Pendaslife's Profile

啱先係鐵火堂同朋友食完晚飯，諗住食埋甜品傾計聚多陣🤪 見到餐廳對面就有間新開甜品，當然試下得唔得啦。 踏入門口，點餐區男店員就大叫係到嗌咗嘢先入去坐，我地一行4個人見到門口有人order緊，咁想入去坐低放好嘢先再出嚟order。入到去見到門口係4張2人枱，咁我地就睇到張U型枱，足夠我地4人坐加放到袋，我地打算坐低就俾一位waitress制止咗，當中就聽到點餐區既男店員指揮個waitress拉埋門口2張2人枱泊埋俾我地，咁我地見其實8:00間鋪都只是係得2-3枱食緊，就問waitress張U型枱係幾多人坐？佢答6人😧（應該會好迫）咁我哋都轉去佢指定張枱啦，當朋友喺度揀緊食咩時，期間聽到阿男店員大大聲同個waitress講，下次換位惡佢哋得啦……我俾個權力你㗎嘛🫨🙄what? 你新開張 都可以咁樣服務態度對客？之後有同朋友提出轉地方食，朋友堅持想試，就出咗去點餐，事關我哋4個啱啱食完晚飯，就想叫兩個share，阿男店員就話每人最低消費一個喎，咁我哋真係食唔到四個，最後走咗。食甜品傾計本來應該開開心心🥲 但部份店員既服務態度認真難頂💩冇下次 多謝！…Read More

🍂踏入10月大閘蟹季節🦀 見到IG post有新嘅火鍋店供應大閘蟹放題 諗住試新嘢🤤9:15入到去 坐低後問我哋想要咩size嘅大閘蟹今日分別供應細size三至四兩/中size四至五兩我哋揀咗中size🤤揀完後Step 1嚟咗兩碟前菜 分別係辣味螺肉同椒麻皮蛋 味道同其他放題嘅質素差唔多 Step 2大閘蟹小食可以for任叫 有蟹粉水餃/牛丸/蝦丸 全部都係食物上面有少少乾身嘅蟹粉 唔差但有啲普通😮‍💨 強烈推薦必食蟹粥！！成個粥金黃色 做到其他放題整唔到嘅鮮甜味 每啖都食到蟹肉絲 推☺️Step3 有三款口味嘅大閘蟹可以選擇 分別係麻辣/鹽焗/酒釀 我哋揀咗麻辣 嚟到個賣相係見到有炸過隻蟹 麻辣味都幾出 但因為係炸過 所以啲膏係實哂 基本上食完蟹蓋同有炸粉既膏 蟹腳一咬就碎 其他位得好少蟹肉 之後又加咗兩隻清蒸大閘蟹 一嚟到係偏細隻 有啲好奇 到底係唔係四至五兩嘅size 不過我哋冇追問 試咗質素先🙂 食完第一隻 staff過嚟問質素如何 因為佢哋都係第一次入蟹 想知客人食後感 我哋回答都ok 味道唔錯 佢哋提我哋如果食到有問題既要講 staff都好貼心俾晒濕紙巾同多幾對手套俾我哋🩵我哋再加左兩隻蟹 因為佢order一次都要10分鐘左右先會嚟下一轉 咁可能staffs覺得我哋都比較鍾意食蟹 所以今round 一次過嚟咗六隻大size啲既蟹 我見到都好驚訝 不過覺得質素應該都唔會差 因為啲蟹油流晒出嚟 應該好多蟹膏(ff😂) size大咗 但係味道反而冇細蟹鮮甜點知食到第二隻蟹 一打開個腮位係灰黑色 我仲同男朋友講笑 係咪吸咗廢氣🌫️😂 當時蟹粥係未食晒嘅 咁我就將啲蟹膏畢落碗粥 諗住會更好味 食第一啖即刻心感不妙 點解會有腥臭味？再食下蟹肉 濃烈嘅腥臭味充斥整個口腔 我立即同問過我意見嘅店員反映意見 佢表示唔好意思會換一隻蟹俾我 然後另一個店員走嚟我身邊 話另一隻都可能會有問題 咁我聽到當然覺得奇怪 就問佢你點睇得出有問題？ 佢話你開咗先咪知 咁我都唔過問 但當時未諗住食第二隻 因為第一隻食完有少少陰影 諗住唞唞先😮‍💨 呢個店員就一直企我隔籬 催促我開隻蟹 似乎好心急想知隻蟹係咪有事 咁我開咗見到腮位都係呢個顏色 同埋聞落都有啲腥 咁佢就即刻收咗隻蟹話換過隻 但當時已經唔想再食 因為兩隻大嘅都係咁 之後我就話換一隻得啦 最後換咗隻細size 味道冇問題 起碼冇腥臭味先 Step4 香辣蟹油雞煲 只會嚟一次 有個Timer 上到枱要煮8至10分鐘 味道普通 唔太impressStep5 時令海鮮拼盤 其實一心諗住食蟹 完全遺忘咗有海鮮 同樣上到枱要蒸一陣 但係海鮮口感似橡筋 唔係太咬得爛 清蒸就冇咩味雖然有啲蒜蓉係上面 呢個視乎個人口味同口感Step6 桃膠燉鮮奶 味道唔差 啲桃膠都好大粒 應該就唔係燉鮮奶 燉鮮奶應該係固體 但呢個係拌鮮奶 係普通桃膠加鮮奶🥛88分鐘嚟講 如果淨係想食蟹都夠時間 不過價錢就唔係太抵 因為食唔到呢個價錢應有質素嘅大閘蟹🥲🥲。希望之後有改善。…Read More