wyk82's Profile

Book左呢間同朋友慶祝生日，特登訂好蛋糕，蛋糕木牌和蠟燭。上到去餐廳侍應檢查過後收起左。到上蛋糕嗰陣發現冇咗個蛋糕木牌，侍應唔主動講，到我問先話：「你拎上黎個陣已經碎開哂，我地揼咗」我真係O左咀，你憑咩揼？首先，我拎上去前自己有check過，個木牌擺盒面，真係碎開一塊塊的話，你地檢查個陣會睇唔到？其二，木牌有一定厚度，唔係浸過水或跌落地點會碎到咁？Ok就算你唔小心整爛，其實同我講，我會體諒，但依家做法係屈返客轉頭，最搞笑係：整碎我個蛋糕牌，居然敢額外再收$100切餅費？！ 有一說一，環境雖有少少嘈吵，野食唔差賣相都可以，但呢種服務態度。。唔會有下次…Read More

長洲一日遊之cafe huntingへいま　へいま入張保仔洞之前經過一間小cafe，門面唔太起眼，好典型小店風格。望望開店時間，原來只開星期四-六& 公眾假期今日試到好幸運入到店面，感覺有去到台灣/日本小cafe嘅感覺，可能因為店舖係用木餐桌暖色燈關係，乾淨舒服。我地2人點左一個日本茶甜品拼盤 （$105)一set入邊有3樣野：1. 焙茶醬雪糕（其實係焙茶味affogato）2. 抹茶芝士蛋糕3. 煎茶一壺焙茶醬雪糕：個醬好濃茶香，甜度剛剛好。配雲呢拿雪糕好夾，好香焙茶味。抹茶芝士蛋糕：呢個茶味都好香亦唔算甜，味道唔錯，只係芝士有少少散，唔係好夠滑。煎茶：就係普通煎茶，中和返甜品嘅甜食品選擇唔算多，飲品較多選擇，環境舒服，下次得閒會再黎試其他野 …Read More

一直好鐘意食日本抹茶甜品，今次就黎觀塘APM試呢間辻利茶舖。試左2款甜品：特濃2.0抹茶軟雪糕 （$36)味道有待改善，抹茶味好淡，點會好意思自稱特濃。食落去只有奶味重同得個甜字，而且價錢唔平。性價比十分低抹茶厥餅意外地幾好食，抹茶味香濃，口感煙軔，淋上糖漿甜度也十分好，可以一試。環境環境其實有D逼，每台之間冇乜空間，不過都理解因為舖頭好在我地係下午3點到冇乜人，否則一定坐得唔舒服。下次有機會再試其他甜品…Read More

好鐘意食板長，因為選擇多又成日有新款。不過今次就有少少失望今次叫左個set sushi，等左成半個鐘都未黎。隔離枱遲過我哋黎啲食物都一早到左。咁我梗係問下待應，點知佢話Set sushi係耐啲架要等下。我諗好可能係漏左單，或者俾錯左枱最後終於等到食物，壽司食落去中規中矩，海膽有少少唔新鮮。朋友點左個馬刀貝（好似係咁叫)上到枱散開左😂 其他炸同燒物就幾好食總括來講我覺得係中等質素，價錢合理，但希望唔好再漏單啦…Read More

一直都好想試Shaz Confection嘅千層蛋糕，奈何上次去到就關門。今次就趁下午茶時間，去食一直想試嘅蛋糕今次只點了甜品1. 玫瑰荔枝千層蛋糕一入口好香嘅荔枝味，好fresh，唔會假。因試過其他地方嘅荔枝味係用糖精做。呢間個味好清新，唔會好假2. 芒果柚子芝士店員話係夏日必試，就try try啦。芒果同柚子個味道好夾，好夏天嘅感覺！加上淋芝士，不過食多幾啖會覺得有少少漏。之前睇評論話待應冇禮貌，但今次下午去，一男一女待應又好有禮喎，會主動介紹蛋糕，又會主動加水同收碟。環境同衛生都好好，下次有機會再去試其他口味先！…Read More

人生第一次入石澳，搵野食醫肚一黎到就見到呢間石澳泰旅遊點黎講呢度價錢唔算太貴我哋2個人叫左3個餸加個粉1. 冬蔭公 （regular)哇！正宗泰國風味！個湯好濃好辣，啱哂我呢啲無辣不歡者。佢個蝦份量足夠, 有5隻，最重要係無雪味，新鮮蝦。太耐冇食到正宗冬蔭公，好感動呀2. 椒鹽豆腐呢個就冇咩特別，不過不失咁啦3. 串燒雞牛都係普通，燒得幾香4. 炒金邊粉份量夠大，抵食！食完一定飽。佢炒得幾香口軟糯推介環境都幾乾淨，枱與枱間有距離。上菜都快！總括來講很推薦…Read More

經開中環買左杯桂花鮮奶茶。加6蚊白玉珍珠個人感覺茶同奶味道都好淡，唔太夾比較似奶精同糖精溝埋。個白玉珍珠就幾好食，有咬口又唔會漏，但加埋個奶茶就變左一般。浪費左個白玉珍珠店舖環境幾乾淨舒服，店員都好有禮貌。不過下次唔會飲lu …Read More

上一次食別天神係大半年以前今日經過北角，想食拉麵，咁岩有位就衝左入去食。我同朋友分別叫左 （其實係得呢2款選擇）1. 蝦味噌豚骨湯麵2. 別天神套餐配餃子1. 蝦味噌豚骨湯麵個湯底好濃，好鮮味。上邊仲有櫻花蝦。麵底有軟，普通同硬底比你選擇敗筆之處係個燒。我個人就覺得硬左少少，同埋唔滑2.別天神套餐配餃子我朋友飲哂個湯底。好鮮甜。餃子就不過不失，普通味道以前食開拉麵都會覺得好咸好口乾，但別天神個湯底真係唔會口乾。佢地標榜湯底係豚骨加水，唔用味精。環境黎講雖然細細地，但都乾淨企理。下次再食…Read More

江户前之前都食過幾次，雖然食物質素一般但性價比尚算高。今日去食lunch，明明點了滑蛋鰻魚飯，侍應竟然落錯左做滑蛋豬扒飯，仲屈人話係我自己指錯:(因爲我唔食豬扒，最後要自己俾多一份錢叫過。下次真係唔會再幫襯。…Read More

是日大食記仲諗緊究竟要食日式放題好定打邊爐好？WHY NOT BOTH?今日介紹呢個高質日式火鍋放題一次可以滿足哂兩個願望美食紀錄 + 推介刺身拼盤本以為火鍋放題不會有新鮮刺身，點知出乎意料之外！刺身一共有10款任君選擇。個人覺得其中三文魚，北極貝同赤貝都好新鮮，選擇亦夠豐富。火鍋料 (肉類)🥩我地叫左美國牛肉同羊肉，切片較薄，故有入口即溶的感覺火鍋料 (蔬菜類)🥒🥦蔬菜都放在自助BAR入邊, 種類繁多。無論你鐘意食菜，食瓜定食菇都應有盡有炸物炸物整體黎講比較失色，芋頭丸入邊冇芋頭蓉，雞翼黎到時已經凍左且有點硬服務服務態度不錯，但繁忙時間真係會冇人應你，要比少少耐性。上菜速度算快，冇漏單。個邊爐鍋2個人岩岩好，但4個人黎講就太細, 放野都要就住就住總括來說性價比算高…Read More

本人一直喜歡食拉麵，亦一直支持小店。今次係朋友介紹去左食呢間泓一拉麵。位置算易搵，就起大圍火車站A出口行5-10分鐘左右。入到去有18-20個位左右(果然係小店)。今次店了個＂特製豚骨墨魚汁黑蒜拉麵＂。落單大約10分鐘就有得食一直覺得拉麵靈魂在於湯底，而泓一湯底總算沒令人失望。先說湯底：口係濃濃豚骨味，不過就沒有墨魚汁味道。可能墨魚汁就純粹令到個湯有顏色？麵底：係好幼身既拉麵，對比起其他拉麵店，泓一沒有提供可以選擇的硬度／湯濃度，但好彩個麵口感適中，不太硬不太軟，配一口湯特別滿足豚肉：泓一強調佢地既＂真空慢煮豚肉＂一咬落去非常軟身，味道有點似炙燒過，好香口附送流心蛋，本人最愛人均：$70-$100…Read More

盛夏打邊邊🔥雖然係盛夏，但睇黎各位對打邊邊依然365日熱情不減。呢間火鍋店主打”養生火鍋”，岩哂又鐘意食，又貪靚既美女們。湯底有用桃膠，原隻烏雞淆製的＂美人鍋＂，亦可以選擇由名貴藥材及人參淆製的＂養生鍋＂。今次我地選擇了鴛鴦鍋。同其他火鍋店相比，佢地湯底料足兼真材實料。因本人對味精極度敏感，但呢間的湯底食完唔會口乾，麻辣鍋亦唔會有太油的感覺。今次點配料：1. 鴨血(跟鍋免費配送)：鮮嫩大塊，配麻辣鍋好好味2. 雪花肥牛：脂肪均勻，切得好薄，碌十秒入口即溶3. 鮮竹笙：真的非常新鮮，碌十幾秒爽口彈牙4. 蝦滑：新鮮，好有蝦既鮮味5. 牛柏葉：不過不失，記得唔好碌太耐6. 響鈴：新鮮炸起，脆卜卜7. 雜菜：種類豐富，算幾新解最開心係，食完野仲有甜品—台灣芋圓送。一人一碗，滿足哂有兩個胃既sis 服務：待應有禮貌，會主動幫你收碟，亦會主動幫你加荼 環境：乾淨，位置寬敞，仲附送開揚夜景價錢：人均$250-300TIPS: Like佢地page會送可樂/ 咸檸七…Read More

中午行經旺角，朋友想食爆丼屋。12點幾已經好多人排隊。朋友點了燒鰻魚盛丼　($145)，而我則點了四重火山丼　($298)等左15分鐘左右，終於上菜食後感：味道：燒鰻魚丼好好味，咸度適中四重火山丼好鮮甜，D剌身真係好到流出黎。唯一不足地方係海膽真係唔新鮮，從顏色見到，係深黃色，味道未至於壞掉，但感覺放左幾日。價錢：燒鰻魚盛丼　($145)四重火山丼　($298)個人覺得價錢偏貴，性價比一般環境及服務：都幾逼。不過香港地地少人多，空間小都係正常。呢個座位與座位之間空間偏細，食野預左隨時撞到隔離個個。服務黎講，因為侍應生都好忙，基本上唔會有時間招呼你。整體：3星下次會否再幫襯：可以再試…Read More