mimitongtong's Profile

今次已經係第三次嚟啦，生蠔都新鮮沒有臭味，雖然唔係太肥美，但勝在食咗冇肚痛，推介俾大家，刺身不錯都算多選擇，熟食款式味道都OK，羊架都出色，唔會死鹹又大件，茄子都好食，係稍為油咗少少，個天婦羅生蠔都好好味，佢哋嘅壽司細細件味道都好多選擇好特別，一啲都唔求其，有鰻魚拼天婦羅蝦卷，仲有榴槤壽司，今次我冇乜食炸物，但其實佢都有好多選擇，以呢個價錢$259加一絕對值得嚟（我係食5:30最早時段），甜品雪糕都有好多選擇Häagen-Dazs仲要任食，飲品都有好多款又有熱飲品櫃，算係好唔錯，仲有啤酒清酒任飲㗎…Read More

泰式火鍋店真係好少見到荃灣有，最平$179 90 分鐘set A牛肉、豬肉任食係基本，重點推介係佢泰式沙嗲雞牛豬肉串任食呀，仲有泰式千層糕椰汁西米糕甜品、小食、泰式木瓜粉絲沙律，泰式鳳爪，仲有炸物春卷雞翼都係自取任食，還雪糕雪條放題。佢最出色係泰式豬手，泰式串燒真係好好味，出邊仲有韓國辛辣麵，如果喜歡食公仔麵嘅朋友真係唔好錯過啦，飲品方面佢有即沖港式同泰式嘅飲品，泰式奶茶好唔錯，仲有香茅茶自取呢個都係一讚，店員服務態度都好好，本人絕無廣告自費去食評，但我推介大家夜晚去食會比較好，因為食過一次午市放題價錢一樣，可能我2:30嘅時間去到我係最後一格火鍋客，出面嘅食物甜品就冇再補充，有少少失望啦，但係我覺得唔想浪費食材我係可以接受嘅…Read More

今次食lv2 價錢$149，好似比以前平咗，牛肉order左3 次，每次質素都好平均，豬肉，雞肉都好食，湯底都唔會太咸，沙茶湯底都合格，外面自取食物都好新鮮，菜種類都有五款，丸類唔多但每樣都幾好味，甜品有泡芙、和果子，亦有沙律吧，飲品有即磨咖啡機，果汁特飲等等，當然唔少得自取罐裝可樂檸檬茶啦，仲有沙冰（呢樣真係其他店好少有），夏天飲杯都好正！北海道雪糕都好夠濃👍，埋單先知原來不用加一，性價比真係唔錯…Read More

已經一段時間冇嚟啦，相隔一年再嚟因為荃灣已經冇乜日式放題店，今次再俾機會佢嚟食吓啦！出乎意料之外，今次質素回復返平時以前一樣咁好食，刺身好新鮮唔錯，終於回復返水平，牛舌比較韌咗啲，天婦羅可以唔食，鰻魚啊燒雞翼呀都唔錯，特飲方面都好多款式，啤酒亦都任飲，平日298一位加一服務費，呢個價錢保持住呢個質素都唔錯，因為佢比起其他荃灣嘅放題呢間算係我食過嘅保持水準，大家可以嚟試吓食得過，午餐放題仲有3小時任食真係好抵…Read More