MS.LWK(:'s Profile

七月十五日今日同朋友又黎到葵廣，今次唔係自己去，所以可以食多啲嘢由於我大力推薦呢到既章魚燒，所以燒到朋友都想黎試下XD星期六既葵廣十分多人又擠逼，店前面已經有幾個排隊預備俾錢，店舖細細人手又不足，要等得比較耐都無辦法。我地今次叫左八粒雙拼，四粒明太子四粒大阪風，大阪風即係最普通平時食開個款章魚燒，明太子當然係我至愛啦～都等左8-10分鐘左右，終於輪到我地啦，熱辣辣的章魚燒永遠都係咁吸引既！啲醬多到好似唔洗錢咁，就黎浸住啲小丸子，大量既木魚絲其實絕對令盒章魚燒加分，普通既大阪風就真係無咩特別，醬汁足夠，口感軟糯，章魚都大粒，質素係有，但因為呢間店始終價錢比較貴，如果係既話我會試其他比較特別既口味，上次話想試芝士味，但朋友唔食芝士所以最後都試唔到。唯有希望下次試到，同埋希望店家會增加多啲唔同既口味啦…Read More

10.7.2017今日誤打誤撞，難得黎到葵廣，平時住新界東的我好難搭八九字車黎，所以每次黎到都會係咁食今次都唔例外，有一大堆一大堆美食等緊黎我！由於早上都食左少少嘢，所以都未係好肚餓，一到埗就上左三樓買芒椰奶西，然後就黎到呢到買有名的章魚燒～ 價錢唔算太平，平均30蚊起跳，有6粒同8粒揀，我今次黎得一個人，所以就揀左6粒明太子章魚燒，30元～店員哥哥都好有禮同我講要等幾分鐘先有得食。等左一陣就有得食喇，雖然未算熱辣辣，但都係暖笠笠，章魚燒的size好似一粒乒乓球咁大，表面係滿滿的醬汁，還有一層粉紅色的明太子醬，當然唔少得大量的木魚絲啦！咬下去非常軟熟，加上木魚絲，令口感十分豐富，而章魚十分大粒！明太子醬微微辣的味道，令整份章魚燒更加惹味~(不好意思..我吃了一半才記起要拍章魚的艷照)和一般坊間的章魚粒不一樣，這裡的是小章魚一隻，而且鮮味十足，這才是真正的章魚燒啊！唯一有小小挑剔是醬汁太多..有點鹹和膩，而且都唔夠熱。不過這是我第一次幫襯，下次要嗌少醬。總括來說，30元的章魚燒有這樣的質素，很不錯呢！難怪中午時間有咁多人有飯唔食食章魚燒大家可以叫8粒同朋友開心share，有雙拼選擇(+$2)，咁可以試多d味。下次再試下芝士味(不過可能會更漏XD)…Read More

之前約咗朋友去科學館睇木乃伊展覽，因為平時唔係成日會出尖沙咀，所以都想搵啲有興趣嘅餐廳順便試埋~我好鍾意食喇沙既，吐司工房嘅喇沙都唔錯，但係有啲貴，加上係連鎖店黎，周圍都有得食；好時沙嗲就食過一次，所以想試吓唔同嘅餐廳，無意中發現吉利尼，原來喇沙都好出名，所以決定趁今次嘅機會試埋啦。其實位置唔難搵，餐廳都幾靚幾舒服，採取自然光都夠光猛。其實餐牌可以選擇嘅食物唔多，都係喇沙、海南雞飯、咖央多士之類。最後我決定要一碗肥牛喇沙，我朋友就叫咗海南雞飯。佢啲海南雞飯到先，不過見肉唔係好多，雞皮多過雞肉，好似麻麻哋..不過佢話都幾好味既，我食左一舊雞都幾嫩既。等左一陣我碗喇沙終於到啦！其實份量都偏小，不過牛肉都幾多，而牛肉就係平時打邊爐嗰啲肥牛，冇乜特別，配料有蛋同豆卜，其實大家都知食喇沙個靈魂就係湯底，湯底有啲辣味，椰香味重，湯唔會好「確」喉，而且味道濃郁得來又夠香，所以以呢個價錢來講都可以接受。$62一碗連凍飲，可以一戰～…Read More

2016 FEB呢個雪糕已經食左好耐，近排新年的時候有親戚買左sweet monster既爆谷同大家一齊分享，所以又令我諗返起呢個爆谷雪糕。呢間店位於朗豪坊，地點算係非常方便就腳，因為朗豪坊咁大個商場，但甜品店嘅選擇比較少; 價錢＄39，份量同價錢都算係合理，因為呢杯雪糕嘅份量都幾大，適合兩個女仔一齊分享。我哋去到嗰日都有唔少人排隊，大部份都係為咗呢杯雪糕，而店內的都有一盒盒嘅爆谷同埋一啲特飲可以選擇。爆谷有五款味道，包括焦糖，牛奶，芝士焦糖Mix，士多啤梨同埋朱古力。我就貪心啲揀咗芝士焦糖Mix。由於嗰日都幾多人買雪糕，所以平均都要等五至八分鐘，由於店內位置係open area，無咩位企，但都睇得出幾乾淨企理，啲雪糕機都幾乾淨。而員工都好熟手，好快就可以整到一杯好靚嘅雪糕:)店嘅隔離有一啲紙牌，可以比客人一路都揸住杯雪糕一邊影相，最啱相機食先嘅朋友^^ 一拎上手，立即影左幾張相，佢都冇咩點溶，食雪糕最擔心就係驚啲雪糕好快溶，質地唔夠實，另外雪糕痴住啲爆谷，都會怕啲爆谷會唔夠脆，但食咗之後發現完全冇呢個問題， 首先值得一讚嘅係雪糕嘅質感好實，牛奶味好重，又好夠凍，同爆谷一齊食係估唔到咁好味。芝士味爆谷好香又夠鹹，中和左焦糖味嘅甜，兩個味道可以相得益彰，唔會得個甜字。食落口有層次，真係唔錯。原本以為杯雪糕會好大杯，不過我覺得其實一個人都食得晒，哈哈。 …Read More

28 DEC 2015/ MK旺角登打士街有好多美食就係人都知，但好多本地小店壽命都不長，舊店轉眼又變成新店。每次經過candy shake門口，都被佢地的裝潢吸引，實在太夢幻啦~~~（對於我呢啲細個想住糖果屋既傻妹黎講xd） 入面有好多唔同類型的糖果，好多都係日本糖，有果味，奶味重啲的都有，太多款式選擇，真係好難揀。 話雖如此，我都係很快揀左佢地重點推介既金莎奶昔，加9蚊要多一件芝士撻。total 36蚊。服務員做事都相當被動，都唔會講多謝的，不過我都無所謂的，但我俾錢時都同佢講係拎走，佢地係唔會幫你將個撻入袋的，要自己入袋，奶昔就好像沒有膠袋，一定要手拎住杯飲品，其實都幾狼狽，係店內食會方便點。店內環境很漂亮也很舒適，但沒有座位，是典型的外賣店，只有數個企位，我去到公園坐下慢慢食，芝士撻不暖，撻皮受熱不均，樣子不太好，而芝士餡不是多到流心的，帶點酸味的芝士餡較濃稠，不太幼滑，整體沒有驚喜，不差，但9蚊一個性價比頗高，如果以原價購買就不值得了，相信店家也頗懂得做生意呢。金莎奶昔可以算是signature drink嗎？很濃郁的榛子味，完全沒有用多餘的水溝淡的味，是真材實料的感覺，咀嚼奶昔的小顆粒，是有些果仁的味道，層次豐富，飲完十分飽肚，而且不太甜也不太膩，不錯。…Read More

3 FEB / TST難得今日放假，又係星期三，所以自己獨遊下尖沙咀，本身想試下慢煮工業既三文治黎做lunch，點知食完呢個芝士撻已經有啲滯，哈哈。芝士撻熱潮已經蔓延到香港好一段日子，曾三次平日到訪銅鑼灣bake，都被佢地既人龍嚇壞了，實在長得太驚人，所以我都係等到熱潮減退先去買，半熟工房也是，熱湖剛迭起時也是排了一條長長的人龍，二月初到訪時，人龍已經減了不少，所以是日去到，立即就有得買了。芝士撻索價22元，其實都頗貴，畢竟好評如潮的bake也只是20元，美心的cake lab也好像只是14元，旺角candy shake也推出買奶昔就優惠半價9元食到芝士撻，唯獨這間定價22元，似乎對撻的質素頗有信心。去到時，盤子裡只剩下兩個撻，所以已一拎上手只會是微暖，果真如是，員工分工合作，一個收錢，一個小心翼翼拎個撻出黎，說時遲那時快，芝士撻眨眼已到我手。快速拍了一張照，一放進嘴裡，先嚐到脆口的餅皮，有牛油的香味，而豐沛的芝士餡好像山泥傾瀉般瀉出來，不會太酸，是適中的酸味和濃郁的芝士香互相配合，加上撻本身也有溫度，令我對它很有好感，而且質感也很軟滑，老實說，我覺得比bake還好吃呢。 …Read More

唔係住旺角既我，耐唔耐先會黎一次，係幾個星期前睇到呢間開左都ok耐既雪糕店，其實都想試好耐，所以就停下腳步，去試下係咩味道。因為係第一次，所以就先叫一杯原味試試。其實個噱頭一定係黎至個舊蜂巢，因為就算係咁細舊，貪新鮮既大家都會因好奇而買，試下蜂巢係咩味XD嘻嘻而我都係想試下佢咩味先買...咁普通既雪糕要賣32蚊，唔通真係話嫌錢多，想試下M記既雪糕同呢到有咩分別，先買咩...間店都好細，俾完錢後就要等，等，寂寞到夜深~~~~~終於等到呢杯除左蜂巢外平平無奇既雪糕。雪糕真係勁快融，影左兩張相已經開始融＝＝食第一啖雪糕，都係同32蚊呢個價錢完全扯唔上關係既平凡，有奶味既，但唔重。重頭戲係蜂巢！一咬落去啲蜂蜜咇哂出黎，好清甜，口感好特別再加上本身個雪糕有蜂蜜，所以更甜～如果個雪糕係豆乳／豆腐味，唔好咁甜，會更岩我口味：）舊蜂巢食到尾勁似食緊香口膠，好膠既味道－。－總括而言，都可以試下舊蜂巢既，雪糕就無咩特別囉～…Read More

16/5其實呢間係咪真既允升分店？？允升今日好多人，逼爆哂，無緣一試lu突然諗起呢間，聽人講係分店，咁就試下啦得一兩枱人，都完全唔洗等位，大把位門面都唔大，小店一間，有一個女仔侍應燈光好夠呀，唔太猛又唔弱，正太猛就好'殘'眼 (￣∇￣)都幾有禮貌既，不過做嘢好似唔係好熟手咁唔緊要啦哈哈，都唔急住食既~~涼下先坐正係個風口位，好涼好舒服~~~＼(^o^)／叫左個紫米豆腐花 (凍，$14)紫米露係多過豆腐花既，同埋圖片唔係只供參考既！！！係一模一樣既！！紫米露上面個啲我諗係奶黎既，因為無咩甜味~食左一啖豆腐花，好滑喎！又有好香既原豆味，姐係最原本既豆味 而紫米露既紫米就好有咬口，又唔會一味死甜，因為咁熱既天氣，唔想食太甜膩既味道，想食啲清爽既自然既甜味，呢碗岩哂呀！！去到後尾，我都加反少少黃糖，都好好味，清甜到呢~ 我覺得好好味喎，不過芒果糯米滋就無試到，下一次一定要試下！…Read More

16/5上一次去長洲大概是半年前的事，個次都有黎食甜品，長洲既出名既甜品店有天然，允升同師妹，師妹就從未試過，因為聽講服務不太好，雖然我唔係好著緊服務呢個criteria ，但係有啲食評都講到好似好差咁，所以就無去。天然就每次都會幫襯，岩岩都見到有幾篇話天然既服務都麻麻，但我覺得都可以接受，起碼唔會話連多謝都無句；我記得個日中午去到，因為個天黑哂，就落雨咁，所以就諗住搵一間甜品入去坐下，點知天然門口痴住張紙，話1:30先再營業，姐係1:30先俾你入去坐，即刻呆哂，於是決定買兩粒芒果糯米滋係外面啲長凳坐就算。6蚊一粒，算係幾平。因為以佢咁既Size，真係食得夠哂happy！個皮好煙韌，好香又夠薄！真係好正！兩樣嘢係好match ~入面既芒果好甜，而且有小小芒果汁係入面，好好既一樣嘢就係佢唔酸，不過我諗未必每次都咁好彩食咁甜既芒果＼(^o^)／如果凍啲就好啦！走個時淋住大雨都買左少少芒果糯米滋反屋企俾屋企人嘆！…Read More

16/5又黎到長洲啦，呢幾日又不停落大雨，落到好煩躁，因為考完試既關係所以唔洗反學，諗住去下街但又日日落咁大雨，黎到星期五，終於叫做好啲天氣啦，所以都按原定計劃去長洲。一落船就落毛毛細雨，唉真係咩心情都無哂。之前都去過幾次長洲，雖然沿路有一兩檔都係賣大魚蛋，不過首先一定係去甘永泰啦！10蚊一串，話貴唔貴，話平唔平，難得黎到都要捧下場既！一去到都有唔少人等緊，都唔少人買芝士丸拼三文魚丸，同埋普通細粒既魚蛋。咁我地就要左兩串大魚蛋啦，個到既姐姐好熟手，即刻拎起兩串落油鍋炸，確保食落去係熱辣辣。仲有張廚房紙可以印走多餘既油，呢層係好既，因為我諗好多人同我一樣好憎啲油溢味 ………其實大又唔係真係好大，相比其他店呢個都唔算大但炸完就夠熱，一咬落去，內面都夠嫩，同埋好彈牙，呢點好緊要魚蛋唔彈牙就唔叫魚蛋啦不過鮮味唔太明顯，但係係好食既，keep到水準 : )…Read More

Lab Made 今年開左好多新分店，終於唔洗再過啲想食要特登去尖沙咀既苦日子！新張大吉，梗係要去支持一下。新店位於東港城food court，今日平日下午去都人流極多，四周食店林立，隔離仲有間大件夾抵食既手作之店雪糕，但Lab Made都係人頭湧湧，好多中學生放學過黎買杯食下，不過都係因為貴啦，幾個share一杯，一人兩啖就食完。今期口味除左好hit既奶醬脆多，仲有腐竹雞蛋糖水，英式杏仁，同芒果菠蘿乳酪。後兩種我就無咩興趣，奶醬脆多就時不時都會見佢推出，所以今日就同細佬夾份食一杯腐竹雞蛋糖水。呢個味既雪糕真係見都無見過，只能夠話好有創意，同新鮮感。Lab Made 既gimmick 就係創意，如果唔係其實都幾難做，1.5球至少40蚊都唔洗埋到單，好多客見今期口味，吸引喎就幫襯，唔吸引就唔會幫襯，因為一杯仔已經咁貴，買之前要諗過度過。個日見到好多客都買奶醬脆多味，咁我就係到諗我係咪揀錯左呢，但見到杯雪糕又唔係好似伏姐，咁都安心啲；上面個兩粒唔知咩勁之難食！！苦既！！好難吐反出黎，開頭咬係脆既，心諗無咩味就是但啦，但再咬落去，勁苦！都唔知擺呢兩粒嘢係到做咩！但個雪糕係好味既，雞蛋醬好濃，雪糕入面既腐竹好清香同好有咬口，睇得出好足料，同埋呢個雪糕都係比較淡味，唔錯(因為食雪糕之前食左日本燒肉，所以唔想再食濃味嘢)，總括黎講，係好味既，不過唔值44蚊，同埋上面個兩粒嘢令我大打折扣，由笑臉降到ok，完。…Read More

我想講，呢間真係好好食，因為要排好耐隊，排隊期間由唔肚餓變到肚餓到咕咕聲，呢個生理過程係涉及到生物學既理論，但最大原因係呢間嘢太受歡迎，令好多人明知要活受罪，但都甘心情願！！我就係其中一個好例子，排左3個鐘，差唔多晚上10點先入得去。x@^)#~^) ---------------------怨氣發泄，完--------------------廢話少講，環境:排隊個到極差，燈光暗到阿媽都唔記得，一啲都唔好受，想走又驚過number，人間慘事也。入到去，環境幾浪漫，但都無咩心情理會呢啲，只能夠話十分整齊，佈置氣氛也很優雅。但很嘈。服務: 有普通話有廣東話，好好禮貌好溫柔，男女侍應都係咁，我覺得好好，食到後尾要調位，個男侍應可能唔好意思，好得意咁扮萌俾我地睇，笑死。衰然兩個月前食，但真係好深刻。另外好深刻就係甜品鬆餅係後上，好貼心。~~~~~~~~~~~~~~~~~~~~~~~食物:1: BBQ豬排三文治 ($60)- 唔係好似平時食開個隻豬排既味道- 但好味既，夠厚，軟腍腍，又夠鮮味。同埋好足料，麵包又唔會太硬，但綠色個個菜唔好味- 不過我覺得雞蛋沙律先係王道，超級無敵好食！2:咖哩吞拿魚巧巴達 ($56)-好香咖哩香料味！我開頭諗住都係係咁咦滲啲咖哩粉上去，但原來係混合埋吞拿魚先，好香，好滿足，啖啖係明顯地食到咖哩既濃香同吞拿魚既鮮，一流！！！-不過啲配料麻麻地，同埋碟辣油我都無掂過，有點浪費，我下次會叫佢收走，第一次食無為意。3: 草莓冰淇淋鬆餅 ($58)-呢個係人氣食品，水準一定有保證-如果係女仔，唔建議一人嗌一碟，四大塊鬆軟綿香既鬆餅都有反咁上下厚度，份量好大，一人一碟可能會浪費，因為通常食完鹹既嘢先再食，已經好飽仲要再食咁綿密既鬆餅，會飽到一個點。-草莓一點兒也不酸，好甜，食得好歡喜，吉士都係好討好，又滑溜又夠甜，好配合熱辣辣既鬆餅，雪糕就正常味道啦4:熱抹茶歐蕾 ($40)無咩特別，夠香抹茶味，但好一般40蚊一杯真係無下次，因為又唔係大杯同寧舍好飲係佢呢到啲規矩就話一定要揀一杯嘢飲無論你食幾多錢。所以先叫左，好後悔。5: 茉香蜜桃冰茶 ($44)呢個好大杯，夠清新，同埋好多水果，食完肉類再飲呢個，好開心的 埋單332，又要等咁耐，真係太耐了暫時唔會考慮再黎。…Read More

上星期日同同學傾功課，傾左成日真係攰到無倫，走個時大家都好肚餓，咁大家都話不如去掃街啦 。一落樓下就見到spaingo，就決定係你啦，黑毛豬火腿丸！24蚊一份，好似有6粒，可以自選醬汁，我地揀左蜜糖芥末醬。俾完錢，要等5-6分鐘到啦，個時候都幾逼，因為附近好多小食店，好多人都排隊等食╮(╯_╰)╭我地傾下笑下一輪終於到我地啦＼(^o^)／大家見到，粒粒都金黃飽滿，又酥又脆不過醬汁好似多左少少佢最好既地方係炸完之後外面夠脆，但入面仲軟綿綿既，每粒丸有兩小粒火腿，有咬口，富鹹香，係幾好味既小食！至於汁方面，酸酸眯眯咁，幾fresh，呢個汁係凍既，同熱辣辣既火腿丸好大對比，但太多汁食唔到脆到有聲個個感覺。。下次好想試下佢個窩夫( ´▽` )ﾉ…Read More

6-3-2014 / 微雨今日放學咁早，梗係要黎食好嘢！一直好想食holly brown ，無奈朋友們一係不好甜品，一係覺得呢到太貴，所以一直無機會試呢到既炒雪糕。今日終於有機會！Yay！話說今日心情都唔好，唔係咁開心，女仔唔開心會做咩？仲洗問梗係食甜品xd 同另外一個fd講今日好想食雪糕，佢第一時間話去Lab Made ，但我覺得可以試下第二間，咁最後決定就去Holly Brown。由於係閒日下午，得兩枱人飲咖啡同食雪糕。入面好大好乾淨，有外國feel，而且夠光猛，俾人個感覺好精神。入面仲有水可以飲，食完雪糕可以啷啷口，so sweet。我地係外面睇完menu後就決定要呢到既招牌 Holy Starlet 藍星魔力。試試我們渴望已久的藍色冰淇淋。蜜糖星星同朱古力彩針舖係面真係成件事變得好夢幻。(≧∇≦)早前見到有人話blue vanilla 呢隻雪糕過甜，覺得唔好味，但我覺得可以接受，加埋啲星星食好正，夠滑夠濃，但唔知點解唔係好覺係雲呢拿味但又講唔到係咩味，食完條脷變做藍色好好笑，我地都好中意。下次再試其他先 好味！…Read More

一直都想食呢間，無奈都幾難搵，我第一次搵搵左好耐都搵唔到，最後放棄。上星期五死心不息篤google maps ，終於搵到＼(^o^)／差唔多10:00先黎到，依然有大把食客排隊，員工應接不暇，好忙！好彩我地兩個女仔，好快有位，入面都幾逼，多架bb車啲侍應都無位行(￣∇￣)店內有免費英式淡果茶同朱古力噴泉，淡果茶好似水咁，完全無味既。黎呢到當然要食焦糖布甸椰皇子！呢個特色甜品真係加價得好快，依家已經要36！跟住再加多一個侯爵72心太軟，同樣都係$36。認真，食之前，我對呢兩樣甜品都有同樣既期望，就係希望最基本俾到我一種感覺係$36我係抵俾既。呢個甜品都幾有驚喜，夠特別夠人氣多人追捧！焦糖布甸香甜滑溜，份量亦係一大個！至於椰子啫喱，清潤不死甜，但我個人認為和布甸的味道不太合。最後當然少不得挖椰肉，好易挖唔洗好費力！濃濃椰子香，一室溫馨。侯爵72心太軟，真心覺得一般般。雲呢拿雪糕只係普通貨色，用多些生果伴碟我相信會好過用人工調出水果味的軟糖。心太軟有流心，朱古力略嫌少許苦，不過不失，食完超級無敵滯。想去甜入心既慾望終於達成了，或者我已經明白點解每日都客似雲來，佢確實有吸引人們再次光臨的能耐，我也會是其中一個＼(^o^)／因為這裡有太多特色甜品了，連名字也起得比其他甜品店有創意及特色！水準不錯，等我再來。＼(^o^)／…Read More