foodieeeeeat's Profile

Cafe而家越開越多,好多都淨係打卡或者淨係飲嘢,今日同朋友經過見到呢一間音樂主題既cafe,食物飲品上面佢哋都係以樂譜黎命名。打開個menu先發覺佢哋原來食物方面好豐富選擇好多,重有成個cake櫃既甜品揀!餐廳話啲cake係佢哋自家餅房整嘅,好誇張 啱曬鍾意食甜嘢嘅我哋,今次同朋友嚟叫咗兩個lunch set同埋幾件甜品share食。食物食物方面我哋叫咗黑毛豬叉燒酸種包同埋咖啡卡邦尼一上到黎只能說一個字 ： 大！份量好大，cp值滿滿，叉燒都煮得好淋好入味連埋個塊厚厚既滑蛋一齊食滿足感十足咖啡卡邦尼本身只係諗住嘗新試一試 ，叫嘅時候仲諗緊意粉同咖啡夾埋係會咩味，佢地原來係加左espresso 黎做調味 ，而個味道亦都好夾好新穎。麵上面仲有一個好似分子料理嘅泡泡 成件事好igable甜品方面餐廳門口係有個好大既cake櫃，而且價錢亦都相宜一人cake價錢由$35去到$45我地叫左兩件都好好味 黎呢間cafe飲緊野食件cake chill下都開心！食物⭐⭐⭐⭐甜品⭐⭐⭐⭐⭐環境⭐⭐⭐⭐服務⭐⭐⭐⭐Cp值⭐⭐⭐⭐⭐…Read More

而家個時代發展到好多餐廳都好igable俾人打到好靚既卡, 呢一間餐廳真係我今年食過唯一淨係畀你打卡，唔係畀你享受食物嘅餐廳。因為實在見到呢間餐廳係ig鋪天蓋地嘅廣告同埋KOL 效應， 所以同朋友兩個星期前就book定滿心期待咁去，諗住又可以開拓一間中環新飯堂點知難忘既一夜就發生了服務方面：首先餐廳係嚴重人手不足， 我哋去到嗰一晚係fullhouse但只係見到4-5個frontstaff ，以致我地個晚大部分時間都係“叫天不應叫地不靈”而且好明顯大部分staff都係untrained, 所有收碟出菜嘅次序都同中高檔西餐廳有頗大差距。食物方面：叫左幾道所謂既signature dish, 但都感覺唔到正常意大利餐既質素首先講個包， 頭盤嘅麵包係意大利餐嘅靈魂所在，而oro提供既有兩粒，好似喺飛機餐上面食到嘅翻叮麵包咁， 如同嚼蠟。奇妙旅程去到第二度生牛肉他他，staff突登係你枱邊 將生牛肉搓成三粒牛肉球，誠意十足但係賣相同味道都欠奉 基本上好似完全冇經過調味再批一堆黑松露上去咁，係好純粹嘅生肉波波。今晚過山車體驗去到芝士輪螺絲個下就真正衝落去，staff 推咗成個芝士輪出嚟，又示意我哋打卡，跟著整套玩火打卡既流程， 原本我哋都睇得好開心 。但係一食就出事，可能個位staff玩火玩得太興奮完全無量度到酒既份量，以致成個螺絲粉都係被酒精味完全蓋過，令我有經典meme"2 shot of vodka"既體驗其餘嘅主菜海鮮意粉等，食物嘅質量都係比香港一般嘅意大利餐廳差，餐廳係食物方面真係有非常大既進步空間。最後甜品係火焰雪山， 感覺呢間餐廳嘅路線就係 火•酒•igable經過咗是晚嘅奇妙過山車體驗之後都係借餐廳既火 ，辣一辣醒自己等我回到現實世界。 而家新餐廳真係 百花齊放琳瑯滿目， 要顧及大家ig嘅需要之外，其實一間餐廳最基本最根源吸引到人嘅地方就係食物嘅本身民以食為天但ig為後，希望餐廳不要本末倒置 成為一個只係供嬉戲打卡嘅娛樂場所…Read More

一行多人,黎到pizza express 食早餐,本身餐廳早餐定位都係行80-150路線,但食物出品質素極低。kato breakfast 5/10green breakfast 5/10full Italian breakfast 5/10全部早餐都為pre-cook材料,所有早餐出菜前只是拼砌然後送到客人桌上,因為全部食物都是凍的,牛角包也沒有焗熱, 直接就放到餐盤上, 太陽蛋蛋亦是一早煎好放涼了蛋黃已放乾 , 炒蘑菇可能放嘅時間太長, 略見苦澀味, 但當日早上客人寥寥可數, 對此出品品質亦深感奇怪？！…Read More

因為網上面睇到嘅報導而決定一訪呢間非洲菜餐廳 但係真係非洲菜嚟㗎咩? 入到去餐廳打開個menu 見到taco,pizza 意粉 burger 但係唔緊要揀我自己想食嘅嘢, 問waiter就不斷推介就非州雞煲,其實打從一開始只係想食地道既非州菜, 唔係咁想食啲融合左港式風味既食物。 不過唔緊要啦即管試一試非洲雞煲配naah 4/10naah既味道正常,一般印度餐廳既出品,非洲雞煲可以話係毫無特色, 只係一般港式嘅辣雞煲加上左非州既香料, 可以的話不如加碟肥牛落去 ,反正都是行港式路線。炸鰂魚配薯條 3/10本身用既魚較細條,所以已經無咩用, 但魚肉炸後無口感而且魚肉略梅,只是很一般的炸魚薯條現炸既 是本晚嘅亮點非洲涼茶 薑嘅洛神花茶,飲落幾神奇但配落個雞煲到辣上加辣其實是因為看到報道才想過嚟食地道嘅非洲菜, 在晚飯中亦有問過老闆娘非州傳統既菜式例如fufu點解菜單上沒有？ 老闆娘回答因為原材料供應問題,所以未能提供 。成晚就好似係一間墨西哥加西餐, 再嚟多個港式邊爐既配搭, 用餐體驗有啲驚奇, 亦都頗為失望,其實一家餐廳嘅定位係好緊要, 如果佢忠於自己行非洲菜嘅路線, 我諗我會再幫襯嘅, 但如果再叫我食雞煲, 我諗我都唔會山長水遠入嚟重慶大廈啦…Read More

一入到餐廳氣氛相當之好, 濃厚嘅意大利風情,captain 同waiter 都十分健談, 由餐牌嘅介紹, 去到每一樣菜上枱時既說明, 甚至餐廳入面每一樣餐具嘅歷史,佢哋都好細心咁講解,服務一流去到食物方面 一開始既bread basket, 所有麵包都好鬆軟好食, 並且有芝士同橄欖油配搭 9/10第二道係 佢地anniversary special baked clams, 三種唔同嘅煮法食法幾神奇得意， 喺傳統嘅意大利菜中少見 7/10之後係每個人都叫嘅 spicy rigatoni vodka, 辣辣地味道開胃 8/10最後 main dish係一個Veal Parmesan , 呢一道菜感覺超失望， 好似麵粉加埋乾咗嘅麥樂雞, 口感粗糙 完全不推薦 所以相都冇影 2/10最後甜品就係tiramisu, 出品正常, 同坊間嘅口味一樣但係略甜, 冇特別驚艷嘅感覺 5/10成餐飯900蚊一位到連酒水, 老實講服務嘅質素係超越食品質素既, 但食物味道都平平, 喺餐廳氣氛好 都見到好多人嚟慶祝生日。另外要留意嘅係用餐時間只有兩個鐘, 食完咗可以喺出面嘅吧度飲嘢！…Read More

嚟到呢間餐廳, 一入到去氣氛同環境都比較昏暗, 但餐廳嘅燈光設置 非常之好 好有中東特色 異國風情既感覺。我哋一行四人士應帶咗我哋去側邊梳化嘅座位, 餐廳入面有普通嘅高桌區同埋梳化區, 不過梳化區嘅位置比較狹窄,女士坐都還好, 如果男士坐就有少少尷尬啦, 枱同枱之間嘅距離亦都非常之近, 當晚旁邊就有四位身形比較魁梧既男人準備入坐, 但侍應見到呢個尷尬嘅情況都即刻叫佢哋坐返高臺區服務方面當晚客人都比較多, 侍應都 忙碌得唔係好有時間招呼冇客人, 餐牌放低咗亦都冇相應嘅介紹。 咁我哋就睇過往嘅食評去落單食物方面尚算可以, 但記得要order個bread, 當晚唔知係侍應出錯定係太忙嘅關係, 我哋落咗四次個包至到,一行朋友只有無奈菜式方面最喜愛呢個中東燒烤拼盤, 燒得夠香口 而且亦都保留咗肉汁, 另外叫咗個羊膝冇影到相不過只係普通嘅炆羊膝 而且唔太入味平衡各方面整體來說尚算ok…Read More