ap2kscbps29h's Profile

一大班朋友敘舊食飯，諗住揀間米芝連實冇死。但食完之後真係好質疑佢米芝連呢個名銜係點黎😇首先，一上到去就係咁sell啲菜式，我地表示唔感興趣就即刻皺晒眉頭，開始唔耐煩咁。之後全程都係黑口黑面，皺眉頭。其次，上菜時間慢，食到極冇心機。第三，漏單。食到尾聲我地見個菜都未到就請職員幫我地睇下係咪漏咗，口講話幫我地睇，過多十幾分鐘之後走黎我地張枱前面嗌對講機，問我地個菜有冇整到，問完再同我地講「你地睇到啦，我幫你地問咗啦」（又係黑口黑面），極奇怪。跟住大家可以一齊黎欣賞下啲餸菜：1. 砵仔焗魚腸有啲腥，我食唔到腥嘢所以我唔鐘意，有食到腥嘅朋友話可接受2. 豉油王鵝腸一啲都唔入味，白烚完淋啲豉油都濃味過佢，下面伴碟啲芽菜連汁都冇多滴，淡茂茂。3. Wasabi京蔥炒肥牛賣相都唔吸引，肥牛好似凍肉鋪啲平價肥牛，京蔥有好多都唔夠熟，食落好辣，整體都唔好食4.豉油雞呢個算係最好食，雞肉嫩滑，但價錢要$406，略貴整體：價錢貴，同質素唔成正比。服務態度差，比錢買難受。唔會再幫襯…Read More

-China Bear-聽個名心諗咁中國味濃🤧但其實佢係西餐廳黎架，揀呢間餐廳貪佢近碼頭同埋坐海邊夠哂c伏同扮嘢，仲要免加一！我地係星期日去，都算多人食，但就未去到要排隊。見到有幾張吉枱，不過都係門口等咗一陣(但唔知等咩)。介紹下嘢食先，嗌咗3樣嘢，3個女仔share，份量唔算多，啱啱好夠飽。1.Greek style stuffed squid classic pork filling and roasted garlic $148呢道菜送上黎時勁香，不過食落又唔覺得超好食😂魷魚肉質唔韌呢樣抵讚，但個魷魚同埋入面釀個啲豬肉碎我略嫌覺得唔夠味，佢唔係淡，但就係爭咁啲鮮味🤧我覺得成道菜最好食係啲烤蒜同啲法包🤧2.Seafood linguine $158呢樣最好食，個汁好香濃，配海鮮同意粉都好夾。意粉硬度剛剛好👍🏻青口份量算好多，不過蝦就得兩隻🤣整體黎講呢個真係幾好食。3.Fish and chips $148一切開舊魚就散散地，味道都係普通炸魚，可以唔使食，冇特別。呢間餐廳主要食個景🤣如果想搵美食我覺得可以試下其他餐廳，我相信梅窩入面會有更好嘅選擇。…Read More

- Cocolo Tokyo Cake Factory -男朋友幾鐘意食蘋果批所以帶佢黎試下（不過原來市區都有😂…）今次嗌咗兩個批1. 青森蘋果批 $352. 藍莓批 $38熱辣辣食都幾香，酥皮都幾脆，味道方面個批都唔會話太甜。整體黎講正正常常，捧住日本直送呢個名但價錢又冇話太貴，都可以試下嘅。另外因為有堂食優惠，所以半價加咗杯抹茶鮮奶紅豆，不過冇乜好特別，就不多作介紹了～返啅指數：2/5—📍(海傍街) (西貢)西貢海傍街9號地舖…Read More

- Bakso Flagship Store 白鬚旗艦店-入西貢多數都食西餐/cafe，今次試下印尼菜🦭 上網睇好多人都話要排隊同埋好多好評，不過因為我麻麻地排隊所以就早少少過黎，咁就唔使排👻介紹下嗌咗啲咩：1.白鬚印尼牛丸粉 $70先講牛丸，佢係結實型嘅牛丸選手，重牛味，好食的👍🏻另外塊巨型脆脆同埋炸雲吞都幾好食。不過我個人麻麻地佢湯底個味，唔知係咪加咗啲醬嘅關係，有啲酸酸甜甜咁，但不是難食，純粹我唔鐘意。2. 白鬚牛骨湯飯 $95牛肉同牛骨份量都多，滿滿一碗🤲🏽 個湯唔會好油，清得黎重牛味，飲哂都冇口渴（應該冇乜味精掛），舊白蘿蔔仲好淋好入味，好正 ，另外再點佢個辣椒油好鬼好食，撈飯一流～呢到個環境都幾舒適，侍應服務態度都幾好，想試嘅朋友仔可以try一try。平日6點前仲有學生同長者優惠，平好多架！返啅指數：2/5（西貢太多餐廳想試）——📍 西貢灣景街9號地舖…Read More

- Law of Yogurt 小滿定律-好記得中學個陣都有興過乳酪雪糕，個時仲要係斷重量計錢，細個驚杯嘢好貴就淨係加啲Oreo碎碎，其他料又凈係加幾粒🤣呢到食就冇呢個煩惱lu，杯裝價錢$58（包3款toppings+ 1款sauce)。今次揀咗海鹽焦糖脆脆、芒果同埋綠茶糯米粒配熱情果醬，呢3款都係店內top3人氣選擇👻成杯都勁足料，店員出手闊綽過當年嘅我🫡同男朋友share一杯都好夠味道方面，可以話係所有嘢都啱啱好，無論係雪糕甜度定係個sauce，而芒果都唔會酸，係個海鹽焦糖脆脆有啲痴牙😂今次已經係第二次食，我諗下次再入西貢我會再食👍🏻返啅指數：4/5—📍 西貢福民路58號高富樓地下3號舖…Read More

平時同男朋友做完gym諗唔到食咩都係揀食呢間刀削麵🫡基本上好多都試過哂男朋友近期最鐘意嗌呢個！手撕雞份量多（多protein佢最愛）！米線彈牙，唔會太淋👍🏻配埋口水汁好好食！不過會有少少辣，唔食得辣嘅朋友仔要諗諗先🤣我今次就嗌咗拉麵，估唔到都好好食！軟硬適中，口水汁配豬肚絲都好夾！好食！冷撈之前都試過麻辣汁同麻醬，兩款都唔錯，但口水汁好食啲🤣而麵方面我覺得撈嘅話，米線同拉麵好食啲，刀削麵就湯好食啲👍🏻另外有份小食我地都覺得好唔錯，就係生煎小籠飽 $30/5粒底脆，皮薄，多餡，多汁我地今次第一次食都覺得好驚喜！不過唔記得咗影相🤣…Read More

已經黎食過幾次架啦，今次第一次出食評！之前上網見人地影到啲相超吸引就拉埋男朋友一齊黎試😌我地次次都係嗌同一樣嘢🤣呢個芒果pancake本身係配沙津醬，但我地兩個都覺得就咁要煉奶會好食啲，所以就同老細講淨係要煉奶🤣食落真係啖啖芒果肉，好滿足，好足料👍🏻價錢方面好似加咗價，貴咗啲啲，$21/ 1個老細都好熱情招待！之前黎食要排隊，今次閒日晏就黎就唔使～下次會試埋雞蛋仔，因為見都好多人食👍🏻…Read More

同男朋友做完gym想食多啲protein就黎咗試呢間扒房啦～我地閒日夜晚去唔需要等位，直接入得餐廳菜式唔多，主打都係食扒，同埋配任食薯條嗌完嘢食過一陣就上咗兩份薯條先，不得不讚，新鮮炸嘅，熱辣辣，勁脆！仲有淡淡黑松露味。佢係可以任fill薯條，但我地大家各食一份都飽🤣我地兩個都叫咗flat iron steak，男朋友個份就加$70加大，多50%份量，我就食普通份量，大家都食到好飽😌肉質唔「鞋」，都好有牛香，呢個價錢黎講食到呢個質素可以話係勁抵！整體餐廳環境舒適，員工服務態度都好友善，食物都好食，係值得試嘅餐廳🫶🏼…Read More

💫上村牧場 （時代廣場B2樓b213-214號鋪）朋友話我知時代廣場新開咗間燒肉，上網睇一睇原來係日本過江龍！即刻拉埋男朋友去試🤩我地係食晚餐正價時段，好彩係app拎咗飛，所以去到等嘅時間唔算耐😮‍💨另外佢有啲座位係有路軌送餐，我哋今次坐嗰張就冇，不過唔影響👌🏼我地揀咗中間澳洲和牛燒肉套餐，認為價錢唔算太貴但都多選擇👍🏻👆🏽✨以上都係澳洲和牛，肉質唔錯，每款牛都有唔同口味選擇，個人認為蔥鹽最好食😋👆🏽✨另外仲有牛舌，正正常常，不過不失👆🏽我地個餐仲有海鮮可以食😗✨啲蝦好新鮮同埋都好大隻👆🏽蔬菜類✨不得不讚個明太子牛油燒馬鈴薯！超好食，一個人食咗兩個✨煙肉牛油燒蘆筍都好唔錯，蘆筍好入味，同煙肉好夾👆🏽主食類✨主食類好多選擇，掙扎食飯定食麵好，最後揀咗冷麵，識落冇咁滯✨下圖係麻辣牛肉湯，正常味道，唔係好辣✨另外仲有壽司（唔記得咗影相），質素一啲都唔差👆🏽新開張可以免費join會員，加入會員後會送返枝嘢飲👻總結：評分：4/5✨性價比高✨牛肉質素高✨除咗肉之外其他嘢選擇都好多，包括甜品，而且有質，特別推薦壽司！✨反而飲品方面就爭啲，唔太吸引最後，我認為呢間燒肉係可以再食！…Read More

💫媽咪隨意屋（元州商場地下G01號鋪）經過見到menu嘅選擇都係想食嘅嘢🤣，價錢ok，馬上試一試！💫冬陰功湯粉 $58✨味道偏酸✨算幾足料湯粉整體ok啦，不過不失。但杯凍檸茶就唔係幾好，唔知點解有啲怪味😮‍💨💫蠔仔肉碎泡飯 $58✨啲蠔好鮮味，湯都好食呢碗係男朋友嘅所以我淨係偷咗幾啖黎試😮‍💨個泡飯好好食，出乎意料！👻總結：分量算多，本來冇抱好大期望，但整體都唔錯！係杯凍檸茶差啲😮‍💨…Read More

💫wow lab 熾工房（高街111號地鋪）上網見到話呢間嘅炸雞好食又係長洲名物，價錢又唔貴，所以放學即係黎一試！一入到去環境比人感覺舒適乾淨，亦都冇炸物店嘅油饐味👍🏻-出示全日制學生證仲有85折，真係非常抵食，學生恩物🤩最後我地嗌咗兩個餐加蘑菇飯share食😋👆🏽滋咪雞翼套餐 （單骨雞翼）$64✨分量適中✨即叫即炸，熱辣辣，好好食✨薯條同雞翼都好夠脆👆🏽蕃茄扁意粉套餐 $68✨軟硬度啱啱好（最怕食啲腍嘅意粉）✨味道就正常，冇炸物咁驚艷🤣✨大啡菇多汁，好食由於見大家話蘑菇飯好食，所以另外加咗個黎試下😗（跟餐可以加$5轉，但我地想食薯條就冇轉😂）👆🏽蘑菇飯 $28本身以為係似kfc嘅蘑菇飯，但其實係唔同嘢😳✨菇菌味重👍🏻✨配炸物好夾，唔會濟總結👻價錢：4.5/5味道：4.5/5環境：5/5服務態度：5/5我印象中港島食嘢不嬲都偏貴，但wow lab性價比高（如果有學生證仲抵），估唔到港島都有性價比咁高嘅餐廳！有下次會再返黎試埋炸雞同烤雞😋…Read More