不用解釋，好味
湯底幾好，魚肉脆口，皮蛋靚，芫荽山更加唔洗講，多$3，乾淨冇沙。Happy time, 若杯0野飲可以再茜d就好。我見隔離2枱都係芫茜控，唔知譚仔會唔會考慮加入成餐單一部份呢？😁 I will surely come more!另外都叫0左個炸醬米線，維持水準。#芫荽 #芫茜 #芫荽控 #譚仔雲南米線…Read More
總結: 性價比高，坐得舒服，又唔洗等位，可以再0黎
不過我覺得奧海城0個間好味d.一入去個門口係咁0既，算係唔錯。:)我0地一行3人，被安排坐0係入面卡位，幾舒服。睇完個餐牌睇到2人餐都好多0野食，3個人都夠飽。所有食物質素都好平均，冇話特別好或差。300蚊埋單，有得飲有得食算係咁- 前菜: 牛蒡幾好- 煙三文魚: 有魚香味，汁料調味唔錯- pizza: 夠脆，但如果多幾雙蝦會再好d- salad: 麻麻地，d菜唔夠新鮮- 壽喜燒, 親子丼: ok…Read More
都係0個句，朋友好緊要，又一中環搵食好推介，只因其中一飯友係中環儷人
平時好少入萬邦行，從來都冇諗到有間咁0既酒樓。 0黎到佢0既環境同商場好配合，好似時光倒流到80年代咁，好特別!
坐低大家都唔想諗，叫0左個套餐加小小0野就算
套餐包0左先0黎個义燒燒肉雙拼，個义燒要讚，好味 肉滑，夠淋，肉香再0黎個白杏湯，好夠火喉，正!套餐仲包碟豆腐蒸帶子，都好新鮮。炒石班都幾好。但唔算好特別同細碟0左少少。黑松露炒飯都係套餐，炒得唔錯，乾身唔油，黑松露味出。另加0左碟炒粉絲，簡直係將成餐飯帶入另一個level 炒得好入味，乾身得0黎唔硬，令到我都想返屋企炒0下! 值得推介!
另一個加0既係炒荷芹，ok。最後送上甜品紅豆沙，真係送0既 但都唔hea,有起沙0架!埋單位位$280，中環區唔算貴，食得飽，lee間可以值得再0黎。…Read More
地點一流，中環區，私隱度高，聽聞好多去0既都係中環返工0既才俊美女 環境就黑媽媽，影唔到d乜我0地開0左2枝sake, happy hour價，都算抵之後仲叫0左2碟黑松露薯條，又真係幾好味 夠脆， 黑松露味好出。點salt都好正飲到咁上0下都想有返幾粒米落肚，叫0左碟壽司，都幾好味。 原來係佢隔離連住間日本料理整過0黎以為埋單會好貴，原來又唔算喎，每人$200。又飲又食算係咁仲有仲有，0黎之前記住訂位!
…Read More
其實都幾好食，尤其係碟至尊松茸豬肉餃 松茸味好出，豬肉爽，係好新鮮，料多
但佢唔算特別平～ 跟0個碗湯就偏淡。個煎餃都好出色，皮薄又煎得香脆 料多。雲吞都唔錯，但唔係特別有特色。佢個酸蘿蔔就幾好味，仲任你添加，仲要免費環境都乾淨，唔算太迫。Overall 0黎講係有d偏貴 （若食個松茸餃子），其他都幾好。我都會考慮再0黎，下次再食可以食煎餃，又好味又抵食。以下係menu:…Read More
最好就係個雪糕糯米糍, 就係超巿可買到獨立包裝0個D.食完個餐,伙記就急忙收拾, 連杯茶都未飲完就攞張單叫你埋. 從食物同服務... 我冇乜必要都唔打算再0黎囉.... 有D失望. …Read More
但張枱0既高度就高0左D, 食起上0黎有D吊手; 仲有就係張枱太大, 餐廳地方都細, 感覺都比較迫, 所以食完都會走囉. 講返食物, 因為食完晚飯, 所以叫0左2個冇咁飽0既食物, 包括有"黑糖冰粉" 同 "招牌涼皮"加牛柏葉. 黑糖冰粉, 正! 值得推介. 甜度識中, 最正係佢有提子同芝麻, 芝麻好香, 好想再食.個涼皮同牛柏葉就一般, 涼皮就好似雞絲粉皮咁, 冇話特别想再食. …Read More
點解咁好食呢~ 就係條魷魚有口感得0黎配上0個個汁..... 不得了!!! 同有D淥到條魷魚淋一淋咁... 真係唔同級數囉~ 再講就係要講碟 "雞腸", 真係食完都忍唔住講返句雞腸讚佢 VERY GOOD!! 雞腸俾個醤汁煮到好入味, 仲散發陣陣油看, 最正就係放0係碗底0個幾條菜. 如果我食得哂會再叫多碟菜點個雞腸汁囉~~ 其他食物都有一定水準, 但就冇話非講不可. 總括0黎講, 撈麵好過湯麵. 價錢一般, 唔算特別平, 但食物有D質數我都覺得係合理, 可以一試! …Read More
更難得係地方都唔洗諗, 所以呢~ 朋友幾重要! 記住要book位, 因為平日Happy Hour都好Full!lee個果然係好推介, 一次過試哂咁多個味, happy hr 大約$70, 十分抵飲! 仲有snack cheese ball送, 味道可口, 夠脆!Stella同Hoegaarden - 冇乜特別, 一般超巿都買到. Leffe Blonde 同 Brund ,前者味道較甘, 後者比較重口味. 但同樣黑啤我覺Guinness好飲過佢.Belle Vue最好飲, 特別, 有D果香味甜甜地但酒味又夠! 幾好幾好! 環境好有英倫feel 飲0野地方嘈是常識吧...我會再0黎~ …Read More
雖然要等位, 仲等0左成20分鐘, 但我覺得若D 0野好食, 等0下都係值得0既. 揸車搭車都方便, 幾個人食飯單應該可以換到free parking, 搭地鐵奧運站一出就係. 食物質素: 好食! 有鑊氣, 炒0野夠香, 份量都夠.1. 皮蛋酸薑: 酸薑酸度適中, 皮蛋十分值得一提, 好香, 流心0既. 2樣夾埋一齊食就perfect. 佢都好食, 但講到暫時最好食0既, 記憶中係中環鏞記比佢好食少少.2. 炸雞翼
: 真係好正, 驚喜之作! 香得0黎皮又脆, 肉嫩, 夠入味. 當日有小朋友在場, LEE味係全晚高潮, 我最尾只係食0左一隻咁多... 小朋友一0黎係幾隻!3. 炸子雞 : 佢都好香, 皮都脆, 肉都嫩, 但感覺同炸雞翼唔同, 但係都好好味!!! 加埋蝦片,正! 令我諗起去飲! haha~4. 小炒王: 好有鑊氣, 佢D蝦乾都好正.5. 炒飯: 好食! 佢D料夠, 炒得0黎有鑊氣, D飯乾身, 粒粒分明. 我忍唔住食0左幾碗.6. 夾包：這個味道都ok, 但如果咁多個菜0黎講, lee個就比下去了. 佢用個包夾住塊有D肥0既肉.7. 檸檬愛玉: 這個甜品都有驚喜, 見到個餐牌就令到我諗起台灣, 所以叫0左一個. 佢果然好食, 甜度適中, 加埋青檸有個好fresh0既感覺, 提鮮了!環境: 裝修唔錯, 唔可以用豪華, modern style. 坐落都舒服, 唔迫. 有小朋友一齊都好放心, 唔會驚比人撞到或熱水燙親. 地方乾淨企理. 服務: 幾好, 伙記對於客人要求都好快回應.價錢: 大約$200 一個人. 若只係用平靚正為目標, 這一定唔係, 佢係中上價錢, 但0係得咁大個商場, 食物有這質素同環境, 我覺得LEE個價錢唔算十分之貴, 係絶對可以接受. 食後感: 若約朋友在奧運站, 這間會係我考慮之列, 宜家對佢個雞翼仲念念不忘! 
…Read More
0個日叫0左個鵝片同一碟紅燒豆腐, 加埋個白粥. 1. 鵝片味道都OK, 份量都正常, 都冇話太肥, 肉都叫多. 鵝片下面都係滷水豆腐,都算入味. 2. 紅燒豆腐, 味道同份量都正常. 但油就多0左小小.3. 白粥就唔洗講啦, 正常白粥.環境: 一般, 但都叫做乾淨. 有小小迫同嘈, 想傾計就唔得. 服務: 落單同上菜都快. 價錢: 佢唔算貴, 成餐飯2個人$200 唔洗. 鵝片大約$80, 小炒大約: $60, 加埋2個粥. 食後感: 一般, 若果下次0係旺角我可能會想去試其他0野. …Read More
未食過佐敦lee間, 之前都係食銅鑼灣同中環0既.... 一於去試0下!食物質素: 牛河正呀! 同其他分店水準相若! 首先講個牛, 真係夠林, 有肉味, 冇筋. 再講個河粉, 真係炒得好, 一條條, 唔會話爛哂. 加埋0個個瑞士汁, 係絕配. 有D人話瑞士汁偏甜, 我就覺得好味, 可能係個人口味唔同. 所以話呢~ 炒牛河真係考大廚真功夫! 可能因為已經9點幾, 所以都食唔哂, 包0左大 約半碟走, 之後0個日'丁'返熱食都仲好好味. 唯一要講0既係, 食得牛河你就要接受佢比較多油, 所以真係好好好好想減肥0既人LEE碟0既就未必0岩. 但咁正, 不如食完先減啦~~ 環境: 有一種懷舊氣氛0既西餐廳. 當日我坐卡位, 都唔算迫, 都舒服, 可以靜靜咁傾0下計. 服務: 伙記全部都有返咁上0下資歷, 十分熟手. 上餐亦好快.價錢: 大約$100.. 一定係比茶記0既干炒牛河貴, 所以我唔會話佢好抵食, 但佢個質數同環境都對得住LEE個價. 食後感: 保持水準, 我會再0黎! …Read More
食物質素: 食過咁多次我最鍾意都係佢個蕃茄午餐肉磚通粉, 個午餐肉真係好正, 未食過其他咁厚咁足料! 我覺得佢俾0左半罐囉! 個餐連凍飲就$40, 佢俾返半個罐頭你其實都算係咁! 跟餐係多士, 其實都好正, 夠厚夠脆. 凍飲就正常.但其實更值得一提0既係個炒蛋 堅係好味, 好似有牛奶一齊炒0既! 可惜佢冇跟LEE個餐囉~ 環境: 正常茶記. 格局係懷舊0個種. 小小迫, 但可以接受. 都算乾淨企理. 服務: 伙記都好好, 坐低冇耐就0黎點餐, 雖然多人, 但出餐都叫快. 食後感: 水準保持到, 會再0黎食! …Read More
但要切記, 一係你好早0黎, 一係你好多時間等位, 閒閒0地15-40分鐘都係等閒事~ 仲有, 有車人士最好附近泊好車或直接搭車, 因為見過阿SIR抄牌. 有次一叫抄牌, 0係店裡有十幾人湧出0黎!食物質素: 豬潤麵!!! 冇得頂呀! 佢個豬潤真係爽, 脆, 份量又足! 個豬潤洗得好乾淨, 冇味. 煮得0岩0岩好, 冇話過火太老,灰色咁. 但唯一問題係有一,兩舊有少少筋. 另多一樣要讚0既係佢個湯就冇起泡泡, 都叫清, 但話好有豬潤味又唔算, 可能佢落0左麻油蓋過0左. 我食0個個係生麵, 其實我覺得唔落麻油會仲好味D, 個麵落0左醋就好好味喇! 本來我想叫埋個西多, 但坐位我見到隔離位0個2 pair人0個個西多我就打消0左個念頭, 因為上面牛油好多太多了.環境/ 服務: 其實都好迫0下, 我坐0個張枱其實應該最多坐5人, 包主席位, 但我0地坐0左6個, 有一邊連我坐3個成年人, 真係迫囉~ 可能出好多人等, 所以當你一食完, 姐姐就好快收0野.價錢: 豬潤麵價錢OK, 但個西多就貴0左D, 要成$40!食後感: 我會再0黎, 若果唔洗等好耐.…Read More
