ch1kwok's Profile

知道安娜餐廳一到6點半就會好多人排隊等位，星期六同老公冇咩做6點就去到食晚餐。呢度d位唔算寬闊，如果帶好多野就唔太方便。叫了一客蒜蓉汁西冷牛扒，老公叫黑椒牛柳，黑椒比較惹味，不過自己怕辣唯有選蒜蓉汁。次次來到都期待塊勁脆多士同多料羅宋湯，今次冇令我定失望，仍然咁正，而且侍應好快送到。個扒不過不失~~~但好大塊而且飽肚，非常滿意的一餐~~…Read More

第一次食魚米家，估唔到招牌野魚腐米線真係好好味！我叫左蕃茄魚湯，除左魚腐，仲有d一些酸菜。想不到味道這麼好，價錢卻不算貴，三十幾蚊有碗米線，送埋一個小吃，我選左菜，很大碟呢~而且還有熱飲送，真抵食！等位時間不算長，入面又有電視睇，下次會再去~…Read More

星期六放工與男友及他的朋友去屯市的上海婆婆晚餐。自己一直喜歡食上海菜，特別是小籠包、蔥爆羊肉之類，之前試過流金歲月、翡翠拉面小籠包，今次終於可以一嚐上海婆婆的機會。雖然6點半還不到，但已經有好多人在門口等位，我地三個人傾住計等，差不多等45分鐘就可以入去。上海炒年糕，比起某上海小店，年糕有點乾乾的，不入味。其實男友介紹的擔擔面，亦是一定非試不可的食品，不過可惜沒影相，這個擔擔面比起其他上海店的，美味得很！好濃好香的花生味道(似麻醬味??)，有少少辣，但又不會令你面紅耳熱，是非常惹味的那種感覺，令你想一試再試，自己也不禁把分得的湯喝個精光。^^這間店子真的不錯呢，怪不得有這麼多人排隊~~~…Read More

由於有openrice的優惠劵，與朋友試下食這一間的自助午餐，環境算大，我們的位置剛好可以望到樓下酒店大堂的噴水池。不過由於個日係星期六的關係，人很多，幸好食物種類也多，而且食物會不停供應，而且因為地方寬大，不會有人迫人的情況出現。結帳每人都不過$160，真係好抵！唔怪得咁多人啦~~~^^…Read More

第一次去洲際酒店食buffet~因為朋友有買一送一優惠~門面好靚~~真係大開眼界~有好多外國人~高級的感覺。每個位都對尖沙咀海旁~個view勁靚，晚上仲可以睇到幻彩詠香江。講番食物，海鮮勁多~有成隻龍蝦、鮮蝦刺身、田螺、青口、黃油蟹等，可惜自己對海鮮敏感~朋友話都幾好味刺身有帶子、三文魚、吞拿魚同唔知咩魚，其實幾好,不過有少少美中不足，d刺身唔夠凍，有少少出水，朋友食完無耐肚痾煎鵝肝係我覺得全場最正，真係好香~要快手去拎~因為之後好多人排隊架。乾火腿唔夠乾，可能太近熟食熟食冇試，唔太吸引。即場師傅切片皮鴨，d皮包住食~好多汁！一定要試！雪糕係哈根大師，幾種味~不過又係太近熟食，d雪糕一拎就溶甜品不過不失，算種類多。不過d野食的擺位真係幾迫，熟食同d凍野放得幾近，好容易有細菌，雪糕個櫃應該唔夠凍，好容易溶最後每人一杯野食~免費的…Read More

d野食款式好少，而且質素真係麻麻。d食壽司的筷子就咁放在枱上，有些還有黑點的污迹...甜品款式好少。食左半個鐘已經無咩好食...刺身得3款，個櫃仲要有水氣....都唔知夠唔夠保鮮......生果西瓜同哈密瓜幾好食。咖哩牛腩叫做ok.....................…Read More

差不多成日去呢度食buffet，貪佢環境有渡假feel同可以坐耐d，唔使急住走。最鐘意可以出去拎d燒烤野食，超香。送的椰青好大個~超正，仲好凍，夏天飲真係透心涼。三文魚及刺身種類唔多，不過不失。炭燒大白鱔：超超超有水準，食左幾次‧真係好好味！燒烤牛排同羊架都好有味，牛排夠薄容易咬。甜品種類夠多同特別，不過cheese cake d 芝士唔夠濃，不夠硬身冷盤幾好味，特別是扇貝。環境真係好靚~~對住個泳池~~~~…Read More

第一次試香味屋的午餐buffet，約$158一位，d野食同dinner唔係差好遠咋，感覺好抵。生蠔:好正！會不斷供應，以午餐的價錢有得食真係唔錯。可以自己整凱撒沙律，好滿意熟食有沙爹串燒、海南雞、中式魚柳(這個d汁好正！似去飲蒸石斑個種)等，另有自選配料煮粥。另一讚是印度野食，咖喱好惹味，幾辣，d薄荷沙律好特別。刺身不過不失，藍莓芝士蛋糕有好濃的芝士味，夠硬身，我鐘意~哈根大師ice cream午餐buffet都有4種口味，食左好多次士多啤梨~~`仲每人送茶或咖啡~dinner buffet好似無tim下次會再去~~~…Read More