Hovip456's Profile

叫左個番茄「濃湯」雞扒意粉，令我好懷疑佢對濃湯既定義！碗野上到檯已經已經心感不妙，個湯嘅顏色就係普通清湯，上面加咗幾滴紅色嘅油，喺度扮蕃茄湯底,我飲一飲啖湯，嘩！真係想喊，完全冇番茄味。好彩塊雞扒都算可以，塊皮有煎香，算係挽回小小分數。另外叫了一個咖喱炸魚柳飯，佢係得獎嘅咖喱，食落都幾香，但係10分辣下，辣到等於譚仔四小辣，但愈食愈辣，建議叫解辣飲料，魚柳炸得幾脆，加分。飲品冇乜特別。總括來說，將軍澳這個無茶記的地獄，開一間咁既野都可以理解，無必要不用幫襯。…Read More

都係想搵間粥食下，順手支持下地區小店，但係真心失望。叫左個艇仔粥，18蚊，再加個牛俐酥9蚊。價錢其實都已經唔係平，不過體諒佢舖租貴，都一定貴過普通粥舖。先講碗艇仔，個碗係比平時食既細小小，已經覺得sad，肉碎魷魚尚算正常，但溫度唔夠熱，食到一半已經變凍。牛俐酥係極度失望！有咩理由係淋架，你都唔好意思攞出尼比人食啦，淋既程度係100%，小小脆都無，講真，真係倒自己米。所以結論係，無得揀都唔好咁hea好wor，粥舖都應該有尊嚴，唔係平就難食。…Read More

40蚊魯肉飯完全唔值，港式味道，找不到台灣的感覺，魯肉略嫌過瘦，條菜佔左個碗一半，酸菜佔左1/4，汁又唔夠，最終要係牛肉麵到攞一舊牛肉黎送...牛肉麵$58套餐，牛肉頗lum，都算入味，但特色欠奉，湯底普通，但好過魯肉飯。跟餐送熱柚子蜜，撈兩撈，我都見唔到柚子，好淡，好求其既感覺。隔離枱話黎大公雞應該要食雞，可能我地無食雞，所以好失望（仲等左十分鐘）。最後賣單，個阿姐仲要好似怒氣沖沖咁找錢...性價比低，不值一試。…Read More