SY. WONG's Profile

路過呢間好多次不過第一次試～6點食dinner太早了所以餐廳唔多人豚骨湯拉麵:)雖然好多拉麵湯底都好好味，但我最愛既始終都係豚骨湯底。拉麵不過不失，叉燒好冧，再肥少少就更好，湯底我飲哂呢咖哩豬扒蛋包飯。豬扒粉漿略嫌厚左少少，大路既日式咖哩，蛋我覺得熟左啲啲。牛油粟米又幾好食喎！晚餐黎講都算抵食丫，仲有30蚊coupon送添，下次可以再幫襯…Read More

唔係fd介紹都唔知咩叫攦粉，真係孤陋寡聞呢度既攦粉幾得意，係一個木桶仔上，有麻辣酸辣清湯揀我地揀左酸辣，都幾酸架喎！攦粉都幾大碗下，有少少菜，我覺得啲豆角同黑木耳都幾好食我地叫左一個炸魚片頭攦粉，一個豬扒攦粉魚片頭同豬扒係分開上既，片頭炸得唔錯，熱辣辣幾好味，而且幾彈牙又有魚味，有驚喜豬扒就一般啦…Read More

國慶提早放工，不過popcorn lunch time實在太多人等位，呢間總算比較少人我幾鍾意呢度既菜肉雲吞，清得黎又唔係淡而無味酸辣麵ok啦，食落都有啲辣小籠包我既最愛，入面有好多湯汁，加少少醋，perfect…Read More

101執左咁耐，終於又有新餐廳進駐2:00-6:00係下午茶時段，都幾抵食丫！我地叫左一個三杯雞飯，一個清雞湯花枝丸魚腐米線三杯雞幾惹味，肉好嫩，豆卜都好好味，有啲啲辣汁幾好送飯。雖然係下午茶，但其實好大碗好多飯，可以當lunch or dinner至於米線都係超大碗，雖然係清雞湯，但似藥膳湯多啲喎！有好重既當歸味，仲有杞子同龍眼肉，唔通比左藥膳雞湯我？湯底唔錯，不過花枝丸同魚腐就一般啦，淡而無味，下次可以試另一款不得不提既係呢度既特濃朱古力真係超特濃，好好飲，下次都淨係飲朱古力埋單每人三四十蚊，好抵…Read More

平時經過尖沙咀，經常會比一個banner吸引，今日終於同三個同學仔上去一齊去會一會佢一講起印度餐，第一時間會諗起咖哩 羊肉同辣,，但係呢間餐廳就有d特別 特別在呢一間係食素既印度餐廳，餐廳環境好大坐得好舒服又乾淨，都幾滿意。唔講咁多即刻叫菜，打開menu，唔係咁識睇，不過好彩有中文翻譯，侍應姐姐亦都有好心機咁為我地介紹，一於交比當地人為我地發板，哈哈話明食印度野，薄餅加咖哩呢個組合又點小得，咖哩味好地道，辣度適中，配上啖啖咸香既芝士，好食。賣樣好夠既咖哩角，一上台個個都嘩嘩聲，食落都可以接受，偏辣，咖喱味亦好濃。我個人最鐘意既就係大蒜烤餅同埋馬薩拉芝士烤餅，即叫即烤，香脆好味，配埋傳統印度素咖哩，正，最後重"安歌"左一次。飲品方面，我叫左雪糕咖啡，不過不失，無特色但幾好飲。以上都係重點推介既食品。…Read More

同朋友食生日飯。今日風和日麗對住個海食飯心情都會好啲。叫左個串燒溫泉蛋飯同鰻魚三食，串燒唔夠惹味，燒肉有點乾不過燒秋葵又唔錯喎！流心蛋好eye catching，撈飯食幾好，沙律唔錯好fresh鰻魚ok啦如果多啲鰻魚汁就更好，而且份量都唔少。不過我就唔太喜歡佢既茶漬飯，因為用既係我地飲既日本茶而唔係高湯。好懷念係日本食既茶漬飯最後送上甜品食物尚可，風景唔錯:)…Read More

同事生日，我地約左去旺角吉壽食放題。我地份工有樣好，就係放得早，收工即刻去食早場。早場平啲之餘，人少啲，野食新鮮啲，上 菜又快啲。呢間一晚有6個價錢，除左宵夜時段，基本上就係愈早愈平，最早場的話，計埋加一每人都唔洗$200。野食方面﹕吉壽喺放題黎講算係平，但食物選擇唔輸蝕，同其他放題店差唔多，有齊剌身、壽司、天婦羅，炸物、鍋物、串燒......除左畫紙仔，仲有啲食物係自己出去攞既﹕包括沙律、湯、章魚小丸子、雪糕等等，種類之多，不能盡錄。飲品選擇都唔少，罐裝、樽裝、盒裝放滿幾個飲品櫃，值得一讚係有熱飲櫃，食得多剌身壽司呢啲生冷野，飲啖熱飲又可以繼續食。食放題，剌身係重點，前後叫左兩輪﹕赤蝦、帆立貝、甜蝦都好鮮甜好味，魚類剌身就細片啲，但數量真係寫幾多比幾多。壽司既飯細細舊，可以食多幾件唔怕飽。炸野全部上枱都熱辣辣，新鮮炸起，吉列蠔好好食，忍唔住食完再encore. 另外都推薦榴槤炸彈，好特別，其他地方未見過，外面脆脆地，入面充滿榴槤蓉，好香好好食。串燒就一般，牛舌都唔錯。除此之外，個人推介仲有燒饅魚同蘿蔔牛腩。饅魚我認為係剌身以外既回本之選，而且佢都幾肥美，必叫。食放題有蘿蔔牛腩真係估佢唔到，仲要係好入味好腍，但呢個係要自己出去攞，唔知係咪晚晚都有。我地一邊吹水一邊食，唔覺唔覺食左兩個鐘，食到好飽，飽到雪糕都食唔落，哈哈。我地已經約定下次再黎，因為性價比高，平之餘啲野又好食，坐得又舒服，服務又唔錯。…Read More

考試試派埋成績，終於鬆晒！可以食齊勁嘅！朋友話要瘋狂食燒肉飲啤酒，地點又要就到大家，唔洗諗一定係旺角，書友推介Running 燒。雙失青年最多嘅就係時間，我地約左17:30 四條queen 食個夠。上到去見到一排好型嘅櫈，上面貼左大大張catalog,價錢時間一目了然，非常清晰，唔洗店員解釋 😎👍🏻櫈嘅盡頭都係櫈，係BB櫈，貼心得黎有種好強烈嘅對比！店員安排左我地坐窗邊，望住彌敦道食實在高興！朋友走去拎野飲，啤酒，得米茶，我地幾個就叫野食，海鮮有大蝦，帶子，扇貝，魷魚圈，多春魚，龍利魚，鯖魚⋯⋯同埋生蠔，生蠔仲有款蒜容芝士生蠔，好吸引呀！叫叫叫，我地嘅策略係先海鮮後肉，如果唔係一陣食得太多肉頂住個胃就食唔到海鮮，蝕俾佢😂😂😂之後叫左炸物，有三款不同口味炸雞，炸魷魚鬚，韓式炸餃，全部都encore,特別係炸雞，超水準，外面炸到脆脆，裡面仲好juice👍🏻接住黎當然係戲肉⋯燒肉啦！點左薄燒西冷牛扒，金菇肥牛卷，一口牛脷，牛仔肉，個薄燒西冷牛扒好淋好快就熟，好香牛味，金菇肥牛卷我哋叫咗每人兩舊⋯原來係唔夠架，因為太好味，每人再encore多兩舊！哈哈哈，難以想像幾個女仔可以食到咁多！另外仲點左唔同口味豬腩肉豬頸肉，舊五花腩一層層，燒出嚟又香口又好味，必點！食都唔知時間，店員過嚟同我地講差不多夠鐘，係時候last order , 我哋就叫你甜品⋯雪糕！為依餐再完美句點！…Read More

其實我覺得一大班人傾計又可以食好嘢，放題係一個唔錯嘅選擇，多嘢食又多嘢飲。 為咗就大家朋友放工時間，我哋喺九點幾嚟到呢一間放題食晚飯，估唔到咁夜都仲要排隊，平時應該好多人幫襯。最搞笑係門口居然有夾公仔機，真係一個好貼心又賺錢嘅安排。呢間放題都幾電子化，點餐係用APP嘅，其實唔錯因為可以慳紙。點左餐等緊食物嚟嘅同時，貪心嘅我走咗出去熟食區拎咗好多嘢食返嚟食。另外叫咗幾款壽司，我覺得最好食都係蟹棒壽司。雞翼推薦芝士流心蘑菇款，肉比較滑，雞翼仲有少少甜甜地。👍🏽首先梗係要食沙律，開胃前菜，沙律都幾多款，新鮮因為啲菜係爽嘅。另外拎左葡撻，葡撻勁搶手，次次出去都係得返一兩個，好香奶味唔太甜，好好食。仲有另一個必食推介，但係泡菜煎餃子，唔太辣，餃子入邊有泡菜仲有韓式粉絲同埋其他嘅了，熱辣辣非常好食，拎咗幾轉。叫咗炒蜆，辣辣地，最重要係每一隻字都勁肥美，好食，推薦炒雜菜個樣雖然好差，但係味道唔錯，首先唔算太油，又食到陣陣牛油香味其實仲食咗好多嘢，但最後都想講下甜品。首先有得夾糖，我都係第一次見放題有得夾糖。另外甜品嗰方面，最推介係泡芙，好多cream好香牛奶味好好食。基本上呢間放題嘅食物質素唔錯，而且咁夜侍應都冇趕我地走，服務態度唔錯。會返嚟再食。…Read More

係酒樓打邊爐，多數都係貪大件夾抵食，無咩享受可言。同多年無見既中同食飯，當然想食好d，坐得舒服又吾好太貴。早幾日Lunchtime行過見有夜鳥9點入座優惠，幾抵咁，於是我係群組提議黎食，估吾到有個中同自稱食過，和議黎食，其他中同無意見，所以我就9秒9打電話去訂位。呢間餐廳吾難搵，係港鐵站九龍公園出口行過黎5min度。門口有點中國古代特色，入面既裝修就好新潮，而且抽風系統吾錯，無咩打邊爐味。有人酷辣，有人怕熱氣，所以我地叫左招牌麻辣鍋同芫茜皮蛋湯。麻辣鍋有5個辣度。中同們叫左中辣，我吾食得辣，所以淨係用芫茜皮蛋湯。芫茜皮蛋清清地得黎，有淡淡芫茜味，真係幾熱暑降火咁。有食得辣既中同都話我地既鴛鴦鍋有冰火交融既感覺。呢度既前菜好特別，有炒黃豆同酸蒜頭。炒黃豆好清新，無花生咁油膩。我地揀完湯底同配料後，店員每人遞上圍裙，好鬼細心。五色火鍋小籠包，淨係賣相都呃左吾少Like，店員仲比左個計時器黎方便我地計4分鐘煮用時間，果然周到。5粒除了外皮吾同色外，入面既饀都係吾同，我食左橙色果粒，係麻辣黎，少少辣幾過癮。豆腐比起街市買既更濃豆香味，而且吾易夾爛，打邊爐岩哂。打到咁上下，我地期待以久既洪鼎盛肉拼盤C都黎埋。粒澳洲和牛丸雖然無饀，但充滿肉汁，而且非常彈牙。d牛肉肉味重，碌兩碌就食得，和牛果然吾同d。另外，呢度既甜品同野飲都好高水準。重慶紅糖糍粑排得幾有心思，連我細食既朋友話飽都食左一條，讚煙煙unun，少甜，吾痴口，好過癮!…Read More

吞 pot 鷄煲火鍋之前係旺角食過兩次，感覺吾錯又坐得舒服，估吾到尖沙咀都開左分店，而且位置都幾方便，係佐敦站D出口行五分鐘左右就到。我哋17:30到，一早係Openrice訂座，所以有早 鳥優惠(19:30前埋單，火鍋配料小食半價)。呑pot 室内裝飾精緻整齊，潔凈舒適，室外重有個露臺，放左三張大枱可以一邊食一邊睇到好遠嘅風景架，真係有少少吞pot偷懶既感覺。當日天氣唔算熱而且有自然風，所以我見都有枱客坐左，我都有出去八下，原來都幾好風，幾爽喎！我哋叫咗藥膳鷄煲、自創爆芝嚮鈴、頂級雪花肥牛肉、滑嘟嘟、蔬菜藍，重有自家制蟹肉雲呑添！不消15分鐘，鷄煲就上臺，鷄件已煮熟，所以我第一時間試下湯汁先，有好香藥材味加上微微酒香溢出來，鷄件煮得好嫩滑，非常好食。爆芝響鈴，大大件放湯淥2秒，食時外軟內脆重有流心芝士，有驚喜！雪花肥牛，好有牛味又多汁，一定要食。     呢間分店同旺角店一樣水準高，食材新鮮又有質素，地方坐得舒服，怪不得就算係樓上舖都有不少捧場客啦!…Read More

同friend食飯，平時好少選台式野，今日難得一試，唔錯喎鋪頭係女人街一入去就係，行上一層，都幾大幾舒服丫。侍應見我地四個女仔一人一大袋，仲幫我地換張大枱坐得舒服啲添。夜晚有dinner set，價錢合理，又有半價加小食，竟然仲有湯添！燉湯其實係my favourite，見到又點可以唔叫呢，同friend share左個蟲草花燉鴨補番下。唔錯，似屋企燉既味道我鍾意既鹽酥雞排鹵肉飯，鹵肉好味，而且份量唔少，送飯岩哂。呢個飯其實都幾足料飽肚架另外仲叫左小食鹽酥豆腐，呢個真係好好味呀，必食豆腐滑lulu，個皮又好惹味喎呢個炸芋圓我都係第一次食，好有新鮮感，口感軟糯，熱食幾好味，大家好快清哂！焦糖燉蛋唔知係咪台式做法唔一樣呢，佢冇焦糖脆脆既面，但係有焦糖味既，而且估唔到係好滑同friend share呢個桂花茶，好香桂花味，再加水依然夠濃仲有好多款等下次再試啦走時先發現仲有做芋圓外賣添…Read More

今日一於豪一豪，食呢間係大喜屋系列最高級嘅<<殿。大喜屋>>，地方大不在話下，裝修佈置同食物質素都係"殿堂級"。在門口已經見到一排雪柜，一邊是放雪糕的，牌子有Haagen-Dazs, Movenpick, Milk Top等等，唔同其他大喜屋，見到的雪糕都是任食，所以我今天的目標要試哂所有款。另一邊有大量西式糕點及水果, 呢度嘅飲品柜係我見過嘅最大同最多飲品選擇。旁邊有其他即斟冷熱飲品, 海鮮頭盤, 沙律, 各式熟食可供選擇。回到座位, 朋友已經點好了食物, 刺身 (鮮蝦, 甜蝦, 吞拿魚, 三文魚....)新鮮冇冰硬冇雪味, SUSHI 款式超多, 而且竟然有花膠湯, 仲要隻花膠係勁大隻。另外, 大家一定要試下花鵰酒浸原隻鮑魚, 爽口加上味道好, 最少要食兩隻呀! 真係有好多好多野食, 寫唔哂加試唔哂呀, 下次一定要再黎食哂佢。…Read More

放假梗係要食好啲啦！朋友食過話幾好食，而家又做緊promo，於是揀左呢間放題！有溫馨提示，所以預先知要wechat落單。偷聽到隔離枱問如果冇wechat咁點，原來都可以寫紙落既，不過最好梗係支持環保啦！一坐底就即刻出去拎野飲，有鮮榨橙汁呀仲有超多選擇添！一字排開好壯觀！熱飲可以試下茉莉綠茶，好香我地試㩒左一輪，選擇困難下全部都叫一樣，刺身好快就黎啦刺身全部都好新鮮，最鍾意甜蝦同北寄貝！冇見過日式放題有生蠔吧添！仲係即開架！加48蚊可以任食，我地like Facebook都有兩隻送，好味講下熟食先！估唔到牛油粟米好好味，超甜粟，又夠牛油茶碗蒸夠熱好味羊鞍，燒得好香呀我地兩個好快就清左個海鮮粥榴槤波波好好味呀，每次去放題必食，榴槤控最愛鵝肝手卷好creamy最後食埋個甜品，好滿足！有哈根大師同movenpick揀性價比高可以bookmark…Read More

難得同同事可以一齊準時放工，就決定一起去食燒肉放題。有人提議去這間餐廳，平均每人消費大約$300左右，我覺得尚算合理就一齊試試。餐廳不算太大，大概可容納四十人左右，因時間尚早，所以餐廳裏可以直入，吾洗等位。食品種類也很多，有牛、羊、豬、雞及魚通通都有，只是海鮮方面就比較少選擇，只有帶子、元貝、蠔、蝦及魷魚。我個人最喜歡就是西冷薄牛扒及豬腩肉。燒西冷薄牛扒每面只需要用10秒時間就可放入口，如果太久的話牛肉就會變老，所以不可以燒太長時間。用生菜包豬腩肉食， 一流！這間餐廳的炸物亦不錯， 十分香口，配啤酒或韓國米酒亦不錯。如果喜歡食辣嘅朋友，可以選擇噴火炸雞。噴火炸雞亦可選擇小辣、中辣及噴火辣。最初我們選擇小辣，發覺冇乜什麼特別。之後我們選擇噴火辣，我哋個個都辣到飛起。我用左2分鐘將一罐雪碧喝掉，之後口腔仍然感覺火燒感覺。所以喜歡吃食辣嘅朋友，可以挑戰下自己。…Read More