就順便入黎試試佢～一入門口左手邊係好似超市咁有好多韓國食品賣，右手邊就有套韓服擺設，啱晒一眾喜歡打卡影相既朋友仔。入到餐廳坐低左就每人叫左杯1664啤啤佢，之後就叫左個甜辣炸雞，韓式海鮮辣麵同韓式芝士煎蛋卷。一落完order侍應已經好快咁上晒韓國餐廳固有既前菜小碟比你醫下肚先。前菜一共有6小碟，比起好多韓國餐廳淨係得泡菜同蘿蔔或菠菜都算多。餐廳上菜速度都ok快，無話要等好耐。首先黎到既係甜辣炸雞，佢味道唔錯，甜辣度適中，冇話偏甜或者偏辣，但可惜既係d雞略嫌overcook左少少，有d鞋口🙈🙈🙈 之後再黎既係海鮮辣麵，佢海鮮份量都ok, 味道就不過不失啦，正常發揮，無話好有記憶點。最後個蛋卷就味道唔錯，d芝士仲可以做到拉絲效果，呢個加分加分👍🏻👍🏻 我地食到半路撞正隔離枱食客生日，餐廳播晒歌，d員工又走晒岀黎唱歌助興，都好有氣氛好開心👍🏻👍🏻最後我地兩個人埋單$400有找，人均都係$200到，屬性價比之選。大家如果想平平地食下正宗既韓國菜都可以黎呢間試下…Read More

琴日係同另一半拍拖6個月既紀念日, 所以中環收工後就去左附近H Code 一樓既Mojo Bristro食飯慶祝~~ 一入到去環境算唔錯, 靜靜地, 就算樓下有酒吧都冇話好嘈傾唔到計~  因為有經Open Rice book檯既關係 (有全單8折優惠!!), 所以職員知道我地係for celebration都好有心咁安排左窗邊位比我地, 抵讚!!  去到叫野食, 見到有個menu係講每日都有一款菜式做半價優惠!!!!!  我果日係星期五黎, 係做龍蝦湯半價, 原本就諗住試試佢, 點知職員話如果享用左全單8拆優惠就冇得要龍蝦湯半價, 咁我地就當然揀左要全單8折啦, 放棄左個龍蝦湯~~  我地兩個人叫左個煙燻三文魚子蟹餅, 龍蝦忌廉汁阿根廷紅蝦扁意粉, 美國豬鞍排配左個香草牛油炒雜菌同叫左杯cocktail, 最後再叫多左個朱古力brownie做甜品~~  野食黎到佢個presentation都OK既, 但份量就相對上細左D, 我同另一半都唔係大食既人都覺得唔多夠飽, 本身想再加單, 但佢last order係9:30pm,  收11點, 所以已經叫唔切了 ~~   講番d食物, 佢d野食整體都比較淡味, 個炒雜菌我地要額外加鹽先覺得夠味, 個紅蝦意粉都有同樣情況, 個豬排呢就因為有跟埋個source所以叫做有D味, 叫好少少>< 所以整體食物味道我地都覺得好一般, 呢點餐廳可能要留意下~ 個朱古力brownie叫做全晚最高分既食物XDXD 我地兩個人最後賣單接近HK$1000 (8折後價), 性價比唔算高, 如果食物份量大番少少會比較吸引~~…Read More

夜晚飲完酒有d肚餓就近近地走左去附近間霸嗎食碗拉麵醫肚～入面地方細細，但都算骨子，坐得都冇話好逼，職員都好有禮貌～我地兩個人一個叫左佢個炙燒豚肉味玉拉麵，另一碗就叫左雞叉燒雞白湯拉麵，兩碗都味道唔錯，正常發揮，雞肉同豚肉都煮得好冧好夠肉味，雞湯底相對就較清d，豚湯底就濃少少，但都無話偏咸既，温泉蛋既生熟程度都啱啱好，做到真係流心效果，幾好食，唔錯唔錯👍🏻最後兩個人埋單$200度，人均$100😌…Read More

Happy Friday約左個朋友食飯，就近近地去中環間Frites試試佢，點知一試就有驚喜👍🏻👍🏻 一入到去環境挺不錯，暗暗地，都幾有feel, 我地一行三人叫左個caesar salad, beef tartar, house mussel, cheese pizza同seafood linguine，再加每人一杯啤酒啤啤佢😙 餐廳既送餐速度都算快，落左單大約15分鐘都陸續上菜，第一個黎既係caesar salad同beef tartar，因為我唔食牛既關係，所以就冇試到嘞，個caesar salad就正正常常，冇咩特別。之後個house mussel就好有驚喜，青口肉質好嫩滑，味道鮮甜，好好味👍🏻👍🏻再黎就係佢個seafood linguine, 海鮮料好多，個麵帶少少辣又好惹味，下次再黎都一定會再叫。最後佢個cheese pizza就中規中距，都好食既，芝士味好濃，只係之前果兩個菜太岀色搞到個pizza有少少比下去，但其實都係好食既。呢間餐廳既食物份量比一般既多，食到最後個個都好飽，pizza要打包拎走😂我地三個人叫左咁多野食又叫埋啤酒最後埋單都係$1500，人均$500，性價比頗高既一間餐廳，必定會回頭再試佢其他菜色，一句講晒，大推🙌🏻🙌🏻🙌🏻…Read More