daven159's Profile

呢間泰式餐廳食物味道一般、不過不失。兩個人點咗3款食物，價錢可以接受，UA會員有85折。1. 冬陰功雞翼($88)，醬汁較厚、酸甜唔辣2. 炒金邊粉($96)，味道一般，份量正常3. 古法焗盲鰽($168)，條魚大小都可以，魚肚位置塞咗薑、香茅、香葉等，另配泰式酸辣汁服務態度方面係一般，即無冷暖表情，不過有幫我哋加幾次水環境方面，整個商場十分冷清，每間食肆都唔多人，呢間就有分坐餐廳裏面同外面，而裏面就冷氣好凍，衛生清潔都冇乜問題。…Read More

是晚6點walk-in入座， 門口接待職員有禮貌表示只有一張枱但要7點半交枱，因為有客人reserved，我們表示沒有問題、欣然接受。食鐵板嘅面積較細，只有5張枱和7-8個bar枱位。坐低後，職員預先告知我們當晚沒有龍蝦及鰻魚。他們預先通知都好過我落單時才通知我，待客態度值得加1分。兩個人點了一個80g 1+韓牛(5成熟) 同 200g 1+韓牛(3成熟)。廚師會即場燒牛扒，似睇表演。過咗一陣，先上200g韓牛(普通碟)，牛扒預先切好，牛扒只得5成熟，不是要求的3成。牛扒當然趁熱食，肉質可以，味道ok，食多幾塊後，牛扒無咁熱開始變得一般。另一個80g係鐵板，牛剛好是5成熟。漬物份量比較少，整體味道尚可。最後甜品點咗tiramisu雪糕和matcha latte。整體評分：牛扒3成做唔到，食物質素、味道尚可(不過真係好少餐廳可做到3成且好食)食物3.5職員4環境3.5…Read More

點咗2個餐(1份steak,1份吉列和牛)、1杯飲品送雞翼小食。食物質素味道一般，與日本食吉列牛(當然指平價)比較，牛肉質素有好大分別。飲品係糖漿溝，雞翼得好少肉。整體太似港式，食一次就算。不過，職員服務態度良好。…Read More

是日星期六去完Ocean Park當然要去食buffet 補充體力。即日訂位，即日食。6點半去到酒店，入座率都已經7-8成滿。剛坐下來，職員立即主動過來說「啤酒、飲品是free flow，可以隨便拎食物」。整晚職員服務態度有禮。食物方面有生蠔、龍蝦、長腳蟹、青口、翡翠螺，味道不錯👍 有4-5款沙律和幾款火腿，都可以一試。熱盤、炸物都有多款，焗蠔、蒜蓉粉絲蒸蟶子同蒸魚chief 就要不停refill,當然係一出即被人夾哂。羊架同肉眼都值得一食。美中不足是刺身選擇不多，只有吞拿魚、油金魚、八爪魚、鮑片和三文魚。甜品款式都可以，雪糕就提供haagen dazs。以味道、質素、值錢來說，晚餐buffet 值得再食…Read More

海膽是我至愛，要有任食海膽的餐廳就不算多，半島酒店今佐就一定是其中之一。自助晚餐只在星期五六日提供，每人$828+，今期匯豐卡有15%折扣。今佐食物款式一如以往貴精不貴多，前菜有和牛薄片沙律，酸甜開胃，但和牛薄片被醬汁蓋過；一口蟹肉啫喱，啫喱充滿蟹肉，啫喱入口即溶變成淡淡的醬油，令我食咗幾次。刺身方面，牡丹蝦(每位一份)、甜蝦、帶子、吞拿魚、油甘魚、海膽等都一樣值得再食。鱈場蟹主菜有天婦羅/和牛薄燒 配豚肉拉麵。自助區的熱葷，就不是我杯茶。*服務員態度十分好，而且不停加茶…Read More

年初五星期六食放題，試試呢間喺OpenRice 多正評、少普通/負評，但係食完第一次order就發覺無選擇、完全唔明點解咁多正評。刺身：呢個價錢，我當然唔會預咗新鮮，所以encore的只有帶子、油甘魚、赤貝、甜蝦，其他的試一次就夠，一係就無味，一係就腥味。壽司/卷物：細細件，但係飯有好多醋，好難食。燒左口魚壽司條左口魚仲細過手指尾指甲；鵝肝帶子壽司上的鵝肝可以同眼屎鬥大細。燒物/串燒/烤物：始終係煮熟咗嘅食物，有調味料，不過不失。一品料理：壽喜燒成鍋裏面有菜+菜+菜+菜+菜+菜+菜+菜+菜+肉；唔辣嘅辣酒煮花螺；清水烚清酒煮蜆。食事：只叫了海鮮粥、牛肉稻庭烏冬，份量唔多，味道一般。飲品：除咗喺自助區，仲有落單紙嘅酒精飲品。自助雪櫃冇乜選擇，大致上有忌廉溝鮮奶、汽水、支裝維他飲品同道地茶。另外有咖啡、茶、水果茶（伏）等。落單紙上萬二分不建議點清酒（無米味、只有酒精水，應該係無級數sake溝水）、梅酒(似糖漿加酒再溝水）。如果飲啤酒的話，揀限定啤酒會有Suntory Premium Malt 大罐日本版。甜品：自助區有甜品同生果，細細件，我無食過。雪糕有哈根大師同movenpick。價錢就2百幾，連加一就3百幾/人。以價錢來說，食物款式同味道就真係一般一般。可一不可再。…Read More

這時間，人流少、環境清靜，適合約朋友傾計。比起其他酒店，有較多茶選擇。食物質素、擺設都不錯，但味道方面，鹹點則不適合我，甜點比較好、清新而不太甜。職員不會來回走，但會時刻準備服務食客。…Read More

富有台式風格的小店，店內以台灣景點海報（如華西觀光夜市）作牆紙，甚有特色。食物方面，我點了鍋燒拉麵+鹽酥豬扒。鍋燒拉麵的配料有滷蛋和生菜，用不鏽鋼鍋盛著，並放在木架上，絕不燙手。可能因為滷蛋放在湯裏，味道頗淡。不平均地撒粉在鹽酥豬扒上，有些較鹹，有些則不夠味道。另外，我試吃了朋友的滷肉飯。「滷」味跟台灣的有點相似，「肉」則入口即溶，相比之下，我較想吃滷肉飯😋。…Read More

一個上午沒有食飯，2人2點幾在沙田，打算開餐食飯。經過school food,我倆都從未試過，便走進餐廳找新鮮感。 一走進餐廳，職員便說：2位？ 我當然回答：是。 職員：有需要，你們要在75分鐘交回檯。 當時，我覺得好奇怪。餐廳滿座率不足20%，下午茶時段還會有很多人前來？（記住：沒有set，要散叫！平均一道菜要$80-100，要加一。）職員竟然提示75分鐘後交回檯？！ 職員安排座位後，點了 1.芝士泡菜飯$88 和 2.咖哩雞拉麵$70。等了差不多半小時，我開始不耐煩。男友指出，這餐廳標示 "made to order"，"slow preparation" 和 "fast cooking"。那麼我便耐心等待。我看見有位女子在我們到之前，已坐下並已開着電腦，她的食物才剛送到。心想，如果附近需要返工的人，千萬不要到這餐廳，一小時用膳會很趕時間。 我的芝士泡菜飯到了，我倆都覺得不過不失。一陣子，他的咖哩雞拉麵也到了。他看了，便十分失望！他知道"拉麵"是"即食麵"，但$70的"咖哩雞拉麵"的"雞"比想像中細小很多。是3粒大小像KFC的巴辣雞粒！這即食麵是我遇過最貴的！ $88=雞蛋+芝士+泡菜+飯 $70=雞粒+即食麵 說真的，食物味道ok，但值這價錢嗎？不！同一價錢，有更好選擇！ 差不多食完時，鄰桌來了客人。他們點了食物。當我倆準備結賬時，他們的食物已準備好，其中一款更是我的芝士泡菜飯。 15分鐘也不用，為什麼我的食物需要30分鐘！我倆十分愕然，互望幾下便離開。 離開時，那開着電腦的女子還在，她也沒打算離開。相信她已坐了足夠時間。不知道職員所說的75分鐘是什麼意思，是想提醒客人食完便要走？但不見得會請那女子離開。 男友說他不會再選擇這餐廳，因為他看見很多職員和廚師，在後面沙發區脫鞋躺睡，感覺不衛生。…Read More

之前經過餐廳門口，覺得入面裝修ok，feeling唔錯，想試下，終於今日記得就去食個午餐。同友人一起，大約下午2點到。都幾多人但唔洗等位。睇睇餐牌，我叫A餐，友人叫G餐。侍應話燉蛋要等15分鐘，如果唔等可轉玉子蛋，最後友人要玉子蛋，唔想等。好快d食物到左。我個A餐（雜錦刺身+精選濃湯拉麵+加州卷+沙律）1. 刺身有三文魚、鯛魚（各一），同甜蝦（2件），ok啦👌，唔係好新鮮，但又唔係差。2. 加州卷就真係一般😞，有d濕，有d散。3. 沙律加左芝麻醬，味道唔會差得去邊😋4. 最後，精選濃湯拉麵有煙鴨胸、粟米、海苔、鳴門卷同拉麵。個拉麵無咩特別，但濃湯有d膠質（似花膠煲個d😳）侍應話個湯真係用花膠同雪耳煲！朋友試完話有花膠味，不過有可能心理作用😝。友人個G餐（七彩魚生飯+沙律+玉子蛋+麵豉湯）1. 玉子蛋係蛋卷，我試過，有d乾，有d醬油味，ok啦。2. 友人話七彩魚生飯一般，濕濕地，魚生不太新鮮。3. 麵豉湯比一般餐廳都濃味，但唔似自己買一盒 要自己開，似醬油味。我覺得餐廳食物一般，但環境ok。侍應會不停倒茶。其實，價錢比環境多於食物。順帶一提，女廁好乾淨，獨立廁所，有陣香味。粉紅色poster係女廁，我估Bruce Lee poster係男廁😉…Read More