SumdyyyM's Profile

店內裝修好啱影相，大窗令近門口嘅位置光線充足，加上室內裝修偏灰黑色，同芭菲鮮艷顏色呈對比，影芭菲相效果一流。店員服務細心又友善，見我風塵僕僕入舖就即刻問洗唔洗飲杯水先，好樂意幫忙同解答問題。芭菲嚟之前會有張紙卡說明成個芭菲嘅材料結構同埋建議食法，呢點好欣賞同好專業，芭菲咁多層起碼知自己食緊咩食材。好少見香港芭菲啲料上到枱唔係喺杯入面因應地心吸力而塌哂一pat，有層層分明。份量都幾大杯。試咗甜酒x草莓嗰款，好鍾意甜酒整成嘅配料，cream保持到酒香，一啖一啖食唔停。雖然係芭菲但都唔會死甜，好多都係草莓嘅原味。的確如店員所講嘗試杯內唔同食材mix埋一齊食會感驗更佳。價錢對得住質素，期待menu更新。OpenRice教由上環站出發，但實地觀察同埋問過店員，都覺得由中環站出發會行得輕鬆啲。…Read More

行街搵個地方坐下，諗住呢間過江龍都高討論度就入去試下。叫咗意粉同凍啡，賣相一般，亂七八糟咁求奇上菜就算，味道更一般，可能唔食到反胃就當合格。想靜靜坐下，但間舖最大噪音源頭就係班職員，口沒遮攔成班爛仔咁。快快手食完就走，連鎖咖啡店環境仲好。…Read More

睇食評唔好剩係睇標題，要睇埋內容午餐唔錯！可以用恆常價錢嘅一半就食到該店名物。食物上枱認真嘩然，唔知捧餐出嚟嘅店員有冇於心有愧呢，A3 size左右嘅餐盤，食物佔1/2都冇，可能服務費就係俾咗咁奢華嘅儀式感上面。香港人食飯最緊要有儀式感刺身飯同吉X家個碗大細一樣，魚肉同三星酒店自助餐質素冇乜分別，啲飯竟然係普通白飯哈哈，啱啦正宗刺身飯係應該白飯底，醋飯係旁門左道。碗飯用咗好耐好耐去品嘗，驚兩舊水一下子冇咗入去就緊係食炸物，叫咗豬柳！嘩！一見到以為近視深咗，舊豬柳仲細過同我食指+中指。師傅好有心機，就算咁微細一舊肉，都切開橫切面俾客人睇廚師功架，寒酸到不得了最勁係杯茶同飯後果，原來高質到另加$9㗎！店員仲好貼心介紹杯茶幫助開胃！真係掂！同12蚊店茶包差唔多味道！最後仲有幾粒西瓜俾你甜到入心，三星酒店西瓜比較鮮甜日本當地都唔敢咁搶錢，呢間鋪厲害，敢賺敢發達！最後經理咁打扮嘅男士問我認為食物質素如何，其實好好呀、一啲都唔差、完全冇問題！冇問題我去番食1/3價錢、份量多3倍、味道好食多一倍嘅吉月豕屋先啦好期待呢個鋪位下一手係咩食店…Read More

上次喺大角嘴食過間韓國菜，非常滿意。聽聞長沙灣呢間係姊妹店，咁啱經過長沙灣就決定試埋呢間。應該係長沙灣依家地方租貴啩，啲嘢食價錢貴一貴，但俾料超級非常極之手緊。碗飯嘅飯俾得好少，平均幾口菜一啖飯，炸雞啲醬料只係覆蓋到舊炸雞嘅1/4，啲醬都唔夠味，唔係太知食緊啲咩。咖啡拉花方面，建議咖啡師未熟手就練多啲先再出嚟獻世，見到杯嘢嘅拉花胃口都少咁半。胃口少咁半就啱哂啦，配合哂極度宿嘅食物份量。食物份量少加上味道平平無奇，環境狹窄，枱同枱之間相距極近，隔離枱興奮少少都會造成滋擾。以澡堂裝修為賣點都不見得擺幾多心機落去。以呢個價位嚟講係非常符合現今香港餐廳文化！非常之出色！…Read More

好少寫食評，呢間正野真係祝長做長有，好一間街坊生意👍🏻外賣下午茶炸物，屋企離間餐廳5分鐘路程。一開真係譁然，份量少到俾人偷食過咁，炸物好似剛好雪藏完拎出黎解凍，差在咬落去唔會崩牙，不過係似蒸糕咁淋囉👍🏻買盒炸物原來係買盒解凍原材料番屋企再炸。一間餐廳點先做到炸物係唔熱加蒸出黎既口感，麥x勞外賣拎番屋企都唔會咁，非正常餐廳，佩服！起碼間餐廳好老實，擺明話你知係原原本本雪藏即食食物拎出黎賣，所以呢個唔算差評架:)…Read More

舊舖有啲難搵，依家搬咗去元州商場對面一棟住宅大廈嘅樓上一樓，易搵好多。新舖面好大，座位增加咗好多，午餐時間唔洗等位即刻入，環境乾淨，燈光明亮，每枱都有私人空間，可以安心舒服傾計，又唔會聽到隔離枱講咩每一份定食都相當豐富，包咗主食、沙律、麵豉湯、茶碗蒸。餐廳好貼心，每樣item都可以揀份量或者沙律轉食材。嗌咗炸豬扒定食同三文魚腩定食。不過好多人都嗌炸豬扒，所以都等咗段時間。炸豬扒好大份，廚房炸嘢手勢好，剩係望已經覺得正，炸豬扒乾身唔油膩，麵包糠炸皮勁脆，豬扒肉質鮮嫩，食完一啖接一啖。餐廳識do，提供舊檸檬仔俾你，吱啲檸檬汁上炸物度，一個人輕鬆ko成大塊炸豬扒舊炸豬扒已經好大份，好彩嗌少飯，不過大胃王食得多都可以落order嗌增量白飯。朋友個三文魚腩定食都相當高質，三文魚腩冇拎三文魚呃你，真係肉質肥美，食落有滿滿嘅魚脂香，而且仲好多舊，比壽司飯份量仲多。總結今餐食得開心，物超所值…Read More

野食質素同價錢成反比。完全唔知間餐廳雪櫃係咪有問題，逢親肉食啲肉質都淋嘅爛嘅，食緊bb仔肉泥咁。雞肉串明顯係翻叮急凍食材，大把餐廳用微波爐翻熱野食，但起碼人哋嘅食唔出係用微波爐整。同埋湯同蛋包飯上菜果時已經凍咗，睇得出餐廳管理不善。呢餐成百幾蚊食廚餘咁，間餐廳就賺得過癮啦！…Read More