Little Croco的個人專頁

試過同屋企人嚟打甂爐，啲嘢食唔錯，發覺佢門口原來可以安排戶外位置用餐，今次就特登嚟happy hours 😀啤酒選擇都唔少，我就揀咗黑啤，甜甜哋，幾易入口要提吓佢哋既花生，原來係有特別味道架，越食越過癮😆襯住夕陽日落，人生幾何！…查看更多

第一次試下美心旗下既香港地。聽朋友講，食物出品係唔錯既。既然有美心呢個品牌效應，心諗唔會唔得掛。今日中午就去左奧海城呢間。由門口㩒電腦攞飛（攞完之後，坐喺傍邊個收銀亞姐先至出聲講話唔洗攞飛，自已入去有位就坐低...），到坐低左想搵個亞姐執一執枱（上一枱客啱啱食完出左去埋單），成個過程俾我覺得喺樓面係完全冇人做嘢既...嘗試叫行過既亞姐亞哥執枱、落單，佢地一係唔啋我，當睇我唔到，一係就覆我話佢唔識落單...再望一望，啊，原來喺最入面有一枱4-5個員工用饍中，難怪... 心諗：成12點打後，都唔早架啦...最尾，終於都截住左一位亞姐幫忙成功落單（如果呢次都落唔到單，都有諗過放棄...）。其實呢，落左單之後既體驗，就回復「正常」喇，我地叫左豬扒餐、麵餐嗰啲，出餐時間同質素都可以架，真係輸左喺招呼服務嗰度。…查看更多

每次行經旺角，都會買幾個燒餅返屋企，同家人分享。4種口味（原味、紅豆、花生、奶皇）都可口。餡料係其次，個餅皮夠煙韌，再加上少少芝麻，口感一流。其他出品之中，唔好錯過香蕉糕。甜度適中，唔會食完黐晒喺「彭」牙度。仲有好多款式嘅麵包，黃酥餅，焗蛋糕，同埋撻類，都係傳統手作。你或者會覺得佢地既外觀未必及得上市面上其他連鎖式麵包店嘅出品，但係就食得出人情味。可以嘗到傳統手作味道，價錢又唔貴，小店絕對值得支持。…查看更多

星期日6點左右早一點開餐晚飯，勝在唔洗等。整體上廚房功夫唔錯，可能因價就貨既關係，食物質素有點不足。下次試下自攜海鮮，等廚房顯下功夫。可提ㄧ下，炸花枝丸做得不錯，不過最後，整晚主角落左係兩個椰皇燉奶身上。甜度適中，應該係用椰皇水做既。溫溫暖暖的，用黎為ㄧ餐作結，完美加分。…查看更多

今晚本來去新忠記打冷，見太多人，最後去左老坑。係冇訂位既情況下，等左40分鐘，算快 :) 牛肉靚唔洗再多講，今晚試左兩樣野值得推介 - 鰤魽同椰菜餃。鰤魽鮮甜，個汁味道ㄧ流，不愧係”秘製“。椰菜餃加入左木耳絲，難得清爽，餃皮食落又唔會一團粉既感覺。滿足!…查看更多

朋友聚餐, 其中有好友提議雲陽閣. 想著地點方便適中, 就決定試一試. 訂好了位, 但自己因事遲到了, 所以不需要等位就可開餐了 :):):)豆酥桂魚 - 不愧係餐廳既名菜. 桂魚肉質實淨, 不會胡里胡塗. 豆酥味道同質感和魚片非常配合, 不溫不火.辣子腸頭 - 全晚唯一一個乾辣菜式. 夠過癮.刴椒魚頭 - 唔夠辣, 唔夠香, 不過魚頭新鮮有鮮味:(:(:(水煮牛肉 - 唔夠辣, 唔夠麻. 用來盛載既淺盤太淺, 令到整體感覺很油膩魚頭湯 - 沒有魚鮮味既魚頭湯...拔絲蘋果 - 很奇怪的賣相, 沒有"絲", 像一塊厚粉炸生蠔上面洒了黑芝麻. 咬落蘋果係涷既.裝潢還算舒適, 很適合商務應酬, 不過在服務方面要留意一下. 服務員人手應該是足夠的, 有4-5人, 但往往未能一眼關七, 亦沒有主動留意食客既需要. 當晚客人不太多, 只有3數檯, 但多次茶壺加水都係要舉手示意. P.S>可惜沒有拍下任何相片 …查看更多

我們一行三人11:40am到達才發覺它原本開12:00noon... 沒有打算去其他餐廳, 所以我們決定留低等一等. 在等既時候, 那位女侍應帶我們坐在reception外既梳化, 又給了我們清水... Hmm, 第一印象不錯. :)可能因為星期日既關係, 差不多到我們食完main course才開始陸續有其他客人進來. 不過在我們"包場"期間, 侍應們也沒有給予任何"壓力", 很從容的等到我們決定了吃什麼之後, 才從一旁過來take order.我們吃了Tuna Tartar (味道好夾), Foe Gras (配四種rock sea salts精彩), Wild Mushroom Soup, Porterhouse T-bone, 及 Ribeye. 牛肉確實是over了一點點 (我們要medium), 不過肉質仍甘香. 澳洲牛肉肉味雖不及美國牛肉, 但都不過不失.在這裡進餐當然不可不提一個無敵維港景. 剛巧今天風和日麗, 我和家人就這樣享受了一個悠閒又可以滿足眼睛同肚皮既午餐.…查看更多