hkg2317's Profile

之前都試過幾次食晚飯，那天早收工，又去了試吓下午茶，叫了生炸雞肶配薯條及 傳統西多士，餐飲紅豆冰。雞肶炸得好好，皮脆肉香，薯條就正正常常。西多士傳統制法（沒有夾心餡料，但可以加錢另加餡料），啱我口味，炸到剛剛好，又是皮脆肉嫩。紅豆冰，傳統味道，豆夠林，甜度適中。另外，之前試過，佢個熱奶茶都幾好。這裡的座位寛闊，環境舒適，好過那些連鎖店冰室。兩份餐加兩杯特飲，合共$88，都算抵食。唯一可惜的是，這裡沒有即磨咖啡，有少少美中不足。…Read More

幾個月無在天慈邨食早餐，那天突然諗起去食，一冲入茶餐廳，嘩，咁光猛，番新？那天，人好多，被廹搭枱，照舊叫了份扒餐早餐，之後，再睇睇，噢，換了招牌，當時心想，可能中伏。份餐到了，一件豬扒，一份炒旦，一個牛油餐包連熱咖啡，實惠$47。當時諗，都幾貴，但是都要食啦…🤣。無幾耐，對面的人走了，又即時另一人坐下，唉…。繼續食早餐時，對面叫了炸菜米另見有又是一份炒旦，一個牛油餐包，但是實惠$37。當即覺得有無攪錯，兩份餐價錢差$10，分別只是一件豬扒與一份炸菜米的分別。所以，有乜心機留港消費。…Read More

當日，買了兩個飯盒，芙蓉蛋飯，黑毛豬义燒飯。首先，芙蓉蛋飯，賣相一般，因爲外買，都不能要求高。這個芙蓉蛋的配料內容，少得驚人……芽菜，洋蔥，蔥。肉絲或义燒絲及蝦仁 欠奉，比茶餐廳的食品食水更深，送個所謂精選例湯，只見有兩粒肉粒，數片雪耳，外表唔錯，初飲時，以為是無味精湯，飲落後，比白開水一般淡，全無調味。咁就盛惠$88，伏咗:(。另外，黑毛豬义燒飯就唔錯，义燒好＾林＾，幾好味，抵食過芙蓉蛋飯，盛惠$80。一間比較高級的食府，出品的食物，兩者水準差咁遠，好難有信心再去光顧。祝佢生意興隆。…Read More

疫情前去過一次，不知為何，一直都無再去，可能是店舖的位置（對於我來講）。昨日諗起去飲茶，突然再想起 壹籠。約9時到，不用等位，有數張2人枱可選用，不是暗角位，座位寛闊，枱與枱之間的距離亦足夠，出入方便。開始搵食，首輪叫：蝦餃，义燒包，棉花雞，米網腸。這裡點心，全部都係即叫即做。剛好我的位置睇到遠處點心部的運作，透明廚房。見到內裡的點心師父好忙，不停處理點心。首先來個米網腸，表皮好薄及滑，餡料豐富，內裡的油炸鬼仍是脆的，好好味。跟住來义燒包及棉花雞，义燒包個包鬆軟，餡料足。棉花雞就水準之作，兩粒冬菇，有香味，兩件雞，入味，兩條蟹柳，略為遜色，底層，全是花膠好滑好（林），味道調到剛好。最後，來蝦餃，外貌唔錯，因爲即蒸，一啖咬落，餡料足，有齊蝦餃應有的味道，淡淡筍香，清香蝦味，好食。既然如此好味，再下一城。這次叫 鹹魚肉片蒸飯，牛仔骨，露筍鮮蝦餃，鳳爪。蒸飯出色，飯底乾身，米就粒粒齊，蒸到剛好，面料正常，好食。牛仔骨，入味及（林），容易食，唔黐牙。露筍鮮虾餃，比起蝦餃，又另一番風味，好食。鳳爪，一般，但都好入味。整體來說，全部點心，調味適中，新鮮，用心製作。最後一個驚喜是……8個點心＋2人茶＜$220。難怪，當離開時，外面已有人龍等位。…Read More

那天，滿心歡喜到龍袍食午飯（因爲一定要預約），進入大堂，地方寛闊，舒適。入座後，隨即有一位男性的服務員招呼，（不是帶白框眼鏡那個）這人非常有禮貌，服務細心，值得一讚。其他女的服務員就無乜表情，比較冷淡。開始點餐，原意叫5點心，1主食。自己無查單，原來入單時，只4點心1主食。首先，蘿蔔千絲酥，賣相好靚，外表好鬆化，但是餡料偏咸。跟住，和牛春卷，一望個表面，濕濕地，好似剛剛浸油未滴乾，無隔到油。味道同樣是偏咸。竹笙蟹肉灌湯餃，竹笙只有一段約一吋長，蟹肉更是寂寂可數，只有一小執，其他有數粒火腿粒， 名副其實的灌湯餃，只有大量湯，少量餡料。蟹籽燒賣，正常賣相，正常味道，無驚喜。龍袍西施泡飯，湯底味道濃郁，可惜，都是偏咸。原本有叫 秘製蝦醬骨，可惜漏單。只好叫甜品，試了蛋白杏仁茶，楊枝甘露。先來個楊枝甘露，味道剛好，用料豐富，等了數分鐘，杏仁茶出場，滿心歡喜諗住有個熱的甜品，可惜，只是比室溫熱少少，入口全無熱的感覺。那是，心在想，那蛋白杏仁茶是如何製造？杏仁茶裡面有蛋白，那麼，這茶也是預製後放入雪櫃？種種因素及經歷，完全唔覺得在高級食府內食嘢。不過，都比起2人去食自助餐平。今次，2人合共消費$700。是否因為疫情，影響食品質素，還是自己真的要求高？最後，點解環境比4星，因爲在我個座位附近，有把座地風扇直接吹住我，使我越坐越唔舒服。…Read More

之前試過其他分店的蒸飯，非常好味。那天路過銅鑼灣，諗住買個南瓜排骨蒸飯做午餐，中伏了。飯底好爛，唔知係水多，定係蒸唔夠時間。南瓜就好似糊仔咁，爛晒。排骨就正常少少。諗住加個雞扎，一見碟點心，乾晒邊，當然無要到，只加了份燒賣。這是一次最難食的唐記蒸飯。另外，疫情之下及在馬路邊，那些擋食物的圍板，完全無發揮作用。如果，不是之前試過其他的分店，相信那天都不會幫襯這間店鋪，衛生環境唔得，那個店員好似唔優做咁，比較馬虎。下次不會再到此店。…Read More

早前在食品展買了包坤記竹昇麵餅，當時唔識貨，以為普通料啫，8個麵餅。有日，卒之試吓佢，大滾水烚佢至麵餅鬆開，加蠔油食。嘩…一試佢，唔得點，彈牙，爽口，無鹼水味。之後諗起電視介紹過，果然 名不虛傳。今天路過這小店，下定決心要現場一試。店鋪不大，環境清潔，一位年長的叔叔招呼，非常有禮貌。下午茶時段，點了一份豬手撈麵$42，加酸梅湯$6。現場食，一樣地震撼，豬手好林，好入味，好好味，麵質好爽口，彈牙，加埋一碗蝦子清湯，完美。當然，真材實料，價錢就見人見智。有機會下次再試其他食品。…Read More

地方整潔，招呼唔錯，食品就見人見智。2個人食$200，首先，蝦餃覺得有異味，又食不出是甚麼。燒賣分兩層，味道一般，比較肥。咸水角新鮮，但較油，吸油紙都濕晒。竹筒飯好味。燉湯都好好，淮山螺頭湯，唔錯。雪山义燒包，好味，新鮮。完餐後，覺得有小許口渴。…Read More

之前睇Youtxxx的KOL介紹，講到啲點心好得，卒之去一試。環境唔錯，地方濶落，整潔，招呼都不錯。茶，選了鐵觀音，略嫌水不夠熱，都有茶味，因爲個茶壺好大個。開始品嘗點心，當然要試點心三寶，蝦餃，燒賣，义燒飽。覺得蝦餃啲 筍味唔出，皮薄，燒賣，因爲它加了黑松露在面，取代了蟹子，松露味蓋晒了燒賣味，無晒食燒賣的感覺，义燒包，賣相唔錯，飽皮鬆軟，可惜餡料唔得，义燒和汁 黐埋一堆，全無流汁，跟住試生竹牛肉，一見便知不是即蒸，牛肉表面及腐竹是乾的，其他話送的點心，金魚餃，賣相好靚，皮略厚，反而蝦味濃過蝦餃，灌湯餃，一般，因爲已無乜心機試。其他食品， 椒鹽茄子，唔錯，梅子涼瓜 漏單，試唔到，鳳爪唔錯，紅蘿白餃，個樣十足十一粒紅蘿白，可惜只有外表，餡料食不出甚麼味，最有驚喜是 馬拉糕，鬆軟，甜度適中，另外兩款凍甜品都不錯。整體來講，$2xx的價錢，食這樣水準的點心，覺得去食一些點心專門店比他還要好。…Read More

住元朗多年，未知佢原來咁好味，糯米滋，皮薄餡料豐富，雖然只有花生味， 砵仔糕，甜度適中，多豆有糕味，綠豆蛋黃咸肉粽，材料足，味道及口感一流，日後一定再買，還有其他食品，稍後再試…Read More

一碗令人回味的車仔麵，$40，6餸麵，還要送幾條菜，加埋熱飲，底食。湯底清，蘿蔔甜，最難得有真正豬紅，入口鬆化，鹵水蛋及雞翼都入味，還有，豬皮軟硬適中，一個字形容，正。杯檸茶都不俗，起碼唔澀。員工態度好，有禮貌。亂打亂撞，食到一餐咁滿意的午餐，不枉此行。…Read More

卒之找到了，原來搬了附近鋪位，今早，再試我慣常的早餐，餐蛋治，熱啡，熱啡先來到，好香，口感好。跟著，三文治到，整份三文治是凍的，我估計，餐肉及炒蛋都是整定，最犀利是片麵包，是正常厚度的一半，可能，他自己有出麵包，所以，將方包特別切薄些。以這附近的茶記計，他的三文治是貴及失色，這份早餐$30，其他的茶記都不用這價錢。新裝修完，羊毛出自羊身上...…Read More