phyllisc1308's Profile

朋友仔終於請到好少黎九龍城嘅我, 黎九龍城食晚餐。 舖面裝潢比較平實, 不過坐得舒服嘅。我地兩個人點左三樣野食加兩杯飲品。 飲品都係嗰啲普通mocktail 啦~第一推: 海鮮拼盤呢個係自由組合嘅, 我地揀左龍蝦1隻，翡翠螺6隻, 後面仲匿埋兩隻鮑魚。小心呀！ 全部都係熱辣辣出爐架！ 翡翠螺彈牙入味！鮑魚被比下去， 不過都好新鮮， 好好味！龍蝦好多膏呀 隻鉗煮之先前早就敲碎左, 好易食。建議: 入洗手間洗乾淨對手, 落手食啦！第二推介: 乾蔥大蒜忌廉汁煮紐西蘭鑽石蜆配意大利軟包正正正 蜆肉入晒味唔在講, 軟包點白汁一齊食 簡直絕配!!! 我太鐘意個白汁, 另加左多左一份軟包~ 加多個意粉落去就好啦第三推介: 蝦膏蟹肉車厘茄意粉因為用蝦膏煮, 蝦味好濃:) 蟹肉都好多。 不過, 黎到呢刻, 只可以食到呢個意粉兩啖。 好飽呀! 不過, 真係好食嘅建議: 第三推介嘅醬汁比較濃, 所以最好第二同第三只選其一…Read More

之前食過呢間嘅生煎包， 回味無窮。 今日點左一碗酸辣湯粉絲+$20兩個生煎包， 送左支水。 10分鐘回家路程，一番到屋企好開心咁打開晒黎食。 咬第一啖， 生煎包少少䁔，雖然個皮韌左少少， 但都係依舊咁多汁， 心諗：keep 到水準喎！咬第二啖， 怪怪地嘅？ 有野咬唔開嘅？！ 嘩！生豬肉？！豬肉唔可以生食喎！點算呀？！ 仲有一粒喎... 心諗：本來諗住買4粒， 好彩冇。然後， 食第二粒好似解剖咁...個酸辣湯粉絲味道ok 嘅， 係啲筍多左啲同老左啲， 有渣。 不過， 就算好食都俾生豬肉陰影蓋過晒…Read More

第一次喺1881食飯， 揀咗呢間高級餐廳。 見到買一送一， 咁抵？！ 唔叫最貴嘅點對得住自己。今日冇要前菜， 直搗黃龍去主菜！一杯Mojito, 另一杯係好似水嘅Gin- boobay shappire係呀！ 要冰都唔加嘅純飲！ 嘩！ 重頭戲黎啦！ A5神戶牛柳- medium肉質嫩嘅， 畢竟係medium， grilled 唔會過龍， 但係 A5唔係出名油花密集度高咩？！ 唔通呢隻牛減左肥？！食唔到啲油唧出黎嗰種感覺...A5 飛禪和牛肉眼排- medium呢舊點食都好似油咁， 但係又唔香... 我食緊咩？？ 最嬲嘅係千幾蚊塊嘅牛排勁多筋！！！ 我地兩個好似榨汁機咁， 不停吐番啲渣出黎加上， 兩舊牛排嘅調味都係唔夠架... 朋友忍唔住， 問佢攞鹽同芥辣...雖然買一送一， 都唔係做衰自己個朵架！ 多筋到咁就唔好攞出黎啦！ 唉...兩舊和牛都冇和牛嘅好味， 呃我未食過和牛？！ 但我又真係食過咁先慘嘛！ 最尾， 我地食唔晒架！ 心諗：咁貴喎， 食埋佢啦！ 個胃話： 我唔得啦！ 唔好再虐待我！Side dishes 冇咩特別， 好在清清地， 解一解膩 lemon basil mossuelemon sorbet 正常野個檸檬幾靚嘅， 底部有燒過嘅棉花糖， 裡面係白色mossue, 中間有少少好酸嘅檸檬jamPear crumble全統香味， 只係由蘋果轉左梨啫！甜品係合格嘅， 但本尊黎唔係為左甜品囉！呢餐仲要係為左慶生... 錢就駛左， 但令本尊強顏歡笑囉！下次食牛扒都係去番洲際間 steak house, 或者去la mer 都仲覺得值啲…Read More

見到被定為400-800, 好似好貴。但同事話午餐70-80都有交易, 唔貴喎木瓜響螺花膠湯好似飲緊媽媽煲嘅湯咁。雖然細細塊, 但真係有花膠架!左: 四川土豬叉燒炒飯微辣, 如果想食辣啲, 可以加辣椒粉 (純粹辣椒粉,冇香味)個飯炒得好均勻, 粒粒分明, 有xo 醬嘅小辣。 叉燒方面, 只可以話好啱本尊, 因為本尊不嬲都食偏瘦叉燒嘅。 右: 滑蛋四川土豬叉燒飯呢隻滑蛋唔係半熟嗰種, 叉燒都係偏瘦嘅, 係預期嘅味:)…Read More

為補祝呀妹生日, 買兩個小小地嘅蛋糕慶一慶佢啦! 左邊係格雷伯爵茶味, 右邊係玫瑰味淡香earl grey 好清新, 蛋糕面仲有個朱古力味嘅mini macaron玫瑰味好香, 好似飲緊玫瑰花茶咁, 蛋糕面用左紅桑莓做點綴。 另外,朵花原來唔係朱古力黎架! 韌韌地, 幾得意*朵花嘅造型可以再改善多得淡忌廉掩沒左戚風蛋糕中間個窿, 就唔會好似食風咁啦~…Read More

開番啦! 新面目好pink店內多左燈光點綴大窗花令樓底更高, 卡位變到好大, 6-7人坐都夠位除左新面目, 落單都用新方法! 電子落單遲啲舖面可能見唔到人架啦...以前一人一定要叫一杯飲品, 有時想黎都先諗一諗。宜家改為一人一杯飲品/甜品, 所以我地叫左一壺果茶同一個甜品拼盤: 甜不辣, 鹽酥雞, 炸墨魚丸三款都炸得好乾身, 好熱氣呀。 有酸甜醬同沙律醬, 但其實唔點醬係最好食。兩個人食的話, 呢個份量真係唔少, 食到最尾都係食唔晒辣味雞肉意大利粉新野: 繽紛莓果布里歐聽講呢塊布里歐厚多士係用海澡糖包住,食完真係好有罪惡感。 上層除左士多啤梨, cream, 吉士醬, 仲有覆盆子醬, 酸酸甜甜如果冇人share 真係食唔掂佢…Read More

一路以為北京樓係好高消費嘅地方 原來餐牌裏面都有啲價格比較親民嘅菜式。已經有父親節set 啦, 但個個都唔食海參, 散叫算啦! 拼盤:影都影唔切, 上: 糖醋骨 (唯獨呢一個唔係幾適合做頭盤)中: 素鵝下: 海蜇 奶油小黃白媽媽話奶油好騷。 呢點我接受到, 不過可以鹹少少。上海炒年糕普通野 安格斯牛柳粒牛肉味好濃, 西椒吸收左牛油, 好香水煮魚魚唔太多, 但有萵筍, 腐竹咬下都ok 啦。 不過, 啲粉就麻麻, 好似粉皮咁, 都唔吸味嘅 食麻辣野都係薯粉夾啲 未片皮鴨壯觀到呢! 不過, 未到我地食左小籠包先多汁黎啦! 等左你好耐啦!明明話片皮... 點解咁多肉嘅?! 唔係太專業喎! 一塊正面片嘅皮都唔見, 側邊嗰啲都係角位黎嘅。 我唔係好信呢度係一隻囉... 算啦! 出黎食飯係會俾人抽水架啦:(好脆咩?! 又唔係喎... 好香咩?! 又唔覺喎同埋青瓜切得好粗, 又俾得少, 點夠包喎...好在問佢要多碟青瓜都冇話要收錢加多$88 炒個鴨鬆咁啱個生菜好似個波咁, 好好包!呢碟炒粒粒都炒得唔錯, 有芹菜, 冬菇, 唔香就奇啦! …Read More

平時經過唔係啱啱食飽就係冇時間等, 今日終於食到啦!今日唔算多人, 等左20分鐘左右, 有得食啦! 嘩! 熱辣辣 雞蛋仔外層超脆, 又薄喎, 好似薯片咁, 裡面有少少軟身! 難怪得到咁多人嘅青睞!食得慢咩?! 唔怕, 佢嘅質地完全唔會變冧。但我都係鐘意熱辣辣咁食, 所以要食快啲…Read More

難得冇王管, 由中環走到黎灣仔開餐是日餐湯: 南瓜湯, 有啲稀, 不過好甜Cappuccino x2瞓得3-4 個鐘, 今日好需要咖啡,唔酸就得架啦! 點解 點解 點解個飯可以pink 嘅?! 因為有紅菜頭巧靚靚呀! 加上芝士碎上面有幾塊巴馬臣火腿意大利飯裡面都係紅菜頭同其他蔬菜粒。平時食lunch, 想食條菜都難。我好鐘意呀朋友愛素食, 叫左什菌意大利粉冇醬汁同肉汁嘅幫助, 加左芝士都係略嫌淡。 可以加多少少蒜蓉同黑椒。 不過, 整體都唔錯。…Read More

與朋友短聚片刻, 最好就係飲咖啡。Avacado on toast with poached egg好豐富呀! 有兩塊半件嘅多士, 但唔會夾得晒咁多樣野。 上面加左啲蕃茄蓉, 好開胃Egg on toast名副其實蛋加多士, 冇其他。簡單嘅野, 更顯出細緻位呢個蛋睇係幾靚, 但食得出個油炒過好多野, 加上可能冇落鹽, 黑椒又唔夠Affogato裡面有雪糕底, 朋友話好好飲我要左一杯white regular latte, 都ok下次再試佢地得獎嘅咖啡:)…Read More

落完單, 望下張單。 咩叫"力湯底"?!望住呢啲民間智慧, 都唔記得自己叫左咩...10粒白菜豬肉餃+酸辣湯真係幾辣架! 食小辣嘅三思酸辣湯好多料, 不過酸辣度再平衡多少少就perfect白菜好似唔係黃色架喎? 我估係津白或者黃芽白, 都有個白字嘅。但都唔差呀! …Read More

3個人8碟, 又一次眼闊肚窄 小敘拼盤1A+2B=$109蔥油樹雞- 估佢唔到份量咁多, 仲好多薑蔥添青芥木耳- 冇青芥味, 但木耳點整都唔會難食雷椒茄子- 嫌佢唔夠雷擔擔麵乳鴿唔夠脆, 同埋我地三位喎,都係斬一半?! 仲要大細邊得緊要, 最終要攞鉸剪自己動手 脆蝦雲吞芝士鮮蝦 鮮蝦多士外脆內軟, 軟到好似豆腐咁, 好正 黑金流沙小心流餡, 好流呀!飽到上頭殼頂, 嘻嘻…Read More

初三同朋友仔去開年烤雞沙律好多舊雞, 烤得啱啱好, 唔會太乾。 好在叫得唔多沙律可以用橄欖油略為撈一撈 帶子松葉蟹鰹汁意粉奶油唔夠香, 又食唔出鰹汁味, 有海鮮但又冇鮮味。但又唔係難食嘅, 係好似冇左個主角囉餐湯有啲咸 紫薯鮮奶唔太甜, 鮮奶打到厚厚地, 好飲呀 洋甘菊香草茶 草莓梳乎厘班戟 (想食就提早20分鐘落單)班戟要再梳乎厘啲cream 可以少啲, 或者擺側邊。 不過好大份, 兩人食一份夠啦…Read More

呢間餐廳唔同角落一樣都有舒服嘅感覺, 夠晒啦! 係同三五知己談天說地嘅好地方呀!簡單裝飾加擺設, 點解咁靚嘅? 綠茶起司蛋糕- 好香綠茶味桂花黑糖戚風蛋糕- 甜甜地, 加上面頭嘅淡忌廉同桂花糖不過, 同餐牌個樣有啲出入... 原來圖片只供參考朋友知道我要"找夢" (飲品名), 特地幫我叫嘅裡面有玉桂, 薑, 檸檬草 同好似係香茅?! 加埋蜜糖, 同找夢一樣咁百感交集, 但又好回味:)泰式冰奶茶少甜嘅奶茶, ok 啦~…Read More

年廿九提早食團年飯裝修好特別呀! 同老人家食團年飯啱晒氣氛!先黎招牌菜- 片皮鴨好脆呀有4個醬- 傳統甜醬, 桂花糖漿, 日式胡麻醬, 酸甜醬都係傳統醬最好食鼓油皇煎大蝦咸左少少啫冬菇好大粒, 蠔豉好甘甜, 豬俐夠冧, 髮菜索曬啲汁飽魚呀! 好 煙韌! 花膠真係好麻麻, 薄過紙, 一啲膠質都冇好豐富一邊飲羹一邊咬下萵筍粒同蝦仁好辣呀! 不過幾好飲桂花魚片好多呀! 不過有啲仲有魚鱗啲菜好老... 又有少少沙呢...呢個飯夠晒香, 有蝦子, 櫻花蝦, 蝦米, 蝦乾, 第五係蛋?!蝦油?!紅棗糕, 紅棗味剛好, 唔會太甜另外, 檯頭嘅麻辣花生好好食呀…Read More