JaneLee121's Profile

星期六日預左人多等位，點知個叫位嘅員工，無位又一早叫飛，又話人齊先入得，即刻叫行緊街的朋友過黎，點知人齊晒又話未有位，叫啲客準備定先，而家你係客定我係客，等唔緊要仲要受氣，貼錢買難受。…Read More

叫咗個豬肉蔥油撈麵，豬肉又乾又硬，得少少肉，一半以上係骨。點餐嗰陣已經冇人幫你，自己用QR code落單，落單嗰陣點完食物，飲品要再去飲品頁揀，如果冇落嘢飲，當你嘢飲唔要，不過照收咁多錢。冇叫就蝕咗嘢飲俾佢。啲嘢難食都算，仲要受個職員氣。收銀個職員態度超差，直程冇家教，俾錢嗰陣十問九唔答，唔理你直接行開，當你透明，未試過食飯咁受氣，好明顯唔想你再嚟，佢就可以做少啲，真係好唔想俾錢。以後唔會幫襯，希望唔會再有人中伏！…Read More

我都係第一次俾好評，真係不得不讚。聽人講左好耐去屯門食海鮮，我哋一群12人去咗三聖邨，冇人識揀海鮮，直接去左間叫泰海鮮既餐廳，叫waiter搞掂，原來黃秋生都推介過呢間餐廳。職員幫手揀咗啲聖子、扇貝、海蝦都好新鮮，因為好新鮮，所以白灼同清蒸都好鮮味。條魚好大條，龍蝦手掌咁大隻，第一次見。12人一圍都係三千幾蚊，真係好抵！以為咁大間舖唔使預約，點知都要等位，下次要早啲打嚟預約定，唔約未必有位。隻芝士龍蝦真係好經典，個個都拎起影相，一世人點都要嚟食一次，下次會再嚟。…Read More

侍應態度惡劣，個個都趕收工。未食完上一道菜，已經熟好之後個三道菜，放到凍晒。最過份係食緊主菜，已經整好埋個豆沙餅，再俾埋個雪糕你，問佢雪糕可唔可以雪住先，個侍應答你「已經裝左出黎」，放低就走左。差過放題！…Read More

餐廳無人都唔俾人入座。要人企係出面等。點左個兒童餐，隔左陣先話要見到兒童先叫得，仲話要出示兒童身分證。餐牌又無寫，又照俾我落，等咁耐先話唔得。又無寫明唔得，幾時食野都要出示身分證俾人睇。天啊～～…Read More