lavender5566's Profile

喺IG見到有人推介呢一間任食韓式燒肉，任飲任食，仲要冇限時，即刻同朋友仔約時間去試。我哋6.45去到，現場不是很多人，嘢飲都尚算多款式，會有圍裙俾你，着淺色衫都唔驚。一上枱係佢本身set 定的幾款燒肉，有職員會幫你燒第一次，佢啲牛好柴，第一次我哋以為冇及時夾上碟食喺個盤度繼續微溫，所以老咗。點知第二三次我哋燒完即刻食都一樣覺得好柴，所以烤肉好快就收手。反而佢啲小食，特別係豆腐鍋醬油蟹同埋其他唔同嘅小食，佢哋細細份你可以試唔同嘅味同埋都幾好食。佢坐得舒服，又冇限時間，如果d 肉只係偶爾來貨問題，其實可以一試。…Read More

今日三號風球，打完拳，臨時決定跟朋友仔同埋佢活動的妹妹一齊去行下。難得三個人一齊，食完日本嘢，叮左去中環，雪糕店1/3 半山腰，是次我地叫左個朱古力雪糕同抹茶泡芙，朱古力雪糕，雪糕牛奶味重，底層的朱古力碎和燕麥片很有口感，佢仲配一包純黑Kitkat，配埋一齊食。抹茶泡芙，抹茶味濃，皮味算太脆，但整體很好食。我仲叫多咗一杯Americano，咖啡味一般般，佢有一個抹茶柚子梳打，可惜今次沒有叫到，希望下次幫襯仲會有呢一款飲品。…Read More

昨晚同fd 去買水晶，買完水晶就去附近食飯吹水呢間小店細細間，但坐位尚算舒服由於我哋比訂左時間早左成個幾鐘，所以都係膽粗粗問下可唔可以俾我哋早啲食。6點幾到，冇咩人,就俾我哋坐低食。話就話有限時，不過人唔係好多，基本上冇趕我地走。我地叫左個488/2人餐，咁有啲dish 係要另外加錢，例如海鮮湯，海膽龍蝦意粉等。我地仲另外叫左個黑松露薯條🍟（佢一炸起熱辣辣上台好好食😋脆！香口，黑松露配個酸忌廉，正！）個海膽意粉係非常一般，個海膽唔新鮮，苦！而且得一舊仔，好孤寒囉，個豬鞍就非常出色，好嫩口，好食特別推介係個rose latte,玫瑰味出，唔太甜🤭🤭…Read More

今次🐮帶我去食扒，佢話荃灣開間扒王之王，咁我地去食，上到去，餐廳係夠大，但係d 侍應就一般般。D 侍應好唔熟手，一時又話呢個唔曉落單，一時叫佢哋開個冷氣好熱就叫左幾次都處理唔到。我地叫左兩個貴扒（已經係menu 上最貴的牛，我地叫左5成熟，但點解五成熟會切唔開，又多筋，又唔淋😓🐮知道我鍾意食薯條，叫左份薯條我食，上枱就好似係係一碟炸完好耐，淋d 芝士上去再叮一叮🙄原本我冇諗住寫食評，所以冇影齊相，結果食完我同🐮都覺得好差🙄🙄又貴！請好好改善質素！…Read More

朋友生日，佢係社交平台 睇到呢間，貌似好吸引，咁就去試吓我本身訂五位，點知去度，佢係一張4人卡位，然之後加多一張凳，超級窄，但唔好以為同早訂有關，佢四人都係咁安排，完全no good佢嘢飲款式夠多的，先上左個雞煲，我哋叫左個係椰子，雞夠滑到打邊爐，我地食最平嗰個，my god,reorder 的肉得四款，好似係3牛1豬，微量的熟食，其他就自己出去夾的菜同丸。原則上，我地冇再加牛，因為佢哋第一round 上枱的牛就已經唔好食，好嚡熠熠😮‍💨所以我係食菜同丸飽的…Read More

我朋友帶我去的餐廳，呢個位置其實都唔太方便，但行下可以叫多幾樣嘢食小店真係好細，如果坐滿客會好迫，但係我又咁諗，地方細細有時多人聚會直頭包場啦，食下飲下，自high今次我地叫的嘢食都唔錯燒魚乾，有肉汁，唔會好乾，又唔會燶蟹柳沙律，正常水準黎個海膽刺身，會配埋飯同紙菜，其實我齋海膽得了仲有個燒牛舌同鱔，佢呢間燒物好有水準，用心燒，所有燒出黎的嘢食火候剛剛好下次都要再去食P.S 有d 唔好意思，其實我係年頭去食，而家至寫食評😂…Read More

4月4日，某君生日前一天，都忘記左點解佢會過嚟，但係，今日佢就我同我試呢間餐廳。我地叫左2個套餐，一前菜一個要湯，一個要沙律，湯有驚喜，係有口感的磨菰蓉，沙律菜就就正常味道😂炸魚薯條有啲失望，粉好厚粉，魚都係一般（根據某君專業水產品評），唔夠實至於個雞，還好，配上薯蓉，我覺得好過炸魚薯條好多😂😂我會寧願去附近的西餐廳食…Read More

今次又係臨時臨急搵餐廳，又係要酒精滋潤下，就搵到呢一間隱世餐廳隱世係因為佢唔單止上樓鋪，仲要我當時上到去係門口好似工廠大廈咁，又冇門牌，仲以為搵錯入到餐廳，我地係第一枱客，menu 的餐牌唔算多嘢食，我哋叫左兩個小食兩個主菜。嘢飲方面，佢的cocktail 好吸引，每一杯都好靚，味道都好易入口，我地叫的以手工茶為主，一杯 earl grey,一杯陳皮普洱，一杯柚子菊花嘢食佢都唔差，由於唔會好韌，醬燒味好食炸薯條香脆配埋黑松露醬，食到唔停口豬鞍煮的時間啱啱好雞反而冇咁出眾，佢好食，只係對比嗰三款就冇咁吸引…Read More

今次去呢一間喺銅鑼灣新開嘅放題，可能我預訂嘅係星期一，所以前一日訂位都有枱。當日12:00去到嘅時候，現場很少人，但係我仍然被安排坐喺長枱，不過可能因為冇人，所以客同客之間都係留咗一個空位的。（後來同阿姐吹水嘅時候，佢話卡位係比一啲有訂枱嘅客人，即係話如果客人要早訂枱，就有機會坐到卡位月後嘅就只能夠坐喺長枱）講返食品質素，我叫咗幾款刺身（三文魚、赤蝦、甜蝦、帶子），每一次刺身上枱嘅時候都係有冰係下面保持食品嘅新鮮，而我食落口嘅海鮮都係覺得幾鮮甜好味嘅。至於炙燒壽司，佢嘅上面嗰塊肉太薄啦，好似食緊醋飯咁。佢個壽喜燒鍋，我建議佢哋花啲心思用個爐仔去熱住煮個鍋，肉同蔬菜另上，等啲客自己去落，咁樣啲肉就唔會咁柴，值得推介係乳鴿、比目魚、蝦天婦羅。熟食區的酸茶魚夠入味👍🏻蟲草花螺頭雞湯正👍🏻佢仲有D24 榴槤提供，但我手慢，俾一個已經成枱嘢食的8婆，攞左成盤埋位食，結果我等唔切補給，走了…Read More

唔理最近咩影響，總之有酒的地方就想試吓，今次呢度又係社交平台 刷到，二小時酒精任飲，又有我最愛串燒，就約埋朋友一試。佢地點好易搵，地鐵站一出，轉左過對面馬路，行上幾級樓梯就到。我哋一開始就叫左個任飲，酒精類唔係全部可以選，8成以上都可以。我地飲左2支青酒，再加whiskey,同cocktail,都抵的。介紹串燒我，每樣都上得好快，牛舌，大腸，燒菠蘿，蒜蓉茄子，鱔等等，樣樣都好好食，連送酒必備的炸雞皮都有，又脆又好食😋特別推薦燒棉花糖，佢哋用百力支穿地燒好棉花糖，好脆口，又有心思👍🏻我會再去👍🏻…Read More

為了答謝友人幫我裝嘢，逢我媽旨意搵間有片皮鴨的餐廳。鴨大哥我路過睇過好多次，睇完網上的評分決定親身試一次。今日叫左5個餸，片皮鴨是必點的，我叫左半隻，皮係脆的，涼左都唔會有臊味，最好、佢個片有個爐熱住，所以成舊暖暖地咁食，係唔錯。不過我覺得其他餸會更出色：荔枝咕嚕肉～大大粒荔枝肉，咕嚕肉皮脆，肉還算淋，佢唔會好酸，食落好開胃黑毛豬叉燒～～本人好鍾意食叉燒，佢的肉好淋，入口即化的感覺，又唔會好肥，絕對絕對要試原味鴨鬆～～菜鋪同鴨肉比例相宜，配以生菜墊底，唔會油膩，好食什菜煲～～都比普通酒樓出色，我覺得佢湯底好濃味，所以d 菜都好入味我會推薦黎食…Read More

今次臨時去旺角，四點幾決定轉場，又因為今次想飲酒，OpenRice search 完後就訂左呢間。去到的時候，場分左兩邊bar 台嗰邊黃燈，枱排得有啲迫，一定會被迫聽埋隔離枱的對話，我地反而見到另一邊仲有個地方，暗d 但空間感大。我地點左杯J moon cocktail, 一杯處女座cocktail，同埋啤酒。 J moon 係佢地的signature, 酒勁有d 勁，飲到後面覺得有藥水味，但玩味有的。而處女座就好好飲，因為佢有竹jasmine, lime~~成杯的味好易入口好好飲。佢哋的食品唔貴，性價比係高，隨便叫一款都唔會難食嗰種。我今次叫左小食拼盤，有著條，炸蠔，雞翼，洋蔥；仲有牛肉飯（有藜麥，蕃茄同菜），好fresh,味道都唔錯👍🏻…Read More

呢間小店係IG 見到兩次，都bookmark 左想去，終於有一次可以食到。佢位置離地鐵站都唔算遠（如果識行）我地係平日時間大概一點去到，估唔到係冇人嘅，全場第一枱，侍應得兩個。個女的好生手，唔曉招呼人，男的應該有d 經驗，但好懶。我今次試左佢超級推薦的龍蝦🦞湯意粉，係超濃的龍蝦湯味，但你話要去到百九蚊，唔會有下次。另外留地叫左個牛肉意粉，另外加錢叫左三個小食，薯條（我最愛食品，即炸，配埋個醬，全清）；炸雞翼，未熟嘅！炒蘑菇，正常水準。佢個lunch 係唔世嘢飲，所以，所謂的lunch 係要加錢叫嘢飲。我fd 唔知叫左杯latte 定咩，半隻手指大細😂.如果佢食品價格降低d,可以回頭客，如果唔係，一次之後唔會再食，性價比好低仲有，員工制服真的要乾淨d！…Read More

因為昨天係IG 見到呢度的宣傳，被呢度的環境同擺盤吸引我，喜歡呢度的一壺壺嘅湯，於是今日黎左呢度飲茶。因為太趕急，訂唔到枱，好彩朋友仔早左黎，等一陣有枱。湯我地叫左個杏汁蜜瓜豬展湯，蜜瓜味蓋過左杏汁，但都好好味。叫左個招牌咖啡，我唔太喜歡，酸味太重。佢個咖喱豬頸肉，咖哩味好出色，少少辛辣，椰香味重，佢仲會配個白飯同蘇餅。其他如蝦餃，麻辣燒賣都好正。至於雞扎、小籠包就普通左d最後最後一定要試吓個Tiramisu，好香咖啡味👍🏻我決定要再黎食其他野🫶🏻🫶🏻…Read More

本人對西班牙菜好一般，因為口味同材料，永遠都只食乳豬同海鮮飯首先我要讚一讚佢嘅服務，因為今次睇戲我個時間一改再改，原本book咗6:30後尾我打電話去改到七點佢都冇問題，到睇完戲之後發覺趕唔切時間過去諗住取消Booking，佢話可以繼續幫我留枱，所以最後見佢一個咁好嘅服務，我哋就去返呢間食。佢個Menu其實係有中英對照嘅，不過，唔知係咪佢嘅special set太趕時間推出，所以就冇中英對照。原本，我哋諗住嗌兩個set然後再加散叫，點知佢話如果要叫set嘅話就全枱人都叫set 。咁我建議大家如果人多嘅話其實叫set係OK嘅，因為佢個set其實個款式都幾多，咁你每人叫一款咁share食咁大家都可以試到唔同嘅口味。個set你可以有前菜小食主菜仲有個甜品咁佢西班牙嘅水果酒，如果叫埋嘅話就加$130就有得飲啦。嘢食呢我就唔逐一介紹啦。但係我就想推介幾款第一個係佢個香蒜蝦，佢個蝦係超級爽口，跟住有啲蒜香同埋辣辣地嘅味好似激味蕾，佢個青口呢雖然有少少沙，但係佢個汁再加埋啲麵包食係一流㗎。如果喜歡青辣椒仔嘅話其實可以叫嚟試吓，我見我三個朋友都食得津津有味。去到主菜大家一定要叫呢一個燉牛面肉超級超級腍，仲有個乳豬都非常好食，佢個汁唔會話好鹹，仲有少少類似蘋果蓉咁嘅味食落去好fresh。咁呢間餐廳如果你慶祝生日嘅話呢侍應們係會捧住個甜品送去你個位唱生日歌，仲會送返張即影即有相俾你㖭。…Read More