AppleCH's Profile

第三次食先寫食評，真心覺得好食，見佢中午都無人，幫手推介下。好地道既京菜，午餐$60有找，仲送酸辣湯。未試過佢d餃子，但炒菜三次都無失望，第一次試糖醋魚片，份量好多，一個人食唔曬；第二次食木須肉（即係蛋/木耳/肉）又係好大碟；第三次食宮爆雞丁，飽到要打包，全部都無另我失望，咁既價錢，而家無得飛，食左當飛左去當地食。唔好怪店員廣東話唔好，我直情同佢講普通話，好過用半鹹淡廣東話溝通。可惜佢無同外賣app合作，如果唔係推介埋俾同事…Read More

呢間鋪頭我一路食開，今日12:45叫外賣落單，落單果個勁求其，要A餐小意粉，講完地址，我以為茶餐廳都係一眼關七，聽電話果個好勁，唔使confirm就cut左我線。我估叫開應該無問題，等左30分鐘都未送到過黎，以為無就算啦。2點有人上黎問係唔係叫左外賣，我話12:45叫咖啦，而家2點，個姐姐扮傻，話佢自己都未食飯，唔知時間添。我未食飯，費事浪費，唔想為難姐姐，俾左錢，以後都唔幫襯。我自己唔好，應該再打去confirm多次，或者追單。遲左一個鐘都好意思送過黎，一句唔好意思大曬，香港咁多餐廳，唔使幫襯你啦。…Read More

本來想去西灣河買點心，有事經過筲箕灣就試下呢間，見d點心全部係蒸籠蒸緊，唔係即叫即蒸，已經覺得爭d，叫左牛肉，蝦餃，蝦腸，鳳爪，我自己有帶兜，無用外賣兜，個阿姐好似覺得我有d麻煩。個牛肉係酸菜底，唔係腐皮底，size又細，又唔好食❌；蝦餃個皮食落同公仔點心差唔多❌; 蝦腸凍既，仲要有少少酸❌，鳳爪普通。唔怪得呢間餐廳轉手咁多次。比地鐵連鎖店既質素仲差，我會去番西灣河地舖果間買，生命很短，我覺得自己浪費了一個限額。…Read More

之前經過見開左間拉麵店，位置唔係對住大街，有d隔涉，而且價錢唔係特別平，但係食落又覺得值，而且好有驚喜，好味過係日本食。第四次去呢間鋪頭，已經番唔到轉頭去食連鎖拉麵店，我地叫左特級香辣牛舌拉麵同黑松露蜆肉拉麵，湯底好鮮味，個牛舌好味到不得了，蜆肉都好鮮甜，麵底有得選擇軟/硬/普通，個流心蛋都好好味。Life is too short for bad food. 如果想食拉麵，留番d quota食好味既，支持小店，食得一次就一次，無左又要搵間好既唔容易。一定會再encore。…Read More

平日經過見係小巷，無乜人行，應該係小店，諗住做學校生意有良心d價錢唔貴既$28，午餐加$1可以揀味噌湯，加$5可以揀三文魚頭湯叫左外賣，打開個飯，得5舊雞肉，一條菜都無香港d飯盒你叫燒肉飯真係得燒肉，我去日本立食都有d菜啊雞味道可以但不至於好想再食今時今日其實蔬菜真係唔貴，你賣俾學生哥都營養均衡d啊個三文魚頭湯無特別，有蘿蔔，有小小魚肉，又唔係特別鮮，可能平d叫味噌湯好過。有d失望，唔會再幫襯，可以開咁耐都幾勁:(…Read More