火鍋達人 HOTPOT MASTER's Profile

旺角少有私房菜嘅火鍋店，呢個係澳洲和牛海鮮雞煲套餐有刺身拼盤、凍蟹同辣酒花螺做前菜。刺身新鮮有足2人分量，鮮蝦帶子鮮甜爽口。凍蟹有誠意，食得出新鮮肉質鮮味十足😋😋另外，仲有一份炸物拼盤，可以任點任食，我會encore炸南瓜餅。重點來了，藥膳花雕醉雞煲！好香好香嘅花雕醉雞湯底，雞件鮮甜有驚喜，雞肉嫩滑多汁。兩個人食都幾多，食到呢道菜已經半飽🥳🥳 我地先食晒雞煲之後再轉煲打邊爐。最後，我地揀咗特濃蕃茄豬骨牛尾鍋，套餐仲有一個時令海鮮拼盤，任叫牛肉、海鮮同配料，只要用qr code 落單即可。到最後打邊爐已經好飽。外面仲有好多配料都未食，其實外面仲有飲品甜品任食🤣🤣…Read More

呢條街出名多咖啡店，今次同朋友嚟到呢一間。假期基本好多間都坐滿左，等咗一陣有室內位置。我哋分別叫咗一款牛油果炒蛋牛角包同近期好Hit嘅楓蜜Bacon煎蛋croffle!!!🥐🍁🥐🍁牛角包略嫌有一點太乾同太脆 ，而croffle 充滿驚喜！外脆內軟配maple syrup 一絶！仲要口感有一點煙靭的感覺，推介！另外咖啡我哋都叫咗nuttty的dirty，亦同樣很不錯。…Read More

朋友尖咀相約飯局之下，第一次初嘗已開業4年既煲底，主打不同冇味精自家出品火鍋湯底😋最signature 既一定係佢地既湯底，揀左椰子花甲蟹鍋🦀 首先賣相夠靚，老闆娘話靚料靚湯冇味精，真係想飲多幾碗😋 個湯真係好好飲椰香又濃又滑🥥貪靚既女仕絕對可以飲多2碗亦唔會熱氣。另外老闆娘精選推介今日最靚嘅手切牛肉牛爪邊，牛肉做到重肉味有咬口，亦有油脂香，一試難忘。另外牛胸爽亦都做到厚切有口感👍🏻👍🏻一間有heart💛嘅火鍋鋪就係醬料都係餐廳秘製，分別推介有食得到嘅脆脆XO醬，亦配合牛肉嘅薑皇醬，同埋秘製辣醬。朋友就叫咗冰火魷魚，辣辣地甜甜地，魷魚味道調得好好又爽口，口感亦都好唔錯。另外亦都叫左兩杯特色飲品，柑桔話梅冰、冰搖蜜糖檸檬茶。送飲品一流！至於其他亦都有好有自家風味既自家製蟹粉湯包、黑松露湯包、花樣油條，絕對係餐廳特色。而手打四寶芝士流心雞丸、梅菜豬肉丸就有待改進。整體火鍋材料都食得出有heart，以新鮮材料同用心製作主力，絕對會encore😋…Read More

大角咀嘅餐廳真係好多元化！呢個舖位之前係開業多年嘅街坊米線舖，一轉眼就開左呢間主打雞白湯的特色小店。濃厚雞白湯拉麵係主打招牌，我先叫左豚肉叉燒醬油口味。另外，朋友想食烏冬，所以就叫咗特製蕃茄湯烏冬配黑豚片。午市套餐都會有一你日式蕃茄沙律，新鮮蕃茄清甜多汁。因為小舖嘅關係，主食需要一點點的等待時間。濃厚雞白湯拉麵一定要先飲個湯，creamy又夠熱，有濃厚雞湯味。略嫌比豬骨湯少了一點黏口膠質的感覺，但整體碗拉麵都滿意的。拉麵質感剛剛好，叉燒頗香。而另一碗蕃茄烏冬就主打健康風味，湯底鮮甜好refresh! 枱頭仲有個秘製辣醬，都推介的，可帶出湯頭另一番風味。最後，食埋燒雞中翼，不過不失。下次會想試加麻辣的湯底，應該會惹味一點。…Read More

平時多數食開油麻地間佳佳甜品，呢間叫二姐出邊仲貼咗好多發哥嘅相片，睇落格局同油麻地一樣。呢度個招牌特濃薑味番薯糖水都好出名，鍾意薑汁嘅一定食。最後，我哋叫咗叫咗招牌芝麻糊拼合桃露，仲加咗湯圓。呢個組合真係無敵好好味😌😌非常之濃厚香滑，芝麻同合桃味好有層次，食完都幾飽🤣略嫌湯圓太細粒，口感唔夠。另外，仲叫凍腐竹白果蛋糖水，呢個有驚喜！！佢比出面嘅腐竹糖水，厚身香濃，可以用糊嚟形容。如果鍾意香濃腐竹未嘅就一定要試！…Read More

土瓜灣有好多隱世美食，呢間喺朋友屋企附近，賣點係有雞煲、烤魚，仲有串燒！小店大概有6張枱，多數係街坊。我地叫咗幾款特色串燒做前菜，之後就到主菜港式麻辣烤魚。首先有招牌黃金雞翼，鹹蛋味濃，如果係炸雞翼會仲好食🤣之後叫多幾款串燒，用嚟送啤酒一流🍺🍺 分別有肥牛金菇卷，煙肉腸仔卷，烤雞軟骨，烤五花腩片，烤雞肉！全部串燒都揀咗中辣，比想像中辣，燒得好香同惹味。食完串燒就到主菜烤魚，都係揀咗中辣。味道極之香濃，辣度十足🤩 條魚煎到好香口 ，再配合麻辣紅油湯底，口感啱啱好！最正嘅係個湯充分索晒入去啲配料，好足料，豆卜同娃娃菜都好正🤣 入面仲有紅薯粉，略嫌放最底好快煮得太淋。 呢度好啱一班朋友飲啤酒吹水，氣氛亦好似大排檔咁熱鬧！…Read More

朋友話尖沙咀有個酥皮火鍋，即刻嚟睇吓係咩料🤩揀左任食套餐入門版嘅C 餐，已經包括外面自助區前菜，另外仲有任飲汽水，自家茶同甜品。第一道菜先食雞煲或者烤魚，我哋叫咗小辣🌶️酥皮火鍋雞煲真係好特別，啱晒打卡🤣 之後職員會幫你介開個酥皮就會聞到香噴噴嘅麻辣味🤤雞煲味道唔錯，麻辣味香濃，花椒味好香夠麻。小辣啱啱好，係惹味嗰隻辣，用嚟配酥皮簡直係perfect match！食完都已經半飽🤭之後就轉食火鍋，總共有八個湯底。我哋揀咗胡椒豬肚湯，跟餐會有一個精選牛肉同海鮮拼盤。胡椒豬肚湯底有驚喜，好香濃嘅胡椒味，幾好飲。最後唔少得食埋甜品，有芋圓涼粉同雪糕。…Read More

放假入嚟東涌行街順便探朋友，朋友話商場入面有間新開嘅越南菜。位於商場7樓，錦麗喺出面仲有幾間分店，但一路都未試過。假日都仲有午市套餐，分別有湯河、撈檬、咖哩同越式飯。越南菜必叫生牛肉湯河，蟹餅扎肉蕃茄湯檬同咖喱香茅豬扒飯🤗🤗 香茅豬扒炸到好靚，越式咖喱椰香十足，略嫌有少少甜。蕃茄湯非常濃郁鮮甜，蕃茄味唔會太酸太甜啱啱好，亦都好足料。有唔少蟹餅扎肉仲有豆卜。個湯飲晒都唔會頸渴。仲加咗越式青檸梳打同滴漏越南咖啡！估唔到味道都幾出色，無論賣相同味道都起碼有8分。出奇嘅係連鎖分店都做得唔錯，亦都可能因為東涌呢間新開，質素保證得幾好。…Read More

經過深水埗見到有間新開主打四川菜嘅火鍋餐廳，特色裝修仲有半露天位置可以食住煙打邊爐😄入面仲有舒服嘅卡位坐。睇吓餐牌原來主打串燒加水煮魚煲、雞煲嘅專門店, 環境寬敞舒適, 好啱過嚟飲酒食辣嘢, 唔使急急腳咁食！同三五知己飲下啤酒一流！基本上叫份蒜泥白肉、串燒組合加埋個水煮魚煲2人已經夠哂食。蒜泥白肉調味做得啱啱好好，好開胃嘅涼拌菜。另外，可以試吓串燒組合總共有12串貪佢乜都有，賣相亦唔錯！串燒腌得入味好惹味，送啤酒一流！嚟到主菜水煮魚湯底料頭選用左幾款辣椒、甚至係魔鬼椒燈籠辣椒幾有誠意!! 水煮魚夠麻夠辣夠重口味, 鯛魚魚片好爽口，大大塊夾起又唔會散！湯底越煮越濃，最後每人要叫一碗白飯🤣😃😂😋🍻 一份水煮魚魚片數量都幾多，足夠兩個人食。另外特色配料叫咗一份羊肚皮，好似牛柏葉咁爽口😂…Read More

官涌熟食中心出名多好野食，有人氣米線又有地道大排檔。今次就同朋友飲下啤酒，食吓小菜🍻嚟到大排檔有幾款香口炸物都必點，包括避風塘軟殼蟹同椒鹽魷魚。差唔多台台都有叫椒鹽魷魚，我地就決定要個黃金魷魚。兩款小炒熱辣辣炸起，送啤酒一流。避風塘軟殼蟹好大碟，每一件外裏乾身香口，非常厚肉，入邊仲保留住有好多蟹汁，有啲仲有蟹膏。既惹味又肥美，推介👍🏻👍🏻至於黃金魷魚個粉漿厚度適中，入口酥化，充滿鹹蛋黃香味，又一推介👍🏻👍🏻另外，唔少得叫番個火鍋，一路滾住半隻麻辣雞鍋，烚下油麥菜，非常有風味。麻辣雞鍋好足料，有半隻雞仲有好多配料，幾抵食😆 最後叫多個特色小菜菠蘿拔絲咕嚕肉，可惜，唔知大廚唔記得走油定唔記得咗做拔絲，啲肉軟林林有點失望，有待改善🙌🏻總括嚟講，呢度地點方便環境企理，有特色小炒，有鑊氣，三五知己飲下啤酒食吓小菜最好不過👍🏻…Read More

長沙灣最近開咗間烤魚雞煲火鍋店，weekend都坐爆曬，所以建議預早訂位。呢間餐廳絕對係有誠意嘅烤魚店，有提供幾種魚類選擇，我地就揀左沙巴龍躉再加幾款火鍋配菜。仲有要介紹嘅就係大大杯鹹檸七👍🏻👍🏻 啱晒打住邊爐用嚟下火！沙巴龍躉煎炸香再做泡椒調味，魚質勁爽口彈牙勁厚肉勁鍾意!! 魚肉非常鮮味，好鮮甜厚肉，啖啖肉！湯底亦唔會太辣，好鮮味仲可以當湯飲😆😆 仲有招牌肥腸，的而且確夠肥、夠乾淨。淨係個烤魚鍋都跟左好多配菜，芽菜、豆卜、芫荽、洋蔥、娃娃菜⋯條魚亦好大條，兩個人都好夠食。整體上餐廳的食材相當新鮮，處理得好，有誠意！…Read More

呢間大角咀老字號越南菜，近排搬咗去位於中匯街嘅新舖。新舖第一次過嚟食，之前舊舖環境就逼夾啲，而家環境真係好咗好多，空間大之餘仲好坐咗好多！每次嚟到都必點奶油蝦同埋印度洋蔥或者越式椰香咖喱，當然唔少得印度薄餅。兩款咖喱都好推薦，鍾意惹味香濃嘅就揀印度咖喱，鍾意creamy醇滑椰奶嘅就揀越式。呢間餐廳嘅價位相當平民化，主打街坊生意，絕大部份菜式都只係$100內。幾個朋友叫到成枱都係都唔使$200一位越式小食拼盤。推介！蝦片扎肉脆口感豐富，牛油雞翼香口之選！馬來奶油蝦。必點！奶油超級香濃，好重牛油香味。鮮蝦爆油後連蝦殼都可以食埋🤭呢個奶油香味好正，真係一定要試👍🏻👍🏻👍🏻印度咖喱牛腩。必點！洋蔥咖喱味好重好入味，牛腩爽口啖啖肉。配印度薄餅一流三色冰 。必點！可惜今次冇 咖喱大頭蝦粉絲煲，下次再嚟一定要試。…Read More

觀塘工業區都有高質任食火鍋😍 由冷盤、熱食、炸物、火鍋配菜到甜品都各有特色各有睇頭！第一次見任食火鍋放題嘅冷盤有凍蟹凍賴尿蝦🤩 仲要係任食🤣 太多款式，涼菜都未有時間去品嚐。大力推介炸物同燒茄子😙😙 蒜蓉香味十足，又香又嫩，食完一條即刻想再拎。炸年榚都好好食，甜甜的🙂 仲有紫菜響鈴！食到咁上下，雞煲到🙌🏻🙌🏻 中辣夠香辣惹味，雞件嫩滑。加湯就開始打邊爐，火鍋配料比較特別嘅有台灣腸同脆鯇，至於大蜆就小心有沙。至於特選海鮮有兩隻蟹、帶子同鮑魚，除咗出面嘅配料仲有得寫紙仔要各款新鮮肉類。推介牛肩胛、生蠔。最後記得食埋甜品，係Movenpick 雪糕😍😍😍朱古力雪糕冇得輸…Read More

海港城少數有海景日式火鍋餐廳，塚田農場咁多間分店入面呢間最有feel😌😌 呢排聖誕仲有聖誕佈置，充滿聖誕氣氛🥳🎄雖然今次唔係坐窗口位，但係下次有機會一定要對住個維港夜景打邊爐。 呢度主打健康新鮮日本蔬菜，靚牛肉同美人鍋😍 朋友唔食牛所以今次揀咗日本鮮雞嘅美人鍋。美人鍋套餐包咗一份雞同雞肉丸，仲有一盤好靚嘅新日本新鮮蔬菜，五顏六色十分吸睛，打卡一流😂 份量剛剛足夠兩個女仔。美人湯係用充滿骨膠原嘅雞湯，上枱嘅時候係凝固左嘅啫喱狀。一預熱就會形成濃厚嘅雞湯，第一啖先品嚐香濃美味嘅雞湯，鮮味之餘，飲完唔會頸渴😁另外我哋仲叫咗一個頗有特色嘅腐皮蔥卷，同明太子拼烤雞肉年糕薄餅。呢度好適合幾個女仔或者情侶，氣氛環境一流。食物質素都唔錯，賣相味道打卡都得😋…Read More

最初朋友講都唔信，食完就真係要講正正正！估唔到銅鑼灣鬧市中有間咁抵食火鍋放題😍😍應有盡有，簡直係日式放題加任食火鍋，絶對驚喜滿足，長話短說入正題 🤩首先餐廳地方寬敞，有卡位，出面自助區有火鍋配料、醬料同飲品。A餐已經有齊各種選擇，刺身、串燒、炸物、火鍋配料，仲有生啤同即製甜品😮😮仲送升級刺身拼盤同澳洲手切牛各一碟。一開始已急不及待要食剌身，決定先冷盤，再熱食，後火鍋😋😋😋 再壓軸甜品😍推介：鮮甜帶子同赤貝👍🏻👍🏻👍🏻推介：鰻魚天婦羅，黃金蝦多士👍🏻👍🏻👍🏻推介：串燒雞軟骨，多春魚👍🏻👍🏻👍🏻推介：麻辣鴨血終於嚟到火鍋階段，鴛鴦湯底有蟲草花松茸湯x 重慶麻辣湯。出面配料主打蔬菜，丸類，豆品。推介：炸魚皮，牛筋丸，八瓜墨魚滑，美國牛肉必食即製甜品👍🏻👍🏻👍🏻👍🏻👍🏻榴槤甘露好足料😍好濃嘅宇治抹茶芭菲🤩🤩誠意之作！有甜品舖咁有質素，太飽食唔落😿 仲想試榴槤班班戟！連生啤都有🍺🍺總括而言，一定會再嚟😆😆…Read More