lailaifood's Profile

最近屋企人話尖沙咀開咗間新既居酒屋，見我依排轉新工就話帶我去依間當平平地慶祝。Personally 我覺得依間居酒屋裝修靚得來野食算唔錯！今次試咗既包括有佢哋每日新鮮現切既三款刺身拼盤（$128），油甘魚超有油香入口即融好正！雞肉串燒盛合（$168）由廚師發板，有特別部位如雞肝、雞尾、雞腎，望住師傅啱啱燒起就上枱真係加唒分，啱晒鐘意食雞既我😋匙燒一口壽司（$138）係依間居酒屋獨家推出，一啖就可以將啲freshness呑唒入口啱唒乜都鐘意試啲但又唔算大食既朋友！（不包括本人因為我好大食☺️）雜錦天婦羅同日式豚肉銀芽係正常發揮，配埋超Colorful 既soda好啱夏日尾巴食盡佢！.P.S. 老闆上星期同我同屋企人講，話佢哋而家試業中做緊全店88折，暫時未知優惠做到幾時，所以大家要去就快啲去！我上次平日上去都見另一邊座位區半full 🤨…Read More

係好適合同長輩慶祝大時大節去食既高級私房菜，雖然價錢上少貴但完全無伏！Around $1300 一人但保證食到長輩見牙唔見眼🤩.今次主要食咗以下幾道菜式：💛燕窩鷓鴣粥（超推介！）-爆得意，喺出面食唔到嘅失傳菜式！食落口感軟綿豐富，其實有啲似食魚翅但多咗肉既鮮味💛大蝦多士-真係爆多餡嘅蝦多士，新鮮炸起好好味💛陳年滷水紅燒乳鴿（超推介！）-乳鴿皮脆肉薄，重點係滷水汁好釣到乳鴿嘅鮮味💛蝦子扒節瓜💛蜜汁火方（推介！）-出面食一小塊都過$100，依度大大塊仲要用既火腿係頂級，甘鹹有度令人回味無窮💛咖哩牛腩💛大同蜜汁叉燒（推介！）- 鍾意食叉燒嘅朋友有福了，依度既叉燒微微燶邊，肥瘦層層相夾💛秘製荷葉飯💛蟹油撈麵（超推介！）- 明明食到最後超飽都想keep住食既神奇撈麵，啲蟹油香到傻，聽上菜阿姐講係由好多隻蟹拆出嚟嘅油整成💛二十年陳皮紅豆沙- 鍾意食陳皮嘅朋友應該會好鍾意依碗甜品，勁重陳皮味！.Overall來講非常推介，大家係OpenRice訂位會有extra rice dollar送，大家千祈唔好錯過！😋…Read More

好耐未係港島食過咁高性價比嘅西餐廳！我去到一打開menu 見到封門牛柳蕃茄醬意大利粉只賣$88第一個感覺係大顛，重點係啲牛既肉質好嫩同啲蕃茄醬完全無罐頭味，係100%店主自製既醬汁😋甜甜酸酸又辣辣地咁好開胃！.見啲牛咁好食即刻再嗌咗個澳洲牛柳配薯條（$218），佢依度有坊間好少見既藍芝士醬揀！建議芝士控必叫！因為配薯條係勁夾！佢啲薯條係La Vache!嗰隻來（但再香啲），幼身得來長長脆脆的好有咬口！我同fd唔洗5分鐘清咗盤🤩我之前食嗰陣因為逢星期一至四係steak night仲有紅酒送🍷😎.最後韓式雞翼（$138）同招牌芝士蛋糕（$98）都ok有水準🤵‍♂️大家食完我主推2主菜未飽可以一叫！…Read More

又有景，啲野食又正到無朋友既鐵板燒算係難求，但依間位於銅鑼灣既高空餐廳就做到🔆當日同屋企人食咗佢哋既感謝祭限定大激貫set，（ 原價$1150，現每位$880❗️）有我personal favourite ：勁鮮甜既澳洲龍蝦又有煎得啱啱好，同三文魚籽夾埋一齊好match 既煎北海道帆立貝、同去鐵板燒必食既美國牛柳做主打，啲美國牛柳既肉味重得來又無日本和牛咁肥，3樣野加埋真係一次過滿足唒我胃部3個願望！另外作為前菜刺身既白松露櫻花鯛魚係可以balance 返啲燒物，令到成餐飯唔會太油膩，加埋其他漬物、主食（係櫻花蝦炒飯，但我已經唔夠位post 同食）同甜品，整體來講我好滿意呀😆！…Read More

雖然話係火鍋私房菜，但依間餐廳定價可謂相當make sense ! 個人首推2人火鍋套餐，只需$488就有齊鮮熬湯底同足料配料✌️今次我鍋底揀咗夏天食相當開胃既酸菜白肉鍋，我個人來講都幾推薦依個鍋底，無論肉定豆卜都係滿滿的一鍋，愈煲愈入味😌.至於配料我就揀咗油花豐沛既手切安格斯牛小扒（超推薦，食到停唔到口），炸響鈴同手打墨魚丸，再額外加配咗我打邊爐最鐘意點既牛胸爽（$128）😼，好多人以為牛胸爽係牛既脂肪，其實佢係牛既軟骨部位，食落好爽口架！大家有機會一定要order佢試試😋依度既牛胸爽都無得彈呢😌…Read More

想揾間睇到海景既日本菜餐廳，依間可以話一流既選擇！雖然佢價格唔係行平民路線，但我覺得佢野食質素係對得住佢價錢。嗰日因為我同朋友都滯滯地既關係，我哋無嗌太多野食，但覺得嗌得既都幾ok ~重點推薦有海老野菜天婦羅盛合（$158），啲天婦羅ssss炸得恰到好處，一口咬落去唔會骨肉分離，而且竟然炸過都食得出用料既鮮（especially d 蝦sss）🤪.另外想讚既係輕燒平目魚邊黑松露沙律（$128），d fresh fresh 既菜完美中和咗魚邊既油脂感😆第一下食中華風燒賣壽司（$118）超驚喜，啲蟹肉、吞拿魚蓉、蟹籽同底層軟糯既壽司飯完美融合到一個點，食到依度已經有啲飽，再加埋佢哋最出名既甜品拼盤（$168）就夠唒打卡able!.P.S. 我個幾月前去佢哋做緊優惠2 hrs sake flow +$188/位，忍唔住叫咗同fd飲到不醉無歸🤞.P.S.2. 聽聞佢哋三、五、六晚有live music ，大家可以留意下～…Read More

而家有人情味既非連鎖式街坊小店真係買少見少，尤其係傳統港式餐廳🥲依間餐廳係深水埗既朋友推薦俾我既，話係個個深水埗人都幾乎飯過既餐廳，主打傳統小炒，避風塘炒肉蟹（視乎時價而定）同豉椒味菜炒蟶子皇（$188）都好惹味，以依個價錢食到咁大碟海鮮都好抵😛攻鼻得來同時掛上絲絲沙律醬既芥辣牛柳粒（$118）都係友人最愛，配飯一流，最後點少得去大排檔必食嘅椒鹽脆豆腐（$78）同蝦乾通菜煲（$78），好熱氣但去得大排檔就係想熱氣呀嘛🫣anyway 推薦！…Read More

有fd升職請我去食天后新開嘅Omakase，食完覺得個set可謂相當impressive，啱晒一班鍾意「肥美系」海鮮既朋友🥴佢地既主廚勁了解香港人口味，個螢狩set ($1380) 勁多海膽菜式、拖羅同啖啖魚脂既特別魚生/cuisine ！同我成日覺得新開既高級餐廳伏既機會係會比其他上咗神枱既高級餐廳低🫣大家真係咪走寶~.肥美系代表有傳統吞拿魚背撈山芋海膽魚子既cls 配搭，又有香港omakase店好少見既油坊主，啲油脂真係一咬就咇唒出嚟🥹傳統啲既有無乜人唔鍾意嘅大拖羅同原條直上A5鹿兒島和牛sushi，第一啖食落去既感覺超級難忘，係依度話我知原來和牛都可以生食😋師傅係我食嗰陣勁自信咁講唔燒咁食仲鮮食得出嗰浸勁富油香既肉味🙈.至於個set 其他菜式都令人留下深刻印象！其中一道最記得既係佢既本地蜆湯，用咗成12小時煲，煲完再換返啲新鮮蜆落去，真係粒粒都勁鮮甜。另一道用當造縞蝦撈蝦子同蝦膏既菜式都係極度甜美，對上一次食到咁靚既蝦已經係係阿根廷🇦🇷食當地新鮮既紅蝦刺身🥹佐賀蠔、北海道毛蟹嗰啲就唔洗講啦真係超水準，最後配上師傅新鮮整既玉子甜品真係完美😍…Read More

今次一來到依間餐廳就俾依度浮誇既裝飾同咯咯花膠湯🐔（$298）吸引住，配合即炸既紫菜炸響鈴（$68）索唒啲汁食真係一流☺️另外依度既牛魔王拼盤（$468）又係好唔錯，有手切牛頸脊、封門柳、牛脷托仲有我最愛既牛胸尖，食落好爽好有油香🥰.手打五寶丸（$98）裡面既牛丸都係one of my favs，食落爽口得來又有回甘。依度既蘇格蘭蟶子同日本扇貝（$116+$76）都好新鮮，如果食完其他野想試海鮮既話可以一試😋.最後不得不提既係依度既醬汁都係自家製，例如麻醬同麻辣醬都係令依間火鍋加咗好多好多分😋😋😋…Read More

係咁凍既天氣我最成日諗起既活動除咗食煲仔飯就係打邊爐😇依間私房菜邊爐啲湯底同料同唔錯☺️瑤柱冬瓜鮮蟹肉鍋（單點：$368）甜到hi hi，啲蟹腳食極都仲有，真係淨食依邊啲料都飽飽地xd 麻辣鴨血粒粒蜆鍋（單點：$228）都好多蜆，不過實在太辣我唔係食咗太多就停手🥵料來講我覺得依度既手切本地牛（細，$258）都唔錯，上菜成碟野仲要噴唒煙咁勁打cardable😂 手打豬肉+墨肉丸（$58/4粒）+鮮蝦雲呑（$98）配埋鮮炸響鈴（$48）都係唔錯既選擇，食完個人已經飽唒，浸落啲湯索唒汁後真係勁入味🤤如果多人去可以一次過包埋佢哋既vip房，有得全包價一次過打邊爐加唱k都咪話唔爽！…Read More

想講依間餐廳推出既北海道梛子牛魚介嚐味套餐（$798）可以話係食肉獸褔音，由前菜到主菜都同肉係息息相關，而且道道菜式都present得勁high class ! 個人最喜歡阿根廷赤海蝦，真係同我以前係阿根延食過既一模一樣，海葡萄完美地吊出其鮮味😋另外牛骨髓燉北海道七星米真係邪惡到極緻，撈埋生蛋黃我係可以係五分鐘內啪完再即時來多碗🤣依個tasting menu 仲可以加$228 pair 3款sake，今次餐廳推薦既浪音純米酒口感柔和又乾爽，同啲肉肉s配合埋一齊真係令人慾罷不能🤤…Read More

估唔到係The One 都會揾到啲咁精緻同有新意既意日料理！佢8 course tasting menu （$788）每份菜式上碟時都「的的悉悉」咁好鬼過癮🫣太部分菜式既口感同層次都做得好細緻，例如頭盤一樣已有齊帆立貝青瓜凍湯，水牛芝士，巴馬火腿甜瓜出汁啫喱，樣樣都好好味🤣.其中一道前菜明太子釀意大利黃瓜花天婦羅，就係以清新黃瓜花釀滿勁creamy 既明太子忌廉芝士醬，對比強烈得令人留下深刻印象😋另外日本A4和牛配味噌大根又係啖啖入口即融既佳作，兩者配合得天衣無縫。主菜鮮鮑魚淺蜊富山米意大利飯同樣鮮味十足，食完直程係想返兜多一碗🤪配埋店家為tasting menu特配既清酒更係一流😎…Read More

又係一餐令人非常難忘，處理秋夏轉接食材處理得算好而且有心思既omakase （$1680/人）！當中最叫人Lam Lam 😋既係佢哋signature dish，用日本北海道毛蟹整既燒賣！師傅拎出來嗰下已經全世界哇咗下，配上俄羅斯魚子醬真係鮮味十足😆同樣令人好impressive 既有師傅特登係Omakase 前一早拍賣返來既北海道紫海膽，顛到有埋拍賣編號架🤣配上雪鹽花真係不得了又鮮甜滑溜☺️.同樣令我好鐘意既有自家製既三文魚子同只有入秋先食到既秋刀沙甸魚太卷，前者爽脆之餘帶有獨特醬油甜香，後者太卷中細蒽釣出咗沙甸魚肉既酸爽，算係上乘之作☺️慢煮四國八爪魚🐙真係我近期食過咁多間omakase 覺得煮得最軟腍入味既一次，就咁睇外表完全睇唔出咁驚喜😝🤪最後甜品新鮮雲呢拿雪糕配清酒白梨係絕佳總結，我已好耐無食過口味咁complex and rich 既finishing dessert， 可以話係為成餐提升咗一個層次！.P.S. 成晚omakase都有來自唔同國家既朋友，但師傅都照顧得好好，值得一讚👍🏻依間係我會想返轉頭的Omakase哦🤭…Read More

利申我本身係完全唔食得辣，我完全係為咗挑戰自己所以食依間（同我真係有啲好奇重慶火鍋係咩味 🤣)結論係我覺得依間由重慶來既得獎火鍋店都幾照顧港人需要（係調較辣度方面)，佢既川渝重口味湯底落足香料同傳統黃油之餘有設計到港式辣既辣度，啱唒我依啲貪新鮮想試下辣但其實又唔係好食到辣既廢j，拼埋原骨豬濃湯底算係唔錯既選擇（$158）！.🥰另外依度都有好多係出面揾唔到既特色重慶小菜，例如有現炸酥肉（$38/半份），炸成條狀既五花肉配上點點辣粉好惹味，屠腸鮮毛肚（$78/半份）同聰明腦花（$32/一份）啱晒鐘意食內臟既朋友，兩樣我都覺得好出色，前者彈牙後者係牛骨髓升級版來既喂！🤣鮮切吊龍牛肉（$108/半份） 以佢價錢來講質素算ok，推薦！反而好多格睇樣好似好爆既「巴璧九宮格」（$168）我就覺得skip 咗都唔可惜最後加埋食重慶菜必食既冰粉($20) 同紅糖糍粑($30)，可以話係為依餐劃上圓滿既句號Wuwu 😭…Read More

依間餐廳最啱一啲聽西洋pop songs 既發燒友去，因為佢成間餐廳都掛滿靚靚既黑膠唱片🥵聽聞有啲夜晚仲會請到DJ來打碟，都咪話唔熱鬧！.今次來到嗌左dinner set for 2（$738），因為見個餐又包牛扒又包海鮮咁好抵食，結果又真係幾好食lol首推出乎意料地係主菜烤蒙古豬扒（10oz）(無錯唔係牛扒☺️）塊扒肥瘦均勻得來配上酸酸甜甜既醬汁好惹味，令我完全ignore 左塊牛扒（相都無乜點影Sor）🤣利申煎草飼澳洲肉眼牛扒（10 oz)唔係唔好味，只係我覺得俾豬扒完全搶去左光芒，可以話係豬扒耽誤左既牛扒館（！？）至於加$108由蒜香牛油煮蜆升級而成既shake shake seafood platter 都無令人失望，以性價比來講算高🥹.不過間野唯一缺點係坐得太近音樂會有少少嘈，如果想同朋友靜靜地傾計，建議訂位可主動要求坐遠少少！😗…Read More