AuntieBella's Profile

俾佢嘅裝修吸引住，每次經過都要望下究竟呢一間係食乜嘢嘅餐廳，開頭以為佢係大排檔😂經過兩次之後就知道原來係食泰國菜，佢啲裝修完全係泰國feel,終於約咗朋友三個人嚟咗試，我哋訂咗枱一入到去已經有位，一坐低應該係老細就同我哋講張枱生銹係佢第一個特色叫我哋唔使擔心，其實我真係好想話俾佢知就係鍾意你哋呢啲裝修先入嚟啊！😂見到個餐牌所有嘢都想叫，最終我哋揀咗炒公仔麵呢個公仔麵完全係泰國mama面嘅味道，入面有菜同埋有啲雞肉好好味😍😍泰式牛肉沙律呢個牛肉沙律好味到喊，啲牛肉好似唔駛錢咁多到不得了，牛肉好林我哋叫咗小辣因為朋友唔食得辣，連佢都食到就唔會冇咗泰式嘅味道，入面有青瓜生洋蔥同埋芹菜，好開胃夏天食好正泰式串燒雜錦拼盤入面有腸仔，雞肉，雞軟骨同埋豬肉，我只可以講佢嘅味道係同泰國嘅一模一樣，同埋佢個沙嗲醬真係好好味入邊好多花生，忍唔住叫佢比多一碟我😂泰式炒椰菜苗椰菜苗唔會好似有D泰國餐廳食嗰啲個獻好杰，唔會炒到好淋，口感剛好每人再叫一杯野飲，龍眼冰，泰式檸茶同青檸梳打😍想講佢哋服務好好！已經急不及待再book左去食😍…Read More

前兩日約咗朋友食飯，最唔鍾意諗去食乜嘅我，將呢個責任放咗喺朋友身上，而呢個朋友亦好有心去搵有乜好食，搵咗呢間日本餐廳。上到去，等咗一陣就有位，一入到去坐低就見有好多日本人。心諗一定幾好味😂因為朋友唔食生嘢嘅關係所以我哋就叫咗全部都係熟嘅。 叫咗呢個牛肉飯，我好鍾意佢係一個Mini版😂 個飯好好食，平時唔食飯腳我都忍唔住食咗一半，個牛肉好有牛肉味，唔係出邊嗰啲用梳打粉醃咗嘅牛肉，而我自己唔鍾意有太多調味料嘅肉，會搶咗啲肉味，佢呢個係冇落太多調味料！ 呢個係雞肉丸湯鍋，入面有椰菜幾粒雞肉丸同埋少少菇，啲湯底係雞湯，凍咗仲變咗有少少啫喱狀，唔知入邊係咪有好多骨膠原呢？🤪😂呢個湯底如果加啲烏冬入去應該都幾好味！蛋捲，仲要係勁多蔥嘅蛋卷，呢個係非常之好味，因為我自己好鍾意食蛋，仲要係多蔥其實可以更加多！😂😂當然為嗌咗三個覺得夠嘅時候，其實又可以再食多少少，見到有好多人嗌唐揚雞，我哋就嗌咗一碟，點知嚟到係多成咁，食完真係太飽！ 然後隔多幾日諗住再嚟呢間野度食，在遠處已經見到人多，我個日真係好好彩唔使點等！ 我一定會再去😆😆…Read More

今日入咗元朗，見到呢間之前在網上好多人話好食嘅古早蛋糕，都有啲人排隊諗住買一個返屋企試吓！$75好大舊，都好似好底食！但係............我自己唔係食過好多間古早蛋糕，亦唔係食家，好小在Openrice 話野唔好食，我食咗一啖真係吐返出黎，味道係生雞蛋味，沒有芝士味，入面好似係唔熟！ 講真出面真係好多好好食，不過可能元朗唔多呢類蛋糕賣，所以街坊門都覺得好好食！ …Read More

本身準備同好朋友慶生，諗住喺尖沙咀食，點知佢要OT ，索性去中環接佢收工。去搵嘢食時已經差唔多八點，對我哋呢啲平民中文環咁高貴嘅地方都唔知食乜好。諗到Landmark 呢間之前我哋都嚟過一次，諗住食佢個海膽壽司。 坐低之後，立即叫嘢食，打開Menu，原來已經冇晒壽司類嘅食物，其實有啲失望。咁只好叫左好鍾意嘅雞肉小籠包 😍出面多數都係豬肉，好特別。雞肉小籠包同豬肉嘅冇分別都係一樣多汁，雞肉餡有啲薑味，熱辣辣，點埋醋食😍冷 盤叫左口水雞，記得上次黎食係有啲辣，所以今次好醒目咁樣叫佢分開咗汁。 肚餓得滯食咗少少先記得影相😂不過呢個行口水雞有D貴，以為係雞件，點知嚟到係雞絲，份量可以多啲🤪辣得好刺激。紅油素炒手，入面係菜，好清，但又唔會冇味，呢個汁望落去以為同口水雞嗰個一樣，但係呢個好味過口水雞個汁，入面應該有啲花生醬。 最後叫多一個天婦羅雜錦飯，入面有2隻天婦羅蝦同一個炸雜菜餅，見到D汁咁深色以為會好咸，但其實係小小甜，如果有埋天婦羅汁就非常好！ 每人再叫多一杯同mojito 差唔多嘅飲品，好多薄荷，好fresh ，連我唔係幾飲酒都覺得冇乜酒味😂幾鐘意佢D野唔係好大碟，可以試多幾款。 …Read More

今日去咗將軍澳攞野，經過新都城見到呢間古早蛋糕舖新開，疫情下都咁多人排隊，好似好吸引。咁就同2個朋友一齊排隊買，見到都有出爐時間，咁樣就知大概要等幾耐。排左大概15分鐘店員就開始派籌，見住D蛋糕出爐，睇到都覺得好鬆軟，蛋糕用紙盒裝，鋪頭都好細心加多個膠袋！ 我自己買咗朱古力，朋友仔就買咗肉鬆，熱辣辣食都好好味，蛋糕好鬆軟，D肉鬆爆多，我自己就最鍾意又咸又甜嘅味道😂試左少少，好好味啊！ 由於自己太操魯，返屋企途中搞到個蛋糕有小小變形，好彩係唔會影響味道🤣🤣！望住D朱古力花紋都好治愈！ 個蛋糕一樣都係咁鬆軟，唔會乾, 甜度剛好！ 不過我想講佢真係好大舊，好抵食我食唔晒，放咗入雪櫃第二日食，我鐘意凍食😆買完先發現有個打卡位，下次去一定要影吓相！ …Read More

去過幾次green common . 好喜歡佢地嘅菜式！今日經開尖沙咀，又同朋友仔去食，今次食D之前未試過嘅嘢。炸魚薯條呢個炸魚真係同真魚冇分別囉！同朋友仔異口同聲都話「好食到爆」。 最變態係佢真係有魚味🤣🤣 囗感亦都係同魚冇乜分別！想講係入面都係juicy !!! 個薯條外脆內軟，唔會油，炸得剛好！我鍾意薯條點佢個他他醬，正！全部都係即炸，最欣賞係有埋沙律菜，食完炸嘢有返啲菜平衡返，冇咁罪疚🤣🤣🤣日式咖哩漢堡烏冬個漢堡真係好似真嘅牛肉漢堡扒咁😭😭好好味。唔講比你知係素真係好難分別囉，仲要顏色都係同真牛肉一樣！個咖喱汁就係平時食開個啲日式咖喱，甜甜哋，撈烏冬幾好食。仲有叫多一個餃子，呢個係我想食好耐，因為見到佢地個OMNI PORK 好想試吓，佢個口感同真肉一樣，入面有椰菜絲，係同正常嘅餃子一樣味道！ 我極度喜歡這個！…Read More

今日同屋企人去D2 place 睇戲，我第一次去D2 place, 睇完戲就搵嘢食。我哋一行人5大2小六點幾就去咗食晚飯，見到salted pig , 屋企人試過尖沙咀嗰間話好好食，咁就即管入去試吓。樓底好高好舒服，啲枱唔會太迫，我哋去嗰個時間唔係好多人。你差唔多食到中途啲人就開始多啦。掛住食唔記得左影Menu，其實我有幾個嘢食都唔記得咗影相。個Menu都幾多嘢食，其實我哋叫咗好多嘢食係食唔晒，佢啲portion都好大。叫咗個小食拼盤，一嚟到已經傻眼，大到呢！入面有Mini Burger，薯條、雞翼、ribs , 魷魚圈、scotch egg,仲有一樣唔記得咗係乜嘢🤣🤣我拼盤入邊啲嘢食全部都係新鮮炸嘅，雖然全部炸嘢好似唔係好健康，但係邪惡嘅嘢係永遠都會有人鍾意㗎！佢有三種將喺中間俾你點，綠色嗰啲係牛油果醬，另外有一個我記得係好似酸甜醬咁嘅嘢，仲係一個係唔記得咗因為好似冇點過我自己🤣🤣🤣🤣份量真係好多！非常抵食！唔記得咗個拼盤有burger，然後另外帶多咗一個burger呢個burger大到真係食唔到啦，我哋食咗大半已經放棄左！ Burger 入邊塊肉好juicy , 好有牛肉味！ ，夾埋啲洋蔥番茄同埋生菜食好Fresh . 啲薯條都係剛炸出嚟， 熱辣辣外脆內軟。又叫多咗個西班牙海鮮飯，啲飯完全吸收晒海鮮嘅精華，入面其實都有幾多海鮮有青口、蜆、蝦而且啲份量都有幾多，唔係好似有啲只係得一兩舊。其實另外仲帶咗個魚但係完全唔記得左影相，我只係記得你講呢間餐廳真係好好食，一定會再嚟！一大班朋友去就啱晒，可以試多啲野！…Read More

印度菜一直都係我最愛嘅，但身邊唔係太多朋友鍾意，上星期六約左2個朋友lunch ，我話好耐冇食印度菜，有呢個機會有人陪我就唔放過，去左中環上山頂嘅扶手電梯附近呢間印度餐廳。入手入到餐廳好有印度feel ，播住印度音樂，有lunch buffet 。我地睇完都係選擇散叫！我地3個人叫左6樣野，完全癲左🤣🤣🤣Tandoori chicken 係必叫之一，雞肉好juicy 唔會乾，好入味，又唔會好辣，配埋檸檬汁，好夾。咖哩就叫左個椰汁底，食落有D似泰式咖哩甜甜地Lamb Biryani Biryani 係我極度鍾意嘅飯，佢就同我地食開嘅有味飯一樣，煮法係一層飯一層咖哩，完成後mix 埋。不過真係唔係每間餐廳都整得好味同正宗，但我可以講呢個係正宗同好好味！飯入面嘅羊肉完全唔羶，加埋乳酪食，真的會好味到流淚😭😭😭 Spanish panner 菠菜芝士，panner 係印度芝士，係一種芝士味好淡嘅芝士，加埋香料煮嘅菠菜茸，好清，配埋濃濃嘅咖哩平衡返就剛好。Aloo Gobi 咖哩薯仔椰菜花，呢個係乾咖哩，可以好明顯見到其中一隻香料孜然，椰菜花唔會煮得太熟，仲有口感，唔好睇個樣好似冇味，但其實係完全夠味，仲要好好味加埋香料味道，會令你食更多🤣Garlic naan 食咖哩一定要配naan , 囗感軟，好香蒜茸味，面頭掃左一層牛油。沾D咖哩或淨食都好味，一個人食一個好容易。通常印度野都會有幾種醬，綠色薄荷乳酪，橙色個一個係辣既，而最深色個一個係好似泰式羅望子醬，酸酸甜甜好開胃。…Read More

成日都會經過呢棟大廈，每次見到個門口都覺得好靚，上星期終於同朋友嚟食飯。一出lift 就係對住個open kitchen，對一個極度鍾意煮嘢食嘅人係好開心，仲安排左坐係吧枱可以望到廚房嘅情況。餐廳環境好warm 好適合同三五知己傾計。地方唔係好大，不過我鐘意，唔會太噪！坐低見到Menu就樣樣都嘗試。最後我哋決定頭盤叫咗一個吞拿魚沙律，吞拿魚係半熟嘅，份量都幾多入邊有沙律菜同車厘茄，全部都好新鮮，加埋油醋汁，味道非常夾,要面頭有啲烘過嘅杏仁，食落有D脆脆嘅囗感。見好多人都食松露薯條，我哋都叫咗一客，係即炸，外脆內軟！！每條薯條都沾滿松露粉，松露味都幾犀利 😍到主菜，我地叫左主角牛扒，肉眼扒，好腍身，叫左5成熟，又真係剛剛好，牛肉味好濃，仲食到炭燒味道，伴埋綠色嘅pesto sauce，正呀！薯蓉入面加左黑菘露，好香，好creamy ! 另外一個係慢煮三文魚，三文魚唔會煮到乾，入面仲好juicy ，半生熟咁，點埋碟邊嘅醬，好味道啊。我地已經飽到唔可以再叫甜品，每人叫左一杯 Mocktail 。 我自己叫左杯green fizz , 因為我係薄荷控，超級鐘意薄荷葉，加埋青瓜，味道好fresh 。 朋友叫左杯beach baby 入面有荔枝，薄荷同soda water ，好香荔枝味。…Read More

Greyhound 已經在泰國出名左一陣子，但去到泰國無食，在香港試左🤣好耐都冇去沙田，上幾個星期六去左附近個博物館，順便黎市中心睇吓有乜食，D餐廳完全唔同囇，間間都好多人等位，呢間比較小人，等了幾張本枱就有位。第一次食，原來係泰式Fusion 菜，menu 都有D泰菜，我最愛Pad Thai 。 叫左2個pad Thai , 因為有朋友食素，所以叫左一個蝦pad Thai 同一個素pad Thai ( 忘記影相） 份量ok ，不是太多亦不是太少，味道都幾好味。青醬帶子闊麵，大家都對西餐唔係抱咁大期望，因為呢間都係泰菜🤣 但竟然出奇地好味，帶子好新鮮青醬好creamy ! 仲要灑左很多芝士在面！ 和牛漢堡包麵包應該係嘉頓個種，入面塊漢堡好有牛肉味，都係冇預計嘅🤣有一個細心位，就係將生洋蔥同蕃茄分開上，應該對一D唔食嘅朋友會方便左！但係我好鬼鍾意食！加多一個小食粟米餅配雞醬，呢個係好味嘅自己整應該唔難🤣🤣🤣…Read More

已經黎過好多次，亦繼續黎，證明我有幾鍾意呢問餐廳。今次叫左個雞扒漢堡，佢哋個漢堡用左炭漢堡，其實個味道同普通漢堡一樣，只係變左黑色🤣雞扒一如往常的大，入面有蕃茄、牛油果、洋蔥、生，有好多餡！雞扒有好多汁，唔會乾。最喜歡伴碟嘅薯條，幼幼的，點上蛋黃醬，好好味。蕃茄意粉有D失望，因為真係完全冇味🤣🤣🤣 有新鮮蕃茄嘅味道🤣加多一杯mix berries smoothies! 呢個應該冇另外加糖都幾好飲！…Read More

某天經過海運，發現原來連卡佛有一間咁得意嘅餐廳，以為佢只係飮咖啡食cake ，點知原來係有飯食，好喜歡佢地個環境同店內嘅 擺設，最正係有2個舊涼茶舖嘅大胡㿖，好形呀！睇到menus好多選擇，大部分都係日式。下次可以試試。因為剛食完午餐，行過見到就坐低左試下，環境好舒服，又唔會太多人。我點左一杯薑汁Latte 杯同碟D patten 好靚，隻匙更原來係有圖案，好靚。見到小題匙上有一更薑蓉，就一併放入杯內，點知一飲係非常甜，原來咖啡入面已經有薑，而我加埋匙更入面嘅薑所以更甜。我原本以為係將新鮮薑汁放入去，點知原來係薑蓉syrup ! 雖然有點失望，但還是喜歡這𥚃，會再來試試其他的。除了咖啡，另外叫了一個caramel muffin ，中間的caramel 是流心的，翻熱後微暖，內面很軟。…Read More

幾年冇黎過，D裝修完全變左，印象中以前好似燈光暗D🤣叫左白咖哩炭燒雞扒飯，春卷，同薄餠。白咖哩雞扒飯飯，汁同雞扒分開上，個汁甜甜地，一定要同飯一齊食，仲會令你撈好多飯😆雞扒有炭燒味，一D都唔乾，好奶好juicy，如果大塊D仲開心😍可以再食多幾塊雞扒🤣蝦春卷, 入面都幾多蝦膠，即炸，熱到要等一陣先可以食，炸得好好，唔會油淋淋。有沙律醬點埋一齊食。我地仲要人地比多D我地🤣簿餠係完全一D都唔油，雖然入面係用好多油整🤣但佢整得好好，好脆，面好乾身唔會油，最怕食出面個D油浸薄餅，其實想講嘅係佢個咖哩汁，超好味，好濃香，都係甜甜地，有椰汁香，我個人鐘意呢個汁多過白咖，個汁好味到唔夠點🤣…Read More

印度菜一直都係我最愛之一，好想黎試好耐，上星期終於同朋友仔一齊食晚飯。佢係餐廳又係一間bar 。見到好多人同朋友黎飲野傾計。環境好舒服，一入門囗，好有中東feel ,餐廳好亁淨，好舒服。有好多食物種類，西餐同印度都有，打開餐牌好難選擇😆因為好多野都想食。叫左3個小食，一個咖哩同一個雞。Samosa ，一碟有4個，個皮係傳統嘅面皮，而唔係好似有D餐廳用春卷皮，內餡係薯仔同青豆加埋D香料，少少辣，又唔油點埋薄荷乳酪，好清新，感覺冇咁膩，另外一個汁就好似羅望子汁酸酸甜甜，好開胃。食完都幾飽肚🤣ZAALOUK 茄子泥，茄子有D炭燒嘅味道，入面有蒜味，Nachos 同一班朋友食飯飮野最鍾意叫呢個，勁多芝士在面，入焗爐焗到半溶，加上有sour cream 同jalapeño 。好味！ Butter chicken 因為朋友們都唔食得辣，所以叫左butter chicken 甜甜地，叫埋個garlic nann 點D咖哩汁黎食！個garlic nann 好軟，即叫即做，好香蒜味😋Tandoori chicken Tandoori chicken 用乳酪醃過，所以D肉好juicy，唔辣，跟埋薄荷乳酪汁，其實我最鍾意墊底嘅洋蔥🤣個鐵板嘅熱力令D洋蔥熟左，好甜😍值得同朋友再黎，傾計飲野好地方！…Read More

好耐都無去旺角呢個年青人地方，朋友仔今日帶我去旺角新開嘅商場，行到攰，見到呢間coffee shop 入去飲杯咖啡，唔係好多位，但枱與枱中間都唔會太窄。叫左一杯iced latte 同一杯hot latte ，咖啡都比較濃。買咖啡時見到有waffles 就叫左芝士煙三文魚味，份量唔係太大，剛剛好都有好多餡料。仲要係即叫即整。三文魚同芝士用火槍燒過，三文魚半熟，又唔會好鹹，芝士同三文魚連埋甜甜地嘅waffles ，又鹹又甜，好好味呀！下次可以去中環試下…Read More