尋晚同老婆朋友一行五人揾飯食，行過呢間就入去試下，叫左五個菜，香辣蝦，海星班兩味，水煮八珍，缽酒焗蠔，咕嚕肉。本來想叫乳鴿，但伙記話賣哂。咕噜肉熱辣辣食都可以，凍左就差啲，我就麻麻地，不過老婆話OK。香辣蝦、缽酒焗蠔同海星班炒球有驚喜，香辣蝦炒得夠惹味，有大排檔feel，最意外佢仲有十幾隻，$168抵！缽洒焗蠔啲蠔就吾係大隻，吾似桶蠔，問老闆，佢話係日本蠔。啲蠔吾大隻但好有蠔味。掛住食，相都冇影。海星班炒球夠新鮮，好味，比個讚，不過個頭骨腩就淡啲。水煮八珍足料，湯底夠香。埋單人均吾洗兩舊，抵食。…Read More
