大胃king's Profile

夜晚時間見到好多人排隊，諗住晏晝去試吓，點知未夠12點已經要排隊攞飛🥶 建議想食又唔想等好耐真係自己就下時間😂叫咗一個藥膳醉雞飯，味道有驚喜！濃濃嘅酒香味，稍嫌去甜咗少少！雞件份量都算多同埋大件，記得都有五至六嚿，佢應該係生滾煮熟嘅雞，唔係平時執馬落去嘅白切雞，所以食落去都覺得幾滑！可惜小食全部都售罄😅晏晝12點就售罄，定係原本冇貨就唔知啦，不過價錢嚟講睇落去都幾抵食 $31 6件春卷，吸引不過12點都未夠全部都賣晒就有啲搞笑😅…Read More

$105兩個各5餸嘅撈麵，加一杯檸檬茶，其實都冇乜挑剔！肥媽屋位置喺香車街街市熟食市場，如果天氣熱嘅話就真係唔建議食，涼涼地嘅時候都可以試吓！本身都諗住熟食市場環境麻麻哋，想像中乾淨，至少見唔到曱甴😂 地下都係乾爽😂出去姐姐點送落單，再搵位，然後姐姐就會認得你送到去你張枱度！其中一個叫咗通菜、墨丸、豬大腸、冬菇、魷魚，通常出邊多送份糧就會少，呢樣嘢值得讚，冬菇都有四舊！12點去到已經冇豬紅，有啲失望！冬菇同豬大腸唔錯 👍🏻本身以為有辣汁，不過佢係冇嘅，可以要求佢加啲咖喱汁同埋枱頭有辣椒油，另外枱頭都有一支豉油，似乎有少少調味同就咁平時豉油有啲唔同，不妨一試！…Read More

銅鑼灣嘅麵專環境一定比上環舒服，但係食物質素就一樣，咁樣梗係過嚟銅鑼灣舒舒服服有冷氣食！上環始終好逼，食完成身味🥶酸齋、豬紅、陳皮魚蛋每次都會回頭叫😆 記得加秘製辣醬😆…Read More

616不嬲都出名有唔同牛嘅部位好食，之前去尖沙咀分店晚飯時間好多都售罄，旺角呢一間環境寬敞，同埋都餸菜齊全👍🏻 服務唔錯，成日都會睇吓有冇啲食完嘅碟即刻幫你收走！仲提醒我哋而家like 社交平台有免費嘢飲😆都幾generous 有唔同款式揀，唔逼死你飲可樂嗰啲甜野，有冇糖嘅桂花烏龍白桃烏龍茶選擇！胸口旁同匙柄呢啲部位唔係成日打邊爐，出邊都有得叫，616正在係價錢唔係太貴，每一碟大概10點至12片牛肉嘅份量，咁樣可以試到唔同款式😆…Read More

令和對於我最大嘅賣點就係清酒半價😂佢哋嘅利酒師都會好走耐心同埋熱誠咁樣根據你口味介紹唔同嘅清酒，嗰日同朋友慶祝生日就試咗枝雪女神😍佢其他啲嘢食價錢唔貴，Cp值高清酒生蠔，同埋壽喜燒都真係唔錯！…Read More

晏晝食飯朋友去咗呢一間餐廳慶祝生日，set lunch 價位大概$100至到$200，中上環區域嘅餐廳可以接受呢間餐廳喺上環地鐵站行上去，大概10至15分鐘路程係有少少遠，同埋斜路😂但係如果想搵間坐得舒服少少嘅西餐廳值得考慮食物質素以呢個價冇乜值得挑剔👍🏻朋友叫咗牛扒，而呢一個牛肉漢堡，絕對值得推介，唔係快餐店死實實肌肉，而係有啲肉汁👌🏻餐廳亦都好有心思，會幫手寫生日快樂，同埋準備蠟燭，lunch 加$20一個甜品肯幫你做呢樣嘢都係值得讚賞👍🏻…Read More

估唔到素食餐廳都可以咁好食🤭呢個餐廳隱藏咗喺一堆大排檔隔離，估佢唔到其他美食當下佢都要排隊45分鐘不過絕對值得個三文魚茶漬飯($88+$30), 以為分量細細地，點知都好夠飽👍🏻偽三文魚質感有啲似啫喱，但係好食另外仲叫咗兩個小食, 番薯薯條> 推介，上面梅子粉加鮮炸番薯條，你平時嘅薯條更加正😍兩鷹嘴豆椰菜花> 呢個有啲失色, 可以唔使食 基本上來講，絕對有回頭率! 美中不足係餐廳搜狗點半，9pm已經開始餐廳清潔，好大浸消毒藥水味，但係嗰陣時大家都未食完🥲…Read More

餃子控食評:網上就話米芝蓮推介，即管去試下~ 只可以話名過其實，定係因為太大期望？1) 餃子 皮係簿嘅，但係無乜料，款式得4款，你可 以話佢專，但又坦白講無乜選擇2) 湯底 無味精唔應該等如淡而無味，飲落去係似 有顏色嘅水。試過好多間話無味精嘅餃子 店， 呢間係真係冇，但味道失望。3) 價錢 深水埗附近有好多好餃子店，性價比佢絕對不高，餃子比bitesize大少少，50蚊7隻嘅價錢，喺呢區嚟講有更多選擇！菜鋪抵讚的，但如果論餃子，試過一次就ok啦。…Read More

好老實講其實去都係為咗影張靚相🌝首先係無人開茶啦😪好啦等左好耐終於落咗單，叫咗杯小生嘅桃味野飲，點知佢嗰pat pat布甸係沉係底嘅......之後嚟咗碟腸粉，咦乜小生毀容㗎咩？蝦餃皮爛曬....同個侍應講可唔可以換個碟呀，講真我相信10個人有9個都真係為影張相去食嘅，點知阿侍應哥哥話"影相核突呀？你咪照擺上facebook囉，我哋唔介意㗎"我相信呢一個侍應嘅態度絕對係特別例子，不過點解好聲好氣要咁嘅態度同客人講野呢？:(係嘅，食品質素正常，不過dim sum icon價格其實相對平時點心貴，係咪應該要留意返食物賣相同服務態度呢？負皮完態度，俾返啲正常食物相睇下~:)…Read More

同友人🙋一向喜愛去小店食野，話說上網見到棋吧評語幾好，於是book左一試，點知奇差😖。上到去環境不俗，好cozy ，大概有5張枱到 ,係油煙味有少少大，可以接受。店員👧都好nice既，坐低左係梳化位之後，有另外兩個食客入到泥，店員就同我地講可唔可以調枱，因為佢地想坐梳化位，同埋人地有5個人。於是我地就話我地都有訂枱架咼😓，同埋餐廳都有另一張5人枱，同友人不明白點解店員無好好安排坐位，要客人坐低settle好，用佢地想坐梳化位藉口調位，對客人太不尊重了吧。婉拒左之後，店員仲未放棄，用送客薯條利誘😒 最尾調左位，但利申因為原則既問題無要到佢地薯條，純粹係我只想和友人好好食餐飯，唔想糾纏。😠食物質素🍚: 野食等左好耐，價錢都唔平，98蚊一個吉列豬扒飯，無野飲。重點係嗰飯好少，用叉食了三啖已經無左一半，男仔食完同無食應該會一樣，重點來了😡,叫店員可否添少少飯，等左15分鐘有多，再問先講話“煲緊飯"，得5張枱，全場得二人叫飯餐，點解可以無飯呢？😒😒😒 這不是餐廳最基本的嘛？😒最後飯不了了之，炸蟹拑(38蚊)需要一個鐘才上菜，一咬，凍既😒😒😒😒等佢再炸又要一段時間。酒: 還可以，一分錢一分貨，但又係等左好耐，因為酒未凍喎😓隔壁枱都有催上菜既情況，唯一讚賞既係有人生日，店主送上shooters, 可惜調酒最尾飛左嗰調酒器落地........😱兩個飯，三杯飲料加一個蟹拑約370元😷一次非常非常差的經驗，餐廳由三個女仔經營，食物質素真係好失望😩，情願食快餐店，絕對無下一次。😖…Read More