anie's Profile

星期日既下午，都幾多人等位，3個人食$230，算抵啦。但論食物質素，真係一般。(如果唔係tea time 半價 ..... 咪制~)之前好多人彈金水D野唔新鮮，that' s true~連最基本既三文魚都係無味既，比超市仲差，真失望！(雖則係好厚~)但都有幾樣野係可以一試既：炸蠔卷---i love oyster，夠酥香，幾match~芝士炸蝦卷---幾多人讚，本應都算係好配搭，但衰在芝士太咸。特上海鰻---夠睇頭，但我比較鍾意燒焦D既鰻魚 海鮮拉麵---1/2價錢($18)黎講，好抵食。火炙和牛---幾甘香 (其他火炙壽司都OK，尤其D肥美既魚，魚油燒完香口D)把鬼既亦有：軟殼蟹沙律---軟殼蟹本應好易整得好食既，可惜，金水造得好咸，元氣都好食過佢。香蔥吞拿魚腩反卷---食完都唔知係咩，完全無魚味，只有生蔥既味道 -____- "其他野就不過不失啦~ *** 但唔明點解唔擺野上迴轉帶囉，只係對住條空既迴轉帶齋落單，好無癮~~... 奇怪好多外籍人士，我左右兩面坐既都係外國人哩~…Read More

母親節既午餐：擔擔麵---好濃既湯，花生味十足，正！陽春麵---清清地，個湯都有魚味，但麵太少喇。東坡肉---份量超級細，大概只係1/2舊雪芳蛋糕大小，同相片不符，但味道幾好。小籠包---一般炸銀絲卷---OK高力豆沙---婆婆話好味，都唔錯既。燻魚菜飯---菜飯幾好，但燻魚太甜，唔夠甘香。上海粗炒---一般~ 上海菜本身較油膩，加上全部野都飽肚，食完都幾滯。~ ~ $3 / 位茶，好抵，而其他野都唔算貴。坐得幾舒服，但不停有人等位，唔坐得耐。* * 埋單仲送$50現金劵，下次食滿$150又可以用，抵呀！…Read More

魚翅南瓜湯OK 素魚生OK (爽口又真有D刺身鮮味，幾得意)燻魚OK (味道幾好，口感一般)沙爹牛肉煲OK 素五花腩OK 炒河 無食白汁方包飯OK (本來賣相幾吸引，但一切開同凍咗就唔掂，D飯都算好味，但舊包真係搵鬼食)環境OK, 衛生OK, 服務OK, 但平均$85/人OK不過不失，無驚無喜。…Read More

比起其他西貢酒樓，洪記真係好一般。除咗經過時被人好熱情咁拉咗入去之後，真係搵個人黎問下嘢都無。午市時間，點心種類卻寥寥可數，小菜亦不見得好。簡單一個薑蔥蟹煲，薑蔥多過蟹。亦唔係平過人，($250/4人)西貢咁多選擇，呢間真係無下次喇~…Read More

***HAPPY FOREVER*** 永遠是我心目中最抵食的HD之選。($220 連加一，其實講真又唔係真係好抵～)<朱古力曲奇+朱橙+tiramisu+綠茶+strawberry cheesecake+哈密瓜+macadamias+提子冧酒+紅苺sorbet>，一次過滿足9個願望。3個人食，好膩下。黑朱橙是我的favorite，macadamias粒粒果仁都好正。早少少去無咩人，靜靜地幾好。緊記用HS卡找數，送番2張single scoop既券，(好彩waitress姐姐細心提醒)下次再接再勵，哈哈~…Read More

睇食評睇到流晒口水，趁5.1勞動節就唔怕山長水遠來長洲嘗下師妹甜品既真偽啦！兩個人要咗3個order。1> 心太軟$25 --- 此招牌甜品果然夠"鎮店"，店內坐無虛席，每枱必點一客心太軟。ok既，但個人認為如果朱古力再濃D滑D仲正！2> 薑汁梳乎里$16 --- 新鮮即製，雖然要等耐D都無計。薑味清香，未食都聞到，而且梳乎里夠light，一向係減肥人士首選甜品。呵呵！3> 火焰雪山$27 --- 同樣"鎮店"，幾乎每枱一客。關上大閘一次過serve晒幾張枱，剛剛好啦。小小一杯不甜不膩，rum酒中和cream同雪糕既甜膩，即使我一向抗拒酒，但所有有酒既甜品我都會加分。呢個火焰雪山都一樣，我俾8.5分。食物不錯，但呢間舖真係搵到我傻，招牌應加大，「師妹甜品」四隻字，我真係行到入舖頭先見到。仲有，坐位安排有問題，熟客雖然唔可得罪，但見到全店滿坐，請阿熟客小姐讓番1/2張枱出來都好合理啫，唔使白白失咗D生意嘛~…Read More

雖然已在師妹甜品食飽飽，但見呢度細細件的甜點就忍唔住又買來試下！榴槤糯米糍$5 --- 新鮮足料，咬開裡面一大舊果肉，好味道。芒果卷$6 --- 有d似外面甜品店既芒果腸粉，但佢係一層爽口既腸粉包住裡面一層煙韌既糯米皮再加一大片果肉做餡，正呀！即使唔係d咩特別新式既甜品，平平無奇一間店，一樣有驚喜呀。…Read More

５個人點咗８個菜：片皮鴨--個鴨殼無出過場，搵笨，味道都只係普通砂鍋雲吞雞--湯算甜火腿津白--一般炒鱔糊--鱔肉太淋，唔爽唔好食，味道亦不十分好賽螃蟹--口感味道都麻麻炸銀絲卷--無食，但個樣亦唔太吸引，因睇落有點硬高力豆沙--sorry，真係難食，皮硬，砂糖少，豆沙唔ok，唔夠熱，好唔掂豆沙窩餅--好快凍晒，都係皮硬環境普通，味道唔好，服務一般，價錢貴...但講真，做京川菜館但高力豆沙可以極得難食成咁，已經夠晒資格執笠！！！…Read More

唔明... ...點解咁多人讚? 點解連蔡瀾都讚??根本唔係幾好食,法包夾雜肉同蘿蔔絲,普通野,無特別...咁辟既地方都咁多人捧場,以為真係咁正~山長水遠揾到去,誰知只係換來失望:(…Read More

...可能係全世界最好食既蛋治~麵包比一般的厚,蛋亦比一般的多好多,D蛋仲係一層夾一層,味道好,食一件已可當一個lunch,$12,好抵!!!!!…Read More

可能因為果日太多人，又見到叔叔D蛋漿所餘無幾，雞蛋仔略嫌有點唔足料，但味道算唔錯。本來係有D貴，但佢件件用炭爐即製，真係好心機！…Read More

推介:翠唐豆腐(清清地,用來送飯好味)羊腩煲(抵食)芝士焗魷魚(足料味濃,撈飯首選)通常我係一家四口百零二百蚊食到飽飽喇!…Read More

雙皮奶$20 + 蛋治$12前者算OK，只你甜咗D；後者唔好食，因為我唔鍾意熟蛋~ 而且蛋一D都唔滑~…Read More

新界人難得過港島區~搵唔到勝香園，見蘭芳園一樣係排長龍，又貼滿食評，一於入去。叫個***蕃茄薯仔豬扒蛋通+ 熱央***有雜誌推薦，但同相中個樣差好遠...湯底點都算唔上好味，沒蕃茄，薯仔只有兩粒，其他野...全部同一間普通茶餐廳無分別。眼見隔離個uncle果碟豬扒飯，D飯爛到一pat野咁，唔方好食...仲有，有個服務態度極差既阿叔，呼喝客人，痴線~唉~ 總之失望...仲收$32，又坐得辛苦，又要俾人催住走。講真，我唔會再去~...只係好多人食薑蔥撈丁，可能OK啩~…Read More

烤肉撈檬K沙嗲牛腩飯:不過不失絲網春卷:還可坐得舒服,服務OK,價錢算合理。…Read More