大食媽咪的個人專頁

之前上網見到介紹，好似唔錯，今日專登去試下。中午$148，價錢都幾抵 。仲有活動like 社交平台 送牛。入座每人有一杯蜜桃茶，幾好飲，飲品仲有樽裝可樂，食物選擇唔算太多，但都足夠 。下次會再去試下晚餐 值得一提，湯底可以再加料 ，唔錯唔錯 …查看更多

昨天心血來潮想食放題 ,就去附近撞撞運氣,見到呢間放題,收費合理喎 , $198 / 2 個鐘 ,好啦 !就入去試下 !!!兩個人安排坐係櫃台位 ,都幾舒服 ,環境安靜 ,起碼唔會聽到隔離枱講野 ,因為有好多放題都係座位超迫,完全傾唔到計 ,不過呢度唔會 ,值得一讚 .坐低之後叫野食 ,出食物速度算快 ,刺身新鮮 !!! 我地一共叫左 5 輪 ,其他比較特別食物,一般放題比較少見到的 : 1.燒豬腸 ,好香好脆  .2. 天婦羅香甜粟米 ,又係好好味 ,粟米不算太甜,配上炸粉,都幾夾 . 3.天婦羅炸蠔 ,估唔到佢地會用好大隻既廣島蠔 ,炸完出黎,隻蠔都係漲卜卜的 ,唔同一般放題,好厚粉 . 總括黎講 , 絕對食得過  下次會再黎過 …查看更多

久違了的味道 ~~呢間米線由我中學時期開始一路食到而家 ,由細細間食到搬到呢度 ,再見到佢係佐敦開分店, 可惜好快執左 .每次黎到必點 ---- 腩肉 , 炸醬 腩肉真係好正 ,軟硬度適中, 唔會太辣 ,又夠入味,暫時搵唔到另外一間係做得好過佢既 ~~ 炸醬 都係好入味,放入湯度一齊食真係一流呀 ~~不過最懷念既都係佢地由細細間鋪時既味道 ,真係一試難忘,而家水準已經下降左好多,味精都多左好多 ,食完一個鐘頭後,即刻一野飲晒成支 飲品,味精實在太重啦 ~~希望佢地注意下啦 ~~…查看更多

下個月因為細佬 要去旅行 ,所以決定提早同媽咪去慶祝慶祝 提早一晚訂左位 ,所以去到唔需要等位,好快就可以入去了 ~今次一行9人,其中兩個係小朋友,所以我地今次叫左個6人餐 $998 6 人餐包括以下菜色 : 有 D 係有 2 選 1 的 . 份量幾足,抵讚 1. 小食拼盤 - - - 都係一般的小食,無咩驚喜2. 扎肉沙律 - - - 基本上全都是扎肉,料足,酸酸辣辣,幾好味的 .3. 明爐烏頭魚 一條 - - - 呢條魚幾好味,有明火一路熱住4. 海南雞 一隻 - - - 呢隻雞起晒骨的,0岩晒我呢 D 懶人呀 ~~5 . 咖哩 蟹 - - - D 咖哩係甜甜地架 , 份量有一隻蟹的 ,蟹肉都好結實,好味道.6. 什菜煲 - - - 沒什麼特別7. 泰式炒河 - - - 都係甜甜酸酸辣辣的8. 香芉飯 - - - 用個砂煲裝住,可以保持溫度,味道OK9. 冬陰功 - - - 呢個料幾足,好好味.10.甜品 - - - 幾種小小的糕仔,好食~~另外,我地加左糯米雞亦$ 59 同埋沙嗲串燒一打$120 .仲叫左幾杯野飲,珍多冰,三色冰呀 $25/杯 .今次第一次去,各方面都幾好 ~~加水都幾快,座位舒適. 一坐低已有兩藍蝦片,蝦片幾好味,唔同超市買到的,最後畀小朋友清晒D 蝦片.P.S 埋單時, 佢地入錯左單,無啦啦 加多左個菠羅炒飯同埋 2 個白飯落我地張單道, 都差左成百幾蚊架 ~~同佢講左,佢都即刻去改返 ,不過佢一 D 唔好意思都無, 呢個係唯一美中不足的地方,所以大家埋單時記得睇單呀 ~~~…查看更多

星期六放早,一於去對面試下呢間野先 ,今日三個人一齊黎食,入到黎,佢地安排左一個幾舒服的位置,每人一杯水 ,唔錯呀 !!!叫野食先 ~~有部份餐會跟沙拉的 ~~一睇餐牌,全都係食意粉的,好,我叫左個三文魚明太子意粉份量有點細~~食左幾啖已經無左啦 ~~ 意粉上面有少少三文魚,味道係幾好味的,如果唔係太肚餓或細食既女仔,應該無問題既 老公叫左漢堡扒意粉意粉分開上的,白洽的意粉,漢堡扒入口多汁,味道適中,個汁同漢堡扒味道好夾 ,不過同意粉就不是太夾了,可惜可惜老公細佬叫左 照燒雞扒意粉 個份量算係三份中最大的 ,味道我就唔知道了~無試食~~到飲品啦 ~~我要試下佢個咖啡先~~我鍾意自己加奶同糖的,可以自己調效適合既味道~~雖然對咖啡無研究,不過都幾好飲 如果下次肚餓,一定唔會選擇呢間店,因為食完真係唔係幾飽…查看更多

年尾當然係要獎勵下自己同老公啦 ~~去食一餐好少少既自助餐,當然唔算好豪.今次目標係龍蝦 一坐低當場去排隊拎龍蝦啦 ~~好好味呀 !!我要左芝士忌廉汁,d 汁好濃,同龍蝦肉好夾,好彈牙呀 食完再去拎野食 ,我目標係試晒所有野,所以每樣都係拎好少好少 個湯幾好味!!係雪梨排骨湯黎架 ~~感覺好潤呀 !!!呢次牛西冷好味,佢係好大塊,之後會薄切的,再加上自選汁,一咬落去好鬆軟呀 ~~之後到刺身啦 ~~我唔食 三文魚,唔知係點樣 ,我老公話都好新鮮,好食 !!!再黎 , 估唔到個蒸水蛋又幾正喎 ~~夠晒滑呀 !!!到海鮮啦 ~~長腳蟹腳,蝦....仲有拎左溫泉蛋,再飲多次湯先~~~突然間有人熄左燈同埋有 鈴鈴 ,咁老公就出去睇下咩事啦 ~~原來係 火焰雪糕蛋糕呀 ~~~外面好多 cream 呀 ~~仲有畀火燒過的味道,裡面就係三色雪糕 ~~又幾好味喎 最後衝刺啦 ~~食多次龍蝦,蒸蛋先 !!!甜品時間到啦 ~~登登登登 ~~唔係拎左好多甜品,因為已經好飽好飽啦 ~~~ 甜品基本上係 ok 的 ,最愛用樽仔裝0個個燕窩牛奶布丁 ,好滑好重奶味!!!之後就係木槺布丁,又係好滑 ,同埋唔會太甜,值得一食呀 !!!呢間野,我第一次食咋,之前都想黎試下架啦 ~~今次我地食 8:30 時段 ,都好抵喎 ~~一個人 $ 368 (已包加一)不過呢度拎野食地方比想像中細,食物選擇唔算係好多~~我想食既炸野一律欠奉,呢個係唯一我認為的美中不足 !!!…查看更多

星期六要返工,一於早d起身去食個早餐先之前都有黎過幾次,我都係例牌會叫一樣野,就係 B 餐啦 !! 叫完好快就黎到啦!!! 好大碗呀!!都幾多料喎~~ ~如果鐘意飲蕃茄湯既朋友仔一定好 LIKE 呢個粉的 .食之前我一定會落好多胡椒粉的,少少辣辣地,好開胃呀!!個粉仲配埋 火腿牛油豬仔飽 + 熱飲 豬仔飽一啖食落去,夠鬆軟,裡面仲有牛油的香味,再加塊火腿既咸味,唔錯的~~~不過如果畀我選擇,我鐘意食奶油豬仔包多dd ,…查看更多

今日一個人,放工返屋企,當然去食米線啦 ~~天氣凍食熱辣辣野就最好架啦 !呢間食左兩次啦 ~第一次叫左麻辣湯底+中辣,都唔錯,食完個咀真係麻麻地......今次就試下第二款湯底啦!!!煳辣湯底 +豆卜 +豬肉黎到啦~~個樣唔算好吸引,即係望落去唔算大大碗0個一d .即刻試下啖湯先....嘩 有驚喜呀~~從來都無試過呢種味道,真係又香有夠味...個湯底好似燒烤香料既味道(唔識形容呀) 不過唯一係唔太夠辣,等我下次問下呢個湯底有無得選辣度先講返d料先: 豆卜----> 長方形的,比較淋身,吸晒d湯,好味.豬肉 ----> 因為上次食過豬腩肉,覺得又肥又無味,今次就試下豬肉先,又ok 喎 ~~因為是比較薄片 ,唔會太un ,同埋吸埋d 湯,真係唔錯.講返價錢先,呢間米線算係大眾化d,配料選擇唔算多,但都足夠啦對我來說.食完都幾飽~~下次再會…查看更多

呢間米線都食過好多次架啦 !!!因為之前我住係同一條街的,所以經常有機會食到.今日冬至放早 ,咁岩行過,一於去食下先 !!呢個時候,當然係叫下午茶係最抵啦 !!!HKD$ 24 有兩種畀你選擇 ,我叫左一送(豆卜) 加 (麻辣雞翼) 小辣 ,送豆漿 份量 OK ,下午茶既話都幾足夠. 我鐘意佢個湯底,辣得黎又夠味,佢同雲南米線有 D 唔同 ,雲南米線一般都會酸辣 ,四川米線以麻辣為主,兩種我都鐘意 .每次黎食,我必食豆卜,其實無咩特別,只不過鐘意佢吸晒D湯,一咬落去好多湯(個人喜好)今次要左麻辣雞翼,有小小苦味,唔知點解,都係香草好味一 D .得閒行過都會入黎食下 !!!唔錯,唔錯!!!唯一問題就係侍應好似發緊白日夢咁,又掛住傾計,,唔係好理D 客人,希望改善下呢度!!!…查看更多

今日同公 收工夜左,正在煩緊食咩野既時間,哈哈~畀我地諗起,不如食韓燒啦~~一於去搵間任食既,本來目標係廣東道0個間架 ~~就係行緊既途中,畀我地見到,嘩~~$238 +10% 任點任食,好,就食佢啦 !!入到去坐低,原來係直接叫餐牌裡面既野架!!除左飲品外.基本上咩野都叫得 ,有燒既野,有熟食 ,有飯,有麵 ,有湯,真係好多樣野都想食,正呀!!!第一輪,叫左: 海鮮拼盤, 雜錦肉拼盤 ,牛肋骨.份量十足喎 !!!海鮮唔錯,ok 新鮮.雜錦肉可以一次試左幾種肉,有豬五花腩 , 牛肉,牛舌........肉巴質素都係唔錯架 !!!第二輪啦!人參雞湯,海鮮蔥油餅人參雞湯真係有半隻雞係裡面架 !!不過參味重左 dd , 我幾 like ,不過老公話麻麻地....雞肉都幾淋,半隻雞兩個人真係食唔晒,建議如果兩個人 ,最好係 4 份一雞就 ok 啦 ~~無謂浪費食物 最後一輪啦 !!都係食返之前覺得好味既野!!!牛肋骨+五花腩 牛肋骨夠晒味,正!!五花腩,我地最愛,當然要唔怕肥啦 ~~~有d人怕肥,千萬不要叫,費事浪費,五花腩最好食就係燒到兩邊都有少少金黃色,之後沾d韓國醬油 (我唔知點叫,一般食 韓國野都會每人有一碟仔,每次燒好d野都會沾一d 既)正係好好味!!好脆口又香口,薄薄一片,真係一流呀!!!好飽呀!!大滿足呀 !!!哈哈~已經諗好左下次要叫多d 人一齊黎食 ,咁樣先可以試多 d野!!! …查看更多

一個人, 當唔知食咩野既時候,最好就係食一碗熱辣辣的米線 ~~~我本身鐘意食比較濃味既米線~~一於試下先 ~~第一次黎到 ,環境算 ok ~~一入到即有人叫 我坐低,我即刻落單先~~小鍋米線+豬紅+腩肉+籮白+中小辣黎到啦 ~~個樣幾靚仔,份量足夠~~飲啖湯先,辣度岩我要求,腩肉太少,太細片 籮白唔夠淋 豬紅不過不失整體黎講,可以食下,不過唔會專登去食.…查看更多

一直都幾鐘意食韓國料理, 咁0岩同事畀左張 $50元 優惠劵我, 中午 食滿 $100 元 ,即可以減 $50元 , 真係幾抵 !!我同老公仔放lunch 12:45 pm ,即該走去攞位 ,嘩!!!估唔到咁多人,好多人都訂左位 ,唉!!!我地失策左 ,應該訂位會好 d .所以等位時睇定食咩先 ~~一坐底即叫野食 ~~~我叫左 -- 雞肉雜錦石頭飯 - $60元 另加 $12 要左杯 凍柚子茶老公叫左 --烤雜錦肉 ,內有雞肉,牛肉,豬肉 另加 $12 要左杯 楊枝甘露 一 落完單 ,好快 每人就有三小碟前菜 - - 泡菜 ,冬瓜, 青椒泡菜唔算好辣,ok . 冬瓜唔會好林,夠清. 青椒一般 ,無咩味 .好啦 !!!老公個餐到先~~ 個樣唔錯喎 ~~不過一黎到掛住影相,好快 d雞肉 燒焦 左少少 ,偷食左一啖雞肉 ,幾夠味 ,味道偏向濃d .之後 ,我個飯黎啦 !!! 好熱呀 !!! 即刻整 d 辣醬撈暈佢先 !!!! 一路食 一路出煙 !!! 有 d 飯焦添!!! I like it 因為趕時間返公司 ,都食得好急下 ,拿拿臨食完走人了 !!!值得一提: d 侍應加水好快,反應都好快,抵讚 仲送多張優惠劵 ,下個月一定會再去!!!…查看更多

星期六下午１：３０去到，唔需要等位，即刻睇下食咩好。我叫左小鍋米線，豬腩肉，龍蝦丸，豆卜，中小辣，正常酸，多芽菜。呢間第一次去食，之前去開樂道個間。等左５分鐘，嘩，到了，個份量都幾夠。有點美中不足，就係豬腩肉有骨，湯頭都幾甜，值得一食既。…查看更多

好耐無食大閘蟹了 ~~~對上一次已經係生囡囡之後個年....2009年了....第一次買返屋企食大閘蟹時,都係幫襯 江記的, 所以今次都特登返去幫襯, 之前都有d心動 想去買 老x 陽 團購,不過都係無買到.去到叫伙記幫手選左 18 隻 ,8 隻雌蟹, 10 隻雄蟹.伙記都好快手幫我地選好,跟住送埋醋,薑 ,紅糖,紫穌葉畀我地.回家即刻幫佢地洗白白,隔水蒸佢 20分鐘,嘩~~~期待已久的大閘蟹出來啦 ~~~質素同第一次食既時候差不多~~算係唔錯的 ....老公豬鐘意食雌蟹~~話 d 膏正d ....d 肉 實dd ................我就愛食雌蟹~~~d 膏香 dd .....哈哈~~老公竟然唔覺唔覺食左 4 隻....佢仲話咩唔係食左三隻姐咩.....我都食左 三隻~~真係大滿足呀 ~~~一年一次~~~正呀 ~~"江記" 我下年再黎過 ~~~…查看更多

之前上網買左張coupon,所以今日中午去食,但係都幾失望.....(如果係正價,我地唔會黎食)以呢個價錢,尖沙咀太多選擇.入到去,坐低,水都無一杯(原來要畀錢買$16一支水)午餐(包括-餐湯,house drink(house drink 可以加 $15轉飲其他飲品)我叫左-($68)天婦羅蝦蒜香意粉-份量一般,買相可以,但係d意粉太硬太乾....no good另外我老公叫左-($68)和風牛勒骨飯.呢個飯老公話味道唔錯,d汁幾好食....但係份量都係不多.....服務麻麻地,全都黑口黑面.......…查看更多