沁之食記的個人專頁

同朋友食飯，一班人唔知食咩好？最好就係去食放題，任飲任食個個啱食！今次就揀咗荃灣御滿屋，就大鴻輝夠晒就腳。一入去已經見到滿滿嘅甜品，仲有好多款前菜同飲品。一坐低就已經點菜，我哋今次揀咗A餐。已經有77款唔同嘅嘢食可以揀！ 有壽司啦，有刺身啦，有天婦羅啦，有鐵板燒啦，有串燒啦；仲有粥同埋鍋物㖭啊！ 其實呢就有十幾款，每樣叫啲啲嚟試吓…最鍾意呢，就係佢個帶子同埋大赤蝦大大隻， 啖啖肉同勁新鮮.. 仲有鮑魚…壽司都有好多唔同嘅款揀.. 有花之戀啦，左口魚裙邊.. 仲有各式各樣唔同嘅卷物. 唔可以唔提嘅，佢係有海膽手卷我嘅最愛😍，仲有吞拿魚腩手卷鐵板牛扒同羊架都大大塊.. 重有大隻燒生蠔👍🏻天婦羅有夠香脆..虎蝦啦，南瓜啦仲有牛肉壽喜燒鍋同埋蟹粥…芝麻雞翼，同埋炸榴槤球.. 樣樣都好好食😋最後仲有好多款揀嘅雪糕同甜品，都唔知食邊款好。 …查看更多

天氣開始熱啦，想食一啲辣野出返身汗，係旺角搵黎搵去，都唔知食乜好。行到去瓊華中心，見到有間餐廳叫麻辣風雲，啱晒心水，隻腳即刻走左去搭𨋢啦。上到去發現裝修古色古香幾有味道咁，環境舒服既因為坐既位置好闊落。一黎就比隔離枱既一盤盆栽吸引住，原來嗰棵係荔枝，呀~唔係，係荔枝形狀嘅蝦球，底盤仲係咁噴煙，超型呀。今次叫左荔枝蝦球，酸菜魚，紅糖糍粑仲有炸饅頭。荔枝蝦球擺盤好靚，而且食落好彈牙點下個醬汁甜甜酸酸，一流。講到擺盤靚，仲有炸饅頭，個隻小船又係可以打下卡。最好味既係酸菜魚，酸同辣度可以根據自己喜好選擇。我哋揀咗中麻中酸少辣個味道勁啱我心水，份量再多都食得晒，魚肉又滑又嫩又無骨。我哋仲叫左一杯果茶同洛神花茶，我一大杯果茶夠晒兩三個人飲，而且果味好香甜，而洛神花茶生津解渴，用個酒埕黎上枱好有感覺呀。最後食埋紅糖糍粑，香甜軟糯結束完美的一餐。…查看更多

兩個人想食新鮮海鮮… 去叫餸嫌唔夠多款式…火鍋店唔夠新鮮… 揀左好耐 … 比我搵到「蟹仙」蟹仙華舫鯉魚門碼頭附近 夠曬就腳.. 揸車都方便..餐廳門口有魚缸養住啲海鮮… 勁新鮮隻隻都勁活躍..上枱重會郁架.. 餐廳有好多款唔同嘅餐可以任君選擇.. 石鍋蒸海鮮.. 送埋粥底用盡海鮮既精華😈我哋今晚叫左個二人餐.. 有曬想食既野😋前有海蜇青瓜… 酸酸地好開胃.. 之後有隻饅頭蟹.. 蟹味鮮甜..而且出邊比較少見.. 原來餐廳係有直營海鮮.. 款式多之餘.. 唔使講新鮮度當然level up .. 💯咁岩係食琵琶蝦嘅時節… 我哋當然冇錯過啦… 琵琶蝦肉爽滑.. 成條出出嚟.. 一啖過… 正👍🏻..跟住有台灣嘅九孔鮑魚.. 爽脆彈牙.. 仲有海虎蝦.. 青口.. 同埋蠔.. 鮮味十足自選我地重揀左刀貝同蟹皇大元貝.. 蟹皇醬係師傅自家製 … 勁鮮味.. 之後係我最愛既蟹呀 … 平時既奄仔蟹會容易有泥味…依隻.. 竟。然。超。鮮。味. 重一啲泥味都冇呀 😍原來聽侍應姐姐講… 佢係野生奄仔.. 唔怪得咁好食.. 再蒸埋啲肉同菜…重有個充滿鮮味既粥… 好滿足🤭今晚全晚都由節侍應姐姐幫我地煮… 淨係動手食就得 … 加埋個糖水 .. 簡直冇得頂👍🏻…查看更多

之前食過榮哥私房菜，做聚會一流，又無時間限制可以慢慢傾慢慢食，又唔洗諗食咩啊，因為餐廳一早預定菜單。所以放心交比廚師就可以了。水耕沙律菜內的捲菜好有心思同好清甜，配芝麻醬個味道好突出又好夾墨魚仔好爽口，墨魚用咗兩款整法，原味同辣味，加咗辣醬既墨魚又冇掩蓋佢本身嘅墨魚味茶燻流心蛋有啲煙熏嘅香味，墨魚子醬味融入茄子真係一流鱷魚肉湯熱辣辣好暖胃，配料又好入味，d 肉口感夠腍又唔會太爛，岩岩好。至於湯既味道唔太濃太淡，帶有點清甜味道蝦球水芙蓉賣相好靚，蒸蛋好有驚喜，吸哂濃濃既甘筍汁再配合埋香滑嘅口感，每一啖都係享受黑松露醬炒斑球一上菜就已經聞到好香嘅黑松露味茶王熏雞皮脆肉滑，帶有濃濃既燻香味。淡淡嘅洛神花香配無骨咕嚕肉，啖啖肉食唔停口上湯配清甜嘅時菜個米粉炒得好乾身好夠薑味嘅湯圓…查看更多

大埔中心不嬲都好多野食，估唔到有一間有氣氛的西餐隱藏喺大埔藝術中心入邊。餐廳位置好闊落，就算隔籬枱有人都唔會覺得好迫。坐得幾舒服。餐廳氣氛唔錯，每台都有一支枱燈，感覺幾好。意大利餐廳少不免有法包和橄欖油醋。坐低即刻叫咗個前菜香酒汁青口。新鮮青口，配上香酒汁一邊食一邊睇Menu，越食越開胃。而且餐廳好細心配上法包，完全吸到晒青口的湯汁。性價比高嘅就係套餐，因為佢有好多嘢食，而且選擇都好多。前菜已經有三款重有餐湯添風乾火腿拼盤和烤多春魚係正常發揮值得一試嘅係白鯷魚茄子蓉多士，鹹香醒胃。主菜揀咗安格斯封門樓同波士頓龍蝦意粉安格斯食落有炭燒的香味而龍蝦係多汁彈牙的值得一提龍蝦意粉係手工意粉，食落Q彈加上龍蝦汁好香濃。加埋甜品就Perfect 揀咗個Tiramisu ，入口即化。好滑好順喉。坐得舒服，chilli 住享受美食不二之選。…查看更多

平時好鐘意食串燒，因為又平又可以食好多款式。最緊要係香口又好味。啱啱係中環有間叫陀地燒既串燒專門店，主打抵食平價多選擇的串燒。入職舖頭俾佢嘅特色牆吸引，因為一大幅牆入邊竟然會有神鳥鳳凰，即係小雞啄米圖呀。同朋友互相望到即刻要心理先。裝修好有童年回憶。之後睇到Memu，就知咩叫抵食啦。因為大部分既串燒都係$8-12，而且多選擇，傳統(牛肉羊肉豬頸肉)肉肉串燒，鵪鶉蛋，雞翼，蒜芯，又有新派的款式有牛油蜜糖烤麻糬，牛胸爽，雞爽肉，燒生蠔真係太多選擇啦。燒韭菜，加咗孜然粉非常多汁好味。燒金菇，燒茄子，燒菠蘿，黃金芝士年糕，不嬲都係我嘅必選項目。虎蝦，食到蝦肉結實彈牙。重有個燒蠔 ， 脹卜卜好大隻。翠玉瓜，為油膩嘅一餐加點清新。黑松露有皮薯條，當中黑松露沙律醬，好重黑松露味，越食越上引。要讚一下，滕椒魚皮麻麻辣辣食落好開胃，作為前菜，簡直係一流。最後配上菠蘿青檸梳打完成完美既一餐。陀地燒有兩間分店一間中環一間旺角。下次要去埋旺角分店先得。…查看更多

工業風的泰國餐廳，裝修好特別。餐廳分兩層，我地兩姐妹揀左坐下層吧枱位置。泰菜一定係香香辣辣，唔好理咁多叫定飲品先！見到特飲有芒果益力多smoothie，試下佢。 份量好足 ，夠曬大杯。酸酸甜甜，兩個人飲啱啱好。有即叫即燒串燒，即刻睇下有咩叫先。墨魚春串燒，呢個係期間限定嚟㗎，平時未必有得食，食落去鹹鹹香香都幾唔錯。之後嘅泰式燒牛肉，睇見佢咁厚，燒得岩岩好。半生熟，保持到肉質鮮嫩再配埋兩款sauce， 正。 金磚蒜蓉包造型好靚，食落又趣又香濃蒜蓉味。為左食金磚蒜蓉包，特登叫多個咖哩雞份量好多汁，啲肉好嫩。之後黎既生菜包配上脆卜卜嘅炸豬油片好香口。今晚嘅食物，份量好足料，叫咗咁多，兩個人都食唔晒。食物偏向微微地辣，唔食得辣嘅都能夠享受泰國風味。…查看更多

HIKARI 係日文意思係指💡✨光✨💡近期荃灣西附近有一間Cafe好出名，即刻約咗朋友去朝聖一下。大約6:30鐘都已經好多人排隊攞位，好彩我哋一早預約咗先。餐廳有兩層，上下兩層佈置十分之有聖誕氣氛。今次揀左佢哋嘅Menu Dinner set for two 試吓。前菜揀左西班牙黑毛豬肉丸配有薯條。香濃嘅肉醬配上熱辣辣嘅薯條，非常之惹味。食完之後胃口大開。主菜的慢煮美國安格斯牛肩肉眼，非常之鮮嫩軟熟。切開嘅時候非常之多肉汁流出，完全唔會韌；配上海鹽簡直一流。櫻花蝦蟹肉露筍片扁意粉既蟹肉味好濃，汁掛曬响啲扁意粉。 好多蟹肉碎再加埋creamy 既汁，簡直係絕配。甜品我揀左加$15 初雪窩夫芝士奶蓋窩夫， 喺餐廳嘅甜品主打。窩夫十分之巨型，配上草莓提子香蕉非常之香甜的生果。影完相之後就即刻切嚟食啦，忍唔到口。食咗一半再倒上伯爵茶白朱古力醬成個感覺唔同晒，一個甜品雙重滋味。飲品揀咗一杯名為Dirty既咖啡同一杯伯爵朱古力鮮奶。朱古力上邊有狗仔嘅拉花超可愛。差啲唔捨得飲，唔捨得整花佢呀。飲落好特別，有好香濃嘅伯爵茶味；差啲唔記得自己係飲緊朱古力。總括嚟講今晚都係幸福嘅一晚。HiKARI 係一間好飲好食好舒服嘅一間餐廳。…查看更多

天氣越嚟越凍啦好想打邊爐🍲但係兩個人食飯唔想食放題任食，諗諗下不如試吓烤魚🐟啊！咁岩睇到荃灣西有一間叫川花烤魚，可以食咗原條烤魚之後加魚湯再打邊爐㗎！唔洗怕太濃味 黐晒喺啲衫同袋度 餐廳好體貼，咁有個盒俾你放入到去之後實在太多選擇啦，新口味豆花麻辣香辣味,剁椒味,豆豉味,麻辣味,泡椒味,青椒味以上7款可以自己揀辣度而酸菜味和蕃茄味可以不辣的有成9款口味真係太多啦！淨係揀要咩味都揀10分鐘啦！今次揀咗香辣🌶️味嘅小辣，而魚方面選擇咗海鱸魚貪佢少骨呀！啖啖肉，成條肉可以夾起😋海鱸魚唔算太大條我哋兩個女仔都可以K.O.得到🔪。香辣味非常之惹味，越食越停唔到口。去到最後仲要加魚湯變成火鍋，烤魚的味道十分之好，所以我哋火鍋配料都選擇咗能夠吸晒湯汁的食物，有響鈴，娃娃菜，午餐肉和薯粉。食到後面開始覺得辣啦，但係辣得好過癮啊。所以忍唔住都叫咗一支山楂楊梅茶解辣一下。酸酸甜甜既味道好正。餐廳有好多涼拌小菜和串燒🍢選擇，見到佢有串燒白鱔即刻嗌咗一串試吓先。睇到餐牌仲有魚湯米線🍜㗎，不過今次太飽喇。有機會下次午餐嘅時候過嚟試吓先！…查看更多

紅磡係一個搵食好地方，好多臥虎藏龍的好餐廳。今次去到紅磡搵到有間性價比極高既韓國餐廳✨**K-Palace**✨ 景福宮韓國人主理！連侍應都係韓國人嚟㗎。兩位小姐好肚餓，樣樣都想食，今次叫住3款先。下次會再試埋其他野食！去親韓國餐廳一定會有前菜架啦~而裏面一定包含泡菜架啦~今次令我眼前一亮嘅係黑豆前菜，甜甜地好好味！❇️Soy Sauce Marinated Crab wit Rice (1pc) $188黎到一定會叫既醬油蟹飯，呢個偷飯賊真係有啲料到。醬油蟹size幾大隻，鮮甜無腥味。濃濃的醬油汁，加上金金黃黃的蟹膏，放到充滿紫菜的白飯上邊，撈埋一齊真係一流！❇️Braised Pork Ribs燉豬排骨，豬排骨燉到淋晒，一咬落去都唔使用力就骨肉分離。除咗豬排骨好食之外，配菜其實都一流㗎。有年糕白蘿蔔紅蘿蔔樣樣嘢都入晒未。又係好好餸飯架！❇️Cold Buckwheat Noodles 水冷麵亦都好正宗，煙煙韌韌冰冰凍凍配上一條條梨條，好Fresh好好味。記住一定要落黃芥末和白醋先得㗎！…查看更多

Happy night 約左朋友去太古食飯，見未夠鐘就諗住happy hour 先。諗起港島東區靚景飲嘢好地方 Sugar 忍唔住即刻走上去Chill下。天氣咁涼，坐outdoor 就最舒服啦。加埋個無敵大海景，一個字開「正」！就算坐响戶外都感受到好有節奏感既音樂同DJ Session。用星球命名既cocktails 非常打咭able！選擇重有好多款tim!今次叫左佢個杯打卡一流既MercuryRon Zacapa23 Year Old Run/Darjeeling Tea/ Malibu/Orange Bitters/ Rum Panna Cotta黎到真係好靚，月球入面仲有驚喜，有Oreo碎同panna cotta好夾！唔太甜一啖酒，一啖cotta，雙重享受！仲有一杯EarthTanqueray Malacca Gin/Pistachio Paste/ Matcha/ Sencha/Caramelised Condensed Milk/Watagsshi酒味唔重，甜甜地仲好容易入口Tim！今次仲試左Hamachi DonburiSushi Rice，微酸嘅醋飯上面有Diced Hamachi Fillet同三文魚子。有魚油香得黎又幾醒胃！強烈建議大家走之前仲要參觀一下洗手間，好乾淨舒服又居高臨下好正架。下次要再試吓其他飲品同小食先！…查看更多

今日行開apm同朋友搵地方食飯傾下計..商場人太多我哋都諗唔到食咩好..醒起隔離亞太中心..都有啲野食就去睇下朋友話想食啲炸物咁韓式炸雞就岩曬啦店面嘅装修令我覺得好有西餐廳嘅感覺打開個Menu...大部分都係傳統韓國菜..點好菜再傾一陣.. 香噴噴既黃金鹹蛋脆雞就到啦.. 個炸雞到香脆 但又keep到唔太外面有一層黃金流沙包住..fusion 既感覺 幾好炸魷魚鬚薯魷魚鬚就炸得乾身 再配埋薯角..魷魚鬚就跟個梅子醬送上黎..酸酸甜甜減低左魷魚鬚嘅油膩感..點唔點醬都幾好食仲有個韓式手抓飯好有韓feel...有得食有得玩吹水當然唔少得飲嘢啦雖然炸雞理論上應該要配啤酒但係由於係晏晝嘅關係我哋就冇選擇飲啤酒反而叫左佢幾杯ADE試下淡淡既果香梳打..送炸物一流…查看更多

天氣開始涼就會好想燒嘢食… 咁啱同朋友講開… 但係大家都唔想行咁遠去郊區… 今晚比我哋搵到旺角睛朗吧有…一於試試佢… 一上到去燒嘢食嘅位置會响酒吧外面樓梯上多一層嘅天台… 位置唔算太大但勝在坐得舒服.. 我哋坐低然後個哥哥幫我哋開爐起炭…食物用密封袋包住乾淨又衛生.. 燒嘢食有嘅肉類都幾齊全… 有金沙骨、豬仔脾、雞翼、豬扒、豬頸肉、牛扒、羊扒、丸丸、芝士腸… 飲品仲係任飲㗎.. 金沙骨都幾入味… 又唔會太靭… 豬仔脾有少少香辣味..牛扒雖然薄咗少少但係都有肉味…最好味係佢個豬頸肉同埋羊扒😋羊扒有好重嘅羊肉味.. 哥哥話久唔久會轉肉嘅調味…佢見我哋玩得咁上下… 忍唔住開始幫我哋燒個豬頸肉 .. 豬頸肉好滑又夠入味..同埋佢夠厚身啖啖肉勁Juicy…燒到咁上下竟然落毛毛雨.. 好彩佢地有大雨傘… 岩岩好遮曬成長枱.. 超讚👍🏻佢仲有好好味嘅蔬菜包.. 有金菇、翠玉瓜同茄子.. 佢仲有孜然粉喺度.. 加埋一齊食.. 勁正😋提一提大家由於位置唔太大… 記得提前預約😉哥哥同你講如果自己又鍾意食嘅嘢亦都可以選擇自備燒烤食物.. 佢哋一樣會提供服務人頭收費包飲品… 鬧市裏面搵到咁方便嘅燒烤地點…又多個朋友既聚腳點啦…查看更多

醉雞一向係我嘅至愛同事話帶我去試花鵰麻油雞湯麵..Menu 唔係淨係得依樣.. 重有都幾多選擇.. 全部都係台風既野食嘢… 花雕麻油雞湯麵…配埋花雕酒… 自己鍾意攞幾多就幾多…配左扁身嘅白面吸到湯嘅精華….雞肉卷好嫩滑…再點多個… 魯肉乾拌麵配貢丸湯… 魯肉用左半肥瘦豬肉… 令到個面好有油香…既然佢有咁多台式小食…咁就滿足下夜市慾… 滷牛腱…牛腱好淋…滷水汁好香甜…酥炸池魚仔…炸得好香脆… 好香口…炸花枝丸…熱辣辣.. 香口又有咬口.. 府城蝦卷… 有小小似泰式炸魚餅既質地…鹽酥雞…椒鹽味道…夠脆夠台酥炸地瓜條… 一條接一條.. 外脆內軟又香甜….炸雞皮餃子… 餃子餡有少少咬口.. 外邊嘅雞皮炸到脆卜卜.. 好正😋…烤台灣香腸… 佢又切來少少蒜片俾你… 係台灣既味道.. 😋飲品方面.. 我揀桂花雪梨茶… 桂花嘅清香配上滋潤嘅雪梨茶..🥰飲完好潤再嗌多杯冷白桃烏龍..好香白桃味😋到甜品啦…我地就叫咗芋圓燒仙草… 芋圓地瓜圓同紫薯圓.. 配仙草味嘅糖水好似食緊湯圓咁…有芋頭蓉又煙煙韌韌…😍…查看更多

同朋友慶祝生日….梗係去搵啲好嘢食㗎啦….和牛一向係我地最愛… 今次就揀咗銅鑼灣嘅和牛88試下.. 佢好有本居酒屋嘅風味.. 簡潔乾淨… 坐低之後職員就俾咗Menu我地睇… 飲品Menu入邊有好多唔同嘅sake可以選擇…見到佢Menu入邊寫住前菜每位收$20… 好有興趣知佢會比啲咩… 🤔揀咗一輪我哋就叫野食.. 好快職員就上咗個前菜同飲品俾我哋….今日前菜係酸汁金菇… 少少柚子味… 幾開胃…之後職員細心同我哋講解返…其實佢哋前菜嘅Menu會不停轉換…今日飲白桃梳打… 淡粉紅色.. 少少甜.. 朋友叫咗荔枝梳打同柚子梳打…見到餐廳有個新Menu係和牛鵝肝飯…. 梗係要叫黎試下… 5分熟嘅和牛… 再配埋煎香既鵝肝… 餐廳嘅自家醬汁同埋蔥… 口感好豐富… 傾多一陣… 店員就拎咗個無煙燒烤爐..同我哋嘅極上五款和牛燒肉..有5款時令和牛… 今日我哋有赤身、西冷、肉眼、牛筋腱同埋牛小排…😍每一個標明好… 配佢自家調高嘅柚子醬酸汁、岩鹽同洋蔥汁職員仲好細心咁教我地點燒👍🏻👍🏻我哋就跟住職員講解嘅步驟開始…首先食咗個赤身… 輕輕兩邊燒17秒… 入口好軟… 輕盈既口感..之後就係西冷.. 燒到5分熟 .. 入口好重既油花.. 好滑 .. 入口即溶.. 同啱啱個赤身比較… 味覺好兩極既感覺.. 再食肉眼… 油花比西冷少啲啲.. 所以肉味會特出少少 牛小排好滑.. 肉味又好夠.. 😋 Yummy…牛筋腱就帶少少根.. 有咬口少少 但唔會硬.. 我地重揀左日本產和牛西冷三文治…好靚.. 有個金箔喺正中間.. 多士夾住嘅牛肉睇落去好似好乾咁…和牛西冷嘅油份爆出黎.. 食個多士有視覺同口感雙重享受🥰一向鍾意食海鮮嘅我..又點會錯過蟹味噌甲羅燒… 蟹蓋入邊充滿着蟹肉蟹膏加埋個小蛋黃.. 用去青瓜夾住食.. 感覺即刻輕盈好多.. 最後食埋個甜品…丸子紅豆湯 … 日式嘅蜜煮紅豆湯..再配上煙靭嘅丸子… 好圓滿既一餐… …查看更多