tao_tinghk's Profile

忍唔住要寫第一個食評!呢間小店開咗一段時間時，短短兩個星期已經會回購咗好幾次”紫菜肉鬆吐司”有日平日，想買俾朋友試但已經賣晒，店主好好即刻整多兩條等我夜晚去拎，店主專登為我做條麵包，咁當然唔係買一兩件，一買一條六件，分咗四件比朋友試嗰個食完都讚好香口好濕潤。唔淨止上面有肉鬆，連吐司中間都有肉鬆絲，每一啖都食到肉鬆味。有時買多兩件放到第二第三日食，都仲好濕潤同店主傾過偈，得知佢哋係用日本麵粉，麵包會比較濕潤。當然佢仲有其他麵包，例如酸種麵包，法包，紫薯包。但我試過紫菜肉鬆吐司就真係返唔到轉頭，每次只埋呢一款。🍞🍞小店值得大力支持！…Read More

小籠包係即包即蒸，皮薄好好食，今次無影到相添，32蚊4個。疫情關係，經常都外賣，返到屋企都仲好好食，包薄餡靚多汁😋😋招牌酸菜魚呢度啲酸菜魚唔油，湯都可以直接飲，外賣返屋企做餸，湯撈飯超正。酸菜魚係跟紅薯粉或者上海麵，外賣可以分兜，大大碗。魚係魚柳，可能有人覺得唔正宗，但呢啲魚柳岩哂我口味，無皮無骨又唔腥，走左辣小朋友都食得。會有酸菜芹菜金菇冬菇，好多料，即煮又好味，每個星期都要買黎食先安樂🤪。每次都要買兩碗返屋企，食濟唔會倒，第二日蒸熱再食。良心店，老闆娘好好禮貌😄大力支持😄！…Read More