Cubee's Profile

今日行過旺角，見到呢間新外賣餐廳就試一試佢😌買左兩個餐，一個炙秋火山丼，一個蟹膏膏肉便當賣相都幾靚我特別鍾意佢地個招牌-炙秋火山炙😋有鰻魚，生蝦，三文魚，蟹棒，鴨胸，馬刀背😋本身已經好食，火炙完更加好食更加香😋仲要有隻半熟蛋撈飯😆蟹膏蟹肉便當-好大份仲要好多蟹柳，仲有兩件加洲卷同埋沙律前菜，味道當然都係好食的😊呢間小店，我會再encore😎係疫情期間生意難做，大家真係要盡量幫襯多啲小店，幫助下真香港人😊…Read More

店員態度勁差，想買野食用cash態度勁差咁同我講唔收cash wor（金毛長髮個個呀）咁叻咁好的店員仲可以生存到真係佩服貴店到極點由筲箕灣到灣仔啲服務都係咁差無下次…Read More

我本身都係無咩所謂有得食就算的人但今日真係嬲到我痴線😡😡今朝去黃埔個間鳳城，我入去入面囉位打算母親節同我媽飲茶，佢地有一位侍應阿姐，一句彈埋黎話自己囉位啦，煩住晒，仲要口up up係咁鬧（我聽到有粗口），語氣係極度差囉😡😡依加我係幫襯你地唔係黎受氣嫁囉😡😡我嬲到即刻上左去樓上個間飲茶算反正黃埔唔係得佢一間酒樓😡😡佢地啲服務態度平時都已經唔太好，執個檯都要三催四請😡佢地啲阿姐唔係黎打工嫁而係比氣人受嫁😡😡今日係超差，差到我勁嬲😡😡我會通知親戚朋友以後都唔會再幫襯廢事受你地啲阿姐氣啦仲話老字號wor,算吧啦你地😡…Read More

自從去左荃灣返工,就一路周圍搵好野食咁岩見到FB有人介紹呢間店,見到成條魚係碗米線上面,就勁想試12點半一放LUNCH就行去食,唔駛等位見到我最鍾意食的馬友,就梗係叫呢碗啦,等左5分鐘都唔駛碗米線就黎了馬友是被煎香左兩面先上的,非常好食D湯都好飲,唔係市面上個D湯50蚊一碗真係幾實惠之後會再黎試其他魚…Read More

今次同一位好耐冇見既朋友行街2個都唔熟尖咀,前一晚去呢度睇到呢間食評不錯我又未試過呢間壽司,咁岩我地又想食日本野所以就去左食LUNCH喇我地2個都叫左雜錦魚生飯餐,有COFFEE OR TEA,沙律,蒸蛋,湯同甜品跟先講魚生飯,用料都新鮮,魚生都幾多下蒸蛋很滑,雖然同我平時食個D差唔多,但都幾好壽司不錯,個墨魚很好吃價錢又唔貴,環境不錯走個時仲送左張夜晚9點半後去食滿250蚊減100蚊既劵會再黎…Read More

今次係我第一次寫食評我係住筲簊灣的,又勁鐘意食日本野,尤其是係壽司咁搵下附近有冇好野食,咁岩見到呢度呢間既食評幾好,就去左買外賣試下啦間鋪都幾難注意到,唔係特登去都唔知有呢間鋪呢一入到去,間鋪都幾細下,不過D裝飾好WARM再黎就落單叫野食喇叫左:三文魚壽司:我第一次見壽司店係用剌身咁厚既三文魚黎整壽司,好抵食,新鮮三文魚籽壽司:其實不嬲對小型壽司店既三文魚籽冇咩好感,不過都試下啦,果然係唔新鮮的山葵八爪魚壽司:呢個幾好唔錯墨魚壽司:都OK新鮮,幾好食帶子壽司/剌身:最好食呢2個,好新鮮甜美鰻魚壽司:好正,我拎到返屋企仲係熱既,味道都唔錯火灸三文魚腩壽司:我覺得佢燒得太熟,不過都新鮮肥美的但美中不足的是D飯太實,好易滯總之呢間餐廳D食物都幾好,值得推介的,會再去…Read More