邱比特's Profile

我同屋企人間中都會黎食下飯，因為呢度d潮洲菜比較啱口味，比較似我嫲嫲煮開嘅味道，可惜嫲嫲已經唔喺度，只可以黎呢度回味一下啦。通常都會叫滷水鵝，滷水拼盤，蠔餅之類，琴晚想食春菜，但問侍應佢話冇貨，介紹左個鹹肉芥菜煲。一上枱，見個湯底幾吸引，飲左半碗仔，估唔到幾好味喎，有淡淡胡椒味，但又頗清甜😋，相信下次都會再叫。特別要講下佢d飯前小吃，佢個鹹菜真係好好味，唔係死鹹，會係甜味比較多d，令你食完想再食。仲有個炸花生小魚仔，香口鬆脆，回味無窮，不過食得多就容易熱氣囉😝仲有佢個甜品，每次都會叫白果芋泥，細細碗，比較甜同飽肚，兩三個人食一碗就差唔多，總覺得佢之前比較好味。…Read More

好耐冇寫食評了，最近試左呢個曲奇店，覺得好啱口味，所以想為佢寫番下。什麼好立克，阿華田，檸檬茶，芝士鹹蛋，朱古力粒，朱古力杏仁……未能盡錄。比起其他曲奇店，佢哋價錢尚算合理。$27一包，$52兩包，每包大約12塊。最後我揀左一鹹一甜，芝士鹹蛋曲奇&朱古力杏仁曲奇。一返到屋企就剪開曲奇，聞到一陣鹹香芝士味，好吸引。放入口，好鬆脆，唔會死實，芝士同鹹蛋味道好夾，味道好平衡。得！再試埋朱古力杏仁曲奇，外貌平平無奇，估唔到甜度啱啱好，又食到杏仁香，好味！心裏面已經決定要去試哂佢其他味道😆佢有正常size曲奇，又有玻璃樽細細粒曲奇，仲有禮盒裝曲奇，任君選擇，真係頗多選擇。…Read More

住在這區已有三年的日子，對附近茶餐廳的質素都大概知曉。見到開了間叫新丁的，拿了外賣紙， 知道是一些比較西式的款式，但一直都不敢試。直至最近再看食評，見到相片頗吸引，決定試叫下午茶餐試試。我叫了葡式豬扒包餐， 老公叫了西多士餐。由於離家兩個街口，都估計大約需時半個鐘，終於到了。看見用紙袋入住豬扒包，已經加了分，因為包一定不會濕濕的，因為紙袋會吸了水氣。相對其他茶餐廳，為了慳成本，竟然用膠袋入住熱的包，送到客人手上包都已經焗到濕濕的， 超差！打開紙袋一看，是用豬仔飽弄的豬扒包 ，很是吸引，並且已經切成兩半，方便客人食用。一啖咬下，嘩！很香呢，為什麼呢？ 原來除了豬扒以外，還有很多其他配料，是我完全意料不到的。這豬扒包， 首先用牛油搽豬仔包，再加上熟洋蔥絲，然後放上豬扒， 再加一層蒜蓉醬，再夾上包， 就完成了！非常有誠意的一個包， 相比我之前一天叫另一間茶餐廳的豬扒包，簡直是天淵之別！相信我以後也不會叫其他餐廳的豬扒包了！至於西多士，我只吃了一口，老公的評語是OK， 而我就覺得中間的花生醬略甜了一點點。…Read More

腸粉王可以說是我的飯堂， 腸粉， 粥，盅頭飯，蘿蔔糕，樣樣皆精。但大部份時間都係外賣，很少會堂食。我近來的最愛：鴨胸腸粉﹣煙鴨胸本來的味道已很香，但估唔到原來同腸粉味道咁夾，只要加小小豉油已經好夠味，因鴨胸本身也帶鹹，如果可以多少少鴨胸就好了，基本上我每一朝都想食一份鴨胸腸粉。潮洲腸粉﹣其實係粉果腸粉，味道同粉果一樣，因為佢既用料係沙葛，蝦米，韮菜，花生，味道頗重偏鹹，可以不點豉油。最近不知何故突然加多左芹菜，而且份量不少，好此道者可能覺得好味，但我最怕芹菜味，每次食之前都要幫條腸粉開肚做芹菜切除手術，然後先可以放入口，如果可以多D花生就更好食！蘿蔔糕﹣無論煎定蒸，都各有特色，各自都好味！煎的蘿蔔糕可食到一條條的蘿蔔條，又會有粒粒的臘味，再點甜醬和辣醬，非常美味。蒸的蘿蔔糕，蘿蔔的味道更濃，加了點豉油，都好好味，就是淋了一點點。陳腎菜乾豬骨粥﹣每碗粥必定會有豬骨在內，豬骨經鹽醃過，上面的鹹豬肉很香口，粥裏有零碎的鴨腎，每次食都好似尋寶咁，每次搵到就好開心，立刻放入口，每碗都起碼有六七塊，再加上菜甫菜乾同蔥花，成碗粥的香味飄到一屋都係。盅頭飯﹣經常食的是鳯爪排骨飯， 排骨數量算多，而且肉多骨少，排骨蒸得很軟滑，可惜鳳爪得一隻，很珍貴， 加上淋了甜豉油的飯，又是另一美味之作！…Read More

一直也很喜歡正斗的食物， 無論雲吞，水餃麵，粥品，點心，腸粉，總會叫我我難選擇，因每樣都好味。但最近連續數次幫襯，水準越來越差。就連最出名的雲吞，也覺得難食！ 雲吞同水餃一放入口， 感覺就像是隔夜的，蝦肉唔新鮮，唔香又唔彈牙。黃沙豬膶腸，豬膶已不再是黃沙，感覺梅梅的，味道差！好明顯佢所買既原材料全部都唔係靚貨，但價錢就越來越貴，如果用呢個價錢食D咁既質素就實在不值！…Read More

由於腳傷的關係，想找個地方坐坐，難得這餐廳並未有太多人（平時門口常大排長龍），於是入內試試。之前的午餐還未消化，所以只叫了一杯雪糕同兩杯任飲。由於首次光顧，唔知規矩，便問其中一個男職員，“係咪自己出去攞杯就得？‘男職員答” 當然“，然後急步行開。好簡潔的回答，好特別的服務，真係前所未見， 給嚇得目定口呆！餐廳給我的印象並不太乾淨，有一隻隻昆蟲飛來飛去，大部份職員都是較年青的，給人的感覺似在嬉戲多於似返緊工。經過今次的經歴， 相信都唔會再有下次了！…Read More

早上一起來，想去試這拉麵，因為一早聽聞好吃，難得在德福開了分店，便想來試試！十二點到達，店內客人人數大約一半， 本來坐在四人枱， 但隔離客人一坐下， 就將枱搬走了，變成了二人枱， 滿枱的餐牌，芝蔴生蒜放得滿滿的， 令枱面變得很小。除了生蒜之外， 那紅薑及鹹菜都沒有蓋着，感覺很不衞生，所以不敢使用。看了餐牌後，由於我們食量不太，只叫了一個白丸特製拉麵（揀了普通硬度），魷魚鬚， 餃子。白丸特製拉麵： 半熟蛋，木耳絲，芽菜，青蔥， 紫菜，叉燒，再加上芝蔴，生蒜，湯底鹹淡適中，普通硬度的麵食落軟軟的，而且比軟幼身，下次一定要試自選拉麵，選擇粗一點硬身一點的再試試。整體上味道很合口味， 一定會再試。魷魚鬚： 魷魚很新鮮， 略嫌鹹了一點，但依然好味。餃子： 有很多薑茸和蔥花，配着餃子一同吃，味道頗夾，不過多些蔥小些薑會好味D。相信很快又會去試下一個拉麵，期待呢！…Read More

老公生日，怕試新餐廳會失望，所以選了這裹，因為水準必定穩陣。通常套餐也不合胃口，所以預訂了蜜糖脆皮豬手，另叫了一個南瓜湯，墨魚汁煙肉意粉， 一杯紅酒，最後再加一個心太軟當生日蛋糕。先上熱騰騰麵包，微波爐叮出來的，中心很燙手。可惜牛油不夠香。再上南瓜湯，好有質感的湯，們分來喝，如果要兩個湯，喝完已飽了。跟住到豬手， 脆皮豬手已切好上枱，排得很整齊，望到豬皮焗得很香脆，非常吸引， 粉紅的豬手肉，望到就想食。食着食着，開始覺得有點滯，決定留下一點，不完全消滅它，怕吃不下其他。再到墨汁煙肉意粉， 正是我最喜愛的味道，洋蔥絲，烟肉絲， 香菇絲，加上白汁，不知不覺已清碟了。其實已飽了，但因為生日，所以再叫了心太軟， 蛋糕一上，先映幅相，再拆開它，再影一幅，朱古力已漏哂出黎，加上雲呢拿雪糕一同吃，脆脆的心太軟外皮，很好味的生日蛋糕。很滿意的一餐！…Read More

星期日早上十點多起床, 唔知食早餐好還是等吃午餐好, 想起尖沙咀有鼎泰豐, 決定過去走一轉, 心想應該唔使等位. 一入新港中心, 電梯已經有十數人往上走, 我們當然也是往同一方向, 到達鼎泰豐門口, 已見一條人龍在排隊, 幸好還有很多吉座, 只是趕不及安排入座. 順利入座後, 點了四款食品.分別是海蜇蘿蔔絲, 水晶肉, 紅油抄手及蟹粉小籠包.海蜇蘿蔔絲味道比較淡, 但口感不錯, 夠爽脆.水晶肉有淡淡的肉香, 又不會死鹹.紅油抄手有麻辣的味道.蟹粉小籠包果然有蟹膏味, 真材實料, 齒頰留香.如果不是要排隊等候, 我一定會經常光顧.…Read More

Shopping 時經過此店, 才發現原來係新舖, 難得有粥麵舖在apm, 決定晚飯到此一試. 由於不太餓, 只點了三款食品. 分別是皮蛋瘦肉粥, 淨雲吞, 及豬膶腸粉.由於粥裏沒有薑絲, 叫侍應給了一小碟加入粥內, 味道就跟平時食慣正斗一樣的味道. 再試雲吞, 又有似曾相識的感覺. 再將豬膶腸粉放入口, 今次就覺得不對勁, 因為往常食到的豬膶腸粉不會有零碎的感覺, 但口中的豬膶全是碎濕濕的號無咬口, 極之失望. 離開之際, 在問口的櫃枱上發現正斗的咭片, 剛巧經理出來, 立時詢問他原因, 原來此店正是正斗的姐妹店, 只是想走比較年青的路線. 怪不得味道如此相似. 只可惜腸粉還略遜一籌.…Read More

已有好一段時間想食芝士焗龍蝦伊麵底, 只係一直無機會. 呢晚老公回家途經海港, 於是外賣回來. 但你估也估唔到, 佢D龍蝦最細都兩斤幾, 即係要成七百幾蚊. 無辦法, 老公照買, 點知外賣一出嚟, 竟然有三大盒. 真係可謂物所值. 我地唯有將佢分開三晚嚟食. 佢D伊麵絕不欺場, 唔係就咁係將D芝士龍蝦鋪係面就算, 而係加左芫茜同洋蔥撈過, 所以就咁食伊麵都覺得香, 誠意可加.龍蝦因為大隻, 所以真係啖啖肉, 肉質又爽, 食左吞埋仲仍然唇齒留香.芝士唔會太鹹, 亦唔會太濃, 恰到好處, 食完仲要"lam"埋手指先得. 絕對係我食過咁多之中最好味既芝士焗龍蝦伊麵底. 只係份量多左D姐. 另外, 講返佢既早午茶, 其實我經常逢禮拜日都嚟飲茶, 因為呢度D點心唔太差, 但價錢又唔太貴, 係土瓜灣呢度可以算係最平靚正既一間. 所以每逢週日定必大排長龍. 我最愛佢個蝦餃, 會有翠肉瓜係入面, 好夾味. 仲有佢D腸粉亦好滑. 只可惜有D美中不足係佢D甜品, 品質經常參次, 時好時壞, 令我卻步. 佢既下午茶係超抵, 所以如果時間許可, 可以等食下午茶. …Read More

睇完之前既食評, 發現原來唔係剩係我體會到. 上月某星期六中午, 專誠到沙田試呢間餐廳, 一入到去剩番單邊位, 但見到張卡位抺緊枱, 就問帶位的可唔可以轉卡位, 佢敷衍答話有人訂咗, 有先再轉俾我地. 咁我地唯有坐住單邊位先啦. 叫咗炸蝦天婦羅, 蟹籽沙律同炸豬扒套餐. 食物質素真係唔錯, 但D服務就真係.........叫人斟茶叫幾次先有反應, 態度又好似唔想做咁. 後來見到坐卡位的係walk-in既客人, 佢亦無再安排我地坐卡位. 相信都唔會再嚟呢間分店食野.…Read More

以往生日通常都會到對面的Cafe Deco 食飯, 今年想試新餐廳, 因此到來, 因為見食評不錯. 訂好了枱, 一到來, 因為有function, 窗邊位都坐滿了人, 而且非常吵耳, 令我心情不太好. 被安排坐在一列的二人枱, 枱與枱之間的距離頗窄, 可以聽到隔離枱的人的談話內容, 很沒私穩. 且看食物質素如何.先上了麵包, 條裝的是我一向喜歡的, 另外最吸引人的的是那圓形的酥皮包, 極之香口, 反而那數款什麼蕃茄, 蒜頭的醬料, 一點也不好吃, 寧願只吃麵包算了.叫了蕃茄湯, 香芒大蝦, 蟹餅, 海臚, 後再加甜品.蕃茄湯 - 老公說一般, 我沒有飲香芒大蝦 - 蝦頗大隻, 肉頗彈牙, 配搭芒果味道還不錯蟹餅 - 味道一般, 沒有預期中的好, 份量頗細海臚 -- 質感跟醬汁配搭不及agnes b 的好朱古力雪糕跟芒果雪芭 - 味道不錯埋單$1200, 老實說, 這個價錢, 實在不值, 沒有景, 食物又一般, 服務也只是一般, 特別是等待海臚上菜, 真是等到花兒也謝了.下年還是回到cafe Deco 算了, 又或是到Caprice食午飯還化算呢.…Read More

一直也聽聞這裏的食物不錯, 終於有機會一試!由於晚市不設訂枱服務, 週五晚上八時多到達, 取飛後等了約15分鐘便有枱, 不過要跟其他人搭枱, 否則要等較長時間. 商場在商舖門口設有長椅供人坐, 是個不錯的設計, 免得我此等傷殘人仕站立太久覺得辛苦.入座後打開餐牌, 選擇頗多, 兩個人都比較細食, 通常我會先試一些小點, 所以叫了素菜餃, 紅油抄手, 擔擔麵, 桂花糕.素菜餃(4隻) - 清清的味道, 滲着菜跟菇的香味, 不錯不錯紅油抄手(10隻) - 甜中帶辣, 但又不覺得很辣, 額頭郤會流汗呢, 味道也好擔擔麵 - 麻醬味尚算可以, 也帶點辣, 麵質也不錯桂花糕(9件) - 味道清香, 質感適當 服務值得一讚, 皆因我倆正在研究有否剪麵之際, 侍應主動走過來問我們要否剪麵, 非常細心跟貼心.但有一點問題, 就是這裏的食物份量比較大, 要多人來吃來恰當, 否則便不能試到太多菜式了. 建議可以設計些細份量的菜式, 好讓顧客多些選擇.…Read More

剛食完漢堡, 但見此雞蛋仔頗出名, 必須一試. 買了原咪雞蛋仔, 拿了號碼牌, 等了大概15分鐘, 新鮮熱辣的雞蛋仔出爐. 用手一"meet", 非常脆, 一放入口, 鬆脆外殼加柔軟內涵, 充滿蛋香, 令人情不自禁不停將雞蛋仔一粒一粒放入口裏. 但要注意, 它是會"界"口的. 下次必定再試其他味道. 相信從此以後對雞蛋仔的要求更高了.…Read More