yooyoyo's Profile

呢一間已經係我嘅食堂啦，因為佢真係好近我公司附近，勁近時代廣場，所以時不時cheat day 都會揀呢間放縱一下羅宋湯一如以往足料，酸酸甜甜好惹味😁😁😁😁👍今日同個同事一齊過嚟食，佢就揀咗呢個香煎帶子蕃茄蓉意粉，佢第一次食㗎，俾我介紹佢過嚟食，個帶子真係好大粒，煎得好香口，難得亦都可以保持到帶子嘅鮮味👍至於我自己呢，就揀咗呢個黑松露牛肝菌意大利飯，個黑松露嘅味真係超級香，最鍾意係佢哋嘅牛肝菌嘅量係好足料，意大利飯又唔會過硬，係我鍾意嘅口感！ 佢哋啲服務都好貼心，啲碟都係暖架！小店值得支持，繼續加油👍…Read More

放工不想煮飯，就去了喜愛的台式飯堂吃晚飯，選擇很多，小食、飯麵、台式飲品及甜品都有，下單掃QR code，方便又容易。而且下單後很快便上菜，不用加一服務費，非常抵食。古早肉鬆榨菜蛋餅：最喜歡吃台灣蛋餅，這份蛋餅皮柔軟，包著滿滿的餡料肉鬆及榨菜，增加口感。藥膳花雕雞手工麵：藥膳湯底有杞子及蟲草花，清甜、不油膩、不濃味，較健康的麵食之一。必試他們的醃菜，不妨加點在湯麵裏，很爽口。手工麵條亦很有口感。藥膳花雕雞有微微的花雕酒香，雞肉切成一塊塊，啖啖肉，連著薄薄一層雞皮。冷泡阿里山綠茶：冷泡綠茶，無糖，濃郁的茶香，解油膩之選。…Read More

自上年去完台北返港，好多個月冇食過台灣嘢，好掛住台灣夜市小食同炸物。呢間開咗分店係荔枝角，好受歡迎。上次趁住一行5人黎到荔枝角，特登早少少過嚟等位，食台菜先，叫到成枱都係野食。點咗蛋餅、滷豬耳、牛筋、炸鹽酥雞扒、炸蕃薯條、青菜，唔洗主食都好夠食，超級邪惡呀！炸蕃薯條：每條炸蕃薯條都是粗條，上面灑上梅子粉，酸酸甜甜又幾開胃，而且感覺唔會吃到太飽膩。鹽酥雞：炸得好酥脆香口，佢啲炸粉唔算厚，雞塊都大大粒。雞肉嫩，肉汁鎖住，舊舊肉都好juicy。…Read More

九龍城除了是泰國菜的集中地，還有很多臥虎藏龍的特色餐廳，是日晚上相約同事到這間日本餐廳嚐嚐日式料理，地方不大，食物新鮮，製作花心思，卷物有創意。海膽赤蝦蝦膏迷你丼：很迷你的丼飯，幾口份量，上面的赤蝦分半切開，魚籽、蟹籽及蝦膏鋪得滿滿，下面墊底的飯粒跟海膽汁拌勻，啖啖都充滿蝦鮮味及海膽的濃郁味。中拖羅壽司、黑瀨油甘魚腩壽司、炙燒金目鯛壽司、火炙赤蝦壽司：另外還點了四款不同的特色壽司，中拖羅及油甘魚腩的油脂都很豐腴，入口即溶解在口中；另外兩款是炙燒過的刺身，炙燒後的金目鯛魚油溢出，更加鮮味；而赤蝦的肉質爽彈，整體食物都很新鮮。…Read More

今次去左大圍區食午餐🥣泰國菜都有幾多選擇，除左泰式仲有啲fusion款揀，味道都有驚喜，CP值高泰式海南雞配香茅油飯 店員好推介佢地既海南雞，雞肉嫩滑，幾鐘意佢個醬汁，加入雞飯老抽、自家製薑蓉及自家製泰式青醬製成，食落酸酸辣辣好開胃巴馬火腿雜菜沙律沙律菜好新鮮，巴馬火腿大大塊帶鹹香，配上湯律醬汁甜甜鹹鹹好惹味優質即磨咖啡見D Staff 都大力推介佢地既咖啡，所以決定試下，咖啡味濃郁，入口順滑，估唔到咁有驚喜估唔到香港有間咁隱世高質嘅泰國菜，見到晚餐都有好多唔同嘅選擇，下次一於過嚟再食晚餐先…Read More

尋日啲飯腳復活假前清假，攪到得我一個自己食午餐，無陰公🥺去左龍鳳食堂，之前都有食過但就買外賣。今次就自己堂食。好想試下芝士撈公仔麵，就嗌左。同埋配搭炸雞髀，野飲就揀左熱檸茶養下身。雖然我個樣睇落唔似會鍾意食茶記，但其實我係好鍾意茶記氣氛同野食，龍鳳食堂我真心推介，唔黎試下會後悔。撈公仔麵好大碟，一個女仔食唔晒添🫢芝士好滑同香，公仔麵好索汁。我仲將芝士淋埋上舊炸雞髀試下添。炸雞髀超大塊，炸至香噴噴，肉滑入口嫩，唔知下次臨收工買返屋企會唔會賣晒呢。熱檸茶都大杯，檸檬唔苦澀。…Read More

說好既生日飯局，約左好耐，今晚終於成行喇！人大咗各有各忙，約出嚟食飯都唔係一件容易嘅事，難得聚會梗係要食好啲👍🏻😀我哋平時食得比較清淡，所以湯底都想食得清啲，叫咗招牌魚湯拼芫荽皮蛋湯。望落好似好寡，實質一啲都唔係，魚湯底好鮮味皮蛋湯夠清熱下火。配料方面我幾推薦豆腐，竹笙。兩者都非常吸收湯底嘅精華😋另外我哋都叫咗一碟牛三郎，因為湯底冇咁濃味，咁就更加食得出肉本身嘅牛味。一次過食晒三種部位，滿足。每次上嚟食飯都好有保證，食物又好，員工服務態度亦都不錯，所以次次Gathering 都一定㨂呢間，每次都好評如潮，果然無㨂錯…Read More

旺角嘅Nun Desserts Cafe係人氣韓式冰品店嚟，咁出名點可以唔嚟試㗎😚襯住終於落晒d雨，就同男朋友搭過嚟食。唔係d樓上舖，所以都幾易搵，仲要真係mtr行一分鐘😀係一間好乾淨同新嘅小店嚟。揀左三款：韓式荔枝芒果雪奶迷人草莓韓式牛奶軟雪糕 海洋荒島每人大約$100左右，價錢親民。第一碗芒果雪奶啲芒果好甜同好多，上面白色係荔枝嚟㗎，初初以為係啲麻糬小丸子🤣草莓雪糕好大份，有新鮮士多啤梨同藍莓,啲士多啤梨醬都係自家製㗎，會見到有d士多啤梨籽。雪糕奶味濃😚海洋荒島杯野上面有條軟糖魚仔，又幾得意🤣個雪糕係荔枝味黎。…Read More

Happy friday同個同事揀左友飯食食飯。都幾多人😲但又好彩間餐廳真係好多張枱，工廈食堂真係大間！我揀左迷你雞煲跟白飯，個雞煲真係好迷你其實真係好得意😆佢冇得走辣，係有少少辣嘅，但聞落真係好惹味，感受到廚房真係落足料㗎。另外雞件好多，又全部都係雞髀位，肉嫩好食！我同事就揀個左拿破崙意粉，加$3飲凍檸茶。麵條有咬口，個汁又好好食又開胃，仲有三色椒🫑喺面，份量又係好大㗎。咁抵食嘅野，要推介埋另一team同事黎先～～～…Read More

同男朋友一週年紀念, 想帶佢食啲好野比surprise佢, search到Gaijin嘅定位係日式扒房，食物融合法國同多國菜特色，覺得超岩鍾意fusion野嘅bb，加上餐廳環境幾浪漫，預早訂左枱，仲有85折！一入到餐廳, bb已經覺得餐廳佈置好靚(>v<)，再坐定定睇menu，佢表示興奮樣樣都想食!嗌左以下一堆：焗原隻蒜頭法包凱撒沙律（加左煙三文魚）扒海虎蝦龍蝦汁意大利粉澳洲龍蝦配海鮮龍蝦汁意大利飯法式焦糖燉蛋估唔到一嚟個法包擺盤已經好靚，脆卜卜好好食。查埋蒜頭食好香！然後沙律菜+三文魚都好新鮮。兩款主菜嘅虎蝦龍蝦都係勁新鮮大隻，啲肉真係鮮甜㗎🍤兩款都係用上龍蝦汁墊底，超滋味！意大利飯仲有數隻青口同帶子。最後個燉蛋都好好食🤤個焦糖面超脆，蛋又燉得滑。…Read More

葵涌廣場行一條天橋就到咗另一個商場，入面都有唔少嘢食架。新開咗一間台式料理店，外面睇落去裝修好新淨，環境企理。當日去到都座無虛席。台灣香腸－餐廳好貼心呢，切好晒比客人分享同埋方便夾起。香腸肉質結實同彈牙。蒜香茄子－第一次食呢款炸茄子，同天婦羅有啲唔同，又唔會有一層厚厚嘅炸粉包住。茄子輕輕炸過之後，淋咗醬油，加上有大量嘅蒜蓉同埋芫茜，幾開胃嘅前菜。鹽酥雞滷肉飯－台灣人必食嘅鹽酥雞同埋滷肉飯，呢個配搭簡直無得輸。一啖一個炸雞粒，停唔到口；滷肉就撈飯食，咁就唔會咁乾啦。…Read More

同男朋友行完南豐紗廠行過黎食晏，數分鐘嘅路程，好近好方便，而且係地舖黎所以好搵易。價錢十分相宜，但質素出奇地高～～～食物種類都幾多，中西式野都有提供。本身想慫男朋友叫個芝士撈丁，不過佢最後揀左乾炒豬扒公仔麵（$54)， 我就揀西式野～肉醬意粉（$48)佢碟公仔麵炒得好有鑊氣，有大排檔風味，豬扒好入味，咬落軟淋但唔會過於鬆散～～唔覺意就食左佢一大塊嚕😆肉醬意粉🍝原來咁多醬，份量咁足嘅～～～酸味調得剛好，賣相討好兼且食到有真蕃茄蓉，真材實料的確要比高分佢！意粉量都好多，個價錢圍返真係極抵食～～～…Read More

油麻地出地鐵站就見到的麵食檔，過了晚飯時間，依然人流不絕，堂食及外賣的人都多，上菜快速，所以人來人往。魚蛋及牛腩是鎮店的食材之一，值得一試。墨魚丸雙併魚蛋米線 加紫菜：清湯底，較清淡，加了魚露及小店的辣椒油，米線及紫菜吸收了湯汁及辣椒香油，特別惹味。魚蛋是純白魚蛋，非油炸過的，魚肉爽彈，帶鮮味。而另一款墨魚丸較特別，裡面有蔥粒。本身喜歡爽一點的麵條質感。這家店烹調的米線較腍。油菜：粉麵沒有蔬菜，額外加配油菜，健康又飽肚。蔬菜很多選擇，如生菜、芥蘭、通菜、菜心。芥蘭新鮮烚起，依然翠綠，不帶苦澀味。…Read More

呢間餐廳位於高樓之上，成個旺角景色一覽無遺，直接將你帶入雲端嘅享受，彷彿喧鬧嘅城市都變得寧靜，令你可以好好咁樣放低一日嘅疲勞，享受呢一刻嘅寧靜美好。咁我哋而家講一講嘢食先，首先係湯底，一口咬落去，充滿着濃濃嘅精華，唔單止美味，仲有一種好滿足嘅養生感❤️🔷脆皮炸大腸外脆內嫩，咬落去嘅瞬間令人忍唔住讚嘆起來。🔷羊肉片新鮮滑嫩，配搭上自己特製嘅醬汁，一啲都冇膻味。🔷牛骨髓令我最經驗驚喜嘅就係呢一度牛骨髓，我都係第一次食到咁鮮味既牛骨髓，令我對呢間舖頭有了全新嘅認識體驗，正！ 呢一間餐廳係我絕對會推介俾朋友，嘢食夠晒新鮮，仲要有晒落地玻璃望住繁華嘅城市！ 涼住冷氣嘆雞煲！ 超正！…Read More

早排跟朋友去左黃大仙食潮州菜，聽聞係一間已經做左十幾年既老字號，由朝早8/9點開到成12點，今次叫左佢地兩個招牌菜，味道都好有驚喜，另外佢地免收加一炸鯪魚球 六粒 $45鯪魚球質地鬆脆，大大粒食既時候充滿鮮美魚香，本身好擔心食既時候有魚骨，好彩冇，有嚼勁 潮州咸菜炒大腸 $45 潮州咸菜帶有濃郁的鹹味，同時有少少酸味，大腸有嚼勁，洗完之後冇臭味，配上咸菜一齊炒好惹味，值得一試下次想試埋個蠔仔泡粥，見隔離話好好食好入味…Read More